আর্ম্দ ফোর্স মেদিকেল সর্ভিসেস (এ.এফ.এম.এস.)কী ২০১৯গী ওইনা খ্বাইদগী ফবা অমদি অনিসুবা খ্বাইদগী ফবা অনা লায়েশঙগী রক্সা মন্ত্রী ত্রোফী ঙসি মফমসিদা ঙাকশেল মন্ত্রী, শ্রী রাজনাথ সিংহনা লান্থোকখ্রে‍। কমান্দ হোস্পিতাল (এয়র ফোর্স) বেঙ্গলুরুনা খ্বাইদগী ফবা অদুগা কমান্দ হোস্পিতাল (ইস্তর্ন কমান্দ) কোল্কতানা অনিসুবা খ্বাইদগী ফবা কমান্দ হোস্পিতাল ২০১৯গী ওইনা খনখি‍।

অনা লায়েংশঙ অনি অসিদা মখোয়গী মশক থোকপা থৌদাংগীদমক থাগৎলদুনা, ঙাকশেল মন্ত্রীনা এ.এফ.এম.এস.কী মিদ-জোনেল, জোনেল অমসুং তর্সরী কেয়র হোস্পিতালশিংদা ওপরেসনেল রোলশিংদা মথৌ তৌরিবা লান্মীশিংদা মেদিকেল সপোর্ত পীবদগী হৌরগা স্তেত-ওফ.দি.আর্ত হেল্থকেয়র সর্ভিসশিং ফাওবদা মখোয়না পীরিবা শিংথানিংঙাই ওইরবা থবক থৌরমশিংগীদমক শিংথাখি‍।

থৌরমদুদা ৱা ঙাঙলদুনা দাইরেক্তর জেনেরেল আর্ম্দ ফোর্সেস মেদিকেল সর্ভিসেস লেফ্তনেন্ত জেনেরেল অনুপ বেনর্জীনা ওপরেসন মনুং অমদি ইংনা চীক্না লৈরিঙৈ মনুং অনিমক্তা লোয়ন-লোয়ননা হ্যুমেনিতরিয়ন সর্ভিস অমসুং অৱা অনা তারকপদা তেংবাং পীবগী মথৌ তারকপা খুদিংমক্তা শীংনবা খুদিংমক থেংননবা এ.এফ.এম.এস.না শেম শাদুনা লৈ হায়বা ৱাফম থমখি‍। মতম পুম্নমক্তা শিন্ফমসিদা খ্বাইদগী ফবা ফীভম ফংহন্নবা লেপ্লিবা এ.এফ.এম.এস.কী খোঙফম মহাক্না অমুক হন্না থমখি‍।

রক্সা মন্ত্রী ত্রোফী এ.এফ.এম.এস.কী কমান্দ হোস্পিতালশিংনা পীরিবা অফবা হকশেলগী সর্ভিসশিং শকখঙনবা অমদি মখোয়গী মরক্তা অফবা মওংদা চাংদম্নবগী ৱাখল্লোন অমা য়োকখৎনবগীদমক ১৯৮০দা লিংখৎখিবনি‍। লেফ্তনেন্ত জেনেরেল/মান্নবা থাক্কী ফম পায়বা এ.এফ.এম.এস. ওফিসর অমনা লুচিংবা সেলেক্সন কমিতী অমনা অনা লায়েংশঙশিং মনা অসিগীদমক্তা চহি চহিগী ওইনা অনা লায়েংশঙশিংসিদা চত্তুনা য়েংশিনবদা থেংনরকপা পান্দম নাইবা পর্ফোর্মেন্স ইন্দিকেতরশিংদা য়ুম্ফম ওইবা শুপচিল্লবা সেলেক্সনগী থৌওং অমগী খুত্থাঙদা রিকমেন্দ তৌবনি‍।

মনা লান্থোকপগী থৌরম অদু দিফেন্স সেক্রেতরী দোক্তর অজয় কুমার অমদি অতৈ মকোক থোংবা সর্ভিস অমসুং মীচম মীথুংশিংনা শরুক য়াখি‍।

************