হিন্দুস্তান চেম্বর ওফ কম্মর্সকী ৭৪শুবা চহীগী ওইবা সেসন অদুদা কম্মর্স অমসুং ইন্দস্ত্রী অমসুং রেলৱেগী কেন্দ্রগী মন্ত্রী শ্রী পিয়ুশ গোয়লনা ঙসি ভর্চুয়েল্লি ওইনা ৱা ঙাংখ্রে৷ হিন্দুস্তান চেম্বর ওফ কম্মর্সনা লাইনা-লাইচৎ অসিগী মনুং অসিদা কান্নবা মরু ওইবশিং মশক খঙহল্লিবা য়াম্না চান্নবা হিরম অমা ওইরিবা কম্মর্সকী চেম্বরশিংগী থৌদাংদা অমসুং তেক্নোলোজীগী মরু ওইবশিংদা মীৎয়েং থমদুনা চহীগী ওইবা সেসন অসি পাংথোকপনি হায়না মহাক্না ফোংদোকখি৷

চেম্বর ওফ কম্মর্সকী থৌদাং অসি নুংতি নুমিৎ খুদিংগী হেন্না মরু ওইবা হেল্লক্লি হায়দুনা মন্ত্রী অদুনা ফোংদোকখ্রে৷ চেম্বর অসিনা পাইখৎলিবা ইনিসিয়েতিবশিং অসিনা মখোয়না পাংথোকপা ঙমগদবা থবকশিং মদু ময়েক শেংনা উৎলে হায়দুনা মহাক্না ফোংদোকখি৷ চেম্বরশিং অসিনা সরকার অসিগা মরী লৈনবা থবকশিং, ব্যুজিনেস প্রোব্লেমশিং থেংন্নবা ইন্নোভেতিব সোলুসনশিং অমসুং কোবিদ অসি থেংনবদা সেঙ্কতিতী কাইহন্দনা থমবদা চেম্বরশিং অসিনা য়াম্না মরু ওইবা থৌদাং লৌখ্রে৷

ঐখোয়গী করবার অমুক হন্না শেমগৎনবা, সরকারগী থবকশিং অমুক হন্না রি-ইঞ্জিনিয়র তৌনবা অমসুং মতম খরগী ওইনা পোলিসীশিং, লোশিং অমসুং চৎনা-কাংলোনশিং হোংহন্নবা ঐখোয় ময়াম পুম্নমক্না পুন্না হোৎনমিন্নরী হায়দুনা শ্রী গোয়লনা ফোংদোকখ্রে৷  সমাজ অসিগী শোৎথরবা সেক্সনশিং অমসুং নিং-থা তম্লবা চহী ৭৩ শুরবা অসিদা কান্নবা অমতা ফংদ্রিবা মীওইশিংগী তুংগী য়াইফবা পুন্সি অমা ওইহন্নবগীদমক ব্যুজিনেস অমসুং সরকার অসিনা পুন্না হোৎনরি হায়না মহাক্না ফোংদোকখি৷ “ মীওইশিংগী পুন্সি হেন্না ফগৎনবা ঐখোয় পুন্না হোৎনমিন্নসি৷ ঐখোয়গী ক্বালিতী হেঙ্গৎহন্দুনা ভারত মচা মীওই বিলিয়ন ১.৩গী তুংগী পুন্সি য়াইফনবগীদমক ব্যুজিনেস অমসুং সরকার অসিগী খোঙজেল হেন্না য়াংনবা ঐখোয় পুম্নমক দিজিতেল তেক্নোলোজীদা থবক তৌরজি” হায়দুনা মহাক্না মখাতানা ফোংদোকখি৷

