PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 13 OCT 2020 6:16PM by PIB Imphal

Coat of arms of India PNG images free download

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • মিলিয়ন অমদা থেংনবা কেসশিং অমসুং মিলিয়ন অমদা শীখিবশিং খ্বাইদগী তাবা অমসুং তেস্ত য়াম্না তৌবা লৈবাকশিংগী মরক্তা ভারতসু অমা ওইরি
  • হৌখিবা পুং ২৪দা ১০,৭৩,০১৪ তেস্ত তৌখিবগা লোয়ননা হৌজিক ফাওবদা পুন্না তেস্ত তৌখিবগী মশিং অসি করোর ৮.৮৯ ওইরি।
  • লৈবাক অসিদা হৌখিবা পুং ২৪দা অনৌবা কেস ৫৫,৩৪২ রেজিস্তর তৌখি - হৌখিবা চয়োল মঙা অসিদগী নুমিৎ খুদিংগী থেংনবা অনৌবা কেসশিংগী চাংচৎ অসি মখা তানা হন্থরক্লি
  • লৈবাক্কী ওইনা ফগৎলকপগী চাং অসি হৌজিক্কী ওইনা ৮৬.৭৮% ওইরি
  • দা. হর্শ বর্ধন্না কোবিদ-১৯দা গ্রুপ ওফ মিনিস্তর্স (জি.ও.এম.)কী ২১শুবা মীফমদা ময়াই তাংবল লৌখ্রে
  • হকশেল মন্ত্রালয়গী তেলিমেদিসিন সর্ভিস, ইসঞ্জীবনিগী তেলি-কন্সল্তেসন লাখ ৫ শুখ্রে

#Unite2FightCorona

#IndiaFightsCorona

Image

মিলিয়ন অমদা থেংনবা কেসশিং অমসুং মিলিয়ন অমদা শীখিবশিং খ্বাইদগী তাবা অমসুং তেস্ত য়াম্না তৌবা লৈবাকশিংগী মরক্তা ভারতসু অমা ওইরি, এক্তিব কেসশিংগী চাং লেপ্তনা হন্থরকপগী লম্বীদা চংশিল্লি, হৌখিবা পুং ২৪দা অনৌবা কেস ৫৫,৩৪২

