হকশেল অমসুং য়াইফ-য়ুম্বাল মন্ত্রালয়না কেরেলা, কর্নাতকা, রাজস্থান, ছত্তিসগর অমসুং ৱেস্ত বেঙ্গলদা হায় লেবেল সেন্ত্রেল তিমশিং থাজিনখ্রে। হৌখিবা নুমিৎ খরা অসিদা রাজ্যশিং অসিদগী অনৌবা কোবিদ কেসশিংগী মশীং হেনগৎলকপগী রিপোর্ত তৌরক্লি।

তিম অমমমদা জোইন্ত সেক্রেতরী অমা (রাজ্য মশাগী নোদেল ওফিসর), পব্লিক হেল্থকী হীরমশিং য়েংশিন্নবা পব্লিক হেল্থ এক্সপর্ত অমা, লাইনা অসিদগী ঙাকথোক্নবা খোঙথাংশিং অমসুং রাজ্যনা ঙাক্না চৎলিবা ক্লিনিকেল মেনেজমেন্ত প্রোতোকলশিং য়েংশিল্লিবা ক্লিনিসিয়ন অমা য়াওরি।

তিম অসিনা লাকশিন্নবা, সর্ভিলেন্স চত্থবা, তেস্ত তৌবা, লাইনাদগী ঙাকথোক্নবা অমসুং পোজিতিব কেসশিংগী মপুং ফানা ক্লিনিকেল মেনেজমেন্ত তৌরিবা অসিগী মপাঙ্গল কনখৎহন্নবা হোৎনরিবা অসিদা মতেং পাংগনি। সেন্ত্রেল তিমশিং অসিনা মতম চানা দাইগনোসিস অমসুং ফোলো-অপ তৌবগা মরী লৈনবা খুদোংচাদবশিং মপুং ফানা য়েংশিনবদসু মতেং পাংগনি।

কেরেলাদা লৈরিবা অপুনবা কেস অসি ৩,১৭,৯২৯নি মসিনা অপুনবা কেসকী ৪.৩% ওইরি। মিলিয়ন অমদা থেংনবা কেস অসিনা ৮৯০৬নি। নাবা ফগৎখ্রবা কেসশিংগী অপুনবা মশিং অসি ২,২২,২৩১ ওইদুনা নাবা ফগৎলকপগী চাংগী ৬৯.৯০% ওইরি। এক্তিব কেসশিংনা ৯৪,৬০৯ (লৈবাক অসিগী অপুনবগী মশিংদা ১১.৮% য়াওরি) ওইরি। কেস ফেতেলিতী রেৎ ০.৩৫% অমসুং মিলিয়ন অমদা শীখিবা ৩১ শুবগা লোয়ননা রাজ্য অসিদা পুন্না শীখিবা ১০৮৯ শুখ্রে। কেরেলাগী তি.পি.এম. ৫৩৫১৮ অমসুং পোজিতিবিতী রেৎ ১৬.৬% ওইরি।

কর্নাতকাগী অপুনবা কেস ৭,৪৩,৮৪৮ রিপোর্ত তৌরক্তুনা লৈবাক অসিগী মশিংদা ১০.১% শরুক তম্লি। মখোয়গী মীশিং মিলিয়ন অমদা কেস ১১,০১০ থেংনখি। রাজ্য অসিদা অনাবা মীওই ৬,২০,০০৮ নাবা ফগৎতুনা নাবা ফগৎলকপগী চাং ৮৩.৩৫% ওইরি। এক্তিব কেস ১,১৩,৫৫৭ (লৈবাক্কী মশিংগী ১৪.১%) ওইরি। লৈবাক অসিদগী পুন্না শীখিবা ১০,২৮৩, সি.এফ.আর. ১.৩৮% অমসুং মীশিং মিলিয়ন অমদা শীখিবা ১৫২ রিপোর্ত তৌরকখি। তি.পি.এম. ৯৫৬৭৪ অমসুং পোজিতিবিতী রেৎ ১১.৫% শুখ্রে।.৩৮.এফ.আর. ওইরি। লৈবাক অসিদগী পুন্না বা ফগ

