পেত্রোলিয়ম অমসুং নেচরেল গ্যাস মন্ত্রালয়

শ্রী ধর্মেন্দ্র প্রধান্না সি.এন.জি. স্তেসন ৪২ অমসুং সিতি গেৎ স্তেসন ৩ মীয়ামগীদমক হাংদোকখ্রে


গ্যাসকী মচাক শেমগৎপদা বিলিয়ন $৬০ থাদখি: শ্রী প্রধান

মিনিস্তরনা সি.জি.দি. কাংলুপ্তা হেন্না চাওথোকপা ইনর্জি রিতেলর অমা চাওখৎনবা কৌখ্রে

Posted On: 06 OCT 2020 2:06PM by PIB Imphal

অকোইবগী খলদা শোকহন্দবা কম্প্রেস নেচুরেল গ্যাস (সি.এন.জি.) চাওথোকনবা পেত্রোলিয়ম অমসুং নেচুরেল গ্যাস অমসুং স্তীলগী মিনিস্তর শ্রী ধর্মেন্দ্র প্রধান্না মফম কয়াদা ঙসি সি.এন.জি. স্তেসন ৪২ অমসুং সিতি গেৎ স্তেসন ৩ মীয়ামগীদমক হাংদোকখ্রে। সি.এন.জি. স্তেসন অমসুং সিতি গেৎ স্তেসন পুম্বা ভিদিও কনফরেন্সগী খুত্থাংদা মিনিস্তরগা থৌরম অদুদা শম্নহল্লি। 

 

তোরেন্ত গ্যাস অসি স্তেত ৭ অমসুং য়ু.তি. ১গী দিস্ত্রীক ৩২দা সিতি গ্যাস দিস্ত্রীবুসন নেতৱার্কতা অয়াবা পীরি। মসিগী সি.এন.জি. স্তেসন অসি স্তেত কয়াগী মফম কয়াদা লৈরি মখোয় অদুদি উত্তর প্রদেশতা ১৪, মহারস্ত্রাদা ৮, গুজরাত্তা ৬, পঞ্জাবতা ৪ অমসুং তেলঙ্গনা অমসুং রাজস্থান্দা ৫/৫নি। সিতি গেৎ স্তেসন্না উত্তর প্রদেশ, মহারাস্ত্র অমসুং পঞ্জাবতা য়াওরি। 

থৌরম অদুদা ৱা ঙাংলদুনা শ্রী প্রধান্না সি.জি.দি. কাংলুপ্তা হেন্না চাওথোকপা ইনর্জি রিতেলর অমা চাওখৎনবা কৌখি। মহাক্না হায় মদুদি সরকারনা পোৎ লৈরিবশিং য়েংদুনা মখোয়গী অপাম্বা ফুইল মখল অমগী ফুইল রিতেল আউতলেৎদগী লৈবা য়াগনি মসি পেত্রোল, দিজল, সি.এন.জি., এল.এন.জি. নত্ত্রগা ইলেক্ত্রিক চার্জিং ওইবা য়াই। মহাক্না অমুকসু হায়খি মদুদি সরকারনা হায়রিবা ফুইল অসি পুথোক পুশিন য়াবা অমা শিন্দুনা মখোয়গী খুদোংচানবা ময়ুম ফাওবা য়ৌহনবা পাম্মি। মিনিস্তরনা হায় মদুদি লালোং অসিদা বেত্তরি স্বাপ্পিংগী খুদোংচাবাসু য়াওরি। 

