কেমিকেল্স অমসুং ফর্তিলাইজর মন্ত্রালয়

আই.এফ.এফ.সি.ও. অমসুং প্রসার ভারতিনা ভারতকী লৌউশিংউ চাউখৎনবা হোৎনবদা মতেং পাংনবগীদমক লৌউশিংউগী তেক্নোলোজী অমসুং ইন্নোবেসনশিং শন্দোক্নবা য়ানচেদা খুৎয়েক পীনখ্রে

Posted On: 06 OCT 2020 5:38PM by PIB Imphal

মালেমগী খ্বাইদগী চাউবা ফর্তিলাইজর কোওপরেতিব ওইরিবা ইন্দিয়ন ফার্মর্স ফর্তিলাইজর কোওপরেতিব লিমিতেদ (আর.এফ.এফ.সি.ও.) অমসুং প্রসার ভারতিনা নিংথৌকাবা নুমিত্তা ভারতকী লৌউশিংউ চাউখৎনবা হোৎনবদা মতেং পাংনবগীদমক লৌউশিংউগী তেক্নোলোজী অমসুং ইন্নোবেসনশিং শন্দোক্নবা য়ানচেদা খুৎয়েক পীনখ্রে। য়ান্নৱারোল অদু পৃথিবী ভাবন, নৈ দিল্লীদা পাংথোকপা থৌরম অমদা খুৎয়েক পীনখিবনি।

য়ান্নৱারোল অদুগী মতুং ইন্না, দি.দি. কিসান্না লৌমীশিংদা কান্নবা ফংজনবা মিনিৎ ৩০গী থৌরম পরেং ওইনা লৌউশিংউগী হীরমদা শীজিন্নরিবা অনৌবা তেক্নিকশিংগী মতাংদা  অরাইবা লোলদা শন্দোক্কনি।

লৌমীশিংবু আত্মনির্ভর (ইরোমদোম লেপচবা) ভারত ফংহন্নবা হোৎনবা মতমদা লৌউশিংউগী অনৌবা তেক্নিক অমসুং মখোয়বু করম্না চলাইগদগে হায়বগী মতাংদা লৌমীশিংদা শন্দোক্না তাকপীবা চঙই। এম.ও.য়ু. অসিনা পান্দম অসি ফংহন্নবা হোৎনবদা মতেং পাংলগনি। আই.এফ.এফ.সি.ও.গী ইন্নোবেসনশিং অসি দি.দি. কিসানগী থোংদা পরিং ২৫মুক শাংনা অরাইবা লোলদা লৌমীশিংদা ফংহনগনি।

দা. য়ু.এস. অৱস্থি, আই.এফ.এফ.সি.ও.গী মেনেজিং দিরেক্তরনা হায়খি মদুদি আই.এফ.এফ.সি.ও.না নেনোতেক্নোলোজীদা য়ুম্ফম ওইবা য়ুরিয়াগী মহুৎ অমা পুথোক্লে মসিনা লৌমীশিংদা অদুক্কী মতীক মতেং পাংলগনি। মহাক্না হায়খি মদুদি দি.দি. কিসান্দা লৌমীশিংদা কান্নবা পীগদবা অনৌবা থৌরম কয়া শন্দোক্কদৌরিবা অসি য়াম্না নুংঙাইবা অমনি। মসিনা ২০২২দা লৌমীশিংগী চাগা শরুক অনি থোক্না হেনগৎহনবগী পান্দম অদু ফংনবা হোৎনবদা মতেং পাংলগনি।

ভারত সরকারদা প্রিন্সিপাল সাইন্তিফিক এদবাইজর ওইরিবা কে. বিজয় রঘবন্না হায়খি মদুদি থৌরাং অসি লৌমীশিংগী য়াইফগদবা পুৱারী ওইহৌরগদবা খোঙথাং অমনি।

আই.এফ.এফ.সি.ও.দা লৌমীশিংদা কান্নবা পীগদবা অনৌবা তেক্নোলোজী কয়া অমা লৈ অমসুং দুর্দর্শন্দনা অমুক লৈবাক শীনবা থুংনা পাক চাউরবা নেৎৱার্ক লৈ। অসিগুম্বা পাক চাউরবা দি.দি.গী নেৎৱার্ক অসিনা লৌমীশিংদা মতেং পীগদবা অনৌবা লৌউশিংউগী ইন্নোবেসনশিং অরাইবা লোলদা শন্দোকপদা মতেং পাংলগনি।

প্রসার ভারতি সি.ই.ও. শশি ভেম্পাতিনা মসিবু চাউথোকচনিংঙাই ওইবা মীকুপ অমনি হায়খি। মহাক্না হায়খি মদুদি অসিগুম্বা পাম্বৈ অসিনা লৌমীশিংদা অরাইবা লোলদা ই-পাউশিং অসি শন্দোক্কনি। মসিগী থৌরমশিং অসি দিজিতেল মেদিয়মগী থোংদা নহা ওইরিবা লৌমীশিংনা থৌরাং অসিদগী কান্নবা ফংগনি।

দুর্দর্শন দিরেক্তর জেনরেল ময়াঙ্ক অগরৱালনা হায়খি মদুদি য়ান্নৱারোল অসিনা সাইন্তিস্তশিংনা লেবতা পুথোক্লিবা ইন্নোবেসনশিংবু অমসুং নহা ওইরিবা লৌমীশিংদা মতেং পাংগদবা লৌমীশিংনা তৌরিবা এক্সপরিমেন্তশিং শন্দোকপদা মতেং পাংগনি। 

******



(Release ID: 1662081) Visitor Counter : 6