ভারত ব্যুজিনেসকী অশেংবা রিসাইলেন্স অদু চাংয়েং তৌনবগীদমক মসিনা খ্বাইদগী মতিক চারবা মতমনি হায়না মন্ত্রী অদুনা ফোংদোকখি৷ ঐখোয়না পি.পি.ই.শিং, মাক্সশিং, ভেন্তিলেতরশিং অমসুং হিদাক-লাংথকশিং খ্বাইদগী য়াম্না পুথোকপা লৈবাক অমা খক্তা নত্তনা পোত্থোকশিং অদুবুসু মপানদা থাদোকপা ঙম্লি হায়দুনা মহাক্না ফোংদোকখি৷ য়াম্না চেকশিন্না চৎথরিবা লোক দাউনগী মতম অসিগী মনুং ফাওবদা ঐখোয়গী পোত্থোকশিং মপান লৈবাক্তা লেপ্পা লৈতনা থাদোকপা  অসিনা ভারত অসি চৎমিন্নবা য়াবা পার্তনর অমনি হায়না মালেমদা উৎখ্রে৷ হৌজিক্তি মালেম অসিনা ভারতপু থাজবা য়াবা, গ্লোবেল সপ্লাই চেন্দা চৎমিন্নবা য়াবা পার্তনর অমনি হায়না খনখ্রে৷ “লাইনা-লাইচৎ অসিগী মাইয়োক্তা ভারতনা তৌরিবা থবকশিং অমসুং ঐখোয়গী ফবগী চাং য়াম্না ৱাংবা অসিনা ভারতপু মালেম পুম্বা অসিনা মশক খঙলে৷ সেল্ফ-রিলাইন ওইনবা, ওপরেসনগী স্কেল চাওথোক্নবা, অফবা মেনুফেকচরিং প্রেক্তিসশিং পুথোকপদা ভারতকী তৌবা ঙম্বশিং পুম্নমক মালেম অসিনা মশক খঙখ্রে৷ ঐখোয়গী ইন্দস্ত্রী অসি ভারতকী মীয়ামশিংগী অশা অদুগী মতুং ইন্না ফগৎলকলে হায়না ঐনা চাওথোক্না হায়বা ঙম্মি”, হায়না মহাক্না ফোংদোকখি৷

 শেল-থুমগী ফিভম অমু্ক হন্না ফগৎলকপা অসিগী মতাংদা ৱা ঙাংলদুনা, দাতা ময়াম অমনা ঐখোয়গী অৱাবগী মতম লোইরে হায়না উৎলে হায়দুনা মন্ত্রী অদুনা ফোংদোকখ্রে৷ চহী অসিগী সেপ্তেম্বর থাদা তৌখিবা মর্কেন্দাইস এক্সপোর্ত অদুসু মমাং চহী অদুদগী ৫% হেন্না ৱাংলে, জি.এস.তি. খোমজিনবা অদুসু মমাং চহীদগী ৪% হেন্না কারে অমসুং রেলৱেনা পোৎ-চৈ ১৫% হেন্না পুরে৷ “ইন্দিকেতরশিং অসিনা ঐখোয়গী পান্দম ওইরিবা গ্রোথ লেভেল ৱাংহনবা হায়বসি ভারতনা অমুত হন্না হল্লকপা ঙম্লগনি হায়না উৎলে”, হায়না মহাক্না মখাতানা ফোংদোকখি৷

ঐখোয়গী ব্যুজিনেস পুম্নমক অমুক হন্না হিংগৎনবা সরকার অসিনা হোৎনরি হায়দুনা থাজবা পীরদুনা শ্রী গোয়লনা ইন্দস্ত্রী অমসুং সরকার অসিনা পুন্না হোৎনমিন্নবা অসিনা রিকোভরী ফেস অসিদা লাকপা ঙম্লিবনি হায়না ফোংদোকখ্রে৷ তেক্নোলোজী অসি শিজিন্নদুনা ঐখোয়না সরকার, ব্যুজিনেস, ত্রেদ অমসুং ইন্দস্ত্রী অসিনা খোঙজেল য়াংনা চাওখৎপা ঙম্লিবনি হায়না ফোংদোকখ্রে৷

