ঙসি ন্যু দিল্লীগী কৃষি ভবন্দা নুমিৎ নিনিগী ৪শুবা এগ্রিকলচরেল আওতলুক ফোরম ২০২০গী ৱেবিনার পাংথোকখ্রে

লৌউ-শিংউগী রাজ্য মন্ত্রী শ্রী পুরুশোত্তম রুপালা মহাক্কী অথোইবা ৱাফম ফোংদোকপদা মসিগী লুরবা তানফম অসিদা “৪শুবা এগ্রিকলচরেল আওতলুক ফোরম ২০২০” অসি পাংথোকপগীদমক্তা লৌউ-শিংউ মন্ত্রালয়বু থাগৎপা ফোংদোকখ্রে। লৌ-শিংউগী সেক্তর অসিনা লায়চৎ অসিনা চৈথেং নংলবা শেন্মিৎলোন অসিদা লৌউ-শিংউগী সেক্তর অসিনা মতৌ করম্না স্তার পর্ফোর্মর ওইনা মচিন তুমখৎলক্লি হায়বগী মতাংদা পনখি।  মহাক্না ২০২০-২১গী অহানবা চহি মশুংদা চাদা ৩.৪ হেনগৎপগী রেকোর্দ ফংখিবা লৌউ-শিংউগী সেক্তরদা থম্লিবা মখোয়গী থাগৎনিংঙাই ওইবা ৱাশক অদুগীদমক্তা লৌমীশিং অমদি অতৈ স্তেকহোল্দরশিংগী মফমদা নুংঙাইবা ফোংদোকখি। থৌরম অসিদা হন্দক্তা নৌনা শেমদোকখিবশিং অমদি থৌশিল-থৌরাংশিংগী খোংথাংশিং অসিগী মতাংদা ভারত সরকারগী মরুওইবা পান্দম অসি লৌউ-শিংউ, হোর্তিকলচর অমদি মরি লৈনবা সেক্তরশিংদা পাংথোক্লিবা থবকশিং অমদি সর্ভিস পুম্নমক অসি ফিশরী অমদি এনিমেল হজবেন্দরী, মেদিসিনেল অমদি হর্বেল ওইবা পাম্বিশিং অমদি খোই য়োকপগী ওইবা লৌউ-শিংউগী ইনফ্রাস্ত্রকচর, মাইক্রো ফুদ ইন্তর্প্রাইজেশিং, ভেল্যু চেনশিং অমদি লোজিস্তিক্সশিং অসি হেন্না মপাঙ্গল কনখৎহনবনি হায়না ফোংদোকখি। ফোরম অসিনা ফোংদোক্লিবা ৱাফমশিং অসিনা মহৌশাগী ওইবা রিসোর্সশিং অসি ফহন্নবা তৌবা মতমদা মালেম চাউখৎনবা তৌবদা থুদোংচাদবশিং অমদি অনৌবা মওংদা ওন্থোরক্লিবা লৌউ-শিংউ অসি লৌমীশিংগী য়াইফনবা অমদি খুঞ্জাও-লৈচাউহন্নবরোমদা ওনশিন্নবগী পান্দম অসি হেন্না ময়েক শেংহল্লগনি হায়বগী থাজবা থম্বগী ৱাফম ফোংদোকখি।   

