১৯৪৫দা গান্ধীনা লিংখৎখিবা ওল ইন্দিয়া নেচরেল ক্যুর ফাউন্দেসন ত্রস্ত হান্না ওইরম্বা আয়ুশ মন্ত্রালয়গী মখাদা লৈবা নেস্নেল ইন্সতিত্যুত ওফ নেচরোপেথী (এন.আই.এন.), পুনেনা গান্ধীজিগী ১৫১ শুবা মপোক কুমওন পাল্লন তৌদুনা মহাক্না মীওইবা জাতিগীদমক কত্থোক্লম্বা অদুবু তৌবীমল খঙবা উৎখ্রে।

হান্না রিপোর্ত তৌরকখিবগী মতুং ইন্না এন.আই.এন.না মহাত্মা গান্ধীগী হকশেল, চীঞ্জাক অমসুং মচি ওইবা চান্নবগী ৱাখল্লোন অদুদা নৌহৌননা মীয়াম্না মীৎয়েং চংনবা গান্ধী জয়েন্তি নুমিৎতা ৱেবিনার ৪৮গী মেগা-সিরিজ অমা হৌদোকখি। মেগা-সিরিজ অসিগী অহানবা চয়োলদা মীয়াম্না থৱায় য়াওনা শরুক য়াখি অমসুং ঙসি মতম অসিগা চান্নরিবা অসিগুম্বা গান্ধীগী মতমদসু চান্নবা হীরম খরদা মহাক্না ফোঙদোক্লম্বা ৱাখল্লোন অদু খন্নখি।

এন.আই.এন.গী গান্ধী জয়েন্তিগী পাল্লন তৌবা অসি মীয়ামগীদমক “লিবিং গান্ধী” মেমোরিএল হাংদোকপগা লোয়ননা ওক্তোবর ২দা হৌদোকখি। এন.আই.এন.,পুনেগী গভর্নিং বোদীগী মেম্বর অমা ওইরিবা, ওল ইন্দিয়া নেচরেল ক্যুর ফাউন্দেসন ত্রস্ত, সোসাইতী ওফ সর্বেন্ত ওফ গোদকী মেম্বর, শ্রী লাল ঘানশানিনা থৌরম অসি হৌদোকখি। বাপুদা ইকাই খুম্নবা উৎপা ওইনা এন.আই.এন.গী গান্ধী প্রেয়র প্লেৎফোর্মদা রিজনেল আউৎরীচ ব্যুরো (মহারাস্ত্র অমসুং গোৱা)দগী তিম অমনা ভাবঞ্জলি শকখি। থৌরম অসিদা য়োগ অমসুং নেচরোপেথী কোলেজশিংগী মহৈরোয়শিংগী এন.আই.এন.না পাঙথোকখিবা এসেস কম্পিতিসনগী ফলশিং লাউথোকখি।

মেগা-সিরিজকী অহানবা প্রোগ্রাম অসি ওক্তোবর ২দা স্ত্রীম তৌখি, মসিদা মহারাস্ত্র সরকারগী হান্নগী এদিস্নেল প্রিন্সিপল চীফ কনজর্বেতর ওফ ফোরেস্ত শ্রী এ.এন. ত্রিপাথিনা মহাত্মাগী হকশেলগী ওইবা লৌশিং অদুগী মতাংদা ৱা ঙাংখি। ৱাঙাংলোয় অসিনা মশানা থেংনজখিবা থৌদোকশিংদা গান্ধীগী ৱাখল্লোন অসি লৌদুনা পাঙথোকখিবগী মতেক খরা পাউদমখি, মরু ওইনা মীয়ামগী হকশেলদা কান্নবা পীনবা মহৌশা য়োকখৎপগী হীরম অসি মীয়াম্না পাম্না তান্নখি। লেপখিবগী মতুং ইন্না ৱেবিনার সিরিজ অসি চয়োল চুপ্পা পাঙথোকখি লোয়ননা নুমিৎ খুদিংগী অয়ুক পুং ১১ তাবা মতমদা লেকচর অমা পীখি।

