পঞ্জাবতা লৌমীশিংগী চাগা হেঙ্গৎনবা পুথোক্লিবা অনৌবা এগ্রিকলচর লোশিং অসিগী কান্নবশিং অসি খঙবগী মহুৎতা সরকার অসিনা লৌমীশিংগীদমক নৌনা পুথোলক্লিবা লোশিং অসিবু লৌমীশিংগী য়েক্নবা লোনি হায়না সরকার অসিগী মাইয়োক্তা মী খরনা লান্না পাউ শন্দোক্তুনা, অরানবা প্রোপগন্দা শিজিন্নদুনা অমসুং লৌমীশিংবু ইনশিন্দুনা লান্না পাউ শন্দোক্লে হায়না হাউজিং অমসুং আর্বান এফিয়র্স(মোহুৱ), মোস(আই.সি) সিভিল এভিয়েসন অমসুং মোস, কম্মর্স অমসুং ইন্দস্ত্রীগী মন্ত্রালয়গী রাজ্যগী মন্ত্রী শ্রী হর্দীপ সিংহ পুরিনা ফোংদোকখ্রে৷ “এম.এস.পি. অসি লৈরগনি৷ হৌজিক লৈরিবা ফৌ অসি এম.এস.পি. বেসিস্তা লৈখিবনি; হন্দক্কী চহী অসিদা সরকারগী এজেন্সীশিংনা রেকোর্দ ওইনা লৈখ্রে৷ অসিগা চপ মান্ননা গেহুসু চহী অসিদা লৌশিল্লগনি অমসুং লৌমী অমতনা ইসু অমা হেক্তা মাইয়োক্নররোই”, হায়না মহাক্না ফোংদোকখি৷ মহাক্না এগ্রিকলচরেল রিফোর্ম বিল অসিগী মতাংদা সাইন্তিসশিংগা, প্রোফেসরশিংগা অমসুং অতোপ্পা সেনিয়র ওইরবা মীওইশিংগা লৌউ-শিংউগা মরী লৈনবা থবক্তা এমিৃতসরগী তরান তারানদগী ভিদিও কনফরেন্সিংগী খুৎথাংদা ঙসি মফম অসিদা ৱা ঙাংখ্রে৷  

রিফোর্মশিং অদুগী কান্নবশিং অদু আর্হতিয়া কম্মুনিতীদা শন্দোক্না তাক্লদুনা বিলশিং অসিনা অফবা মরুশিং, খুৎলাইশিং, নোলেজ, মেন্দিস্তা হৌজিক লৈরিবা রোলশিং অসিদগী হেন্দোক্তুনা সপ্লাই চেন ফংহনবা ঙম্বা ঐখোয়গী আর্হিত্যাসশিংদা অনৌবা খুদোংচাবশিং ফংহল্লগনি হায়না শ্রী পুরিনা ফোংদোকখ্রে৷ লৌউ-শিংউদা হৌজিক হৌজিক ৩০% য়ৌনা মাং তাক্লিবা অসি হন্থনবা ইনভেসমেন্তশিং অসিনা সপ্লাই চেনদা অহোংবা পুরক্তুনা স্তেকহোল্দর পুম্নমক কান্নহল্লগনি৷

মহাক্কা ৱারি শানবা অদুদা পঞ্জাবতা এম.এস.পি.দা লৌশিনবগী চাং হেঙ্গৎখ্রে হায়না শ্রী পুরিনা ফোংদোকখ্রে৷ চৎথরিবা খরিফ সিজন অসিদা ১১.১০.২০২০ ফাওবদা পঞ্জাবনা মমাংগী চহীদা ৭.৪ এল.এম.তি. লৌশিল্লম্বা অদু হন্দক্কী চহী অসিদা ২৬.১ এল.এম.তি. লৌশিন্দুনা কা হেন্না লৌশিল্লি হায়দুনা রেজিস্তর তৌখ্রে, হায়রিবা খরিফ মহৈ-মরোং লৌশিল্লিবা অসি মমাং চহীগা য়েংনবদা ২৫১% হেন্না ৱাংনা হেঙ্গৎখ্রে৷

২০২০গী ওক্তোবরগী তাং ১১ ফাওবদা ভারততা ফৌ লৌশিনবগী চাং অসি মমাংগী চহী অসিদা ৩১.৭ এল.এম.তি. লৌশিল্লম্বা অদুদগী হন্দক্কী চহী অসিদা ৪২.৫ এল.এম.তি. লৌশিন্দুনা অপুনবা ফৌ লৌশিনবগী চাং অদু ৩৫% হেঙ্গৎখ্রে৷ মমাংগী চহী ৫ অসিদা এম.এস.পি.দা ফৌ লৌশিনবগী চাং অসি ৩,০৬৯ এল.এম.তি.দা লুপা কোতি ৪,৯৫,০৪৩গী ওই অমসুং ২০০৯-১৪ ফাওবগী মরক অসিদনা ১,৭৬৮তা লুপা কোতি ২,০৬,০৫৯ খক্তমক ওই৷ এম.এস.পি. মমলদা শরুক ২.৪০রক হেঙ্গৎলকপা অদু উবা ফংই৷ অসিগা চপ মান্ননা মমাংগী চহী ৫ অসিদা এম.এস.পি.দা গেহু লৌশিনবগী চাং অসি ১,৬২৭ এল.এম.তি.দা লুপা কোতি ২,৯৭,০২৩ ওই অমসুং ২০০৯-১৪ ফাওবগী মরক অসিদনা ১,৩৯৫ এল.এম.তি.দা লুপা কোতি ১,৬৮,২০২ ওই৷ এম.এস.পি. মমলদা শরুক ১.৭৭রক হেঙ্গৎলকপা অদু উবা ফংই৷

