দিভেলপমেন্ত ওফ নোর্থ ইস্তত্রন রিজন(দোনর), এম.ও.এস. পি.এম.ও., পর্সোনেল, পব্লিক গ্রিবেন্স, পেন্সন্স, এতোমিক ইনর্জী অমসুং স্পেসকী রাজ্যগী কেন্দ্রগী মন্ত্রী(ইন্দিপেন্দেন্ত চার্জ) দা. জিতেন্দ্র সিংহনা অসুম্না ফোংদোকখ্রে মদুদি লৌউ-শিংউ অমসুং খুঙ্গং চাওখৎপা অসি মহত্ম গান্ধীগী থমোইনা য়াম্না পামজরম্বা মরমনা কেন্দ্রনা পাস তৌরিবা অনৌবা ফার্ম লোশিং অসিনা ঙসিদি মহত্ম গান্ধী খ্বাইদগী নুংঙাইবা মীওই অমা ওইরম্লগনি৷ মনিং মখা তম্বা চহী ৭০গী মতুং অসিদা মোদী সরকারনা পুথোক্লিবা অনৌবা এগ্রিকলচরেল লোশিং অসিনা বাপুগী ভিলেজ অমসুং ফার্ম সেন্ত্রিক ভিজন অদু ময়েক শেংনা ইখ্রে হায়না মহাক্না ফোংদোকখি৷ মমাংগী চহী তরুক অসিদা নিংথীনা হৈ শিংলবা লৌমীশিংদা পীখিবা খুদোংচাবশিং খুদম ওইনা নীম কোতেদ য়ুরিয়া, সোইল হেল্থ কার্দ, কিসান ক্রেদিত কার্দ, পি.এম.কিসান সম্মন নিধি, ফসল বিমা য়োজনা অসি পল্লদুনা কেন্দ্রগী মন্ত্রী অদুনা অসুম্না ফোংদোকখ্রে মদুদি হায়রিবা খুদোংচাবশিং অসি লৌমীশিংগী অহানবা ওইবনিনা ফার্মিং কম্মুনিতীদা লৈরিবশিংদা অপাম্বা খঞ্জনবগী তাঞ্জা অদু পীবনা মরম ওইরগা হায়রিবা খুদোংচাবশিং অসি ভারতকী লৌউ-শিংউগী দিমোক্রতাইজেসন অদু উৎলে৷ ন্যু দিল্লীদা গান্ধী জয়েন্তী নুমিৎতা স্ত্রাতিজী অমসুং লিদরশিপগীদমক কেন্দ্রিয়া ভন্দর অমসুং কেন্দ্রনা পাংথোক্লিবা থৌরম “স্বচতাগা মরী লৈননা মহত্ম গান্ধীগী এক্সপরিমেন্তশিং-কী তু প্রোস্পরিতী” হায়দুনা মমিং থোল্লিবা থৌরম অসিবু দা.জিতেন্দ্র সিংহনা থাগৎপা ফোংদোকখ্রে৷ অনৌবা ফার্ম লোশিং অসিনা ভারতকী লৌউ-শিংউবা অসি গ্লোবেল স্তেজতা চিংখৎপদা পাঙ্গল পীবতা নত্তনা লৌমীশিংগী ইনকম অদুসু কা হেন্না লাকহনবদা মতেং পাংলগনি হায়না মহাক্না ফোংদোকখ্রে৷

২০১৪গী ওক্তোবরগী তাং ২দা প্রধান মন্ত্রীনা লোঞ্চ তৌখিবা স্বচ ভারত অভিয়ন অদুদা পল্লদুনা দা.জিতেন্দ্র সিংহনা অসুম্না ফোংদোকখ্রে মদুদি লিদর অমা হেক্তনা লোঞ্চ তোখিবা কেমপেব্দ অমা হেক্তা চয়োল খরগী মনুংদা জন অন্দোলন অমা ওইরকপা হায়বসি মালেম অসিদা য়াম্না তাংবা খুদম অমনি৷

লু নানবগী মতুং তারকপদা গান্ধীজীগী ফিৎনেস মন্ত্র অদুসু মোদী সরকার অসিনা মাই পাকহনখ্রে অমসুং ২০১৪গী দিসেম্বর থাদা য়ুনাইতেদ নেসন্সনা জুন ২১বু 'মালেমগী য়োগগী নুমিৎ' নি হায়দুনা রিজোলুসন অমা পাস তৌখ্রে অমসুং লৈবাক ১৭৭না দিক্লারেসন অসিবু কো-স্পোন্সর তৌখ্রে হায়না মহাক্না ফোংদোকখ্রে৷

