হাউশিং অমসুং অর্বান পোবর্তী এল্লিবেসন মন্ত্রালয়

পি.এম.এ.ৱাই.-য়ু.গী মখাদা লৈবা অর্বান মাইগ্রেন্ত/লায়রবশিংগী এ.আর.ঐচ.সি. স্কিমগী শরুক অমা ওইবা এফ.এ.আর., কন্সেস্নেল প্রোজেক্ত ফাইনান্স, ত্রঙ্ক ইনফ্রাস্ত্রকচর ফেসিলিতীজকুম্বা ইন্সেন্তিব/কান্নবা পীরিঃ হর্দীপ সিংহ পুরি


এ.আর.ঐচ.সি.গী ৱেবসাইৎ অমসুং অঙ্গিকার নেস্নেল রিপোর্ত লোঞ্চ তৌবা – অহোংবা শেন্নবগী কেম্পেন - এ.আর.ঐচ.সি. ই.ও.আই. ফোঙখ্রে

এ.আর.ঐচ.সি. অসি হাঙদুনা লৈরিবা সরকারনা শেল থাদরগা শাবা য়ুমশিংবু এ.আর.ঐচ.সি. অমসুং কন্সত্রক্সন্দা ওন্থোক্নবা শিজিন্নদুনা থবক ওইনা পাঙথোক্লগনি, মসিবু চলায়বা অমসুং শেন্নবা অসিনা পব্লিক/প্রাইবেৎ এন্তিতীশিংনা মখোয়গী হাঙদুনা লৈরিবা লমশিংদা পাঙথোক্কনি

Posted On: 14 OCT 2020 5:25PM by PIB Imphal

হাউজিং অমসুং অর্বান এফিয়র্সকী রাজ্যগী মন্ত্রী (আই./সি.) শ্রী হর্দীপ সিংহ পুরিনা হায়খিবদা লেম্না পীবা কান্নবশিংগী মনুং চনবা এফ.এ.আর., কন্সেস্নেল প্রোজেক্ত ফাইনান্স, ত্রঙ্ক ইনফ্রাস্ত্রকচর ফেসিলিতী য়াওনা মশিং য়াম্লবা ইন্সেন্তিব/কান্নবা কয়া অমা পি.এম.এ.ৱাই.-য়ু.গী মখাদা লৈবা অর্বান মাইগ্রেন্ত/লায়রবশিংগী এ.আর.ঐচ.সি. স্কিমগী শরুক অমা ওইনা লৈরি।

 (পি.এম.এ.ৱাই.-য়ু.)-  মহাক্না হায়খিবদা মসিগী খোঙথাং অসি ইন্দস্ত্রী অমসুং কন্সত্রক্সনগী শিন্মীশিং কৈথেল/ত্রেদ এসোসিএসনশিংদা থবক তৌরিবা শিন্মীশিং, মহৈ-মশিং তমফম/হকশেলগী ইন্সতিত্যুসনশিং, হোস্পিতালিতী সেক্তর, মতম শাংবা তুরিস্ত/ভিজিতর, মহৈরোয়নচিংবশিং মনুং চনবা তোঙান তোঙানবা অর্বান মাইগ্রেন্ত/লায়রবশিংদা মশক থোকপা অমসুং শেল চঙদবা লৈফম পীনবা পায়খৎখিবা খোঙথাংনি। মহাক্না এফোর্দেবল রেন্তেল হাউজিং কমপ্লেক্স পোর্তেল লোঞ্চ তৌবা অমসুং গাইদলাইন অমসুং গাইদবুক ফোঙবগী ঙসি মফম অসিদা পাঙথোকখিবা ৱেবিনার অমদা ৱা ঙাংখিবনি। এম.ও.ঐচ.য়ু.এ.গী সেক্রেতরী শ্রী দুর্গা শঙ্কর মিশ্রানা এ.আর.ঐচ.সি.গী এক্সপ্রেসন ওফ ইন্তরেস্তসু ফোঙখিবা থৌরম অসিবু লুচিংখি। মমাংদসু রাজ্য/য়ু.তি.শিংগা লোয়ননা খুৎয়েক পীনগদবা মেমোরেন্দম ওফ এগ্রীমেন্ত (এম.ও.এ.), ইংলিশ্তা ফোঙবা থবক তৌবগী চৎন-কাঙলোনশিং, রাজ্য/য়ু.তি.শিং/য়ু.এল.বি.শিং (মোদেল ১গী মখাদা)না কন্সেসিওনাইর খনবগী রিক্বেস্ত ফোর প্রোপোজেল (আর.এফ.পি.)গী মওং, মোদেল-২গী মখাদা এন্তাইতীশিং খনবগী এক্সপ্রেসন ওফ ইন্তরেস্ত (ই.ও.আই.)কী দ্রাফৎ অমসুং তোয়না হংনবা ৱাহংশিং (এফ.এ.ক্যু.) অসি জুলাই ৩১দা ফোঙখ্রবনি।

