ব্রোক্সরঙথাঙ অসি ভারত অমসুং ভুতানগী ইন্তর্নেস্নেলগী ঙমখৈদা লৈবা অরুনাচল প্রদেশকী নোংচুপথংবা কামেং জিলাগী খুঙ্গংদা লৈবা অপিকপা খুঙ্গং অমনি। মসি মিন সি লেভেল(এম.এস.এল.)দগী চাউরাক্না মিতর ২,৯০০০রোম ৱাংবা অল্তিচুদ অমদা লৈ। মসিদা ‘ব্রোকপা’ কাংলুপকী মীওই ১৭০ লৈবা ইমুং ২২ লৈ। ব্রোকপাশিং অসি মখোয়গী য়াক অমসুং য়ুম-হোং-হোংদুনা খুন্দাবগী পুন্সি মওংগী ওইনা অয়াম্বা খংনৈ। খুঙ্গং অসি বোমদিলা হায়রিবা দিস্ত্রিক্ত হেদক্বার্তর অসিদগী কিলোমিতর ৭৫রোম অমদি খ্বাইদগী নক্না লৈবা তাউন দিরাংদগী কিলোমিতর ৩৬রোম লাপ্না লৈ। ২০১৯ ফাওবদা য়াম্না শাথিনা ঈশিং ফংবা অৱাৎপা অমা মায়োক্নরম্মি অদুবু জল জীবন মিশন(জে.জে.এম.)গী মখাদা রাজ্য অসিগী পব্লিক হেল্থ ঈঞ্জিনীয়রিং বিভাগনা ২০২০দা খুঙ্গং অসিগী য়ুম খুদিংদা অফবা ঈশিং ফংহনখ্রে। স্কীম অসি পাইপ গ্রেভিতী সিস্তেমদা য়ুম্ফম ওই অমদি মসিদা ত্রিৎমেন্ত প্লান্তকী থৌরাংগা কোন্ননা শেল লুপা লাখ ৬৭ চংগনি হায়না পান্নদুনা তুংদা লৈরক্কদবা মী মশিংগী ওইনা দিজাইন শেমখ্রে।  মীওই কাংলুপ অসি থৌরাং শেম্বা অমদি স্কীম অসি চৎনহনবদা য়াওখি। মখোয় অসিনা শিন্মীগী মওংদা ৱাতর সপ্লাই স্কীম অসিদা খুঙ্গংগী ওইবা ওইনা চাদা ৫গী থৌদাং লৌরম্মি।  ভিলেজ ৱাতর অমসুং সেনিতেসন কম্মিতী অসি নিংথিনা থবক তৌই অমদি ৱাতর সপ্লাই সিস্তেম অসিগী ও. অমসুং এম. অসি লোইশিল্লক্নবগী থবক চত্থবগী মওংদা লৈ। জল জীবন মিশন অসিনা মফমদুগী মীওই কাংলুপ অসি ৱাতর সপ্লাই স্কীমশিং অসি থৌরাং শেম্বদা, চৎনহনবদা, থবক চত্থবদা অমদি য়েংশিন্দুনা থবক শিন্দোক-শিঞ্জিন তৌবদা শোইদনা য়াওহন্নবা তৌখ্রে।

অফবা ঈশিং ফংহনবগী থবক অসি নিংথমথাদা অইং-অশা অসি জিরোগী খরা মথক্তগীনা জিরোফাওবগী শাথিবা অইং-অশাগী ফীভমদা লৈবা অমদি মোন্সুনগী মতমদা লেপ্তনা নোং চুবনা অরাইবা অমদি ওইখিদে। নিংথিনা খং-হৈরবা মিস্তী অমদি শিন্মী তাংনা লৈবনা শাবগী থবক অসিনা খ্বাইদগী অরুবা ওইখি অমদি অনিশুবদনা  মখোয়শিং অদু য়াম্না কা হেন্না ইংবা মরম্না অমদি খুদোংচাবশিং ৱাৎপনা থবক তৌফম অদুদা থাদোক্তুনা থমখি। শাবগী থবক চত্থরিঙৈগী মনুংদা মচাকশিং য়েংশিনবা অমদি পুথোক-পুশিন তৌবা অসিসু উনগী লম্বি ওইবা, লৈচিলনা অমফাওবা উবা ঙমদবা অমদি লেন্দস্লাইদ তোইনা থোকপনা অদুম মান্ননা অরুবা ওইখি। অদুবু খুদোংচাদবশিং অসি থৌনা লৈনা পাংথোক্তুনা থবক অসি দিজাইন শেমখিবা স্কীম অদুদা মপুং ফানা লোইশিনখি। খ্বাইদগী নুংঙাইবদি খুঙ্গংদা লৈরিবা মীশিং অদুনি, লাইশোনগা লোয়ননা মখোয়গী নাৎকী ওইবা “কড়া”দা তোতী কোঞ্জিন পানশিন্দুনা য়ুমদা ঈশিং ফংবা অদুদা মখোয়গী নুংঙাইবা অদু ময়েক শেংনা উবা ফংখি। 

২০২৪ ফাওবদা লৈবাক অসিগী খুঙ্গংগী য়ুম খুদিংদা তোতী ঈশিং শমজিন্নহন্নবগী পান্দমদা অগস্ত ১৫, ২০১৯দা প্রধান মন্ত্রী শ্রী নরেন্দ্র মোদীনা লাউথোকখিবা জল জীবন মিশন অসি রাজ্যশিংগা খুৎশম্নদুনা চৎনহন্নবা থবক চত্থরি।  মিশন অসিগী পান্দম অসি খুঙ্গংগী মফমশিংদা লৈবা মীশিংগী পুন্সি ফগৎহন্নবা চাং নাইনা অমদি তুং কোইনা লিতর পর কেপিতা পর দে(এল.পি.সি.দি.) লিতর ৫৫গী সর্ভিশ লেভেল অমদা শোইদনা থক্নবা ঈশিং ফংহনবা ঙমহনবনি। । 

লৈতেম মান্নদবা চিংগী লমশিং অমদি অৱাংবা অল্তিচুদকী মফমশিং অসিদা জল জীবন মিশন অসি চৎনহনবা অসি অৱাবা থবক অমনি। শাথিবা নোংজু-নুংশাগী ফীভমশিং ওইবা অমদি কনেক্তিভিতী ফত্তবগী খুরৌ কয়া থাংবা হেনগৎখি। মান্নবা মওং অমদা মায়োক্নখিবা অমনা মখোয়গী থাজনবীশিং অমদি পুন্সি মওং অদু ইহোং-হোংদোক্নিংদবা মফমদুগী মীওই কাংলুপশিংগী লমচৎ-শাজৎ অদু হোংদোকহন্নবা ইথীল পীবা অসিনি। অদুবু লাপ্লবা খুঙ্গং অসিগী মায় পাকপগী ৱারী অসি কেন্দ্র সরকারনা মীশিং পুন্সি মরুওইনা নুপীশিংগী ফগৎহন্নবা কেন্দ্র সরকারনা হেন্না অফবা তুংলমচৎ অমগীদমক্তা শাগৎখিবা মংলান অদু মংফাওনরে হায়বগী খুদম অমনি।

*****