অৱাং নোংপোক লমদমগী চাউখৎ থৌরাংগী (দোনর), এম.ও.এস. পি.এম.ও., পর্স্নেল গ্রীবান্সেস, পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা ঙসি ফোঙদোকখি মদুদি হৌজিক ফাওবদা ভারতকী রাজ্য ২৩ অমসুং য়ু.তি. ৮দা থবক লৌবগী ইন্তর্ভ্যু মুত্থৎখ্রে। মহাক্না হায়খি, মসি ২০১৬দগী হৌনা কেন্দ্র সরকারগী গ্রুপ-বি (নন-গেজেতেদ) অমসুং গ্রুপ –সি পোস্তশিংগী ইন্তর্ভ্যু মুত্থৎখিবগা ইরোইননা মুত্থৎখিবনি।

পর্সনেল অমসুং ত্রেনিং বিবাগ (দি.ও.পি.তি.)না পুরকখিবা অচৌবা অওনবা খরগী মতাংদা শম্লপ্পা ৱারোল অমা পীরদুনা দা. জিতেন্দ্র সিংহনা হায়খি ২০১৫গী অগস্ত ১৫দা নীংখা তম্বা নুমিৎকী থৌরমদা লাল কিলাগী লান্বন মথক্তগী প্রধান মন্ত্রী নরেন্দ্র মোদীনা ইন্তর্ভ্যু মুত্থৎতুনা থবক খনবগী মওং অসি অইবা চাংয়েংদা মপুং ওইনা য়ুম্ফম ওইদুনা খন্নবা অপাম্বা ফোঙদোকখি মরমদি ইন্তর্ভ্যু অমগীদমক কৌরকপা মতমদা কন্দিদেৎ অদুগী ইমুং মনুং পুম্বা করি থোক্কনি খনবনা অমসুং পাখৎপনা ৱাখল চরাংনৈ। মহাক্না হায়খি, প্রধান মন্ত্রীনা পীখিবা পাউতাক থবক ওইনা ওন্থোক্তুনা দি.ও.পি.তি.না অচৌবা থবক অমা পাইখৎখি অমসুং জনুৱারী ১, ২০২০দগী চৎনবা হৌদুনা কেন্দ্র সরকারগী থবক লৌবদা ইন্তর্ভ্যু তৌদনবা লাউথোক্নবগী থবক্কী প্রোসেস পুম্নমক থা অহুমগী মনুংদা লোয়শিনখি।

দা. জিতেন্দ্র সিংহনা হায়খি, অদুম ওইনমক মহারাস্ত্রা অমসুং গুজরাতগুম্বা রাজ্য খরনা রুল অসি থুনা ইমপ্লিমেন্ত তৌখ্রবসু অতোপ্পা রাজ্যশিংনা থবক লৌবগী পাঙথোকপা ইন্তর্ভ্যু অসি মুত্থৎপদা য়ানিংখিদে।

রাজ্য সরকার খরদা মতম খরা ঙাংনরবা মতুং অমসুং হঞ্জিন-হঞ্জিন হায়রবা মতুংদা ঙসি জম্মু অমসুং কাশ্মির অমদি লদাখ য়াওনা ভারতকী য়ুনিয়ন তেরিতরী ৮মক্তা অমসুং লৈবাক অসিগী রাজ্য ২৮গী মনুংদা ২৩দা ইন্তর্ভ্যু পাঙথোকপা অসি তোকখিবা অসিদা মহাক্না অপেনবা পোকই হায়না ফোঙদোকখি।

দা. জিতেন্দ্র সিংহনা হায়খি, মমাংদা মীচং শঙ্গা লৈবা কন্দিদেৎ খরা খন্নবা ইন্তর্ভ্যুগী মার্কশিং শেমদোকপগী মতাংদা ৱাকৎশিং, পেন্দবশিং অমসুং মরাল শীবশিং লৈখি। মহাক্না হায়খি ইন্তর্ভ্যু মুত্থৎতুনা অইবা চাংয়েংগী মার্কশিংদা খক্তদা য়ুম্ফম ওইরগা খনবা অসিনা কন্দিদেৎ পুম্নমক্তা চপ মান্নবা থাক অমদা চাংদম্নবা ঙম্নবা ফমপাক অমা ফংহল্লি।

থবক লৌবগী প্রোসেস্তা পুকচেল শেংনা অমসুং পান্দম ফংনবা তৌবগী মথক্তা কন্দিদেৎকী মশিং লিশিং হেনবগী ইন্তর্ভ্যু পাঙথোকপদা অমসুং নুমিৎ কয়া চংনা ইন্তর্ভ্যুগী থবক থৌরমশিং চত্থবদা শেল চাউনা চাদিং তৌরিবা অসিনা মরম ওইরগা রাজ্যশিংনা মখোয়গী এক্সচেকরদা চাউনা শেল চাদিং তৌরম্বা অদু হৌজিক্তি তুংশিনবা ঙম্লে হায়না রাজ্য কয়াদগী রিপোর্ত লাক্লি হায়না দা. জিতেন্দ্র সিংহনা ফোঙদোকখি।

মমাংদা মীচং শঙ্গা লৈবা কেন্দিদেৎ খরা খনবদা মতেং পাংনবা অইবা চাংয়েংদা মেরিৎ লৈজরবদু মদু ইন্তর্ভ্যুগী মার্ক্তা ককথখিবগী ৱাকৎশিং লৈখি হায়বসি পনবদা হায়মনবা থোক্লোই। পৈশাগীদমক থবক লৌবা নত্রগা ইন্তর্ভ্যুগী মার্কশিং শেমদোক্লগা থবক ফংহন্নবা অচৌবা শেনফম পী হায়বগী মরাল শীবশিংসু লৈখি।

<><><><><>