লাইরিক তম্নবা মচাকশিং তাবগী শক্তি ৱাৎলবা অঙাংশিংনা শীজিন্নবা ঙম্নবা ভারতকী সাইন লেঙ্গোইজশিংদা ওন্থোক্নবা ঙসি ইন্দিয়ান সাইন লেঙ্গোইজ রিছর্স এন্দ ত্রেনিং সেন্তর-আই.এস.এল.আর.তি.সি(সোসিএল জজতিস্ত অমসুং ইমপ্বারমেন্ত মিনিস্ত্রিগী দি.ই.পি.দব্লিউ.দিগী নেসনেল ইন্সতিতুৎ অমা) অমসুং এন.সি.ই.আর.তিগী মরক্তা পুৱারি  ওইরবা মেমোরেন্দম ওফ অন্দরসতেন্দিং(এম ও য়ু) অমা খুৎয়েক পীনখ্রে। ভর্চুএল ওইনা এম.ও.য়ু খুৎয়েক পীনবা অদুদা সোসিএল জজতিস্ত অমসুং ইমপ্বারমেন্তগী মিনিস্তর দোক্তর থাৱারচান্দ গেহলোত; য়ুনিয়ন ইজুকেসন মিনিস্তর রামেস পোখ্রিয়াল নিসানক; দি.ই.পি.দব্লিউ.দিগী সেক্রেতরি শ্রীমতি শকুন্তলা দোলে গামলিন, ইজুকেসন মিনিস্ত্রিগী সেক্রেতরি(এস ই অমসুং এল) শ্রীমতি অনিতা করৱাল, দি.ই.পি.দব্লিউ.দিগী জোইন্ত সেক্রেতরি অমসুং আই.এস.এল.আর.তি.সিগী দিরেক্তর দোক্তর প্রবোধ সেথ অমসুং এন.সি.ই.আর.তিগী দিরেক্তর রুসিকেস সেনাপতি শরুক য়াখি।

থৌরম অদুদা দোক্তর থাৱারচান্দনা হায়খি পুৱারি ওইরবা এম.ও.য়ু অসিনা এন.সি. ই.আর.তিগী তম্নবা লাইরিকশিং ইন্দিয়ান সাইন্ত লেঙ্গোইজ(আই এস এল)দা ওন্থোক্তুনা না পংলবা অঙাংশিং সাইন লেঙ্গোইজগী লাইরিকশিং শীজিন্নবা ফংলগনি অমসুং মসি তাবগী শক্তি ৱাৎলবা মহৈরোইশিং, ওজাশিং, ওজাশিং ত্রেনিং পীরবা ওজাশিং, মমা-মপাশিংশিং য়াম্না কান্নরগনি। এম.ও.য়ু অসিগী মতুংদা, এন.সি.ই.আর.তিগী লাইরিকশিং ভারতকী সাইন লেঙ্গোইজদা ফংলগনি হায়বদি ভারতকী নোংপোক নৎত্রগা নোংচুপ নৎত্রগা অৱাং নৎত্রগা খাদা লৈরিবা না পংলবা মহৈরোইশিংনা চপ মান্নবা লোল হায়বদি ইন্দিয়ান সাইন লেঙ্গোইজদা মখোয়না এন.সি.ই.আর.তিগী লাইরিক পাবা ফংলগনি। ইন্দিয়ান সাইন লেঙ্গোইজনা খেন্নবশিংগী মরক্তা লৈরিবা অপুনবগী শক্তম অমা উৎলে অমসুং মসিনা খুৎশিংগী মতেংনা অমসুং মিৎতা উহন্দুনা ঐখোয়গী লৈবাক্কী তাবগী শক্তি ৱাৎলবশিং অমতা ওইনা পুনশিল্লে।

শ্রী গেহলোতনা হায়খি মসিগী এম.ও.য়ু অসি রাইতস ওফ পর্সনস ৱিদ দিসএবিলিতিস এক্ত, ২০১৬ অমসুং নিউ ইজুকেস পোলিসি, ২০২০গী পান্দমশিং ফংনবা খোঙথাং অমনি। মসিগী এম.ও.য়ু অসিগী শরুক অমা ওইনা, এন.সি.ই.আর.তিগী তম্নবা লাইরিকশিং, ওজাশিংগী হেন্দবুকশিং অমসুং অতোপ্পা অহেনবা লাইরিকশিং অমসুং হিন্দি অমসুং ইংলিস মেদিয়মগী ক্লাস ১-দগী ক্লাস ১২ ফাওবগী সবজেক পুম্নমক দিজিতেল ওইনা ইন্দিয়ান সাইন লেঙ্গোইজদা ওন্থোক্কনি।