ভারতনা মালেমগী ওইনা মিলিয়ন অমদা থেংনবা কেস অমসুং মিলিয়ন অমদা শীখিবা মশিং রিপোর্ত তৌরকপদা খ্বাইদগী য়াম্না তাবা লৈবাক অমা ওইরি। অমরোমদা মালেমগী ওইনা কেস/মিলিয়নগী মশিং অসি ৪,৭৯৪ ওইবদা ভারতনা ৫,১৯৯ ওইরি। য়ু.কে, রুসিয়া, খা অফ্রিকা, য়ু.এস.এ. অমসুং ব্রাজিকনা মশিং হেন্না য়াম্না রিপোর্ত তৌরক্লি। ভারত্তা শীখিবা/মিলিয়ন অসি ৭৯নি অদুগা মালেমগী ওইবা চাংচৎনা ১৩৮নি। পুন্না তেস্ত তৌখিবগী হিরমদা ভারতনা লৈবাক পুম্নমক্কী ওইনা খ্বাইদগী মকোক্তা লৈরি। হৌখিবা পুং ২৪দা ১০,৭৩,০১৪ তেস্ত তৌখিবগা লোয়ননা হৌজিক ফাওবদা পুন্না তেস্ত তৌখিবগী মশিং অসি করোর ৮.৮৯ (৮,৮৯,৪৫,১০৭) ওইরি। লৈবাক অসিদা হৌখিবা পুং ২৪দা অনৌবা কেস ৫৫,৩৪২ রেজিস্তর তৌখি। হৌখিবা চয়োল মঙা অসিদগী নুমিৎ খুদিংগী থেংনবা অনৌবা কেসশিংগী চাংচৎ অসি মখা তানা হন্থরক্লি। নুমিৎ খুদিংগী থেংনবা কেসশিংগী চয়োলগী ওইবা চাংচৎ অসি সেপ্তেম্বরগী অনিশুবা চয়োলদা কেস ৯২,৮৩০ ওইরম্বদগী ওক্তোবরগী অনিশুবা চয়োলদা কেস ৭০,১১৪দা হন্থরকখি। ভারতনা লেপ্পা লৈতনা এক্তিব কেসশিং তপ্না-তপ্না হন্থরকপগী রিপোর্ত তৌরক্লি। হৌজিক্কী ওইনা এক্তিব কেসশিং অসি ৮,৩৮,৭২৯ ওইদুনা অপুনবা পোজিতিব কেসশিংগী ১১.৬৯% খক্তমক ওইরি। থংনা-থংননা নুমিৎ মঙানি শুবা ওইনা এক্তিব কেসশিং অসি লাখ ৯গী মখাদা লৈবা ঙম্লে। নৌনা কনফর্ম তৌখিবা কেসশিং অসিগী ৭৬%দি রাজ্য অমসুং য়ু.তি. ১০দগি ওইরি। নৌনা রিপোর্ত তৌরকখিবা কেসশিংগী মশিং খ্বাইদগী য়াম্বগা লোয়ননা কর্নাতকানা মহারাস্ত্রদগী হেনখ্রে। অনিমক্তা অনৌবা কেস ৭,০০০ হেন্না লৈরি। কেসশিংগী মশিং হেনগৎলকপগী রিপোর্ত তৌরক্লিবা রাজ্যশিং অদুদি কর্নাতকা, কেরেলা, রাজস্থান, ৱেস্ত বেঙ্গল অমসুং ছত্তিসগরনি। হৌখিবা পুং ২৪দা ৭৭,৭৬০ নৌনা নাবা ফগৎলকখি। মসিগা লোয়ননা পুন্না নাবা ফগৎলকখিবগী মশিং অসি লাখ ৬২ (৬২,২৭,২৮৫) হেনখ্রে। লৈবাক অসিগী নাবা ফগৎলকপগী চাং অসিদা মখাদা তানা হেনগৎলকপা অসিনা নোংমদা নাবা ফগৎলকপগী মশিং হেন্না ৱাংখৎহল্লি, হৌজিক্কী ওইনা ৮৬.৭৮% ওইরি। নৌনা নাবা ফগৎলকখ্রবা কেসশিংগী ৭৮%দি রাজ্য/য়ু.তি. ১০দগী ওইরি। নোংমদা নাবা ফগৎলকপা অসিদা মহারাস্ত্রদগী ১৫,০০০ হেন্না ওইখি অমদি নাবা ফগৎলকপা ১২,০০০গা লোয়ননা কর্নাতকানা মতুং ইল্লি। কোবিদ-১৯না মরম ওইরগা শীখিবগী মশিং অসি থংনা-থংননা নুমিৎ তরানি অসিদা মশিং ১০০০গী মখাদা লৈহনবা ঙম্লে। হৌখিবা পুং ২৪দা কেস ৭০৬ শীখিবগী রিপোর্ত তৌরকখি। মসিগী মনুংদা ৭৯%গী ময়াদি রাজ্য/য়ু.তি. তরাদগী ওইখি। নৌনা শীখিবগী রিপোর্ত তৌরকখিবা অসিগী ২৩% হেনবদি মহারাস্ত্রদগী ওইখি (শীখিবা ১৬৫)।

অকুপ্পা ৱারোলগীদমক:

দা. হর্শ বর্ধন্না কোবিদ-১৯দা গ্রুপ ওফ মিনিস্তর্স (জি.ও.এম.)কী ২১শুবা মীফমদা ময়াই তাংবল লৌখ্রে

হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না ঙসি ভিদিও-কনফরেন্স অমগী থোংদা কোবিদ-১৯দা গ্রুপ ওফ মিনিস্তর্স (জি.ও.এম.)কী অৱাংবা থাক্কী ২১শুবা মীফমদা ময়াই তাংবল লৌখ্রে। মহাক্কা লোয়ননা মপাল থৌরমগী মন্ত্রী দা. এস. জাইশঙ্কর অমসুং সিবিল এবিএসনগী মন্ত্রী শ্রী হর্দীপ সিংহ পুরি, শিপ্পিং (ইন্দিপেন্দেন্ত চার্জ), কেমিকেল্স অমসুং ফর্তিলাইজর্সগী রাজ্যগী মন্ত্রী, হকশেল অমসুং য়াইফ-য়ুম্বালগী রাজ্যগী মন্ত্রী শ্রী অশ্বিনি কুমার চৌবে অমসুং মেম্বর (হকশেল), নিতি আয়োগ দা. বিনোদ কে পাউলনা ভর্চ্যুএল ওইনা শরুক য়াখি। হৌরকপদা দা. হর্শ বর্ধন্না থা কয়াগী মমাংদগী লায়চৎ অসিগী মায়োক্তা খোঙফম চেৎনা লান্থেংনরিবা কোবিদ ৱারিয়র পুম্নমক্তা তৌবিমল খঙবা অমসুং ইকাই খুম্নবা উৎখি।মহাক্না মহাক্কী থবক তৌমিন্নরিবশিংদা ভারতনা লায়চৎ অসিগী মায়োক্তা লান্থংনবদা উৎলিবা থৌনা লৈবা পব্লিক হেল্থ রেস্পোন্স অমসুং হৌজিক ফাওবদা ফংলিবা কান্নরবা ফলশিং অসিগী মতাংদা পাউদমখি। “নাবা ফগৎলকখ্রবা কেস ৬২,২৭,২৯৫গা লোয়ননা ভারতনা মালেমগী ওইনা নাবা ফগৎলকপগী চাং ৮৬.৭৮% ওইদুনা খ্বাইদগী ৱাংবা ওইরি। শীবগী চাং ১.৫৩% ওইদুনা মালেমগী ওইনা খ্বাইদগী নেম্বা ওইরি অমসুং ঐখোয়না নুমিৎ হুমনিগী দব্লিং তাইম অসি মাই পাক্না হেনগৎহন্দুনা নুমিৎ ৭৪.৯গী রিপোর্ত তৌরক্লি।” “হৌজিক লৈরিবা অপুনবা লেব ১৯২৭ অসিনা তেস্ত তৌবদা হেনগৎহল্লি। ভারতকী তেস্ত তৌবা ঙম্বগী চাং অসি নোংমদা তেস্ত মিলিয়ন ১.৫দা হেনগৎখ্রে। হৌখিবা পুং ২৪দা সেম্পল লাখ ১১গী ময়াদা তেস্ত তৌখ্রে,” হায়না মহাক্না মখা তাখি। কেন্দ্রগী হকশেল মন্ত্রী অমসুং জি.ও.এম.গী চ্যেরপর্সন্না লাক্কদৌরিবা হরাও-কুম্মৈগী পন্থা অমসুং ঈংথম থা অসিগী মনুংদা কোবিদকা চুনবা চৎন-লোনচৎ চেকশিন্না ঙাক্না চৎনবগী মতাংদা মীপুম খুদিং অপিল তৌরি, মতম অসিদা লায়না অসি হেনগৎলকপগী চাং য়াম্না ৱাংলবা য়াই হায়না মহাক্না নুংশা থিবা ফোঙদোকখি। “ইকাই খুম্নরবা প্রধান মন্ত্রীনা লৈবাক শিনবা থুংনা জন অনদোলন হৌদোক্তুনা মীয়ামনা হরাও-কুম্মৈ পাঙথোক্লিঙৈ মতম অসিদা লায়না অসি শন্দোকপা থিংনবা কোবিদকা চুনবা চৎন-লোনচৎশিং ঙাক্না চৎনবা থৌগৎলি”, হায়না মহাক্না ফোঙদোকখি।

অকুপ্পা ৱারোলগীদমক:

হকশেল মন্ত্রালয়গী তেলিমেদিসিন সর্ভিস, ইসঞ্জীবনিগী তেলি-কন্সল্তেসন লাখ ৫ শুখ্রে, ইসঞ্জীবনি ও.পি.দি.না হৌজিক ওনলাইন ও.পি.দি. ২১৬ হাংখ্রে

