রোদ ত্রান্সপোর্ত অমসুং হায়ৱেজকী কেন্দ্র মন্ত্রী শ্রী নিতিন ভারকরিনা ঙসি পুদুচেরীগী অরুমপর্থপুরমদা লৈবা এন.ঐচ. ৪৫-এ.গী রেলৱে ক্রোসিং লান্না শাবা কিলোমিতর অমা শাংবা লৈকঙ থোং ভিদিও কনফরেন্সিংগী খুত্থাঙদা লৈবাক মীয়ামদা কত্থোকখ্রে‍। লুপা করোর ৩৫ চঙনা শাখিবা লৈকঙ থোং অদুনা পুদুচেরীগী মীয়ামগী, মরুওইনা ভিলিয়নুর, অরিয়ুর, কন্দমঙ্গলম, মনাভেলি, গোরিমেদু, অরোবিল অমসুং অরিয়নকুপ্পমগী মফমশিংগী মীয়ামগী মতম কুইনা ঙাইরকপা মথৌ তাবা ফীভম ফংহল্লগনি‍। থৌরম অদু পুদিচেরী য়ু.তি.গী লেফ্তনেন্ত গভর্নর দোক্তর কিরন বেদি, চীফ মিনিস্তর শ্রী ভি. নরায়নসামী অমসুং কেন্দ্রগী রাজ্য মন্ত্রী-আর.তি.ঐচ. জেনেরেল (রিতাইয়র্দ) দোক্তর ভি.কে. সিংহ, য়ু.তি. অদুগী মন্ত্রীশিং, মেম্বর ওফ পার্লিয়ামেন্ত, এম.এল.এ.শিং অমসুং কেন্দ্র অমসুং স্তেৎকী মকোক থোংবা ওফিসরশিংনা শরুক য়াখি‍।

থৌরমদুদা ৱা ঙাঙলদুনা শ্রী গদকরিনা হায়খিবদা প্রোজেক্ত অসি মীয়ামবু ত্রাফিক জামদগী ঙাকথোক্তুনা মতম অমসুং থাউ চঙবা হন্থহন্নবা, শাফনা চত্থোক চৎশিন য়াননবা, পোলুসন হন্থহন্নবা, লেভেল ক্রোসিং থিংজিন্নবা অমদি রেলৱে ক্রাফিক অপনবা লৈতনা চৎহন্নবা মীৎয়েঙদা পায়খৎপনি‍। এন.ঐচ. ৪৫ অসি লেন মরি শুহনবনা পুদুচেরীগা করাইকল হিথাংফম লোয়ন-লোয়ননা কন্যাকুমারি ফাওবা য়ৌরিবা ই.সি.আর. লম্বীগা অপনবা লৈতনা শম্নহনগনি‍। মসিনা লৌউ-শিংউবদা অমদি ঙা ফাবগী লমদসু কান্নহনগনি‍। হৌখিবা চহী তরুকসিদা পুদিচেরী য়ু.তি.দা এন.ঐচ শেমগৎ শাগৎপদা লুপা করোর ৭০ শীজিন্নখ্রে হায়না মহাক্না হায়খি‍। মহাাক্না তামিল নাদু – পুদুচেরী শম্নহন্নবগী লুপা করোর ১১,০০০ রোম চঙগদবা পুন্না কি:মি: ২৮৭ শাংবা থবক অদুগী মতাঙদসু পাউদমখি‍। মসিদা এন.ঐচ. ৩৩২ এ.গী মহাবলিপুরমদগী মুগাইয়র ফাওবগী শরুক, এন.ঐচ. ৩৩২ এ.গী মুগাইয়রদগী মরক্কনম ফাওবগী শরুক, এন.ঐচ. ৪৫ এ.গী ভিলুপুরমদগী পুদুচেরী ফাওবগী শরুক, এন.ঐচ. ৪৫এ.গী পুদুচেরীদগী পুন্দিয়াকুপ্পম ফাওবগী শরুক, এন.ঐচ. ৪৫এ.গী পুন্দিয়াকুপ্পমদগী সত্তনাথপুরম ফাওবগী শরুক, অমসুং এন.ঐচ. ৪৫এ.গী সত্তনাথপুরমদগী নাগপত্তিনম ফাওবগী শরুক য়াওরি‍।

এম.ও.এস.-আর.তি.ঐচ. জেনেরেল (রিতাইয়র্দ) দোক্তর ভি.কে. সিংহনা, মন্ত্রালয়না পুদুচেরীবু তামিল নাদু অমসুং লৈবাক্কী অতৈ মফমশিংগা মপুং ফানা শম্নহন্নবা হোৎনরি হায়না হায়খি‍। লুপা করোর ৯ চঙনা পায়খৎলিবা মদাগদিপেত স্তেতকী ঙমখৈদগী অরিয়ুর খুঙ্গঙ ফাওবগী কি:মি: নিপান শাংবা লম্বীগী ফীভম ফগৎহনবগী থবক লাক্লিবা দিসেম্বর ফাওবগী মনুংদা লোইরবা য়াই হায়না মন্ত্রী অদুনা পাউদমখি‍। চাউরাক্না লুপা করোর ১৩৫৪ চঙনা শেমগৎকদবা এন.ঐচ. ৩৩২ এ.গী মরাক্কনম – কুমিনেদু শরুক অমসুং পুদুচেরী বাইপাস, রাজিব গান্ধী স্কোয়রদা গ্রেদ সেপরেতর শাগদবা, অমসুং ইন্দিরা গান্ধী স্কোয়ারদা গ্রেদ সেপরেতর শাগদবশিংগী দি.পি.আর. শেমবগী থবক চঙশিল্লি হায়না মহাক্না মখা তানা পাউদমখি‍। লুপা করোর ৪৭গী ওইগদবা সি.আর.এফোকী থবক পুদিচেরী য়ু.তি.দা সেংসন তৌখ্রে হায়না মন্ত্রীনা হায়খি‍। করিগুম্বা য়ু.তি. লৈঙাক্না থাগৎলক্লবদি লুপা করোর ১৫গী অহেনবা শেন্ফমসু অয়াবা পীবা য়াই হায়না মহাক্না মখা তাখি‍।

পুদিচেরী য়ু.তি.গী লেফ্তনেন্ত গভর্নর দোক্তর কিরন বেদিনা কেন্দ্র লৈঙাকপু য়ু.তি. অদুগী মীয়ামগী অপামবা ফংহনবিবগীদমক্তা থাগৎখি‍। মহাক্না থেংথরকপা প্রোজেক্তশিংগী চঙগদবা শেন্ফম হেনগৎলকপনা মখা তানা থেঙথনবা মচাক ওইহল্লি হায়রদুনা মসিগী মতাঙদা চেকশিনৱা থমখি‍। লম্বী শেমবগী ইঞ্জিনিয়রশিং অমসুং প.দব্লিউ.দি. ওফিসরশিংগী রিফ্রেসর কোর্সশিং পাঙথোক্নবা ৱাফমসু মহাক্না থমখি‍।

পুদুচেরী চীফ মিনিস্তর শ্রী ভি. নরায়নসামী অমসুং পব্লিক ৱর্ক্স মন্ত্রী শ্রী এ. নমস্সিভায়মশু থৌরমদুদা ৱা ঙাঙখি‍।

***