ভারতকী ইনফ্রাইস্ত্রকচর হেন্না ফনবা অমসুং লৈরবশিংদা ক্বালিতী লাইফস্তাইলগী কান্নবশিং অদু ফংহন্দুনা মসিগী ফিভম অসি লান্থোক্নবগীদমক মমাংগী চহী ৬ অসিদা প্রধান মন্ত্রী শ্রী নরেন্দ্র মোদীগী থবক থৌরমশিং অদু কয়ামুক মরু ওইবগে হায়বদু লাইনা-লাইচৎ অসিনা  উৎলে হায়না  শ্রী গোয়লনা ফোংদোকখি৷ স্বচতা মিসন, গ্যাস সিলিন্দর লেম্না ফংহনবগী খুদোংচাবশিং অমসুং লাইরবশিংদা হকশেলগী খুদোংচাবশিং অমসুং জন-ধন একাউন হাংদোকপা অসিনা মথৌ নিংথীনা তৌবদা হেন্না মতেং পাংলে হায়না মহাক্না ফোংদোকখি৷

থবকশিং অমুক হন্না শেম্নবা, পাংথোক্নবা অমসুং ওন্থোক্নবা প্রধান মন্ত্রীনা হায় অমসুং হিরম অসিগী মতাংদা এগ্রিকলচর, লেবর, মাইনিং, কেপিতেল মার্কেৎ অমসুং বেঙ্কিং, স্পেস তেক্নোলোজী অমসুং দিফেন্সতা গেম চেঞ্জিং ওইবা রিফোর্মশিং পুরক্নবগী কোবিদকী খুদোংচাবা অদু ঐখোয়না লৌরে হায়দুনা শ্রী গোয়লনা ফোংদোকখ্রে৷ মসিনা ভারত মপাঙ্গল হেন্না কান্নহল্লগনি অমসুং মসিনা ভারতনা মফম অমহেক্তদগী মালেম অসিগা থেংন্নবা ঐখোয়বু শেম শাদুনা লৈহল্লগনি৷

মমাংগী এগ্রিকলচরেল রিফোর্ম অদুগী মতাংদা ৱা ঙাংলদুনা শ্রী গোয়লনা অসুম্না ফোংদোকখ্রে মদুদি মহৈ-মরোংদা ভারত অসি মীপান তাংদনা মরাং কাইনা কোন্নহনবগীদমক লৌমীশিংনা লৌরিবা থৌদাং অদু ইকাই খুম্নবা উৎপা ওইনা লৌমী কোতি ১০রোমদা চহী অমদা লুপা ৬০০০ ফংহল্লি৷ লৌমীশিংনা ভারতপু এগ্রি অমসুং পোসেস তৌরবা ফুদ প্রদকশিং মপান লৈবাক্তা চাওনা থাদোকপা ঙমবগীদমক লৌমীশিংবু মহাক্না থাগৎখ্রে৷

ঐখোয় পুম্নমক তীম অমা ওইনা চৎমিন্নরি, দিপার্তমেন্তেল সিলোসশিং কাইহল্লি, ত্রেদিস্নেল কন্ত্রোল্স, লাইসেন্স অমসুং কোতা রাজতগী ব্যজিনেস অমসুং ফার্ম সেক্তর থাদোক্নবা কন্না হোৎনরি হায়না শ্রী গোয়লনা ফোংদোকখ্রে৷ “পুন্না থবক তৌমিন্নদুনা ভারতনা অশেংবা সুপর পৱার অমা ওইরকপা মতমদা অমসুং প্রজাশিংবু য়েংশিল্লিবা অমসুং মীওই খুদিংমক্কী পুন্সিগী ক্বালিতী ফগৎহল্লিবা ইকোনোমী অসি ফগৎহনবদা পৃথিবী অসিদা লৈরিবা পৱার অমতনা ভারতপু থিংবা ঙম্লোই”, হায়না মন্ত্রী অদুনা ফোংদোকখ্রে৷

*****