হকশেল মন্ত্রালয়গী তেলিমেদিসিনগী থৌরাং, ইসঞ্জীবনি অসি অনাবা মীওইশিং অমসুং দোক্তরশিংগী মরক্তা পাম্নবা হেনগৎলক্লি। অতেনবা মতমগী মনুংদা মসিনা তেলিকনসল্তেসন লাখ ৫ তৌবগী রেকোর্দ থমখ্রে। অকোনবগী কন্সল্তেসন লাখ অমদি শুপ্নতগী নুমিৎ ১৭নিগী মতমগী মনুংদা শুখিবনি। হেল্থক্যের সর্ভিসশিং দেলিবরী তৌরিবা দিজিতেলগী মওং অমা ওইনা ইসঞ্জীবনিনা হৌখিবা নুমিৎ খরনি অসিদা প্লেৎফোর্ম অসিদা নোংমদা তৌবা তেলিকন্সল্তেসনগী মশীং ৮,০০০ য়ৌবগা লোয়ননা ভারতকী হেল্থক্যের দেলিবরী সিস্তেমগী মান্নবা লম্বী অমদা চংশিনবা তপ্না-তপ্না ঙম্লক্লি। হৌজিক্কী ওইনা রাজ্য ২৬না ইসঞ্জীবনিগী তেলিমেদিসিনগী মখল অনি শীজিন্নরি, মমিং ওইনা পল্লবদা – দোক্তর তু দোক্তর (ইসঞ্জীবনি এ.বি-ঐচ.দবল্যু.সি.) অমসুং পেসেন্ত তু দোক্তর (ইসঞ্জীবনি ও.পি.দি.)। ইসঞ্জীবনি এ.বি-ঐচ.দবল্যু.সি. অসি হকশেল অমসুং য়াইফ য়ুম্বাল মন্ত্রালয়না নবেম্বর ২০১৯দা হৌদোকখি অমসুং দিসেম্বর ২০২২ ফাওবদা ‘হব অমসুং স্পোক’ মোদেলদা ভারত সরকারগী আয়ুশমান ভারত স্কিমগী মখাদা খনগৎলবা মেদিকেল কোলেজ হোস্পিতাকশিংগা লোয়ননা খুৎশম্নদুনা হেল্থ এন্দ ৱেলনেস সেন্তর ১,৫৫,০০০দা ইমপ্লিমেন্ত তৌগদবনি। ইসঞ্জীবনি এ.বি-ঐচ.দবল্যু.সি. অসি হেল্থ এন্দ ৱেলনেস সেন্তর ৪,০০০রোমদা মথৌ তৌরি অমসুং মসিগা চপ মান্নবা মশিংগী ঐচ.দবল্যু.সি.শিংদা চল্লাইনবা থবক চত্থরি। ইসঞ্জীবনি ও.পি.দি.না জেনরেল ও.পি.দি. ২৬ অমসুং স্পেসিএলিতী অমসুং সুপর-স্পেসিএলিতী ও.পি.দি. ১৯০ হাংলি। দোক্তর অমসুং হেল্থ-ৱার্কর ২০,০০০রোমদা লৈবাক শিনবা থুংনা ইসঞ্জীবনিগী মখল অনিমক্কী ওইবা ত্রেনিং পীখ্রে। ইসঞ্জীবনি অমসুং ইসঞ্জীবনি.ও.পি.দি.গী প্লেৎফোর্মশিংগী থোংদা কন্সল্তেসন খ্বাইদগী ৱাংনা রেজিস্তর তৌখিবা রাজ্য তরাদি তামিল নাদু (১৬৯৯৭৭), উত্তর প্রদেশ (১৩৪৯৯২), হিমাচল প্রদেশ (৩৯৩২৬), কেরেলা (৩৯৩০০), আন্ধ্র প্রদেশ (৩১৩৬৫), উত্তরাখন্দ (১৬৪৪২), মধ্য প্রদেশ (১৪৯৬৫), গুজরাত (১০৮৩৯), কর্নাতকা (৯৪৯৮), মহারাস্ত্র (৭৮৯৫)নি।

অকুপ্পা ৱারোলগীদমক:

লমদম অসিগী ওইবা অয়ুশগী শুংদোকত্রিবা হীদক থমফম অমা ঙসি চেন্নাইদা লিংখৎখ্রে

অয়ুশকী য়ুনিয়ন মিনিস্তর শ্রী শ্রীপাদ য়েশো নাইক অমসুং দিফেন্সকী স্তেত মিনিস্তরনা এ.এস.য়ু. অমসুং ঐচ. মেদিসিন (খা প্লেতু রিজন)গী রিজনেল রো দ্রগ রেপোসিতরি (আর.আর.দি.আর.) অমা নেস্নেল ইন্সতিত্যুৎ ওফ সিদধাদা ঙসি ভর্চ্যুএল থৌরম ওইনা হৌদোকখ্রে। অয়ুশ মিনিস্ত্রীগী সেক্ত্রেতরি বাইদ্যা রাজেশ কোতেচানা থৌরম অদুদা ময়ায় তাংবল লৌখি। আর.আর.দি.আর. অসি নেস্নেল অয়ুশ মিসন্না পীবা সেন্ত্রেল্লি স্পোনসর স্কীমগী মরু ওইবা মচাক অমনি হায়রিবা অসি হিদাক কান্নরবা পাম্বী থাবদা য়াম্না চাওরবা থৌদাং অমা লৌরি। মসিগী মায়কৈদা খোঙথাং অমা চংদুনা অয়ুশ মিনিস্ত্রীনা নেস্নেল মেদিসিনেল প্লান্ত বোর্দকী খুত্থাংদা নেস্নেল রো দ্রগ রেপোসিতরি অমসুং রিজনেল রো দ্রগ রেপোসিতরি লিংখৎনবা খোঙথাং লৌরি। এন.এম.পি.বি.না নেস্নেল ইন্সতিত্যুৎ ওফ সিদধা অসি রিজনেল রিসর্স ইন্সতিত্যুৎ ওফ উনানি মেদিসিন চেন্নাইগা লোয়ননা মমাং থাদুনা চৎলি হায়না মশক খংলি অমসুং সিদধা সেন্ত্রেল রিসর্স ইন্সতিত্যুৎ, চেন্নাই অসিনা খুৎশম্নবা ইন্সতিত্যুৎনি হায়না লৌরি। আর.আর.দি.আর. অসিনা য়াম্না ফবা থৌদাং অমা হায়বদি এগ্রো ক্লাইমেতিক ওইবা মফমদগী শুংদোকত্রীবা দ্রগ অসি খোমজিনবা, চে-চাং শুবা অমসুং অয়াবা পীবা অসিগী থবক তৌই।