ঙসি এন.সি.ই.আর.তিগী ৬০সুবা মপোক নুমিৎতা ইন্সতিতুৎ অসি থাগৎলদুনা ইজুকেসন মিনিস্তর রামেস পোখ্রিয়ালনা হায়খি অনৌবা ইজুকেস পোলিসি ২০২০গী মতুংইন্না এন.সি.ই.আর.তিগী লাইরিকশিং ইন্দিয়ান সাইন লেঙ্গোইজদা ওন্থোক্নবা এন.সি.ই.আর.তি অমসুং আই.এস.এল.আর.তি.সি অনিগী মরক্তা এম.ও.য়ু অমা খুৎয়েক পীনবনি। হৌখিবা চহি ৬ অসিদা লৈবাক অসিগী দিবয়াংজনশিং য়াইফনবা সোসিএল জজতিস্ত অমসুং ইমপ্বারমেন্ত মিনিস্ত্রিগী দি.ই.পি.দব্লিউ.দিনা শিংথানিঙাই ওইরবা থবকশিং পাংথোকখ্রে অমসুং মাইপাকপগী অনৌবা রেকোর্দ কয়া থমখ্রে। মসিগী এম.ও.য়ু অসিনা ঐখোয়গী লৈবাক অসিদা না পংলবা অঙাংশিং থৌনা হাপ্লগনি। অনৌবা ইজুকেসন পোলিসি ২০২০ অসি পুম্নমক কোনশিনবা অমনি অমসুং মসিগী ঐখোয়গী লৈবাক অহোংবা পুরক্কনি।

শ্রীমতি শকুন্তলা দি.গামলিন্না হায়খি অঙাং ওইরিঙৈ মতমদা অঙাংশিংগী ৱাখল খন্নবগী লৌশিং শেমগৎলকপা মতমনি অমসুং মখোয়না তম্নবা দরকার ওইবা লাইরিকশিং ফংহনবা অসি য়াম্না দরকার ওই। হৌজিক ফাওবগী ওইনা, না পংলবা অঙাংশিং ৱা ঙাংবা তারগা নৎত্রগা অইবা ওইনা তাকপী-তম্বীরি অদুবু মসিগী এম.ও.য়ু অসিগী মতুংদা মখোয়না ইন্দিয়ান সাইন লেঙ্গোইজগী খুৎথাংদা তম্লগনি। মসিগী মখোয়গী লোন খঙবা হেনগৎহনবতা নত্তনা কন্সেপশিং খঙবা হেনগৎহল্লগনি। য়ুনিসেফকী “খুদিংমক্তা দিজিতেল তেক্সবুকশিং ফংহনবা” থৌরাংগী মখাদা মসিগী এম.ও.য়ু অসি খুৎয়েক পীনবনি অমসুং মসি অচৌবা ৱারেপ অমনি।

শ্রীমতি অনিতা করৱালনা হায়খি অনৌবা ইজুকেসন পোলিসি ২০২০ অসি লোল কয়াদা লাইরিক তম্বীবদা য়ুম্ফম ওইরি। হৌজিক এন.সি.ই.আর.তিনা ইজুকেসন মিনিস্ত্রিগী মখাদা ইন্দিয়ান সাইন লেঙ্গোইজগী সাইন লেঙ্গোইজ মোদুল অমা শেমগৎলগনি। সোসিএল জজতিস্ত অমসুং ইমপ্বারমেন্ত মিনিস্ত্রিগী দি.ই.পি.দব্লিউ.দিগী লাইরিকশিং ভারতকী সাইন লেঙ্গোইজদা ওন্থোক্নবা মসিগী পুৱারি ওইরবা এম.ও.য়ু অসি খুৎয়েক পীনবা অমসুং এন.সি.ই.আর.তিগী ৬০সুবা মপোক নুমিৎকীদমক মহাক্না থাগৎখি।

ঙসি ইন্দিয়ান সাইন লেঙ্গোইজ রিছর্স এন্দ ত্রেনিং সেন্তর-আই.এস.এল.আর.তি.সি(সোসিএল জজতিস্ত অমসুং ইমপ্বারমেন্ত মিনিস্ত্রিগী দি.ই.পি.দব্লিউ.দিগী নেসনেল ইন্সতিতুৎ অমা)অসি ইন্দিয়ান সাইন লেঙ্গোইজ শীজিন্নবা, তাকপী-তম্বীবা অমসুং থিজনবগী মতাংদা মীওই কয়া ত্রেনিং পীনবা লৈরিবা মনিংতম্বা ইন্সতিতুৎ অমনি। এন.সি.ই.আর.তি অসি ইজুকেসন মিনিস্ত্রিগী মখাদা লৈবা মনিংতম্বা স্কুল ইজুকেসনগী ফিবম ফগৎহন্নবা লৈবা ইন্সতিতুৎ অমনি অমসুং মসিনা মহৈরোইশিংগী তম্নবা লাইরিকশিং, অহেনবা লাইরিকশিং, নিউজলেত্তরশিং, চেফোঙশিং, দিজিতেলগী মচাকশিং, লাইরিক তম্বীবগী তেক্নিকশিং পুথোক্লি অমসুং মী খুদিংমক লাইরিক হৈহনবা হায়বা পান্দম অদু ফংনবা মাংজিল থাদুনা থবক পায়খৎলিবা এজেন্সি অমনি।

*****