ঙাকশেল মন্ত্রালয়
স্মার্তকী ফ্লাইৎ তেস্ত মাই পাক্না তৌবা
Posted On:
05 OCT 2020 1:26PM by PIB Imphal
ঙসি ওক্তোবর ২০২০গী পুং ১১.৪৫ তাবা মতমদা ওরিশাগী সমুদ্র মপানগী ৱীলর ঈথৎতগী সুপর্সোনিক মিসাইল এসিস্তেদ রিলিজ ওফ তোর্পেদো (স্মার্ত)গী ফ্লাইৎ তেস্ত মাই পাক্না তৌখ্রে। য়ৌবা ঙমগদবা অরাপ্পা অমসুং অৱাংবা ফাওবা মিসাইল কাপখৎপা, নোজ কেনগা খায়দোক্নবা, তোর্পেদো থাদোকপা অমসুং বেলোসিতী রিদক্সন মেকানিজম (ভি.আর.এম.) অসি য়াওনা মিসনগী পান্দম পুম্নমক মাই পাক্না পাঙথোকখি।
সমুদ্র মপান্দা লৈবা ত্রেকিং স্তেসনশিংনা (রাদরশিং, ইলেক্ত্রো ওপতিকেল সিস্তেমশিং) অমসুং দাউন রেঞ্জতা লৈবা জহাজ য়াওনা তেলিমেত্রী স্তেসনশিংনা থবক থৌরম পুম্নমক য়েংশিল্লি।
স্মার্ত অসি তোর্পেদোনা য়ৌবা ঙম্বা অরাপ্পাদগী হেন্না শান্না এন্তি-সবমেরিন ৱার্ফিয়র (এ.এস.দবল্যু.) ওপরেসনশিং চত্থনবা অয়াংবা এন্তি-সবমেরিন তোর্পেদো সিস্তেম মিসাইলনা মতেং পাংলগা থাদোকপনি। মসিগী লোঞ্চ তৌবা অমসুং দেমোনস্ত্রেসন চত্থবা অসি এন্তি-সবমেরিন ৱার্ফিয়রনা তৌবা ঙম্বা অদু য়েংথোকদা য়াম্না মরু ওই।
দি.আর.দি.এল., আর.সি.আই. হাইদ্রবাদ, এ.দি.আর.দি.ই. অগ্রা, এন.এস.তি.এল. বিশাখপতনম য়াওনা দি.আর.দি.ও.গী লেবোরেতরী কয়ানা স্মার্তকী মথৌ তাবা তক্নোলোজীশিং দিবেলপ তৌখি।
মরু ওইবা থবক অসি পাঙথোকপগীদমক ঙাকশেল মন্ত্রী শ্রী রাজনাথ সিংহনা দি.আর.দি.ও.গী সাইন্তিস্তশিংবু থাগৎপা ফোঙদোকখি।
দি.দি. আর. এন্দ দি.গী সেক্রেতরী অমসুং দি.আর.দি.ও.গী চ্যেরমেন দা জি সাথীশ রেদীনা হায়খি, স্মার্ত অসি এন্তি-সবমেরিন ৱার্ফিয়রগী দেমোনস্ত্রেসনদা মরু ওইবা তেক্নোলোজী অমনি।
*****
(Release ID: 1661722)
Visitor Counter : 304
Read this release in:
Marathi
,
English
,
Urdu
,
Hindi
,
Bengali
,
Assamese
,
Punjabi
,
Odia
,
Tamil
,
Telugu
,
Malayalam