হয়েং ওক্তোবর ৮, ২০২০দা ভিদিও কনফরেন্সকী খুৎথাংদা সোসিএল জজতিস্ত অমসুং এম্পৱারমেন্ত মিনিস্ত্রিগী দিপার্তমেন্ত ওফ এম্পৱারমেন্ত ওফ পর্সন্স ৱিদ দিসএবিলিতিস (দি.ই.পি.দবল্যু.দি) অমসুং ওস্ত্রেলিয়াগী মেলবোর্ন য়ুনিভর্সিতিনা শীন্দুনা ‘পুক্নিং-ৱাখল ফনা থম্বা-কোবিদ ১৯গী মতুংদা” হায়বা হিরমদা মালেমগী মীফম অমা পাংথোক্কনি। মীফম অদু সোসিএল জজতিস্ত অমসুং এম্পৱারমেন্তগী য়ুনিয়ন মিনিস্তর দোক্তর থাৱারচান্দ গেহলোতনা হৌদোক্কনি অমসুং অস্ত্রেলিয়া-ইন্দিয়া ইন্সতিতুৎকী দিরেক্তর, প্রোফেসার ক্রেগ জেফরিনা কো-চিয়র ওইগনি। মীফম অদুদা নিউ দিল্লিদা লৈবা অস্ত্রেলিয়া হায় কম্মিসন্নরসু শরুক য়াগনি।

ভিদিও কনফরেন্সকী খুৎথাংদা পাংথোক্কদবা মীফম অদুদা কোবিদ-১৯ লাইচৎ লাকপদগী ওইরক্লিবা ফিবম অসিদা পুক্নিং-ৱাখলগী ফিবম ফনা থম্বগা মরী লৈনবা তোঙান তোঙানবা ৱাফমশিং খন্নগনি। মাংজিল থাদুনা থবক তৌরিবা হকশলেগী নত্তবা মীওইশিংনা মায়োক্নরিবা ৱাখলগী অৱাবশিং লাকশিনবা; পুক্নিং-ৱাখলগী ফিবম ফনা থম্বা; য়ুমদগী থবক শুবা; ভারত্তা মশা মরোমদোম শিজবা অমসুং মেদিয়াগী পাউদম; ভারত অমসুং অস্ত্রেলিয়াদা পুক্নিং-ৱাখলগী ফিবম অমসুং মীওইবগী হকশিং; হকচাংগী ফিবম চাদ্রবা মীওইশিংগী ৱাখল ফনা লৈনবা খুৎলায়শিংগী মতাং য়াওনা ভারত অমসুং অস্ত্রেলিয়াগী অখঙ-অহৈশিংনা ৱাফম কয়া খন্নগনি।

হকচাংগী ফিবম চাদ্রবশিং য়াইফনবা মতেং পাংন্নবা ২০১৯গী নবেম্বরদা দি.ই.পি.দবল্যু.দি অমসুং অস্ত্রেলিয়া সরকারগী মরক্তা এম.ও.য়ু অমা খুৎয়েক পীনখ্রে। হায়রিবা মীফম অসি খুৎয়েক পীনখিবা এম.ও.য়ু অদুগী মখাদা পাংথোকপনি।

মীফম অদুগী লাইভ স্ত্রিমিং দিপার্তমেন্তগী য়ু তুব চেন্নেল https://youtu.be/GcNKczaqVsQ. দা ফংগনি।

******