অকুপ্পা ৱারোলগীদমক:

এস.এ.আই. অমসুং এন.আর.এ.আই.না পুন্না নেস্নেল শুতিং কেম্প অসি বাইও-ববল ওইনা কাইদনা চৎথনবা মথৌদাং লৌখ্রে

মরুওইবা ওলেম্পিক্স শুতরশিংগী নেস্নেস শুতিং কেম্প অসি দাঃ কার্নি সিংহ শুতিং রেঞ্জদা মমাং চহিদা থা অনিগী চৎথনবা লাওথোকখ্রে (ওক্তোবর ১৫দগী – দিসেম্বর ১৭ ফাওবা)। বাইও-ববল কাইহনদনা থম্ননবা অমদি কোরোনোভাইরসকী লায়চৎ অসিদগী ঙাকথোক্নবা অমদি স্তেন্দার্দ ওপরেতিং প্রোসেদ্যুর (এস.ও.পি.শিং) ঙাক্নবা স্পোর্ত ওথোরিতি ওফ ইন্দিয়া অমসুং নেস্নেল রাইফল এসোসিএসন ওফ ইন্দিয়ানা পুন্না থৌদাং লৌরগনি। শুতিং রেঞ্জ অসিদা মথৌদাং ঙাক্না থম্নবা দাঃ কার্নি সিংহ শুতিং রেঞ্জগী এদমিনিস্ত্রেসন্না লৌগনি। মহৌশাগী ওইনা মফম অসিবু শোই-ঙামদনা থম্নবা অমদি কেম্প অসিদা লৈরিবাশিং অসি থেংনবা হন্থনবা রেঞ্জগী পর্সোনেলশিং অসিনা অশংবা, কোম্লা মচু, হঙ্গাম মপাল অমসুং অঙাংবা মচুগী জোন খাইদোক্লি। এন.আর.এ.আই.না বোর্দিং অমসুং লোদজিংগী মনাক নকপা হোতেলগী মফম অমদা শিনগনি অমদি এস.এ.আই.না হান্ননা লৈরিবা অদুম্না লৈগনি। হোতেলদগীনা শুতিং রেঞ্জ ফাওবা চৎপা অসিদা বাইও-ববল কাইদনবা থৌদাং অসি এন.আর.এ.আই. না এস.ও.পি. ঙাকপগী থবক তৌগনি। এন.আর.এ.আই.না ক্বারেন্তাইনগী থবক অসি তৌদুনা দিল্লী-এন.সি.আর.গী মপালদগী লাকপা শুতর/কোচেসশিং অসি হোতেলদা নুমিৎ ৭নিগী ক্বারেন্তাইন তৌগনি। দিল্লী-এন.সি.আর.গী মনুংদা লৈবা শুতর/কোচেসশিংনা মখোয়গী মফমদা নাইতোম থমদুনা নুমিৎ ৭নিগী ক্বারেন্তাইন তৌগনি অমসুং অদুগী মতুংদা মখোয়না অতোপ্পা কেম্পরশিংগা পুন্না হোতেল অসিদা লৈমিন্নদুনা কেম্প অসি লোইদ্রি ফাওবা লৈগনি।

অকুপ্পা ৱারোলগীদমক:

কোবিদকী মনুংদা লৈখিবা আর.তি.আই. দিস্পোজেল রেৎ অসি মমাং চহীগী মতম অসিমক্তগা চাংদম্নবা মতমদা হেন্না ৱাংখি: দা. জিতেন্দ্র সিংহ

