প্রধানমন্ত্রীগী লোইশঙ

প্রধান মন্ত্রী শ্রী নরেন্দ্র মোদী অমসুং ইজরেলগী প্রধান মন্ত্রী ঐচ.ই. মিস্তর বেঞ্জামিন নেতন্যাহুগী মরক্তা ফোন্দা ৱারী শাখ্রে

Posted On: 05 OCT 2020 8:00PM by PIB Imphal

ঙসি অঙনবদা প্রধান মন্ত্রী শ্রী নরেন্দ্র মোদীগা লোয়ননা ইজরেলগী প্রধান মন্ত্রী ঐচ.ই. মিস্তর বেঞ্জামিন নেতন্যাহুগা ৱারী শান্নখ্রে।

প্রধান মন্ত্রী মোদীনা প্রধান মন্ত্রী নেতন্যাহু অমসুং ইজরেলগী মীয়ামদা জুৱিশকী চহি হৌবা নুমিৎ অমসুং জুৱিশকী কুম্মৈ সুক্কোৎনা লাকপদা য়াইফ পাউজেল পীখি।

লুচিংবশিংনা কোবিদ-১৯ লায়চৎকা মরী লৈননা মরু ওইনা রিসর্চকী লমশিং, দাইগনোস্তিক খুৎলাইশিং অমসুং বেক্সিন পুথোক্নবগী ত্রাইএলশিংগী লমশিংগী মতাংদা বাইলেতরেল কোওপরেসন অসিগী মখাদা লৌখৎলিবা থবক থৌরমশিং য়েংশিনখি। হায়রিবা মরু ওইবা লমশিং অসিদা পুন্না খুৎশম্নদুনা হোৎনবা মরু ওই হায়না য়ান্নখি মসিনা লৈবাক অনিগী মীওইশিংগী কান্নবা খক্তা নত্তনা মীওইবা জাতিদা চাউনা কান্নবা ফংহনগনি।

মখোয়না হৌজিক খুৎশম্ননা চত্থরিবা ঈশিং অমসুং লৌউ-শিংউ, হকশেল, ললোন-ইতিক অমসুং স্তার্তঅপ অমসুং ইন্নোবেসনগী লমশিং য়েংশিনখি অমসুং মসিদা মখা তানা মরী ফগৎহন্নবসু খন্নখি।

লুচিংবশিংনা থোরক্লিবা রিজনেলগী অমসুং মালেমগী খুদোংচাদবশিং অমসুং খুদোংচাবশিং তান্ননবা অমসুং বাইলেতরেলগী ওইবা কান্নরবা পার্তনরশিপ অসি নকশিন্নহন্নবা অমসুং ফগৎহন্নবা লম্বীশিং পুথোক্নবা চাং নাইনা খন্ন-নৈনবশিং মখা তানা পাঙথোক্নবা ফিরেপ লৌমীন্নখি।

****



(Release ID: 1661888) Visitor Counter : 186