কোবিদ-১৯গী লায়চৎ অসিনা লৈবাক অসিদা শিন্মীশিং/অর্বান লায়রবশিংনা ময়ুমদা হন্নখিবগী থৌওং কয়া অমা পাক চাউনা থোকহনখ্রে। মসিনা মখোয়গী লৈফম পীবগী মতাংদা খুদোংচাদবা কয়া মাঙদা লৈহল্লকখি। প্রধান মন্ত্রীনা ‘আত্মানির্ভর ভারত’ ওইহনবগী খোল্লাও লাওরিবা অসিগী মতুং ইন্না কেন্দ্রগী মন্ত্রী মন্দোলনা জুলাই ৮, ২০২০দা অর্বান মাইগ্রেন্তশিং/লায়রবশিংদা হিংবদা নুংঙাইহন্নবা হায়দুনা প্রধান মন্ত্রী অৱস য়োজনা (অর্বান)গী মখাদা এফোর্দেবল রেন্তেল হাউজিং কমপ্লেক্সেস (এ.আর.ঐচ.সি.) অসিবু সব-স্কিম অমা ওইনা অয়াবা পীখ্রবনি।

এ.আর.ঐচ.সি. স্কিম অসি মরী লৈনবা কেন্দ্রগী মন্ত্রালয়শিং/বিভাগশিং, রাজ্য/য়ু.তি.শিং অমসুং অতোপ্পা প্রাইবেত/পব্লিক স্তেকহোলদরশিংগা খন্ন-নৈনবগী থৌওং কয়া অমা পাঙথোক্লবা মতুংদা শেমখিবনি। এ.আর.ঐচ.সি. অসিবু থবক ওইনা পাঙথোক্নবা স্তেকহোলদরশিংদা তেংবাংনবা এ.কে.পি. (লৌশিংগী পেক) অমসু শেমখ্রে। স্কিম অসিবু মাই-পাক্না চলয়াবা ঙম্নবা লেপ্তনা পাঙথোকপা খুৎশম্নবগী থৌওং অসিনা লৈত লায়রবা অর্বান মাইগ্রেন্ত/লায়রবশিংবু তেংবাংবতা নত্তনা য়ুম-শানবগী মার্কেত্তা ওন্তোপ্রিনর্শিপ অমসুং শেল-থাদবগী থৌওংবুসু খোঙজেল য়াঙহন্দুনা শেন্মিৎলোন্দা শাফু পীবসু ঙমহনগনি। মসিগী মওং অসিনা মীওই খুদিংগী কান্নবা ওইগনি অমসুং লন্নাইগী এন্তিতীশিংনা হীরম অসিদা থৱাই য়াওবগী ফিভমসু উবা ফংলে।

এ.আর.ঐচ.সি. অসি মওং অনিগী খুত্থাংদা থবক ওইনা পাঙথোক্কনিঃ

মওং ১ – শরকারনা শেল থাদদুনা শাবা হৌজিক হৌজিক হাঙদুনা লৈরিবা য়ুমশিংবু পব্লিক/প্রাইবেৎ পার্ত্নরশিপ নত্ত্রগা পব্লিক এজেন্সীশিংগী খুত্থাংদা চহি ২৫গী ওইনা এ.আর.ঐচ.সি.দা ওন্থোকপা। স্কিম অসিনা রাজ্য/য়ু.তি.শিংদা তোঙান তোঙানবা কেন্দ্র/রাজ্য সরকারগী স্কিমশিংগী মখাদা শাখিবা মখোয়গী শিজিন্নদনা লৈরিবা য়ূমশিংবু এ.আর.ঐচ.সি.দা ওন্থোকপগী খুদোংচাবা পীরি। রাজ্যশিংদা মখোয়না কন্সেসিওনাইর অমা খন্নবগীদমক্তা অপাম্বা মওংদা শেমদোক্তুনা থাদোক্নবা আর.এফ.পি.গী মওং অমসু রাজ্যশিংদা পীখ্রে।

