نئی دہلی:06 اکتوبر، 2020:

اطلاعات ونشریات کے مرکزی وزیر جناب پرکاش جاؤڈیکر نے آج یہاں فلموں کی نمائش کیلئے معیاری آپریٹنگ ضابطے (ایس او پی) جاری کیے۔ فلموں کی نمائش کیلئے احتیاطی اقدامات سے متعلق معیاری آپریٹنگ ضابطے (ایس او پی) صحت اور خاندانی بہبود کی وزارت کے اشتراک سے تیار کیے گئے ہیں۔

ایس او پی جاری کرتے ہوئے وزیر موصوف نے کہا کہ اُمور داخلہ کی وزارت کے فیصلے کے مطابق 15 اکتوبر 2020 سے سنیما ہال دوبارہ کھلیں گے۔ اس کے لئے اطلاعات ونشریات کی وزارت نے یہ ایس او پی تیار کی ہے۔

رہنما اصول وضوابط کی اہم جھلکیوں میں وہ عام اصول شامل ہیں جو صحت اور خاندانی بہبود کی وزارت کے ذریعے طے کیے گئے ہیں۔ اس میں تمام آنے والے افراد/ عملے کی تھرمل اسکریننگ، مناسب جسمانی دوری، فیس کور/ ماسک کا استعمال، بار بار ہاتھ دھونا، ہینڈ سینیٹائزر کا انتظام اور فلموں کی نمائش کے سلسلے میں سانس لینے کے آداب واطوار شامل ہیں۔ وزارت نے جسمانی دوری، نامزد کیومارکرس کے ساتھ داخلہ اور اخراج، سینیٹائزیشن، ملازموں کا تحفظ، کم از کم رابطہ سمیت اس سیکٹر میں نوٹیفائیڈ بین الاقوامی طریقہ کار کو ذہن میں رکھتے ہوئے یہ معیاری آپریٹنگ ضابطے تیار کیے ہیں۔ بیٹھنے کا انتظام کُل صلاحیت کے 50فیصد تک محدود رہے گا۔ ملٹی پلیکس شو کی ٹائمنگ اس طرح  تقسیم  کی جائے گی کہ ان کے شو شروع ہونے اور ختم ہونے کا وقت الگ الگ رہے۔ درجہ حرارت کی سیٹنگ 24 ڈگری سے 30 ڈگری سینٹی گریڈ کی حد میں رہے گی۔

رہنما اصول وضوابط اور ایس او پی کا سبھی ریاستوں، دیگر شراکت داروں اور ریاستی حکومتوں کے ذریعے فلم کی نمائش پھر سے شروع کرتے وقت استعمال کیا جائیگا۔ فلموں کی نمائش ایک اہم اقتصادی سرگرمی ہے اور اس نے ملک کے مجموعی گھریلو پیداوار میں کافی تعاون دیا ہے۔ موجودہ کووڈ-19 وبا کو دیکھتے ہوئے یہ نہایت اہم ہے کہ فلموں کی نمائش کی سرگرمیوں میں لگے مختلف شراکت دار اپنے آپریشن اور سرگرمیوں کو دوبارہ شروع کرتے وقت وبا کے پھیلنے کو روکنے کیلئے مناسب اقدامات کریں۔

وزارت داخلہ نے اپنے 30 ستمبر 2020 کے حکم نامہ  کے ذریعے  15 اکتوبر 2020 سے کنٹینمنٹ زون (گھیرابندی والے علاقے) سے باہر کے علاقوں میں 50 فیصد بیٹھنے کی صلاحیت کے ساتھ سنیما گھروں، تھیٹروں اور ملٹی پلیکس کو پھر سے کھولنے کیلئے رہنما خطوط جاری کیے ہیں۔

تفصیلی ریلیز درج ذیل لنک پر حاصل کی جاسکتی ہے۔

https://mib.gov.in/sites/default/files/SOP%20for%20exhibition%20of%20films.pdf

 

SOPs for reopening of cinema🎞️ halls announced

Only 50 per cent seating will be allowed of the total capacity of cinema halls. Alternate seats will be left vacant for social distancing; Face masks will be mandatory inside the cinema halls: Union Minister @PrakashJavdekar pic.twitter.com/U4UQKM3hrP

— PIB India (@PIB_India) October 6, 2020

-----------------------

م ن۔م ع۔ ع ن

U NO:6128

(Release ID: 1662228) Visitor Counter : 203