রাজস্থান্না অপুনবা কেস ১,৬৭,২৭৯ (অপুনবগী ওইবা %: ২.৩%), মিলিয়ন অমদা থেংনবা কেস ২,০৬৪ রেজিস্তর তৌখি অমসুং নাবা ফগৎলকপগী চাং ৮.০৭%গা লোয়ননা পুন্না নাবা ফগৎখ্রবশিংগী মশিং ১,৪৩,৯৮৪ শুখ্রে। ঙসি ফাওবদা লৈরিবা এক্তিব কেসশিং অসি ২১,৫৮৬ (লৈবাক্কী মশিংদা ২.৭%) শুখ্রে। রাজ্য অসিদা শীখিবগী মশিং ১৭০৮; কেস ফেতেলিতী রেৎ ১.০২%; অমসুং মিলিয়ন অমদা শীখিবা অসি ২১ শুখ্রে। পোজিতিবিতী রেৎ ৫.৩%গা লোয়ননা তি.পি.এম. ৩৮,৬০৫ ওইরি।

ৱেস্ত বেঙ্গলগী অপুনবা কেস ৩,০৯,৪১৭ (লৈবাক্কী কেসশিংগী ৪.২%) ওইদুনা মীশিং মিলিয়ন অমদা কেস ৩,১০৬ থেংনখি। পুন্না নাবা ফগৎখিবা ২,৭১,৫৬৩ অমসুং নাবা ফগৎলকপগী চাং ৮৭.৭৭% শুখ্রে। এক্তিব কেস ৩১,৯৮৪গা লোয়ননা অপুনবা পাইগী রাজ্য অসিনা ৪.০% শরুক তম্লি। পুন্না শীখিবা ৫,৮৭০; কেস ফেতেলিতী রেৎ ১.৯০% শুখ্রে অমরোমদা মীশিং মিলিয়ন অমদা শীখিবা অসি ৫৯নি। তি.পি.এম. ৩৭,৮৭২, পোজিতিবিতী রেৎ ৮.২%।

ছত্তিসগরদগী অপুনবা কেস ১,৫৩,৫১৫ (অপুনবা কেসশিংগী % সিয়র: ২.১%), মিলিয়ন অমদা থেংনবা কেস ৫,২১৫, পুন্না নাবা ফগৎখিবা ১,২৩,৯৪৩ অমসুং নাবা ফগৎলকপগী চাং ৮০.৭৪% রিপোর্ত তৌরক্লি। লৈবাক অসিগী মশিংগী ৩.৫% ওইদুনা এক্তিব কেস ২৮,১৮৭ লৈরি। কেস ফেতেলিতী রেৎ ০.৯০% অমসুং মিলিয়ন অমদা শীখিবা ৪৭ ওইদুনা রাজ্য অসিদা পুন্না শীখিবা ১৩৮৫ ওইরি। তি.পি.এম. ৫০১৯১ অ,সিং পোজিতিবিতী রেৎ ১০.৪% ওইরি।

তোঙান তোঙানবা রাজ্য/য়ু.তি. সরকারশিংনা হোৎনবা অসি মপাঙ্গল কনখৎহন্নবা ওইনা কেন্দ্র সরকারনা মতম মতমগী মতুং ইন্না সেন্ত্রেল তিমশিং থাদুনা তোঙান তোঙানবা রাজ্যশিং/য়ু.তি.শিং য়েংশিল্লি। তিমশিং অসিনা রাজ্য/য়ু.তি. ওথোরিতীশিংগা ৱারী ৱাতাই শাদুনা হৌজিক চত্থরিবা থবক থৌরমশিংগী মপাঙ্গল কনখৎহন্নবা অমসুং অপনবা অমত্তা লৈহন্নদনবা মখোয়না খুদোংচাদবশিং অমসুং সমস্যাশিং খঙদোক্নবা হোৎনরি।

****