স্তার্তঅপশিংনা হৌজিক পুথোক্নবা থবক চত্থরিবা তোঙান তোঙানবা কোবিদ ১৯ রেপিদ দিতেক্সন তেক্নোলোজীশিং অসিগী অথুবদা ভারতনা অপাম্বা খনবগী খুদোংচাবা ফংলগনি।

অপীকপা ক্লিনিকশিং, এয়রপোর্তকী চংফমগুম্বা নত্রগা অপিকপা লেবোরেতরীশিংদা রেপিদ মোলিক্যুলর তেস্তশিং পাঙথোক্নবা তেক্নোলোজী অমা, রেপিদ এন্তিবোদী তেস্তকী পালম প্লেৎফোর্মগী লেব অমা অমসুং কোবিদ ওইরম্বা য়াই চীংনবা সেম্পলশিংদা দাইরেক্ত এন্তিজেন তেস্তিং য়াহন্নবা রীদর য়াওবা তেস্ত কিৎ অমা হায়রিবশিং অসি মখোয়গী মরক্তা খরনি।

সোসাইতী ফোর ইন্নোবেসন এন্দ ওন্তরপ্রিনোরশিপ (সাইন), আই.আই.তি. বোম্বেনা ইমপ্লিমেন্ত তৌখিবা সাইন্স অমসুং তেক্নোলোজী বিভাগকী (দি.এস.তি.) নেস্নেল সাইন্স এন্দ তেক্নোলোজী ওন্তরপ্রিনোরশিপ দিবেলপমেন্ত বোর্দ (এন.এস.তি.ই.দি.বি.)গী থৌরাং অমা ওইরিবা সেন্তর ফোর ওগমেন্তিং ৱার ৱিৎ কোবিদ-১৯ হেল্থ খ্রাইসিস (কৱচ)কী মতেংগা লোয়ননা স্তার্তঅপ খরনা পুথোকপা তেক্নোলোজীশিং অসি কোবিদ-১৯গীদমক রিপর্পজ তৌখ্রে অমসুং চাউথোকহনখ্রে।

কোবিদ ১৯গী তোঙান তোঙানবা সোলুসনশিং পুথোক্নবা খনগৎখিবা কম্পনী ৫১গী মরক্তা, ১০দি দাইগনোস্তিক কিৎশিং অমসুং থেরাপী সোলুসনশিং শানবা অমসুং পাক শন্নবা দিপ্লোই তৌনবা ওইরি। অয়াম্বা তেক্নোলোজীশিং অসি আই.সি.এম.আর.গী বেলিদেসনগী মখাদা লৈ অমসুং বেলিদেসন তৌবা অমসুং অয়াবা পীবগী প্রোসেসশিং অসি হেক লোয়বগা অমসুং অয়াবা পীবগা মথৌ তৌহল্লগনি।

ওমিক্স রিসর্চ অমসুং দাইগনোস্তিক্স লেবোরেতরীশিংনা দি.এস.তি.গী মতেংগা লোয়ননা লুপ-মেদিএতেদ আইসোথর্মেল এমপ্লিফিকেসন (লেম্প) কৌবা তেক্নোলোজী অমগী মতেং লৌদুনা শেল চংদবা কোবিদ ১৯গী মোলিক্যুলর তেস্তশিং থুনা তৌবা য়াহন্নবা মখোয়গী ওমিক্স-এম্প প্লেৎফোর্ম অসি শীজিন্নহল্লি। লেম্প তেস্তশিং অসি ইন-বিল্দ মেছিন লর্নিং অলগোরিথমশিং য়াওরগা কলর দিতেক্সন দিবাইস অমা ওইনা সেম্পলশিং পোজিতিব নত্রগা নেগেতিব ওই হায়না চুম্না তাক্লি। মসি অপীকপা ক্লিনিকশিং, এয়রপোর্তকী চংফমগুম্বা নত্রগা অপিকপা লেবোরেতরীশিংদা দিপ্লোই তৌবা য়াগনি।