কেন্দ্রগী অৱাং নোংপোক লমদম চাওখৎ থৌরাং (দোনর), এম.ও.এস. পি.এম.ও., পার্সনেল, পব্লিক গ্রিভান্সেস, পেন্সন, এতোমিক ইনর্জী অমসুং স্পেসকী রাজ্যগী মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা ঙসি হায়খি মদুদি আর.তি.আই. (রাইৎ তু ইনফোর্মেসন)গী কেসশিংগী দিস্পোজেল রেৎ হৌখিবা থা তরুক্লোম অসিদা মমাং চহী মতম অসিমক্কা চাংদম্নবা মতমদা কোবিদ মনুংদনা হেন্না ৱাংখি। ওক্তোবর ১২, ২০০৫তা শেমখিবদগী আর.তি.আই. এক্তকী চহী ১৫ মপুং ফারকপা নুমিত্তা ৱা ঙাংলদুনা দা. জিতেন্দ্র সিংহনা ফিগরশিং উৎলদুনা মমাং চহীগী শেনবা চহী ২০১৯-২০গী মার্চতগী সেপ্তেম্বর ফাওবগী মনুংদা আর.তি.আই. কেস চাদা ৭৬.৪৯ দিস্পোজ তৌখি হায়না ফোংদোকখি। শেনবা চহী ২০২০-২১গী মার্চতগী সেপ্তেম্বর ফাওবগী মনুংদা, দিস্পোজেল রেৎ অসি চাদা ৯৩.৯৮ য়ৌনা কাখি। অপুনবা মশিং অসি য়েংলগা মহাক্না হায়খি, মদুদি হৌখিবা চহীগী মতম অসিমক্তদা রেজিস্তর তৌরকখিবা কেস ১১৭১৬কী মনুংদগী কেস ৮৯৬২ দিস্পোজ তৌখি। হন্দক্কী চহী অসিদা, কেস ৮৫২৮কী মনুংদগী ৮০১৫ দিস্পোজ তৌখি।

অকুপ্পা ৱারোলগীদমক:

 

পি.আই.বি. ফিল্দ ওফিসশিংদগী ফংবা পাউ

•           পঞ্জাব: পঞ্জাব সরকারনা কন্দিশনখরা থমদুনা ১৫.১০.২০২০গী মতুংদা তাঙ্কক নাইনা স্কুলশিং অমসুং কোচিং ইন্সতিত্যুশনশিং অমুক হন্না হাংদোক্নবা ৱারেপ লৌখ্রে।ওনলাইন/ দিস্তেন্স লার্নিং অসিনা মখাতানা তাকপী-তম্বীবগী খ্বাইদগী হেন্না অপাম্বা মওং ওইদুনা অদুমক লৈখিগনি অমসুং মসিবু থৌগৎকনি। মসিগী মথক্তা ক্লাস ৯দগীনা ১২ ফাওবগী মহৈরোইশিং খক্তমক মহৈরোই খুদিংমক্কী পেরেন্তশিংগী অয়াবা য়াওরগা অমসুং এত্তেন্দেন্স অদু কমপলসরী ওইহন্দনা স্কুলশিং/ইন্সতিত্যুশনশিংদা চৎপগী অয়াবা পীখ্রে।

          হিমাচল প্রদেশ: মুখ্য মন্ত্রীনা রাজ্য অসিগী মীয়ামদা কোবিদ-১৯ ভাইরস শন্দোরকপা থিংনবা অমসুং মখোয়না মশাবু অমসুং মখোয়গী ইমুং-মনুংশিংবু ভাইরস অসিদগী ঙকথোক্ননবা মখোয়গী য়ুমশিংদগী মপান থোকপা মতমদা ফেস মাস্কশিং শিজিন্নদুনা ভারত সরকারগী “মাস্ক অপ কেমপেনগী শরুক য়ানবা থৌগৎখ্রে। মহাক্না মখাতানা রাজ্য অসিগী মীয়ামদা য়াম্না চম্বা চেকশিন-থৌরাংশিং, খুদম ওইনা ফিজিকেল দিস্তেন্সিং, অফবা মাস্কশিং উপ্পা, কাশিং নুংশিৎ-নুংশা মরাং কাইনা ফংহন্দুনা থম্বা, মীয়াম তিনবা মফমশিংদগী লৈথোকপা, মখোয়গী মখুৎ-মশা লু-নান্না থম্বা অসিনচিংবশিং অসি তৌদুনা অসোই-অঙাম য়াওদনা লৈনবা পুক্নিং থৌগৎখ্রে।

