"তেক ফোর ত্রাইবেল" থৌরাং অসি ত্রাইফেদ, ত্রাইবেল এফিয়র্স মন্ত্রালয়না ছতিশগর এম.এফ.পি. এফদরেসন অমসুং আই.আই.তি. কানপুরগা খুৎশম্নদুনা ঙসি ই-লোঞ্চ তৌখিবনি। ত্রাইফেদনা স্মোল অমসুং মেদিয়ম ইন্তর্প্রাইজেস (এম.এস.এম.ই.)গা ই.এস.দি.পি. থৌরাংগী মখাদা পুন্দুনা বন ধন বিকাশ কেন্দ্র (ভি.দি.কে.)শিংগী মখাদা চল্লাইনবা এস.ঐচ.জি.শিংগী মখাদা ওন্ত্রপ্রিনরশিপ দিবেলপমেন্ত, সোফ স্কিল, আই.তি. অমসুং বিজিনেস দিবেলপমেন্ততা মীৎয়েং থমদুনা ত্রাইবেলশিংবু অপুনবা ওইনা চাওখৎনবগী পান্দম থম্লি। ওনাইন ওইনা পাংথোকখিবা হৌদোকপগী থৌরম অদুদা ত্রেনিং প্রোগ্রাম অদুগী কান্নবা লৌগদৌরিবশিংগী মথক্তা শ্রী প্রবির কৃষ্ণ, এম.দি. ত্রাইফেদ; শ্রী সঞ্জয় শুক্লা, মেনেজিং দিরেক্তর, সি.জি.এম.এফ.পি.এফ.ই.দি.; প্রোফেসর অমিতাব বন্দ্যোপাধ্যয়, প্রোফেসর ইন চার্জ, ইনক্যুবেতর @ আই.আই.তি. কানপুর; দা. নিখিল অগরৱাল, সি.ই.ও. ফার্স্ত আই.আই.তি. কানপুর; ত্রাইফেদ, সি.জি.এম.এফ.পি.এফ.ই.দি., অমদুং আই.আই.তি. কানপুরগী ওফিসিএলশিংসু শরুক য়াখি।

ওক্তোবর ১৩দগীনা নবেম্বর ৭, ২০২০ ফাওবা পাংথোক্কদবা চয়োল তরুক্কী ত্রেনিং অসিগী মনুংদা, ছতিশগর রাজ্য শিনবা থুংবদগী লৈরিবা বন ধনগী কান্নবা লৌগদবশিংবু মাইক্রো ইন্তর্প্রাইজ ক্রিএসন, মেনেজমেন্ত অমসুং মসিগী মথৌগী মতাংদা ত্রেনিং পীগনি। হায়রিবসি নুমিৎ ৩০নি হেন্না পাংথোক্কদবনি অমসুং মসিনা সেসন ১২০ য়াওগনি। ত্রেনিংগী মোদ্যুলসু আই.আই.তি. কানপুরনা শেম্বনি অমসুং মসি কান্নবা ফংগদবশিংদা তাংকক নাইনা ওনলাইন লেকচর অমসুং ত্রেনিং, ওনলাইন এক্তিবিতীশিংগী থোংদা পীগনি, অমসুং হায়রিবসি তপ্না-তপ্না মায়গা মায়গা ওনশিন্নদুনা ক্লাস রুমদা, প্রেক্তিকেল, ওন্সাইৎ ভিজিৎ অমসুং এক্সপোজর ভিজিৎশিং তৌদুনা চাউখৎলক্কনি।

থৌরম অসিনা হান্নদগী লৈরক্লবা ত্রাইবেলশিংগী লৌশিং অমসুং স্কিলশিং খঙদোক্তুনা মনিং থোনবা, পেকেজ তৌবা অমসুং মার্কেত্তিংগী স্কিলশিং শেমদুনা বন ধন কেন্দ্র (ভি.দি.ভি.কে.)শিং শেমগত্তুনা কৈথেলদা পুথোকপা ইন্তর্প্রাইজ মোদেলগী থোংদা চাগা তান্নবা হোৎনহনগনি। ত্রাইফেদনা হৌজিক ফাওবদা বন ধন কেন্দ্র রাজ্য ২১ অমসুং য়ু.তি. ১দা ত্রাইবেল গেদরর লাখ ৩.৬৮ য়াওনা কাইথখ্রে।