ওমিক্স-এম্প প্লেৎফোর্ম অমসুং লেম্পতা বেজ তৌবা লায়না শীজিন্নবা য়াবা কিৎ ৫ অসি হৌজিক-হৌজিক আই.সি.এম.আর.না বেলিদেসন তৌরি। লেম্প তেক্নিক অসিনা মোলিক্যুলর তেস্তিংদা আর.তি-পি.সি.আর.গী হেন্না চম্বা অমসুং অরাইবা অতোপ্পা মওং অমা ফংহল্লি অমসুং পাক শন্না হেন্না চুম্বা মোলিক্যুলর তেস্তিং দিপ্লোই তৌবা য়াহল্লি।

সিঙ্গল ত্যুব কিৎশিং অসি রিএজেন্ত পুম্নমক্কা লোয়ননা রুম তেম্পরেচরগী স্তেবল ফোর্মেৎতা য়াওজরগা লাক্লি। দিবাইস অসিনা অমদি ইন-বিল্দ মেছিন লর্নিং অলগোরিথম অসিনা শেল চংদবা দিতেক্সন সিস্তেম অমা ফংহল্লি (লুপা ৫০,০০০দগী তাবা) লোয়ননা পোজিতিব অমসুং নেগেতিব কেসশিং ওথোমেতেদ ওইবা খঙদোকপা য়াহনগনি।

সোসাইতী ফোর ইন্নোবেসন এন্দ দিবেলপমেন্ত, আই.আই.এসসি, বেঙ্গলোরগীদা ২০১৫দা ইনকুবেৎন তৌখিবা পাথশোধ হেল্থক্যেরগী ‘অনুপাথ’ কৌবনা পাল্ম প্লেৎফোর্মগী লেব অমা ওইরিবা অসি কোবিদ-১৯ রেপিদ এন্তিবোদী তেস্তকীদমক রিপর্পজ তৌখ্রে।

পাথশোধ, তোপ-তোপ্পা সোলুসন অমা ওইরিবা অসিনা দিসপোজেবল তেস্ত স্ত্রিপশিংগা লোয়ননা ইলেক্ত্রোনিক রীদর অমা শীজিন্নরি, মসিনা ফলশিং পীবদা অশোইবা থোকহন্দে।মসি অয়াম্বা তেস্তশিংনা আইজিজি তেস্তশিং খক্তা ওইবগী মান্নদনা অপুনবা এন্তিবোদী তেস্ত অমনি (আইজিএম অমসুং আইজিজি অনিমক)। মসি কৈথেলদা লৈরিবা ক্বালিতেতিব তেস্তশিং অসিগা মান্নদবা মওংগী ক্বান্তিতেতিব তেস্ত অমনি, হায়রিবা অসি ইম্ম্যুনিতী লেবেল খঙদোকপদা য়াম্না মরু ওই। দিতেক্সনগী লিমিৎ অসি নেনো মোলর কনসেনত্রেসন ১০গী মখাদা য়ৌবা ঙম্লি। তেস্তকী ফলশিং অসি আধার নম্বর অমসুং আরোগ্য এপ সেতুগা লিঙ্ক তৌবা য়াই।

মখোয়না কোদিদ-১৯ শানবা সি.দি.এস.সি.ও. তেস্ত লাইসেন্স ফংখ্রে।তেস্ত এসে অসি ঈগী সেম্পলশিংদা কোবিদ-১৯ রিকোম্বিনেন্ত এন্তিবোদীশিংগী স্পাইক মপুং ফানা বেলিদেতেদ তৌখি।অহানবগী ফলশিং অসি তশেংবা পেতেন্তগী সেম্পলশিংদা য়াম্না কান্নগনি অমসুং লাক্কদৌরিবা নুমিৎ খরা অসিদা অহেনবা তেস্তশিং পাঙথোকপা ঙম্লগনি।মখোয়না সেপ্তেম্বর ৩০ ফাওবদা তেস্ত কিৎ অসি আই.সি.এম.আর.গী বেলিদেসন অমসুং অয়াবা লৌনবা পীশিন্নবা থৌরাং তৌরি।