শিংননিংঙাই ওইরবা তানফম অসিদা লৌউ-শিংউ অমদি লৌমীশিং য়াইফ-থৌরাং মন্ত্রালয়না হোৎনরিবশিং অসি থাগৎলদুনা (দি.এ.সি অমসুং এফ.দব্লয়ু.)গী সেক্রতরী শ্রী সঞ্জয় অগর্ৱালনা হৌখিবা থা খরসিদা মরুওইবা লৌউ-শিংউগী ওইবা অনৌবা য়াওল অসিগী মতাংদা মরিক চুম্না ফোংদোকখি। মহাক্না লৌমীশিং অসি ওন্তর্প্রিন্যুরশিংদা ওন্থোকহন্ননবা সরকারনা য়াম্না হকচিন্না হোৎনরিবশিং অসিগী মতাংদা ফোংদোকখি। ২০২০গী ওইবা আওতলুক অসিগী মতাংদা ৱা খন্নরদুনা  হৱাই মরুশিং অমদি থাউ থোকপা মরুশিং লোকপগী থাক অমদি পান্দম অসি রেকোর্দকা লোয়ননা হৌজিক্কী ওইবা লৌউ-শিংউগী চহি অসিগী ওইনা অথোইবা আওতলুক অমা মহাক্না থমখি। মহাক্না লৌউ-শিংউবদা মতম শাংনদগী পাংথোক্তুনা লাক্লিবা ইপা-ইপুনা তৌনরম্বা মওংশিংগী ওইবা ৱাফমশিং অমদি মরুওইনা লৌউ-শিংউগী পোত্থোকশিং অসি য়োন্থোক-য়োনশিন তৌনবগী মতাং, লৌউ-শিংউগী ইনফ্রাস্ত্রকচর অমদি ফুদ সপ্লাই মেনেজমেন্ত য়াওনা অমদি লৌমীশিংনা ফংলিবা মমলশিং অসিদা ফংলিবা চৈথেং কয়াগী মতাংদসু ৱা খন্নখি। মহাক্না লৌ লোক্লবা মতুংদা থবক তৌথোক-তৌশিনগী মতাংদা শেমখিবা ইকো-সিস্তেমশিং অমদি ফার্মর প্রদ্যুসর ওর্গনাইজেসনশিং অসি শৌগৎনবা, পীক্না লৌ উবা অমদি লাইরবগী পনখৈদা লৈবা লৌমীশিংদা অতেনবা মতমগী ওইনা শেল পুবা ফংহনবা, হকথেংননা য়োন্থোক-য়োনশিন তৌবা অসি শৌগৎপা, কন্ত্রেক্ত ফার্মিং তৌবা, প্রাইস এসুরেন্স অমদি লৌমীশিংগী খুদোংথিবশং হন্থহন্নবা মন্ত্রালয়না পায়খৎপা খোংথাংশিং অসিগী মতাংদা পনখি।  মহাক্না মসিগী অনৌবা মওংদা ওইহনবশিং অসিদা শাফু পীনবা রাজ্যগী ওইবা ৱায়েল কাংলোন শেম্বা অসিদা মথৌ তাবশিংগী মতাংদসু ফোংদোকখি। ফোরম অসিনা থম্লিবা ৱাফমশিং অসিনা তুংলমচৎকী ওইনা মরুওইবা থৌশিল-থৌরাংশিংগী ইনপুতশিং অসি পুরকপদা মতেং পাংগনি হায়বগী অফবা মওংদা ফোংদোকখি।   

ফোরম অসিদা ৱা খন্নখিবা মরুওইবা তোপিকশিং অদুদিঃ লায়চৎ অসিদগী ওইরক্লিবা হৌজিক্কী ওইবা নেস্নেল অমদি ইন্তর্নেস্নেলগী ওইবা লৌউ-শিংউগী শেন্মিৎলোনগী ফীভম অমদি ভারত অমদি মালেম অসিনা মখোয়দা ফংলিবা তায়োন্নবা শাফুশিং অদু হন্থহন্দুনা মখোয়গী শেন্মিৎলোনশিং অদু লেংদনা কাখৎহন্নবা লান্থেংনরিবশিং; ফার্ম সেক্তরগী মওং হোংদোকহন্নবা থৌরাংশিং; তুং কোইবা অমদি পুনশিন্নবা ফার্ম হেনগৎহনবগী মতাংদা মালেমগী ওইবা ৱাশকশিং অসিগা কোন্ননা ভারতকী লৌউ-শিংউ অসি অওনবা পুরকপা; এগ্রি-তেক্কী থবক্কী মঙম অসি দিোকদিং তৌবা; সরকারগী পোৎ লৈনবগী এজেন্সীশিংগী মমলগী মওংশিং অদু অচুম-অরান য়েংনবা অনৌবা চেনেলশিং পুথোকপা; অমসুং থবক ফংনবগী খুদোংচাবশিং শেমগৎনবগী কেপাসিতী।  

ফোরম অসি কেন্দ্র অমসুং রাজ্য সরকারশিং, নেস্নেল অমদি ইন্তর্নেস্নেল এগ্রিকলচর রিসর্চ ইন্সতিত্যুৎশিং, য়ু.এস.দি.এ.গী চীফ ইকোনোমিস্তশিং, ফোরেন এম্বেসীশিংদগী দেলিগেসনশিং, এফ.এ.ও., ই.য়ু. অমদি ও.ই.সি.দি.গুম্বা ইন্তর্নেস্নেল ওর্গনাইজেসনশিং, আই.সি.এ.আর.গী সাইন্তিস্তশিং, এগ্রো-ইন্দস্ত্রীশিং, লল্লোন-ইতিক্কী অমদি লৌমী লুপশিংগী মীহুৎশিংনা ভর্চুএল ওইনা য়াওখি।

*****