মওং ২- পব্লিক/প্রাইবেৎ এন্তাইতীশিংনা মখোয়গী হাঙদুনা লৈরিবা মফমশিংদা চহি ২৫গী ওইনা এ.আর.ঐচ.সি. শাবা, চলায়বা অমসুং শেন্নবা। তোঙান তোঙানবা ইন্দস্ত্রীশিং, ত্রেদ এসোসিএসনশিং, পোত্থোক শেম-শাবা কম্পেনীশিং, এজুকেস্নেল/হেল্থ ইন্সতিত্যুসনশিং, দিবেলপমেন্ত ওথোরিতীশিং, হাউজিং বোর্দশিং, কেন্দ্র/রাজ্যগী পব্লিক সেক্তর অন্দরতেকিংশিং (পি.এস.য়ু.) অমসুং অসিগুম্বা অতোপ্পা এন্তিতীশিংগী চাউরবা লম কয়া অমা শিজিন্নদনা অদুমক লৈনরি। মতিক চাবা পোলিসীগী ঙাক্লৌ পীবা, মতিক চাবা কান্নবা অমসুং ইন্সেন্তিব পীবগী থৌওং পাঙথোক্তুনা মসিগী অহাঙবা লমশিং অসি শিন্মী/লায়রবশিংগী শেল চঙদনা লৈবা য়ানবা মফম ওহন্নবা নীংথিজনা শিজিন্নবা য়াগনি। মখা তাবা ওইনা মশাগী ওইবা হাঙদুনা লৈবা মফমশিংদা এ.আর.ঐচ.সি. শানবা, চলায়নবা অমসুং শেন্ননবা এন্তাতিতীশিং য়ূ.এল.বি.শিংনা খন্নবা হায়দুনা  এম.ও.ঐচ.য়ু.এ.না এক্সপ্রেসন ওফ ইন্তরেস্ত (ই.ও.আই.) পীগনি।

মসিগী থৌওং অসিবু এন্তাইতীশিংগী কান্নবা কারবার অমা ওইহন্নবা কেন্দ্র সরকারনা এফোর্দেবল হাউজিং ফন্দ (এ.ঐচ.এফ.) অমসুং প্রাইওরিতী সেক্তর লেন্দিং (পি.এস.এল.)গী মখাদা কন্সেস্নেল প্রোজেক্ত ফাইনান্স পীগনি অমসুং ইনকম তেক্স অমসুং জি.এস.তি.দা কোমথোকপগী খুদোংচাবা অমসুং এ.আর.ঐচ.সি.দা অনৌবা তেক্নোলীজী শিজিন্নবদা খুমাং চাউশিলহন্নবা তেক্নোলোজী ইন্নোবেসন গ্রান্তসু পীগনি। মখা তাবা ওইনা রাজ্য/য়ু.তি. সরকারনা য়ুস পর্মিসন চেঞ্জ, এফ.এ.আর.গী অহেনবা ৫০%/লেম্না পীবা এফ.এস.আই., নুমিৎ ৩০নিগী মনুংদা সিঙ্গল ৱিন্দো এপ্রুবেল পীবা, ত্রঙ্ক ইনফ্রাস্ত্রকচর ফেসিলিতী অমসুং রেসিদেন্সিএল প্রোপর্তীগা মান্নবা ম্যুনিসিপাল চার্জ পীবগী থৌওং কয়া অমনসু তেংবাংগনি।  