প্রান্তে সোলুসন্স ও.পি.সি.না কোবিদ ওইরম্বা য়াই চীংনবা সেম্পলশিংগী দাইরেক্ত এন্তিজেন তেস্তিংগী রীদর অমা য়াওবা তেস্ত কিৎ অমা পুথোকখ্রে।মসি লোকেলাইজ সর্ফেস প্লাজমোন রিজোনেন্স এনহেন্সমেন্ত কৌবা তেক্নোলোজী অমদা য়ুম্ফম ওইরগা ১০০ পি.জি. কনসেনত্রেসনদগী তাবা প্রোতিনশিংগী ক্বান্তিফিএবল মীজরমেন্ত তৌবা য়াহল্লি।তেক্নোলোজী অসি আর.তি-পি.সি.আর.গী মহুৎ শিন্নবা রেপিদ অমনি অমসুং পোইন্ত-ওফ-ক্যেরদা দিপ্লোই তৌগনি।

কোবিদ-১৯ দিতেক্সন কিৎ ভি.২.০ হ্যুৱেল অসিদা চহি অমমুক্কী সেল্ফ লাইফ অমা লৈজবা সিঙ্গল ত্যুব আর.তি. ক্যু.পি.সি.আর.গী রিভর্স ত্রান্সক্রীপতেস এঞ্জাইমগা লোয়ননা কোরোনা ভাইরস দিতেক্ত তৌনবা শিজিন্নবা য়ারবা ওলিগো মিক্স অহুম য়াওই।    

চিমেরা ত্রান্সলেস্নেল রিসর্চ ফ্রেতর্নিতীনা কোবিদ-১৯ অনাবশিং লায়েংবদা অনাবদা চপ চাবা দোজকী চাং পীনবা স্তেমজদর্দাইজ তৌরবা থেরাপ্যুতিক দোজ অমা পীনবা তেক্নোলোজী অমা দিবেলপ তৌখ্রে। মখোয়না দিবলপ তৌরিবা লাইওফিলাইজ- কোবিদ এন্তিবিদী রিচ প্রদক্ত (এল-সি.এ.আর.পি.) অসিনা শাফগদবা থেরাপী অমা পীরি অমসুং স্ক্রিন্নিং প্রোসেসকী মতেংনা স্ত্রেতেজিক দোনর অমনা লায়না অসি শন্দোকপা থিংই। অরোইবা মীকুপ্তা প্লাজমা থীবদা অমসুং স্ক্রীন্নিং অমসুং ৱিদ্রোৱল তৌবদা থেংথদনবা মখোয়না এল-সি.এ.আর.পি.গী বেঙ্ক অমা দিবেলপ তৌখ্রে। 

সিনে আই.আই.তি. বোম্বে এফ.আই.আই.তি., আই.আই.তি. দিল্লী, এস.আই.আই.সি., আই.আই.তি. কানপুর, ঐচ.তি.আই.সি., আই.আই.তি. মদ্রাস, বেঞ্চর সেন্তর, পুনে, আই.কে.পি. নোলেজ পার্ক, হায়দরাবাদ, কে.আই.আই.তি.-তি.বি.আই. ভুবনেস্বরগুম্বা ইনক্যুবেতরশিংনা মতম চানা তেক্নিকেল প্রোগ্রেসশিংদা এদভাইস তৌই, তঙাই ফদবা গাইদলাইন পুম্নমক তুং ইন্নবা, এম.ও.য়ু.শিং খুয়েংক পীনবদা অমসুং অতোপ্পশিংদা স্তার্তঅপশিংবু লমজিং লমতাকপীরি। 

*****