হকশেল অমসুং য়াইফ-য়ুম্বালগী কেন্দ্র মন্ত্রী দোক্তর হর্ষ বর্ধন্না কোবিদ-১৯ মেনেজ তৌনবা অয়ুর্বেদ অমসুং য়োগদা য়ুম্ফম ওইবা নেসনেল ক্লিনিকেল মেনেজমেন্ত প্রোতোকোল ঙসি অয়ুসকী রাজঞ মন্ত্রী (ইন্দিপেন্দেন্ত চার্জ) শ্রী শ্রীপদ য়েস্সো নাইকনা ভর্চুএল ওইনা শরুক য়াদুনা ফোঙদোকখ্রে‍। দিতি অয়োগ ভাইস চেয়রমেন দোক্তর রাজিব কুমার অমসুং নিতি অয়োগ মেম্বর (হকশেল) দোক্তর ভি.কে. পোলসু থৌরমদুদা ভর্চুএল ওইনা শরুক য়াখি‍।

আই.সি.এম.আর.গী হান্নগী দাইরেক্তর জেনেরেল দোক্তর ভি.এম. কাতোচনা চেয়র তৌবা ‘নেসনেল ক্লিনিকেল মেনেজমেন্ত প্রোতোকোল: কোবিদ-১৯’দা অয়ুর্বেদ অমসুং য়োগ ইন্তরভেন্সন পুনশিন্নবা শেমবা ইন্তরদিসিপ্লিনরী কম্মিতী অমা অমদি হীরমসিদা খঙ-হৈরবা এক্সপর্তশিংগী গ্রুপশিংনা রিপোর্ত অদু শেম্লগা ময়াম্না য়াগদবা চাংয়েং অমসুং লায়েংবদা শীজিন্নবগী দেতাদা য়ুম্ফম ওইবা রিকমেন্দেসন থাগৎখিবনি‍। হিদাকশিং অসিগী কান্নবশিং অমসুং শাফগদবা ফীভমশিং তাকপা ফাইন্দিংশিং অদু নেসনেল তাস্ক ফোর্স ওন কোবিদ-১৯ অমসুং জোইন্ত মোনিতরিং গ্রুপতা লানখত্তুনা নিতি অয়োগকী রিকমেন্দেসনগী মতুং ইন্না প্রোতোকোল ওইনা শেমখিবনি‍।

মখোয়গী রিকমেন্দেসনগী মতুং ইন্না, অয়ুস মন্ত্রালয়না নেসনেল তাস্ক ফোর্স অমা শেমদুনা ওল ইন্দিয়া ইন্সতিত্যুৎ ওফ অয়ুর্বেদ (এ.আই.আই.এ.) দিল্লী, ইন্সতিত্যুৎ ওফ পোস্ত গ্রেজুএত ত্রেনীং এন্দ রিছর্চ ইন অয়ুর্বেদ (আই.পি.জি.তি.আর.এ.) জামনগর অমসুং নেসনেল ইন্সতিত্যুৎ ওফ অয়ুরবেদ (এন.আই.এ.) জয়পুর, সেন্ত্রেল কাউন্সিল ফ,র রিছর্চ ইন অয়ুর্বেদিক সাইন্সেস (সি.সি.আর.এ.এস.), সেন্ত্রেল কাউন্সিল ফোর রিছর্চ ইন য়োগ এন্দ নেচরোপেথী (সি.সি.আর.ৱাই.এন.) অমসুং অতৈ লৈবাক্কী থাক্কী থিজিন লূপশিংদগী এক্সপর্ত কম্মিতীশিংনা য়ানবা অমগী মখাদা কোবিদ-১৯ মেনেজ তৌননবা অয়ুর্বেদ অমসুং য়োগদা য়ুম্ফম ওইবা নেসনেল ক্লিনিকেল মেনেজমেন্ত প্রোতোকোল অদু শেমখিবনি‍।