গান্ধী রিসর্চ ফাউন্দেসন, জলগাওদগী প্রোফেসর গিতা ধরম্পালনা ওক্তোবর ৩দা গান্ধীনা অনবা ফগৎহনবা মীওই অমা ওইনা লৌখিবা থৌদাংগী মরমদা ৱা ঙাংখি অমসুং সত্যাগ্রহাগুম্বা গান্ধীগী ইহৌ অসিগী রাজনিতীগী ওইবা অহোংবশিং অসিনা মরম ওইরগা লৈবাক পুম্বদা ৱাখল-খুন্নাইদা অওনবা পুরকখিবা অদু ফোঙদোকখি। অহিংসা অসিনা তশেংনমক অওনবা পুরক্নবা মচাক অমা ওইখি। ইন্সতিত্যুত ওফ সোসিএল সাইন্সেস, নই দিল্লীদগীজোর্জ মেথ্যুনা ওক্তোবর ৪দা গান্ধীগী, গ্রাম স্বারাজ অমসুং গ্রাম আরোগ্যাগী মতাংদা ৱা ঙাংখি। ‘খুঙ্গংবু নীংখা তম্বা অমা ওইনবা’ মসিগী নুংগী অর্থদি ‘মরোমদোম লেপচবা’ ঙমহন্নবা গান্ধীগী ৱাখল্লোন অদু মহাক্না ফোঙদোকখি। ওক্তোবর ৫দা মমিং লৈরবা কঞ্জর্বেস্নেলিস্ত শ্রী নিখিল লাঞ্জেৱরনা গান্ধীগী মীনুংশি লৈবা পুন্সি মহীংগী মতাংদা লৈরিবা ৱাখল্লোন অদুগী মতাংদা ৱা ঙাংখি। মহাক্না মীনুংশি লৈবানা কনাগুম্বা অমগী মশাবু করম্না অওনবা পুরকপগে অমসুং শন্তী লৈনা অমসুং হকচাং ফবগী কান্নবশিং অসিগা লোয়ননা মসিনা করম্না অচম্বা পুন্সি মহিংদা হিংহনবগে হায়বগী মতাংদা ফোঙদোকখি। রিজনেল মেদিকেল রিসর্চ সেন্তর (আর.এম.আর.সি.), গোরাখপুরগী দা রজনিকান্ত শ্রীবস্তবানা গান্ধীগী অফবা মগুনশিং অমসুং মখোয়না হকশেলদা পীরিবা কান্নবগী মতাংদা মথংগী নুমিৎতা ৱা ঙাংকি। দা শ্রীবস্তবানা গান্ধীগী হকশেলগী মরমদা ৱাফম কয়া থমখি অমদি মসিনা মীয়ামদা কান্নরবা পাউতাক ওইখি।

ওক্তোবর ৭তা মমিং লৈরবা কোর্পরেৎ চীফ শ্রী নিশান্ত চৌবেনা ২১শুবা চহিচা অসিদা গান্ধীগী চাকচা য়ুথক্কী মতাংদা পুক্নিং চিংশিনীংঙাই ওইবা ৱাফম খরা পাউদমখি। ৱাঙাংলোয় অসিনা গান্ধীগী স্বারাজ অমসুং স্বাদেশিগী ৱাখল্লোনশিং অসিগা লোয়ননা ভারতকী লৈবাক অসিগী লৈজরিবা মথেল লুকোইগী মরমদা পুক্নিং চিংশিনীংঙাই ওইবা ৱাফম ফোঙদোকখি। মহাক্কী ৱাখল্লোন অসিগা লোয়ননা অনৌবা মতম অসিগী চীঞ্জাকশিং মহাও অমসুং হকচাং ফবগা লোয়ননা লমদম অসিগী মহাও লৈন্নবা অমদি হকচাং ফনাবা মওংদা শেম্বদা ওইথোকপশিংগী মতাংদা মখা তাখি। ওক্তোবর ৮দা ভারত্তিয়া বিদ্যা ভবন ওস্ত্রেলিয়াগী শ্রী গমভির ৱাত্তসনা অহিংসা অমসুং হকচাং ফবগী মরক্তা লৈনরিবা মরীগী মতাংদা ৱা ঙাংখি। মহাক্না গন্ধীনা লুচিংখিবা অচৌবা ইহৌশিংগী মরমদা ফোঙদোকখি অমসুং ইহৌশিং অসিগী অহিংসাগী পাউজেল অসিনা খুন্নাইশিং অমসুং মীওইবা জাতিদা পীরিবা কান্নবা অসিগী মতাংদসু পাউদমখি।

নুমিৎ খুদিংগী পাঙথোক্কদবা ৱেবিনার সিরিজ অসি নবেম্বর ১৮, ২০২০ ফাওবা মখা চত্থদুনা ২১শুবা চহিচা অসিগী পুন্সিগী তোঙান তোঙানবা হীরমদা অমসুং মরু ওইনা হকশেলগী লমদা মহাত্মা গান্ধীনা থম্বীরম্বা লৌশিং অসিগী মতাংদা শন্দোক্না তাক্কনি।

আয়ুশ মন্ত্রালয়না মীপুম খুদিংমক্না লিঙ্ক অসিগী খুত্থাংদা গান্ধীগী ওইবা ৱাখল্লোনশিংগী তোঙান তোঙানবা কান্নবা খঙহৌনবা খঙহল্লি: https://www.facebook.com/watch/punenin/

**************