হকশেল অমসুং য়াইফ-য়ুম্বাল মন্ত্রালয়
ভারত্তা পুন্না নাবা ফগৎলকখিবশিংনা লাখ ৬০ য়ৌদুনা অচৌবা মাই পাকপা ওইখ্রে
থংনা-থংননা নুমিৎ ৮শুবা ওইনা ১০০০দগী তানা শীখিবগী রেকোর্দ তৌখ্রে
নাবা ফগৎলকপগী অপুনবগী শরুক্কী তঙ্খায়দি কেসলোদ খ্বাইদগী য়াম্না মকোক থংবা রাজ্য মঙাদগী ওইরি
Posted On:
11 OCT 2020 11:35AM by PIB Imphal
ঙসি অমুক হন্না ভারতনা মশিং ৱাংবা ঙমখ্রে। পুন্না নাবা ফগৎলকপা অসিনা লাখ ৬০ য়ৌদুনা অচৌবা মাই পাকপা ওইখ্রে (৬০,৭৭,৯৭৬)।
নুমিৎ খুদিংগী কোবিদ নাবা মীওইশিংগী মশিং য়াম্না নাবা ফগৎলকপগা লোয়ননা ভারতনা নোংমগী মশিং ৱাংনা নাবা ফগৎলকপগী চৎনবী অসি লেপ্তনা মখা চত্থরি। লৈবাক অসিদা হৌখিবা পুং ২৪দা ৮৯,১৫৪ নাবা ফগৎলকপগী রেজিস্তর তৌখ্রে।
লৈবাক শিনবা থুংনা মেদিকেল ইনফ্রাস্ত্রকচর ফগৎহনবা, কেন্দ্রগী স্তেন্দর্দ ত্রীৎমেন্ত প্রোতোকল অদু রাজ্যশিং/য়ু.তি.শিংনা ইমপ্লিমেন্ত তৌবা অমসুং দোক্তরশিং, পেরামেদিকশিং অমসুং ফ্রান্তলাইন ৱার্করশিংনা কত্থোকপা অমসুং হোৎনবা অসিনা নোংমদা শিবগী চাং লেপ্তনা হন্থহল্লকপা অমসুং নাবা ফগৎলকপগী অপুনবশিংদা লেপ্তনা হেনগৎলকপা ঙমহল্লিবনি।
থংনা-থংননা হৌখিবা নুমিৎ নিপান্নিদা নৌনা শীখিবগী রেকোর্দ তৌখিবগী মশিং ১০০০দগী তাখি। লৈবাক অসিদা হৌখিবা পুং ২৪দা ৯১৮ শীখিবগী রেকোর্দ তৌখি।
ভারতকী অপুনবা এক্তিব কেস অসি ৮,৬৭,৪৯৬ ওইরি। এক্তিব কেসশিং অসি হন্থরকপগা লোয়ননা হৌখিবা নুমিৎ হুমনি অসিদা লাখ ৮গী মখাদা লৈরে।
লৈবাক অসিগী নাবা ফগৎলকপগী চাং অসি মখা তানা হেনগৎলক্তুনা ৮৬.১৭%দা লৈরে।
নাবা ফগৎলকপা হেনগৎলকপগা লোয়ননা নাবা ফগৎলকপগী কেসশিং খ্বাইদগী য়ামদুনা ভারতনা মালেমগী ওইনা মাংজিল থাদুনা চৎলি।।
কেসলোদ খ্বাইদগী য়াম্বা (এক্তিন কেসশিংগী ৬১% ওইবা) মকোক থংবা রাজ্য মঙানা পুন্না নাবা ফগৎলকপগী শরুক্কী তঙ্খায়দগী (৫৪.৩%) হেল্লি।
নৌনা নাবা ফগৎলকখ্রবা কেসশিংগী ৮০%দি রাজ্য তরাদগী রিপোর্ত তৌরক্লি মখোয় অদুদি মহারাস্ত্র, কর্নাতকা, কেরেলা, অন্ধ্র প্রদেশ, তামিল নাদু, উত্তর প্রদেশ, ওরিশা, ৱেস্ত বেঙ্গল, দিল্লী অমসুং ছত্তিসগরনি।
তেলী অসিদা নৌনা নাবা ফগৎখিবা অনাবা মীওইশিংগী কেস ২৬,০০০ হেনবগা লোয়ননা মহারাস্ত্রনা মাংজিল থারি।
লৈবাক অসিদা হৌখিবা পুং ২৪দা নৌনা কনফর্ম তৌখিবা কেস ৭৪,৩৮৩ রিপোর্ত তৌরকখি।
অনৌবা কেসশিংগী ৮০%দি রাজ্য/য়ু.তি. তরাদগী ওইখি। কেরেলানা অনৌবা কেসশিংগী মশিং খ্বাইদগী ৱাংখি, মতুংদা মহারাস্ত্র লৈখি। অনিমক্তগী অনৌবা কেসশিং অসিদা ১১,০০০ হেন্না শরুক তমখি।
হৌখিবা পুং ২৪দা শীখিবা ৯১৮ রেজিস্তর তৌখি। মসিগী মনুংদা ৮৪%দি রাজ্য/য়ু.তি. ১০দগী রিপোর্ত তৌরকখি।
শীখিবা ৩০৮কা লোয়ননা ঙরাংগী নুমিৎতা রিপোর্ত তৌরকপা শীখিবগী ৩৩%দি মহারাস্ত্রদগী ওইখি, শীখিবা ১০২গা লোয়ননা কর্নাতকানা মতুং ইল্লি।
****
(Release ID: 1663487)
Visitor Counter : 148