ইনফোর্মেসন অমসুং বোর্দকাস্তিংগী কেন্দ্রগী মন্ত্রী শ্রী প্রাকশ জাবাদেকরনা ঙসি ফিল্ম একজিবিসনগী স্তেন্দর্দ ওপরেতিং প্রোসিজরশিং (এস.ও.পি.) ফোঙখ্রে। ফিল্ম একজিবিসনগী চেকশিল থৌরাংগী এস.ও.পি. অসি হকশেল অমসুং য়াইফ য়ুম্বাল মন্ত্রালয়গা লোয়ননা তান্নদুনা শেমখিবনি।

এস.ও.পি. অসি ফোঙলদুনা মন্ত্রীনা হায়খি গৃহ মন্ত্রালয়গী য়াথং মতুং ইন্না ওক্তোবর ১৫, ২০২০দগী সিনেমা হোলশিং হাংবা য়ারগনি অমসুং হীরম অসিদা আই অমসুং বি মন্ত্রালয়না এস.ও.পি. শেম্লে।

মসিদা ঙাক্না চৎকদবা কাঙলোনশিং অসিদা হকশেল অমসুং য়াইফ য়ুম্বাল মন্ত্রালয়না পীবা জেনরেল প্রিন্সিপলশিং য়াওরি, হায়রিবা অসিদা বিজিতরশিং/স্তাফশিং থর্মেল স্ক্রীনিং তৌবা, ফিজিকেল দিস্তেন্সিং মরাং কায়না থম্বা, ফেস-কভর/মাস্কশিং শীজিন্নবা, তোয়না খুৎশা হাম্বা, হেন্দ সেনিতাইজর অসিনচিংবা ফংহনবা অমসুং ফিল্ম একজিবিসন অসিগা মরী লৈননা মরু ওইনা লোক খুবা হাকথি খনবগী কাঙলোনশিং য়াওরি। মন্ত্রালয় অসিগী জেনরেল এস.ও.পি. অসি ফিজিকেল দিস্তেন্সিং তৌবা, পরেংদা লেপ্নবা য়েক্তুনা থম্বা চংফম অমসুং থোকফমগী মওং, স্তাফকী শাফনবা থৌরাং, শোক্না শম্নবা হন্থহনবা য়াওনা সেক্তর অসিদা লৈরিবা ইন্তরনেস্নেলগী কাঙলোনশিংদা য়ুম্ফম ওইরগা শেমখি। ফমফমগী মওং অসি সীতিং কেপাসিতীগী ৫০% খক্তমক ওইগদবনি। শোগী মতমশিং চপ মান্ননা তাশিনমিন্নদনবা মল্তিপ্লেক্স শোগী মতমশিং অসি কান্নগদবনি। তেম্পরেচরগী সেত্তিং অসি ২৪°-৩০°সিগী চাংদা লৈহনগদবনি।

ঙাক্না চৎকদবা কাঙলোনশিং অমসুং এস.ও.পি. অসি রাজ্য পুম্নমক অমসুং অতোপ্পা স্তেকহোল্দরশিং অমসুং রাজ্য সরকারশিংনা ফিল্মশিংগী একজিবিসন হৌবা মতমদা শীজিন্নবা য়াগনি।

ফিল্মশিংগী একজিবিসন্না ঐখোয়গী লৈবাক অসিগী জি.দি.ই.দা চাউনা কান্নবা পীরিবা অচৌবা শেন্মীৎলোনগী ওইবা থবক থৌরম অমনি। হৌজিক ওইরিবা কোবিদ-১৯গী লায়চৎ অসিদা, ফিল্মশিংগী একজিবিসনগী থবক থৌরমশিংদা শরুক য়ারিবা তোঙান তোঙানবা স্তেকহোল্দরশিংনা মখোয়গী থবক অমুক হন্না হৌবদা/ থবক থৌরমশিং পাঙথোকপদা লায়চৎ অসি হেন্না শন্দোকহন্দনবা অকনবা চেকশিল থৌরাংশিং লৌখৎপা তাই।

গৃহ মন্ত্রালয়গী সেপ্তেম্বর ৩০, ২০২০গী ভাইদ ওর্দর অসিদা ইন্তর এলিয়া ওইনা কন্তেনমেন্ত জোনশিংগী ৱাংমদা লৈবা মফমশিংদা খক্তা ওক্তোবর ১৫, ২০২০দগী চৎনবা হৌদুনা সিনেমাশিং/থিএতরশিং/মল্তিপ্লেক্সশিং মখোয়গী সীতিং কেপাসিতী ৫০% ফাওবগা লোয়ননা অমুক হন্না হাংনবগী গাইদলাইনশিং থোকখি।

মখাদা পীরিবা লিঙ্ক অসিদা রিলিজকী অকুপ্পা মরোল ফংবীগনি:

https://mib.gov.in/sites/default/files/SOP%20for%20exhibition%20of%20films.pdf

SOPs for reopening of cinema🎞️ halls announced

Only 50 per cent seating will be allowed of the total capacity of cinema halls. Alternate seats will be left vacant for social distancing; Face masks will be mandatory inside the cinema halls: Union Minister @PrakashJavdekar pic.twitter.com/U4UQKM3hrP

— PIB India (@PIB_India) October 6, 2020

*******