বাপুগী মংলান মংফাওনহনবগী থৌওং অসি ভারতনা মনিং মখা তম্লবা চহী ৭০গী মতুং অসিদা ২০১৪দা শক্তি পাইরকখিবা মোদী সরকার অসিননি হায়দুনা দা.জিতেন্দ্র সিংহনা ফোংদোকখি৷ কোরোনা লাইনা-লাইচৎ অসি থেংন্নবা সরকার অসিনা মাংজৌননা লোক দাউন তৌখিবগী ৱারেপ অদু পল্লদুনা কেন্দ্রগী মন্ত্রীনা অসুম্না ফোংদোকখ্রে মদুদি মমাংগী চহী ৬ অসিদা লৈবাক অসিগী মীওই কয়াগী পুন্সি কনখ্রবা  স্বচত অভিয়ন অসিনা ইন্দিভিজুয়েল অমসুং কম্মুনিতী হাইজিনগী থোংথাংশিংদা অফবা কান্নবা অমা ওইখি৷ কোরোনা অসিনা মীৎ শিংহল্লে অমসুং বাপুগী মরু ওইবা ফিলোসোপী অমা ওইরিবা লু নানবগী কান্নবশিং অদু উৎলে হায়দুনা মহাক্না ফোংদোকখি৷

অত্ম নির্ভর ভারত অভিয়ন অমসুং মীপাল তাংদবা ভারত অমা হায়বা অসিসু গান্ধীজীগী ৱাখল্লোন স্বারাজকী শেমদোক্লবা মওং অমনি হায়দুনা মন্ত্রী অদুনা ফোংদোকখি৷ খুদম অমা পীরদুনা মহাক্না অসুম্না ফোংদোকখ্রে মদুদি দোমেস্তিক বেম্বু ইন্দস্ত্রী খুদম ওইনা ফর্নিচর, হেন্দিক্রাফত অমসুং অগরবতি অসি পাক চাউনা শাবদা মতেং পাংন্নবগীদমক কেন্দ্র সরকার অসিনা রো বেম্বুদা চাদা ২৫গী চাংদা পুশিল্লকখিবা অসিনা মরম ওইরগা বেম্বু য়োকখৎন্নবগীদমক তঙাই ফদবশিং অদু মোদী সরকার অসিনা উখি হায়না মহাক্না ফোংদোকখি৷

লোইশিল্লকপগী শরুক্তা হৌজিক লৈরিবা সরকার অসিদা কেন্দ্রিয়া ভন্দরগী অনৌবা ৱর্ক কলচর অদু দা.জিতেন্দ্র সিংহনা থাগৎখ্রে অমসুং হান্না লৈরম্লিবা তর্নওভর অদুসু ২০১৭গী নবেম্বর থাদা লুপা কোতি ৭৫০ লৈরম্বদগী তেল্লবা চহী অহুমগী মতম অসিদা লুপা কোতি ১৭১৭দা হেঙ্গৎলক্তুনা হান্না লৈরম্লিবা অদুদগী শরুক অনি হেঙ্গৎলকখ্রে৷ লাইনা-লাইচৎ অসিগী মনুং অসিদা অনৌবা খোংথাংশিং লৌখৎনবগীদমক খুদম ওইনা চিঞ্জা্কী পোৎলমশিংদা নত্রগা কোরোনা কিৎশিংদা রেভিন্যু হেঙ্গৎহনবা অমসুং মীয়াংগী থাজবা হেঙ্গৎহনবা অসিগীদমক শ্রী মুকেশ কুমার, এম.দি., কেন্দ্রিয়া ভন্দরবু মহাক্না থাগৎখ্রে

কেন্দ্রিয়া ভন্দরগী চিয়র পরসন শ্রীমতি পারমেশ্বরি বাগ্রি, কেন্দ্রিয়া ভন্দরগী এম.দি. শ্রী মুকেশ কুমার, দূরদরশনগী দাইরেক্তর জেনেরেল শ্রী ময়ঙ্ক অগ্রৱাল, সেন্তর ফোর স্ত্রাতিজী অমসুং লিদরশিফকী দাইরেক্ত অমসুং চীফ একজিক্যুতিব শ্রী ভিকাস শর্ম অমসুং নেস্নেল বুক ত্রস্তকী দাইরেক্তর এল.তি. কোল. য়ুনেস্নেল বুক ত্রস্তকী দাইরেক্তর এল.তি. কোল. য়ুবরাজ মালিকনা থৌরম অদুদা ৱা ঙাংখি৷

******