দা. নিখিল অগরৱাল, সি.ই.ও. ফার্স্ত আই.আই.তি. কানপুরনা জুম কোলদা শরুক য়ারিবশিং অমসুং থৌরম অসিগী কান্নবা ফংগদবশিংবু মহাক্কী ৱারোলদা তরাম্না ওকখি।

অসিগুম্বা অখন্নবা খোঙথাং অসি লৌখৎলকপগী মরম পীরদুনা শ্রী প্রবির কৃষ্ণনা হায়খি  মদুদি, "তেক ফোর ত্রাইবেল" খোঙথাং অসি ভারতকী ত্রাইবেলশিংবু আত্মনির্ভর ফংহন্নবগী অখন্নবা থৌরাং অমনি, মসিনা ত্রাইবেল ওন্ত্রপ্রিনর অমসুং অর্বান মার্কেৎশিংগী মরক্তা লৈবা অহাংবা অসি মেনশিন্নবা হোৎনগনি। থৌরাং অসিগী মখাদা, ত্রাইফেদনা আই.আই.তি., কানপুর; আর্ত ওব লিবিং, বেঙ্গলোর; তিস, মুম্বাই, কিস, ভুবনেস্বর; বিবেকানন্দ কেন্দ্র, তমিল নাদু অমসুং স্রিজান, রাজস্থানগা খুৎশম্নদুনা বন্ধন-ই.এস.দি.পি. ত্রেনিং প্রোগ্রাম ছতিশগর, কেরলা, কর্নাতকা, মহারাস্ত্রা, ওরিশা, তমিল নাদু অমসুং রাজস্থান্দা পাংথোক্নবা হোৎনরি।

মহাক্না হায়খি মদুদি ত্রাইফেদনা মখা তানা বন্ধন ই.এস.দি.পি. ত্রেনিং অসি অরোপ্পা রাজ্যশিংদা অতোপ্পা মপাংশিংগা আই.আই.তি., কানপুরনা শেম্বা ত্রেনিং মোদ্যুল শীজিন্নদুনা, মফম অদুগী ফিবমগা চুন্ননবা খরা শেমদোক শাদোক্তুনা পীনবা থৌরাং তৌরি। "তেক ফোর ত্রাইবেল" খোঙথাং অসি ত্রাইবেলশিংবু চাওখৎনবা অমসুং শক্তি পীনবগীদমক লৌখৎখিবা মরুওইবা থৌরাংনি।

শ্রী কৃষ্ণনা হৌখিবা থা খরসিদা, সরকার অসিগী মতেংগা লোইননা 'মাইনর ফোরেস্ত প্রদ্যুস (এম.এফ.পি.)বু মিনিমম সপ্পোর্ত প্রাইস (এম.এস.পি.)দা অমসুং এম.এফ.পি.গী ভেল্যু চেন চাওখৎহন্নবা হোৎনবা থৌরাংশিংনা মার্কেৎকী মেকানিজম' পুথোকপনা ত্রাইবেলগী ইকোসিস্তেমদা অহোংবা পুরক্নবা মঙাল অমা ওইরে। বন ধন ত্রাইবেল স্তার্ত-অপ, হায়রিবা স্কিম অসিগী চপ মান্নবা মচাক ওইরিবা অসিনা ত্রাইবেল গেদররশিং অমসুং ফোরেস্ত দ্বেল্লরশিং অমসুং য়ুমদগী থোক্তবশিংগী থবক পীনবা পাম্বৈ অমা ওইরগনি। হায়রিবা বন ধন কেন্দ্রশিং অসি প্রোসেসিং তৌনবা অমসুং উমংগী পোত্থোকশিং ভেল্যু এদিসন তৌনবগী মাইক্রো ত্রাইবেল ইন্তর্প্রাইজেসশিংনি। হায়রিবা স্কিমশিং অসি মখা তানা অহেনবা মফমশিংদা ত্রাইফেদকী 'ভোকেল ফোর লোকেল গো ত্রাইবেল' থৌরাংগী মখাদা চৎলিবা শেনবা চহী অসিদা পাকথোক চাউথোকহল্লগনি।