মীয়ামগী মশা মউ ফনা থম্নবগীদমক পীরিবা পাউতাকশিং অসি য়াম্না পাম্নবা ওইরকপসিদা অয়ুস মন্ত্রালয়না ফংলিবা এচীভমেন্ত অদুবু থাগৎলদুনা, দোক্তর হর্ষ বর্ধন্না হায়খিও “প্রধান মন্ত্রী শ্রী নরেন্দ্র মোদী জীনা কোবিদ-১৯ মেনেজ তৌননবা অয়ুসকী পাউতাকশিং অসি ইন্দুনা চৎনবা ৱাফম থমখি‍। ঙাকথোক্ননবা অমদি চেকশিনৱা ওইনা শীজিন্নরিবা প্রোতোকোল অসিনা কোবিদ মেনেজ তৌবদা নত্তনা অনৌবা মতমগী খুদোংচাদবা ৱাফমশিংগী ৱারোইশিন পুরক্নবগী মরী লৈনবা ত্রেদিসনেল ওইবা ৱাখল লৌশিংগী লমদা শিংথানিংঙাই ওইরবা খোঙথাঙ অমা ওইরি‍।” লনা ফংবা অয়ুর্বেদকী মনা মশিংশিং য়াওহনবা অমদি লাইওং উত্তবা অমদি ইচম চমবা লাইওং উৎপা কোবিদ কেসশিং লায়েংনবগীদমক গুদুচি, অস্বগন্ধ, অয়ুস-৬৪গুম্বা হিদাক লাংথকশিং শেমবদা মহাক্না অপেনবা ফোঙদোকখি‍।

দোক্তর হর্ষ বর্ধন্না কোলোনিএল স্ত্রগলদা অয়ুর্বেদকী থৌদাংগী মতাঙদা ঙাঙলদুনা মালেমদা ভারতনা লৌখিবা থৌদাংগী মতাঙদা ৱাফম পুখৎননবা শ্রী হর্বিলাস সর্দানা হিন্দু হিদাক লাংথক্কী শরুক অমা লেংদুনা হায়খিবা ‘অয়ুর্বেদ অসি ভেদিক মতমদা অথর্ব ভেদগী শরুক অমা ওইনা ফংই‍। কাংলোন অসি পর্সিয়াদা চৎখিদুনা মফমদুদগী য়ুরোপ্তা চৎখি অমদি অনৌবা মতমগী হিদাক লাংথক্কী য়ুম্ফম শেমগৎপদা নীংথিনা শাফু পীখি” হায়না পাউদমখি‍। “লাইবক থিবদি, নিং তম্লবা মতুংদা প্রধান মন্ত্রী শ্রী নরেন্দ্র মোদী জীনা মসিবু মসিগী মরুওইবদু খঙলদা পুখৎলক্ত্রিফাওবা অয়ুর্বেদ নীংথিনা মশক খঙবিখিদে”, হায়না মহাক্না মখা তাখি‍।

‘দি নেস্নেল কম্মিসন ফোর ইন্দিয়ন সিস্তেম ওফ মেদিসিন বিল, ২০২০’ অমদি জামনগরদা লৈবা ক্লস্তর ওফ অয়ুর্বেদ ইন্সতিত্যুৎপু লৈবাক্কী থাক্কী মরুওইবা ইন্সতিত্যুৎ অমগী থাক্তা পুখৎলকনবগী বিলগা গা লোয়ননা অয়ুস য়োকখৎপদা লৈঙাক্কী থৌরাংগী মতাঙদা মহাক্না শুগায়না থমখি‍। বিলশিং অসু অমত্তা ওইনা য়ানদুনা পাস তৌখিবা অসিনা মহৌশাগী ওইবা হিদাক লাংথক্কী মওং অসিবু অমুক হিঙ্গৎহন্নবগী ময়াম্না য়ানবা ৱাফম অদু তাক্লি,” হায়না মহাক্না মখা তাখি‍।

হকশেলগী সেক্রেতরী শ্রী রাজেস ভুষন, সেক্রেতরী (অয়ুস) ভৈদ্য রাজেস কতোচ অমসুং অয়ুস মন্ত্রালয়গী অতৈ মকোক থোঙবা ওফিসিএলশিংসু থৌরমদুদা শরুক য়াখি‍।

****