কেমিকেল অমসুং ফর্তিলাইজরগী কেন্দ্র মন্ত্রী শ্রী সদানন্দা গৌদানা ফর্তিলাইজর পি.এস.য়ু.শিংগী সি.এম.দি.শিংগা লোয়ননা য়েংশিনবগী মীফম পাঙথোক্তুনা মখোয়গী থবক-থৌওংশিং অমসুং তুংগীদমক্তা শেম-শাদুনা লৈবগী ফিভমশিং য়েংশিনখ্রে।

মীফম অসুদা ফর্তিলাইজরগী সেক্রেতরী শ্রী ছবিলেন্দ্র রাউল অমসুং নেস্নেল ফর্তিলাইজর লিমিতেদকী সি.এম.দি. শ্রী বিরেন্দ্র নাথ; রাস্ত্রিয় কেমিকেলস অমসুং ফর্তিলাইজর লিমিতেদকী সি.এম.দি. শ্রী এস.সি. মুঙ্গেরিকর; ফর্তিলাইজর অমসুং কেমিকেলস ত্রাবাঙ্কোর লিমিতেদকী সি.এম.দি. শ্রী কিশোর রুংতা; মদ্রাজ ফর্তিলাইজর লিমিতেদকী সি.এম.দি. শ্রী য়ু. সরাভানন; ব্রহ্মপুত্রা ভেলী ফর্তিলাইজর কোর্পোরেসন লিমিতেদকী সি.এম.দি. শ্রী এ.কে. ঘোস অমসুং এফ.সি.আই. আরাবলি জীপ্সম অমসুং মিনরেল ইন্দিয়া লিমিতেদকী সি.এম.দি. শ্রী অমর শিংহ রাথোরনা শরুক য়াখি।

মীফম হৌদোকপদা মহাক্না ৱা ঙাংখিবদা মহাক্না পি.এস.য়ু.শিংবু লোকদাউন মনুংদা থেংনবা খুদোংচাদবা কয়াগী মরক্তা মখোয়গী পোত্থোক পুথোকপগী য়ুনিৎশিংবু থবক তৌবা লেপহন্দবা  অমসুং লৈবাক শিনবা থুংনা হার য়েন্থোকপগী থবক্তা অপনবা লৈহন্দনা লৌউবা খুদিংদা হার ফংহনবগী থৌওং পাঙথোক্লিবা অসিগীদমক্তা থাগৎপা ফোঙদোকখি। কা হেন্না নোং তাখিবা অমসুং খরিফ কুমগী লৌরোক থাবগী মফমশিংদা মশক থোক্না হেনগৎপা লৈখিবদগী য়ুরিয়াগী অপাম্বা য়াম্না হেনগৎলবসু লমদমসিগী কম্পেনীশিংনা লৌরিবা থৌদাং অমসুং ফর্তিলাইজর বিভাগকী ওফিসরশিংগী থবক্তা থৱাই য়াওবা অসিনা লৈবাক অসিদা য়ুরিয়াগী অৱাৎপা লৈহনখিদে।

মহাক্না ফর্তিলাইজর পি.এস.য়ু.শিংগী সি.এম.দি.শিংদা লাক্কদৌরিবা রবি কুমগী শেম-শাদুনা লৈনবা অমসুং লৌউবশিংগা হার মতম চানা অমসুং ফংফম থোকপা চাং ফংহন্নবা হায়খি। মহাক্না সি.এম.দি.শিংনা প্রধান মন্ত্রী শ্রী নরেন্দ্র মোদীগী ৱাখল্লোনগী মনুং চনবা ওইনা সবসিদী পীবদা থৈদোকপা অমসুং অয়ুবা লৈতনবা হার য়োনবগী থৌওং অসি কেশলেস ওইহন্নবা মখোয়গী মনুংদা য়ানবা পুরক্তুনা থৌরাং অমা য়াৎনবসু হায়খি।

সি.এম.দি.শিংগা ৱারী শাবদা শ্রী গৌদানা পি.এস.য়ু.শিংনা মরোমদোম লেপ্পা ঙম্নবা হোৎনবগী তঙাই ফদবা লৈ অমসুং মতুংদদি মখোয়না ভারত সরকারদগী শেলগী তেংবাংদা মপান তাংলোইদবনি হায়খি। হৌজিক্কী ওইনা তঙাই ফদবা লৈরিবা অসিদি মখোয়গী পোত্থোকশিং অসিগী মখল য়ামহনবা, নেনো-ফর্তিলাইজর অমসুং শেমদোক্লবা হারগুম্বা অনৌবা পোত্থোক পুথোকপা, তেক্নোলোজী ফগৎহনবা অমসুং মখোয়না তুং কোয়না চলায়বা ঙম্নিংলবদি তঙাই ফদবগী মতুং ইন্না মখোয়গী প্লান্তশিং অসি হেন্না ফগৎহনবা অমসুং প্রাইবেৎ সেক্তরশিং অমসুং মীরমদগী পুশিনলকপা পোত্থোকশিংগা চাঙয়েংনবা ঙম্বা অসিনি। মহাক্না মখা তানা হায়খিবদা ফর্তিলাইজর পি.এস.য়ু.শিং অসিনা অকোয়বগী মতাংদা খরা হেন্না খনগদবনি মরমদি অকোয়বগা মরী লৈনবা পোলিসী অমা তুংদা পুথোরকপা মতমদা মসিনা মখোয়গী থবক তৌবদা অয়েৎপা পীহল্লোইদবনি হায়খি।

ফর্তিলাইজরগী সেক্রেতরী শ্রী রাউলনা হায়খিবদা ফর্তিলাইজর পি.এস.য়ু.শিংনা মখোয়গী খুদোংথীবা থোকপা শেন্নবগী থৌরাংশিং অসিসু লেপ্তনা মপাঙ্গল কনখৎহনগদবনি হায়খি।

মীফম অদুদা সি.এম.দি.শিংনা চৎলিবা শেনবা চহিগী ওইবা মখোয়গী মরী লৈনবা পি.এস.য়ু.শিংগী থবক-থৌওংগী মতাংদা হায়খি অমসুং তেক্নোলোজী ফগৎহনবগী অমসুং তুং কোইনা চৎপা ঙম্নবা মখোয়গী প্লান্তশিংবু নৌনা শেমদোকপদা চাদিং তৌখিবশিংগী মতাংদসু মীৎয়েং চঙখি। মখোয়না মখোয়গী কম্পেনীশিং অসিবু মপাঙ্গল হেন্না কনখৎহন্নবা পাকথোক চাওথোকপগী থবক পায়খৎলিবশিংগী মতাংদসু ৱাফম কয়া ফোঙদোক্নখি।

******