ত্রাইফেদনা বন ধন কেন্দ্র ৩০০০ রাজ্য ২৭কী জিল্লা ৩০৭দা লিংখৎনবা পান্দম থম্লি।

শ্রী সঞ্জয় শুক্লানা  ছতিশগরগী এম.এফ.পি. থৌরমগী মমাংদা ওইখিদ্রিবা মওংদা মায় পাকপগী মতাংদা হায়খি অমসুং মসিনা করম্না মকোক তারকখিবা অমসুং করম্না 'তেক ফোর ত্রাইবেল' থৌরাং অসিবু পোস্ত তৌগদগে হায়বসি মথংগী লোজিকেল ওইবা খোঙথাংনি। হৌখিবা থা খরসিদা ছতিশগরনা মাইনর ফোরেস্ত প্রদ্যুস লুপা করোর ১০৬.৫৩ রোমগী ওইগদবা মেত্রিক তন ৪৬,৮৫৭ লৈশিনখ্রে। ছতিশগর সরকারনা অঙম্বা থাক্তা এম.এফ.পি. স্কিমগীদমক এম.এস.পি. চৎননবা হোৎনদুনা লৈশিনবগী সিস্তেম অমসুং থৌওং খুদিংমক জিল্লা খুদিংমক্তা থমখ্রে। ছতিশগরদা লৈশিনবগী সেন্তর ৮৬৬ লৈ অমসুং রাজ্য অসিনা বন ধন কেন্দ্র ১৩৯দগী বন ধন এস.ঐচ.জি. মপুং ফানা চলাইরি। মাইনর ফোরেস্ত প্রদ্যুস ফোরেস্ত, রেবিন্যু অমসুং ভি.দি.ভি.কে. য়াওনা য়ুম্থোং য়ুম্থোং চত্তুনা খোম্বগী থবক লৌখৎপনা অসি য়ৌনা ৱাংবা প্রোক্যুরমেন্ত ভেল্যু ফংবা ঙম্লিবনি।

প্রোফেসর অমিতাব বন্দ্যোপাধয়, প্রোফেসর ইন চার্জ, ইনক্যুবেতর @ আই.আই.তি. কানপুরনা পীবা মহাক্কী ৱারোলদা আই.আই.তি. কানপুরনা চলাইগদবা স্কিল দিবেলপমেন্ত প্রোগ্রাম অমসুং মসিনা পীগদবা তেক্নোলোজীগী ওইবা অহোংবশিংগী মতাংদা ঙাংখি। আই.আই.তি. কানপুরনা ছতিশগরদা লৈবা ত্রাইবেল নহাশিংবু এম.এফ.পি. শীজিন্নদুনা পোত্থোকশিং লল্লোন ইতীক তৌনবগীদমক স্কিল দিবেলপমেন্ত প্রোগ্রামশিং পাংথোক্কনি। থৌরমশিং অসিনা তুং কোইনা চৎপা য়াবা ওন্ত্রপ্রিনরশিপ চাওখৎনবগী য়ুম্বী মখোং অহুমনি হায়না লৌনরিবা – এঙ্গেজমেন্ত, কেপাসিতী বিল্দিং অমসুং মার্কেৎ লিঙ্কেজ অসিদা চলাইগনি। মসিনা ত্রাইবেল ওন্ত্রপ্রিনরশিংবু কম্মর্সিএলাইজ তৌনবগী লম্বীদা পুশিল্লগনি। শেম্লিবা কোর্স্কী কন্তেন্ত/মোদ্যুলশিং অসি ভেল্যু এদিসন্দা ওন্ত্রপ্রিনরশিপ অমসুং ফোরেস্ত প্রদ্যুসশিং প্রোসেস তৌবদা চুন্নগনি। হায়রিবা কেপাসিতী বিল্দিং প্রোগ্রামশিং অসিনা ত্রাইবেল ওন্ত্রপ্রিনরশিংগী মায় পাকপগী চাংবু মখোয়গী করবারশিংবু সর্তিফিকেৎ পীদুনা য়োনবা য়াবা পোত্থোকশিং য়োবনা য়াহনবা অমসুং শক্তি পীগনি হায়না পানরি।

***************