 ২০২০-২১ চহী অসিদা রবি সিজন অসিগীদমক সেন্তর মশিং অদু ২১,৮৬৯ য়ৌখ্রে৷ মমাং চহীশিংগী সেন্তর মশিং ১৪,৮৩৮ অসিগী ৫০%গা নক্ননা হেঙ্গৎথ্রে৷ ২০২০-২১গী খরিফ সিজন অসিগীদমক প্লান তৌরিবা সেন্তর মশিং অদু (২০১৯-২০দা) ৩০,৫৪৯ লৈরম্বদগী ৩৯,১৩০দা হেঙ্গৎলকখ্রে৷ মহৈ-মরোং লৌশিন্নবা সেন্তর মশিং ৩০%রোম ৱাংনা হেঙ্গৎখ্রে৷

২০১৬-১৭গী মতম অসিদা (খরিফ অমসুং রবি সিজনগী অপুনবা) মহৈ মরোং লৌশিন্নবা সেন্তর মশিং অদু ৪৮,৫৫০ ওইরম্বদগী ২০১৯-২০ অসিদা ৬৪,৫১৫দা হেঙ্গৎলকখ্রে৷ চহী ৪ অসিদা ৩৩% রোম হেঙ্গৎলকখ্রে৷ এম.এস.পি.দা ফৌ প্রোক্যোরমেন্ত অসিদা কান্নহল্লিবা লৌমী মশিং অসি ২০১৭-১৮দগী ২০১৯-২০ ফাওবদা ৭২%রোম হেঙ্গৎলকখ্রে৷

লৌমীশিং কান্নবগীদমক মমাংগী চহী ৬ অসিদা এন.দি.এ.না লৌখৎলিবা য়াম্না মরু ওইবা খোংথাংশিং

১. এম.এস.পি. মমল লেপ্নবা স্বামিনাথান কম্মিতীগী রিকম্মেন্দেসন অদু চৎনখ্রে হায়বদি পুথোকপগী মমলদা য়ামদ্রবদা ৫০%  তোংলগনি৷

২. এগ্রিকলচরেল বজেৎ অসি ২০০৯-১০গী মতমদা লুপা কোতি ১২,০০০ ওইরম্বা অসি ২০২০-২১ অসিদা লুপা কোতি ১,৩৪,৩৯৯ ওইরে৷

৩. অত্ম নির্ভর ভারত পেকেজকী মখাদা লুপা কোতি লাখ ১গী এগ্রি ইনফ্রা ফন্দ

৪. পি.এম. কিসন সামন নিধি – লৌমী কোতি ১০ হেন্না কান্নবা পীখ্রে৷ দি.বি.তি.গী খুৎথাংদা লৌমীশিংদা        লুপা কোতি ৯৪,০০০ হেন্না পীখ্রে৷

৫.  কোবিদ-১৯ লাইনা-লাইচৎ অসিগী মনুং অসিদা পি.এম. কিসনগী মখাদা লৌমী কোতি ৯ হেন্নদা লুপা কোতি ৩৮,০০০ হেন্না পীখ্রে৷

৬. ২০১৯গী ফ্রেব্রুৱারী থাদগী ঙা য়োকপা অমসুং শা-ষন য়োকপা লৌমীশিংদা কে.সি.সি. কার্দকী কান্নবা পীখ্রে৷

৭.  মমাংগী থা ৬ অসিদা অনৌবা কে.সি.সি. কার্দ কোতি ১.২৯ পীখ্রে৷

৮. হন্দক্কী চহী অসিদা কালেনগী মতমদা হুনগদবা মহৈ-মরোং অসি মমাংগী চহীগা য়েংনবদা হেক্তর লাখ ১৬    হেন্দুনা হন্দক চহী অসিদা হেক্তর লাখ ৫৭ ওইরে৷

৯. চহী অসিদা হুল্লিবা খরিফ সিসন: ২০১৬গী মতমদা রেকোর্দ ওইনা হেক্তর লাখ ১০৭৫ হল্লম্বা অদু হন্দক্কী চহী অসিদা মসিদগী কা হেন্না ৱাংনা হেক্তর লাখ ১১০৪ হুল্লগনি৷

১০. কোবিদ-১৯ লাইনা-লাইচৎ অসিগী লোকদাউনগী মথম অসিদা ইনাম মেন্দিস অসি ৫৮৫তগী ১০০০ ফাওবা হেঙ্গৎখ্রে অমসুং মসিনা ইনাম প্লেতফোর্মদা থোকখ্রিবা লুপা কোতি লাখ ১গী মমল ওইবা ত্রেদ অদুদগী হেন্না ৱাংবা হেল্লি৷