প্রধানমন্ত্রী শ্রী নরেন্দ্র মোদীনা ময়াই তাংবল লৌখিবা কেন্দ্রগী মন্ত্রী মন্দলনা অশেংবা রুৎকী মতুংইন্না কোলকতা ইস্ত-ৱেস্ত কোরিদোর প্রোজেক্ত অসিগী চংগনি হায়না পান্নবা মমলগী অয়াবা পীখ্রে।

লাল্লোংশিং অমদি পান্দমশিং থবক-পাংথোকহনবা:

• মসিগী প্রোজেক্ত অসি রেল মন্ত্রালয়গী মনুংদা লৈবা সি.পি.এস.ই. ওইরিবা কোলকতা মেত্রো রেল কোর্পোরেসন লিমিতেদনা থবক পাংথোকহনগনি
• প্রোজেক্ত অসি লোইশিনবদা চংগদবা মমল অসি লুপা করোর ৮৫৭৫নি, মসিদা রেল মন্ত্রালয়না  লুপা করোর ৩২৬৮.২৭, হাউসিং অমসুং অর্বান এফেয়র্সনা লুপা করোর ১১৪৮.৩১ অমদি জাপান ইন্তর্নেস্নেল কোর্পোরেসন এজেন্সী(জে.আই.সি.এ.)না লুপা করোর ৪১৫৮.৪০গী লোন ওইনা পুথোক্কনি।
• কি.মি. ৫-৩ শাংবা কোরিদোর অসি হান্নদগী হৌনা ১৪.০২.২০২০দগী চৎনবা হৌখ্রবনি।
• মখা তানা কি.মি. ১.৬৭ অসি ০৫.১০.২০২০দগী চৎনবা হৌখি।
• প্রোজেক্ত মপুং অসি দিসেম্বর ২০২১ ফাওবদা লোইশিন্নবগী পান্দম থম্লি।

অচৌবা শাফু:

মেগা প্রোজেক্ত অসিনা কোলকতাগী লল্লোন-ইতিক্কী শহরশিংগী মরক্তা নোংচুপ থংবদা হাওরাগী ইন্দস্ত্রীগী শহর অমসুং নোংপোকথংবদা সোল্ত লেক সিতীগী মরক্তা মীয়াম্না চত্থোক-চৎশিন তৌবদা শোইনিংঙাই ওইরোইদবা, য়ৌবদা লায়বা অমদি নুংঙাইবা মওংগী অফবা ত্রা্জিৎ কনেক্তিভিতী অমা ফংহল্লগনি।  প্রোজেক্ত অসিনা চত্থোক-চৎশিন তৌবদা মী লম্বি কোমহহল্লগনি অমদি শহরদা লৈরিবশিংগী ওইনা কোম্না চত্থোক-চৎশিন তৌবা য়াহল্লগনি। মসি কোলকতা শহরদা শেন্মিৎলোন, থবক তৌবগী মঙম অমদি অকোয়বগী ফীভমগা চুননা কোলকতা শহরদা চত্থোক-চৎশিন তৌবা ফংহল্লগনি। মসি কোলকতাগী মফমশিংদা চাউনা চত্থোক-চৎশিন তৌবদা খুদোংচাদবশিং অদু হন্থহন্দুনা মতম চংহন্দনা পোত্থোক পুথোকপা হেনগৎহল্লগনি অমদি চাউখৎহল্লগনি।

মসিনা পোৎশিং ওন্থোক-ওনশিন তৌনবগী মওং অসি শেম্বদগী মেত্রো, সব-অর্বান রেলৱেজ, হি হোনফম অমদি বসনচিংবা চত্থোক-চৎশিন তৌবগী মওং অসি পুনশিন্নবগী মওং ওইনা ওইরগনি।  মসিনা নুতিগী চৎলিবা মীওই লাক্ষ কয়াদা অপনবা লৈতনা অমদি অথিংবা লৈতবা মওংদা চত্থোক-চৎশিন তৌবা য়াহল্লগনি। 

প্রোজেক্ত অসিগী কান্নবশিং:

• শোই-ঙাম্লোইদবা, মঙম লৈবা অমদি অকোয়বগী ফীভমগা চুননা চত্থোক-চৎশিন তৌবগী সিস্তেম অমা ফংহন্দুনা মীয়ামদা কান্নবা ফংহল্লগনি।

• চৎপদা মতম চংবা হন্থহল্লগনি।  

• থাও চংবা হন্থরগনি।

• লম্বিগী ইনফ্রাস্ত্রকচরদা চংবা চাদিং অদু হন্থহল্লগনি।

• মোইশিনবা অমদি লম্বিদা খুদোংথিবা থোকপা হন্থরগনি।  

• ত্রাঞ্জিৎ ওরিএন্তেদ দিভেলপমেন্ত(তি.ও.দি.) হেনগৎহল্লগনি।

• কোরিদোরদা লমগী বেঙ্ককী ভেল্যু হেনগৎহল্লগনি অমদি অতোপ্পা রেভিন্যুশিং লৈহল্লক্লগনি।

• থবকশিং লৈহল্লক্লগনি।

• "আত্মনির্ভর ভারত " অমদি "ভোকেল ফোর লোকেল"গী ইথীল অসি য়াওহল্লগনি।

বেকগ্রাউন্দ:

কোলকতা ইস্ত-ৱেস্ত মেত্রো কোরিদোর প্রোজেক্ত অসি কোলকতা শহর অমদি মনাক নকপদা লৈবা শহরশিং তুং-কোইনা চাউখৎহন্নবগী অরুবা ইনফ্রাস্ত্রকচরগী প্রোজেক্ত অমনি।  

প্রোজেক্ত অসিনা চত্থোক-চৎশিন তৌবদা লায়হল্লগনি, শহরশিংগী কনেক্তিভিতী হেনগৎহল্লগনি অমদি নুমিৎ খুদিংগী চৎলিবা মীওই লাক্ষ কয়াবু কোম্না চত্থোক-চৎশিন তৌবা ফংহল্লগনি

মসিনা কোলকতা, হাওরা অমদি সোল্ত লেক অসি রেলদা থুনা য়াংনা চৎপগী সিস্তেমদগী অপনবা লৈতবা কনেক্তিভিতী ফংহল্লগনি।  মসিনা পোৎশিং ওন্থোক-ওনশিন তৌনবগী মওং অসি শেম্বদগী মেত্রো, সব-অর্বান রেলৱেজ, হি হোনফম অমদি বসনচিংবা চত্থোক-চৎশিন তৌবগী মওং অসি পুনশিন্নবগী মওং ওইনা ওইরগনি। প্রোজেক্ত অসিদা অচৌবা তুরেলগী মখাদা লৈবা ভারতকী খ্বাইদগী চত্থোক-চৎশিন তৌনবা তন্নেল ওইবগা লোয়ননা ভারত্তা খ্বাইদগী লুবা মেত্রো স্তেসনশিংগী মনুংদা হাওরা স্তেসন অসিসু অমা ওইহনগদবা  হুগলী তুরেলগী মখাদা কি.মি. ৬.৬ শাংবা মেত্রো রেলৱে কোরিদোর অমা শাবগী মিৎয়েং থম্লি।

******