          কেরলা: দিস্ত্রিক্ত কোলেক্তরশিংনা ত্রেদ বোদীশিংগা লোইননা ৱারী শানখিবা অদুগী মতুংদা, কোঝিকোদেদা লৈরিবা ত্রেদরশিংনা কোবিদ কন্তেনমেন্তকী পাম্বৈশিংগী মিংদা দুকানশিং লোনবগী মায়োক্তা শগোলশেল নুমিত্তা শত দাউন প্রোতেস্ত তৌগনি তৌরম্বা অদু তোকখ্রে। মখোয়না মরাল শিরকখি মদুদি কন্তেনমেন্ত জোনশিং অদু মরম চাদনা অমসুং অনসাইন্তিফিকেলী ওইবা মওংদা লাউথোকই হায়না হায়খি। কোবিদ-১৯ শন্দোরকপা অসিগী মতুংদা লেপখিবা ৱাতরৱেজ দিপার্তমেন্তকী এ.সি. হাই-স্পীদ ভোতশিং অদু রাজ্য অসিদা তুরিস্ত দেস্তিনেশনশিং হাংদোরক্লবা মতুংদা অমুক হন্না সার্বিস তৌবা হৌখ্রে। মরক অসিদা সেমপল মশিং য়ামদনা তেস্ত তৌরবা মতুংদা, কেরলাদা ঙরাং কোবিদ-১৯গী অনৌবা কেস ৫,৯৩০ থেংনখি। হৌজিক পেসন্ত ৯৪,৩৮৮ লাইয়েংদুনা লৈরি অমসুং রাজ্য শিনবা থুংনা মীওই লাখ ২.৮১ ওবজার্ভেশন তৌদুনা লৈরি। ওফিসিয়েল ওইবা শিখিবশিংগী মশিং অদু ১০২৫নি।

          তামিল নাদু: পুদুচেরীদা অথিংবা থম্লিবশিং অদু খোমথোরকপা অসিগী মরক অসিদা ইনফ্লক্স হেন্না লাকপা থেংনখিবনা তুরিস্তশিং অদু কোবিদ-১৯গীদমক্তা তেস্ত তৌরগনি; তুরিস্তশিং অদু তেস্ত তৌনবগীদমক্তা বীচ রোদতা মেদিকেল তীমশিং থম্লগনি। তামিল নাদুনা লুপা করোর লিশিং ৪১ হেনবা ইনভেস্তমেন্তশিং ফংখ্রে; সেপ্তেম্বর ফাওবদা রাজ্য অসিনা পেক্ত ৪২গী খুত্থাংদা লুপা করোর ৩১,৪৬৪গী ইনভেস্তমেন্তশিং ফংখি। রাজ্য অসিনা কেস ৪,৮৭৯ থেংনখিবগা লোইননা নিংথৌকাবা নুমিত্তা নুমিৎ ৮৩গী মতম অসিগী মনুংদা অহানবা ওইনা তামিল নাদুদা অনৌবা কেসশিং থেংনখিবা অদু ৫,০০০গী তাঙ্কক্কী মখাদা লৈখি, মসিনা কেসকী অপুনবা মশিং অদু ৬,৬১,২৬৪ য়ৌহনখি। ৬২ শিখিবগা লোইননা শিখিবশিংগী অপুনবা মশিং অদু ১০,৩১৪ য়ৌহনখি। এক্তিব কেসশিংগী মশিং অদুসু খরা হন্ধরক্তুনা ৪৩,৭৪৭দা লৈখ্রে।

          কর্নাতকা: রাজ্য সরকারনা কোবিদ হেনগৎলক্লিবা অসি পল্লদুনা, এস.ই.সি.দা গ্রাম পঞ্চায়তকী মীখল পাংথোক্কদবাশিং অদু তৌদনবা তকশিনখ্রে। তুমাকুরা হোসপিতালনা ওক্সিজেন প্লান্ত ফংখ্রে: তুমাকুরা জিলাদা লৈবা কোবিদকীদমক্তা ওইবা হোসপিতালনা আই.সি.য়ু. পেসেন্তশিংদা পুন্সি কনগদবা স্যাসকী সপ্লাই ফংহন্নবা মশাগী ওইবা লিক্বিদ ওক্সিজেন প্লান্ত লৈখ্রে। সোসিয়েল ৱেলফেয়র মিনিস্তর, বি. স্রিরামুলুগা লোইননা অনৌবা হকশেলগী মন্ত্রী দা.কে.সুধাকরনা মুখ্য মন্ত্রীগা উনখ্রে অমসুং রাজ্যঅসিদা কোবিদ লাকশিন্নবগী মতাংদা খন্নখ্রে।

