ইন্তিগ্রেতেদ হেল্থকেয়র অমসুং কম্মুনিকেসনগী মতাংদা মালেম অসিগী তোঙান তোঙানবা লৈবাকশিংগী এক্সপর্তশিংনা শরুক য়াদুনা পাংথোকখিবা গ্লোবেল কনফরেন্স অদুদা কোবিদনা মেদিকেল ফ্রাতরনিতীদা পুক্নিং চংলম্বা অদু ইন্তিগ্রেতেদ হেল্থকেয়রদা মাই ওনশিলহনখ্রে অমসুং মালেম অসিগী ফিজিসিয়নশিংনা মেদিকেল মেনেজমেন্তগী তোঙান তোঙানবা স্ত্রিমশিংগী মনুংদা ওপ্তিমম সিনরজিসমগীদমক হেন্না য়েংশিল্লি হায়দুনা কেন্দ্রগী মন্ত্রী দা.জিতেন্দ্র সিংহনা ফোংদোকখ্রে৷ ৱেবিনর অদুদা শরুক য়াখিবা অতোপ্পা মশক নাইবশিং অদুদি কেলিফোর্নিয়া য়ুনিভর্সিতীগী প্রোফেসর ইলিসা ইপেল, হার্ভার্দতগী দা.পিতর ৱেইন, লেতিন এমেরিকাদগী দা. সুসন বৱর ৱু, হার্ভার্দতগী প্রোফেসর ভিক্রম পতেল অমসুং অতোপ্পা মীওইশিংনা থৌরম অদুদা শরুক য়াখি৷

কোবিদ-১৯ লাইনা-লাইচৎ অসিগী মনুং অসিদা তোঙান তোঙানবা এলোপেথিক মেদিকেল প্রোফেস্নেলশিংনা অয়ুশতগী অমসুং হোমিয়োপেথিক্তগী শেমলক্লিবা ইম্ম্যুল কনখৎনবা হিদাকশিং অমসুং রেসিস্তেন্স বুস্তরশিং অদু পামজবগী মতৌ উৎলকখ্রে হায়দুনা দা.জিতেন্দ্র সিংহনা ফোংদোকখ্রে৷

কোবিদ লাইনা অসি লাক্ত্রিঙৈগী মমাং ফাওবদা নন-কম্মুনিকেবল দিজিসশিং খুদম ওইনা দাইয়েবেতিস-মেল্লিতস অসি লাইয়েংবদা ইন্সুলিনগী চাং নত্রগা এন্তি-দাইয়েবেতিক হিদাকশিং অসিগা অখন্নবা য়োগ অসানাগী প্রেক্তিসশিং তৌদুনা অমসুং মেতুরোপেথীদা লৈরিবা লাইফস্তাইল মোদিফিকেসন অসিনা হন্থহনবা ঙম্মী হায়বসি খুদম চাংদমগা লোইননা উৎখ্রে৷ অদুমওইনমক অখন্নবা ক্বাতরশিং খরদা কোবিদগী চেলেঞ্জ অসি থেংনবদা তৌখিবা অখন্নবা সেপ্তিজমগী চাং খরদি লৈখি হায়দুনা মহাক্না ফোংদোকখি৷  

২০শুবা সেনচুরীগী অহানবা শরুক্কী তংখায় চল্লকপা অদুৱাইদা ভারত অসি ইনফেক্সিয়র্স দিজিসশিং চাং ৱাংনা লৈরম্বগীদমক খঙনখি অমসুং নন-ফার্মকোলোজিকেল প্রেক্তিসশিং খুদম ওইনা লু-নান্না লৈহনবা অসিনা প্রেসক্রিপ্সনগী শরুক অমা ওইনা তৌনরম্মী হায়না দা.জিতেন্দর সিংহনা ফোংদোকখ্রে৷ অদুবু মতুং তারকপদা চেকশিন তৌরাংশিং অসি কাওথোকখ্রবা মতুং অসিদা হায়রিবা লু-নানবগী চেকশিন থৌরাংশিং সোসিয়েল দিস্তেন্সিং অমসুং খুৎ-হামদোকহনবা হায়রিবা থৌরাংশিং অসি কোবিদনা হিংগৎহনখ্রে অমসুং মালেম পুম্বনা হায়রিবা চেকশিন থৌরাংশিং অসি য়াম্না কন্না চৎথরি হায়দুনা মহাক্না ফোংদোকখি৷

নরেন্দ্র মোদীনা ভারতকী প্রধান মন্ত্রী ওইনা হেক থৌ পুরকপদগী, মহাক্না মেদিকেল মেনেজমেন্তগী ইন্দিজিনিয়র্স সিস্তেমগী মতিক মগুনশিং অদু সেন্তর স্তেজতা পুরকখিবা অদু পল্লদুনা দা. জিতেন্দ্র সিংহনা নিংশিংহল্লম্মী৷ মালেমগী য়োগগী নুমিৎ পাংথোক্ননবগীদমক য়ুনাইতেদ নেসন্সতা অয়েৎপা অমতা য়াওদুনা রিজোলুসন পুরকখিবা অদুসু মোদীননি অমসুং মসিনা মরম ওইরগা য়োগ অসি মালেম অসিগী য়ুমথোং খুদিং ভর্চুয়েল্লী ওইনা য়ৌহনখ্রে হায়দুনা মহাক্না ফোংদোকখি৷

ইন্দিজিনিয়র্স মেদিকেল মেনেজমেন্ত সিস্তেমগী মরু ওইবা কান্নবশিং অদুগীদমক তোঙানবা অয়ুশকী মন্ত্রালয় অমা শেমখিবা অদুসু মোদীননি হায়দুনা মহাক্না ফোংদোকখি৷

*****