থৌরম অসিদা অঙ্গিকার (সি. স্ত্রেতজী ৩গী খুত্থাংদা পি.এম.এ.ৱাই. (য়ু.)গী বেনিফিশরীশিং শেন্নবগী থৌওংদা অহোংবা লাকহন্নবা কেম্পেন)গী লৈবাক্কী ওইবা পাউদম, কম্ম্যুনিতী শরুক য়াহনবা, কনভর্জেন্স অমসুং কম্ম্যুনিকেসনগী থৌওংশিং শ্রী হর্দীপ সিংহ পুরিনা লোঞ্চ তৌখি। মসিগী রিপোর্ত অসিদা কেম্পন অসিগী মখাদা পাঙথোকপা থৌওং কয়াগী ৱারোল য়াওরি। কেম্পেন অসিনা হৌজিক ফাওবগী মনুংদা থেংনখিবা ৱারী কয়াগী মতাংদা খোমজিনবা “অঙ্গিকার ২০১৯ – শম্লপ্না য়েংখৎপা” কৌবা অতেনবা ফিল্ম অমসু পুথোকখি। প্রধান মন্ত্রী শ্রী নরেন্দ্র মোদীনা ইং ২০২২ ফাওবগী মনুংদা পি.এম.এ.ৱাই. (য়ু.)গী মখাদা তঙাই ফদনা চঙদ্রবা য়াদ্রবা পোৎলম খুদিংমক য়াওবা “মীপুম খুদিংগী য়ুম লৈবা” হায়বগী অমসুং বেনিফিশরীশিংনা পক্কাগী য়ূমদা লৈরবা মতুংদা মখোয়গী পুন্সিদা অহোংবা লাকপা ওইনা মখা তানা থেংনরকপা শিংনবশিংদা মিৎয়েং চঙবগী তঙাই ফদবগী মতাংদা মঙলান অমা মঙলি। মসিগী মঙলান অসিগা মরী লৈনবা ওইনা অঙ্গিকার কেম্পেন অসিসু ওগস্ত ২৯, ২০১৯দা লোঞ্চ তৌখিবনি।

অঙ্গিকারগী পান্দম অসিনা গান্ধীজীগী লু-নানবা, হাইজিন অমসুং সেনিতেসনগী ৱাখল্লোনগী মতুং ইল্লি। মসিনা বেনিফিশরীশিংবু অনৌবা অকোয়বদা হৈনজবা ঙমহন্দুনা মরোমদোম লেপচবসু ঙমহল্লি। মখা তাবা ওইনা, খুন্নাইগী লিচৎ-শাজত্তা অহোংবা পুরকপগী কেম্পেন কয়াগী খুত্থাংদা  অর্বান মিসনশিং অমসুং অতোপ্পা কেন্দ্রগী স্কিমশিংগা পুন্সিন্নবগী থৌওংসু পাঙথোক্লে। রাজ্য/য়ু.তি.শিংনা অর্বান মিসন অমসুং কেন্দ্র সরকারগী অতোপ্পা স্কিমশিংগা পুন্সিন্নবগী খুত্থাংদা বেনিফিশরীশিংদা তোঙান তোঙানবা সেবা ফংহনবা ঙম্লে। ইমুং লাখ ২০ হেনবনা তোঙান তোঙানবা স্কিমশিংগী কান্নবা ফংখ্রে অমসুং মীয়াম পুন্দুনা হকশেল, হাইজিন, লু-নানবা, ফত্ত-হৌদি শেন্নবা, অকোয়বা, ঈশিং অমসুং ইনর্জী য়োকশিনবগী অফবা থৌওং কয়া অমসু পাঙথোকখ্রে। পি.এম.এ.ৱাই. (য়ু.)গী মখাদা শহর ৪৪২৭তা থবক তৌরিবা সিতী লেভেল তেক্নিকেল সেল (সি.এল.তি.সি.)গী চাউরাকপা অখঙ-অহৈ ২২০০না অঙ্গিকারগী রিসোর্স পর্সন ১৮৫০০মুক্তা ত্রেনিং পীখি। কেম্পেন অসিনা অহোংববু থেংনবা ঙম্বগী মতিক লৈহনবা অমসুং কোবিদ-১৯গী লায়চৎ অসিদগী ওইরকপা খুদোংচাদবশিংবুসু থেংনবা ঙমহল্লে।

*****



(Release ID: 1664853) Visitor Counter : 140