          অন্ধ্র প্রদেশ: কোরোনাভাইরসনা মরম ওইরগা লৈখিদ্রবা জর্নেলিস্তশিংগী ইমুং-মনুংশিংদা লুপা লাখ ৫ পীরগনি হায়না মুখ্য মন্ত্রীনা থাজবা পীরকখ্রে । কোবিদ-১৯গীদমক্তা লাইয়েংলিবা জর্নেলিস্তশিংগীদমক্তা অখন্নবা ফমুংশিং থমখ্রে। অচৌবা অহোংবা অমদা তিরুমালা তিরুপতি দেবাস্থনম (তি.তি.দি.)না ওক্তোবর ১৬তগী ২৪ ফাওবা পাংথোক্কদবা নৱরাত্রি ব্রহমোতসাভমসকীদমক্তা অকক্নবা পিলগ্রিমশিংদা অয়াবা পীনবগী হান্নগী ৱারেপ অদু হন্দোকখ্রে অমসুং ইকন্থমদা (কনা য়াওদনা) নৱরাত্রি ব্রহমোতসাভমস পাংথোক্নবা ৱারেপ লৌখ্রে। মরক অসিদা রাজ্য অসিদা অনৌবা কেস ৩২২৪ থেংনখিবগা লোইননা নিংথৌকাবা নুমিত্তা কোরোনাভাইরস কেস খ্বাইদগী হন্থখিবা থেংনখি, মসিনা অপুনবা কেসশিংগী মশিং অদু ৭,৫৬,০৫৬ য়ৌহনখি অমসুং শিখিবগী মশিংনা ৩২ য়ৌখি।

          তেলঙ্গানা: হৌখিবা পুং ২৪গী মনুংদা অনৌবা কেস ১৭০৮ থেংনখি, ২০০৯ ফগৎখি অমসুং ৫ শিখিবগী পাউ লৈখি; কেস ১৭০৮গী মনুংদা জি.ঐচ.এম.সি.দগী কেস ২৭৭ থেংনখি। অপুনবা কেসশিং: ২,১৪,৭৯২; এক্তিব কেসশিং: ২৪,২০৮; শিখিবশিং: ১২৩৩; দিসচার্জ তৌখিবশিং: ১,৮৯,৩৫১। মেনপাৱর ৱাৎপা অসিনা হেল্থ দিপার্তমেন্তগীদমক্তা অৱাবগী মচাক অমা ওইহল্লি, হায়রিবা অসি নিংথৌকাবা নুমিত্তা তেলঙ্গানাদা সরকারগী হোপিতালশিংদা নন০কোবিদ সার্বিসশিং অমুক হন্না মখাতানা চত্থনবা ওর্দর পীখ্রে। হোসপিতাল অয়াম্বদা মসিগী অৱাৎপা অসি দিপার্তমেন্ত অহুমদা - জেনরেল মেদিসিন, অনেসথেসিয়া অমসুং পুলমোনোলোজীদা উবা ফংখি।

          অসাম: অসামদা ঙরাং পেসেন্ত ১,৪৫৭ দিসচার্জ তৌখ্রে, পুন্না পেসেন্ত ১,৬৬,০৩৬ দিসচার্জ তৌখ্রে অমসুং এক্তিব পেসেন্ত ২৮,৪৩৯ লৈরি হায়না রাজ্যগী হকশেল মন্ত্রীনা ত্বীত তৌরকখি।

          মিজোরাম: মিজোরামদা ঙরাং কোবিদ-১৯গী অনৌবা কেস ১৮ কনফর্ম তৌখ্রে। অপুনবা কেস ২,২০২শুখ্রে, এক্তিব কেস ১৫৬না ১৫৬ শুখ্রে।

          নাগালেন্দ: অনৌবা কেস ২২১ থেংনখিবগা লোইননা নাগালেন্দগী কোবিদ পোজিতিব কেস অসি ৭,২৪০ য়ৌখ্রে। এক্তিব কেসনা ১,৪৯৩ শুখ্রে অদুগা মীওই ৫,৭৫৪ননা ফগৎখ্রে।

          সিক্কিম: সিক্কিমদা কোবিদনা মরম ওইরগা ৫৭ শিখিবা লৈখি অমসুং অনৌবা কেস তরেত থেংনখি।

ফেক্ত চেক

*****

 



(Release ID: 1664156) Visitor Counter : 8