ইলেক্সন কম্মিসন ওব ইন্দিয়ানা পব্লিক নোতিস ০৭.১০.২০২০দা নত্ত্রগা মমাংদা ফোংখ্রবা পার্তীশিংগী নোতিস পেরদ অসি ৩০দগীনা ৭তা তেনশিল্লে অমসুং কোম্থোকখ্রে। পার্তী খুদিংমক্কী ওইনা, মখোয়গী পব্লিক নোতিস নুমিৎ ৭নিদগী তাদনা তাং ০৭.১০.২০২০গী মমাংদা ফোংখ্রবা য়াওনা করিগুম্বা ওবজেক্সন তৌনিংবা লৈরবসু ওক্তোবর ১০, ২০২০গী নুংথিল পুং ৫.৩০ ফাওবদা নত্ত্রগা মমাংদা পীখিবা নুমিৎ ৩০নিগী মতমগী মনুংদা, য়ারিবমখৈ ঙন্না থাজিনলকপা য়াগনি।

ই.সি.আই.না বিহারগী লেজিস্লেতিব এসেমব্লী, ২০২০গী জেনরেল ইলেক্সন সেপ্তেম্বর ২৫, ২০২০দা লাউথোকখ্রবা মতুংদা, কোবিদ-১৯গী অথিংবা কয়া লৈরিবসি য়েংলগা, রেজিস্ত্রেসনগী এপ্লিকেসন দিস্লোকেৎ তৌবা নত্ত্রগা পুথোক পুশিন তৌবদা চোন্থবগী পাউ কম্মিসন্না ফংলে, মসিনা মরম ওইদুনা পোলিতিকেল পার্তীগী মিং চনবদা থেংথহন্নবগী অচাক ওইরে। মরম অসিনা, হীরম অসিগী মতাংদা কুপ্না খন্নরবা মতুংদা, কম্মিসন্না পব্লিক নোতিস তাইম পেরদতা কোম্থোক্লকপনি। কোম্থোক্লিবা অসি বিহারগী লেজিস্লেতিব এসেমব্লীগী জেনরেল ইলেক্সনগী তাংক অহুমগী নোমিনেসন থাজিনবগী অরোইবা মতম ওইরিবা ওক্তোবর ২০, ২০২০ ফাওবা চৎনগনি।

মসিমসু নিংশিংবা য়াই মদুদি, পোলিতিকেল পার্তীশিংগী মিং চনবা অসি রিপ্রজেন্তেসন ওব পিপল এক্ত, ১৯৫১গী সেক্সন ২৯এ.গী প্রোবিজন্না কোনশিল্লি। হায়রিবা সেক্সন অসিগী মখাদা কম্মিসন্দা মিং চন্নিংবা পার্তীশিংনা কম্মিসন্দা ভারত সংবিধানগী আর্তিকল ৩২৪ অমসুং রিপ্রজেন্তেসন ওব পিপল এক্ত, ১৯৫১গী সেক্সন ২৯এ.না পীবা শক্তিগী মতুং ইন্না কম্মিসন্না পীবা চৎন-কাংলোনগী মতুং ইন্না মদু শেম্বগী তারিখকী মতুং নুমিৎ ৩০নিগী মনুংদা এপ্লিকেসন অমা থাজিনগদবনি। হৌজিক হৌজিক লৈরিবা চৎন-কাংলোনগী মতুং ইন্না, এপ্লিকান্ত এসোসিএসন অসিদা পার্তীগী মমিং অদু নুমিৎ খুদিংগী ফোংবা লৈবাক্কী পাউচে অনীদা অমসুং লোকেল দেলী পাউচে অনীদা করিগুম্বা পার্তীগী মিং চনবগী কম্মিসনগী মমাংদা নুমিৎ ৩০নিগী মনুংদা ওবজেক্সন থাজিনখিবা নুমিৎ নিনিদা ফোংগদবনি। থোকখ্রবা নোতিস অদু কম্মিসনগী ৱেবসাইত্তগী ফংগনি।

*****