শ্রী প্রধান্না হায় মদুদি লাক্কদৌরিবা চহি খর অসিদা মালেমদা ইন্দিয়ানা খ্বাইদগী ইনর্জি শিজিন্নবা লৈবাক ওইরগনি। মহাক্না হায়খি মদুদি ইন্দিয়াদা সি.জি.দি. নেতৱার্ক চাওখৎহনবা হায়বা অসি ঐখোয়গী ইকাই খুম্নরবা প্রধান মন্ত্রীগী ২০৩০ ফাওবদা ফংনবা পন্থুং থমখিবা সি.ও.পি. -২১ ক্লাইমেৎ চেঞ্জ অসিগী মিয়েং মখাদনি। শ্রী প্রধান্না হায় মদুদি বিলিয়ন $৬০ মসি লুপা করোর লাখ ৪ হেনবা অসি পাইপলাইন, তরমিনেল অমসুং গ্যাস ফিল্দগী মচাক মথুমদা শিজিন্নৈ। শ্রী প্রধান্না হায় মদুদি লৈবাক অসি গ্যাস বেজ তৌবা রোমদা চংশিল্লি, মসিনা অনানবা অমসুং অফবা ফুইল ফংবতা নত্তনা লৈবাক অসিনা অতোপ্পা লৈবাক্তগী শুংদ্রিবা থাওদা মিপাল তাংলবা অদু কোক্লগনি। শ্রী প্রধান্না হায় মদুদি সি.জি.দি. কম্পনি বাইও মাসশিংদা শেল থাদদুনা বাইও-গ্যাস পুথোক্নবা হোৎনগদবনি, লৌউ শিংউবগী অরেম্বা শিজিন্নবা, উমংগী পোত্থোক, সহরগী ফৎতবা অমসুং শন্থীদগী লৌগদবনি। মহাক্না হায় মদুদি অসিগুম্বা থৌরাং ৫০০ রোম হান্ননা শেমদুনা লৈখ্রে অমসুং অসিগুম্বা থৌরাং ৫০০০গী পান্দম লৈরি। মহাক্না হায় মদুদি অসিগুম্বা লায়চৎ মনুং অসিদা ঐখোয়গী কোরোনা লান্থেংনরিবাশিং অসিনা থৌনা লৈনা হোৎনদুনা মখোয়গী থোঙ্গাল ফাওবা য়ৌহনগনি।

পেত্রোলিয়ম অমসুং নেচুরেল গ্যাস মিনিস্ত্রীগী সেক্রেতরি শ্রী তারুন কাপুরনা থৌরম অদুদা ৱা ঙাংলদুনা হায় মদুদি সি.জি.দি. কাংবুনা কোবিদকী অৱাবা মরক অসিদা মখোয়গী পন্থুং য়ৌখি।

লৈবাক অসিদা সি.এন.জি. স্তেসনগী মশিং ২০১৪দা সি.এন.জি.৯৩৮ অমসুং ২০২০দা সি.এন.জি.২৩০০ লৈরম্বা অসিদগী হৌজিক শরুক অনি হেনগৎলি। হান্না লৈরবগা পুন্না থারগা ৯শুবা অমসুং ১০শুবা রাউন্দা সি.এন.জি. স্তেসন ১০,০০০ থম্নবা য়েংলি।

২০১৮দা লোইশিনখিবা ৯শুবা সি.এন.জি. চৎথখিবা রাউন্দ অসিনা জি.এ. ৮৬গা লোয়ননা দিস্ত্রিক্ত ১৭৪ পীখিবা অসিনা ভারতকী ওইনা খ্বাইদগী চাওবনি। রাউন্দ ১০শুবা অসিনা দিস্ত্রিক্ত ১২৪ জি.এ. ৫০গা লোয়ননা ওইখি। ৯শুবা অমসু ১০শুবা অনি অসি পুন্না লুপা করোর ১২০,০০০নি। মসিগী রাউন্দ অসিগী মতুংদা সি.জি.দি. অসি লৈবাক অসিগী দিস্ত্রীক্ত ৪০৭ পীদুনা লৈবাক অসিগী ৫০% অমসুং মীশীং ৭০% হেনবা কোনশিনগনি।

অসিগুম্বা সি.জি.দি.য়াম্না হেনগৎলকপা অসিনা পি.এন.জি. মিতর, পি.এন.জি. রিগুলেতর, সি.এন.জি. কম্প্রেসর,  সি.এন.জি. দিসপেনসর, সি.এন.জি. কাস্কেৎ ময়াম অমা লাক্কদৌরিবা চহি খর অসিদা য়াম্না হংলকপা য়ারি। হায়রিবা পোৎলমশিং অসি সি.জি.দি.সেক্তরনা থমদুনা আত্মানির্র ভারত ঐভিয়ান ওইহনবদা অমসুং লৈবাক অসিগী মফংমশিংদা অশেংবা ফ্যুইল ফংহন্নবা পুক্নিং থৌগৎলি।

*****



(Release ID: 1662059) Visitor Counter : 136