PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
01 OCT 2020 6:23PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- লৈবাকসিদা হৌখিবা পুং ২৪দা মীশিং ৮৫,৩৭৬ নাবা ফগৎলকখ্রে
- ভারতকী অপুনবা ফখ্রবা মীশিং ঙসি ৫২,৭৩,২০১ ওইরে
- লৈবাক্কী ওইনা ফগৎলকপগী চাং হৌজিক হৌজিক চাদা ৮৩.৫৩দা লৈরে
- ভারত্তা লৈরিবা এক্তিব কেস মশীং অসি ৯,৪০,৭০৫নি
- এম.ঐচ.এ.না অমুক হন্না হাংদোক্নবগী অনৌবা চৎন-কাঙলোনশিং থোকখ্রে, ওক্তোবর ৩১, ২০২০ ফাওবা কন্তেনমেন্ত জোনশিংদা লোকদাউন চৎনখিগনি
ভারতনা চাং মান্ননা এক্তিব কেস মশীং হন্থনা থম্বগী ত্রেন্দ থম্লি, থংন-থংননা নুমিৎ ১০নি চুপ্না এক্তিব কেস লাখ ১০গী মখাদা লৈরি, ভারতকী অপুনবা ফগৎলকপা মশীং লাখ ৫৩গী ময়াদা লৈরে, অকোনবগী ফগৎলকপা মশীং লাখ ১২দি শুপ্নতগী নুমিৎ ১২নিদা তিনশিল্লকখিবনি
ভারতনা এক্তিব কেস মশীং লাখ ১০গী মখাদা থম্বগী ত্রেন্দ মখা তানা থম্বা ঙম্লি। থংন-থংননা নুমিৎ ১০নি চুপ্না এক্তিব কেস মশিং মিলিয়ন ১ (লাখ ১০)গী মখাদা লৈরি। নুমিৎ খুদিংগী মশীং য়াম্লবা কোবিদ অনাবা মীশিং ফগৎলকপগা লোয়ননা, ভারতনা নুংতিগী মীশিং য়াম্না ফগৎলকপগী ত্রেন্দ অসিসু থমবা ঙম্লি। হৌখিবা পুং ২৪দা লৈবাকসিদা মীশিং ৮৫,৩৭৬ ফগৎলকখ্রে। ভারতকী অপুনবা ফখ্রবা মীশিং ঙসি ৫২,৭৩,২০১ ওইরে। নুংতিগী মীশিং হেন্না হেন্না ফগৎলকপনা লৈবাক্কী ওইনা ফগৎলকপগী চাং হেনগৎলক্তুনা হৌজিক হৌজিক চাদা ৮৩.৫৩দা লৈরে। অপুনবা ফগৎলকপা মীশিং হেনগৎলকপসি ঙম্না কাখৎলক্লি। অকোনবগী ফগৎলকপা মীশিং লাখ ১০দি নুমিৎ ১২নিখক্তদা হাপচিল্লকখিবনি। অপুনবা ফগৎলকপগী চাদা ৭৭তি স্তেত/য়ু.তি. ১০দা লৈ। মহারাস্ত্রনা মীশিং খ্বাইদগী ফগৎলকপা ওইরি অমদি অন্ধ্র প্রদেশ অমসুং তামিল নাদুনা মতুং ইন্দুনা চৎলি। ভারত্তা লৈরিবা এক্তিব কেস মশীং অসি ৯,৪০,৭০৫নি। সেপ্তেম্বর ১১, ২০২০দা ভারতকী এক্তিব কেস মশীং লাখ ৯.৪ ওইরমবনি। এক্তিব কেসকী চাদা ৭৬তি স্তেত/য়ু.তি. ১০দা লৈ। ঙসি ফাওবগী ওইনা, লৈবাকসিগী পোজিতিব কেস মশীংগী চাদা ১৪.৯০ খক্তমক এক্তিব কেস ওইরি। লৈবাকসিদা হৌখিবা পুং ২৪দা নৌনা কনফার্ম তৌবা কেস মশীং পুন্না ৮৬,৮২১ থেংনখি। অনৌবা কেসশিংগী চাদা ৭৬তি স্তেত ১০দগীনি। মহারাস্ত্রনা অনৌবা কেস মশীং ১৮,০০০ হেন্না হাপচিল্লকখি। কর্নাতকা অমসুং কেরলা অনিমক্না কেস মশীং ৮,০০০ হেন্না হাপচিল্লকখি। হৌখিবা পুং ২৪দা শীখিবা মশীং ১,১৮১ ওইখি। নৌনা শিবা মীশিংগী চাদা ৮২দি স্তেত অমসুং য়ু.তি. ১০দা থেংনখি। মহারাস্ত্রদা মীওই ৪৮১ শিদুনা ঙরাং নৌনা শিখিবশিংগী চাদা ৪০ ওইখি অমদি কর্নাতকানা মীশিং ৮৭ শিদুনা মতুং ইন্নখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1660546
দাঃ হর্শ বর্ধননা অহল ওইরবশিংগী মালেমগী নুমিৎতা দিকেদ ওফ হেল্দী এজিং (২০২০-২০৩০) হৌদোকখ্রে
হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হর্শ বর্ধননা ঙসি অহল ওইরবশিংগী মালেমগী নুমিৎকী থৌরমদা সরকারনা হেলদী এজিংগীদমক লৈরি হায়না হায়খ্রে। চহি খুদিংগী ওক্তোবরগী ১ অসি অহল ওইরবশিংগী মালেমগী নুমিৎ হায়না পাংথোক্লি, মসি অহল ওইরবশিংবু খংবিনবা, মখোয়গী ইমুং মনুং, কাংলুপ অমসুং মীয়ামগী মরক্তা অহল ওইরবশিংবু হেন্না শরুক য়াবা ঙম্নবা অমসুং অহল ওইরবশিংনা থেংনরিবা অৱাবা অসি মীয়ামদা খংহন্নবা য়ুনাইতেৎ নেসন্না লাওথোকখিবনি। দাঃ হর্শ বর্ধননা নেস্নেল প্রোগ্রাম ফোর দ হেলথ কেয়র ফোর দ ইলদরলি (এন.পি.ঐচ.সি.ই.) ৱা ঙাংলদুনা হায় মদুদি থম্লিবা পান্দম অসিনা অহল ওইরবা মশা শোল্লবাশিংদা হেন্না ফবা চেকশিনবা অহানবা অমসুং মথংগী থাক ফাওবা থম্বনি; “দিস্ত্রীক্ত হোস্পিতালদগী হেলথ অমসুং ৱেলনেস সেন্তরশিংদা অহল ওইরবা অনাবশিংগীদমক য়েংশিন্নবা, য়ামদ্রবদা দিস্ত্রীক্ত হোস্পিতাল, রিহাবিলিতেসন সর্ভিস দাউনদগী সি.ঐচ.সি. অমসুং ঐচ.দবল্যু.গী থাক্তা লৈবা মফমদা য়ামদ্রবদা ফমুং ১০ দগী তাদনা থম্বা অমসুং য়ুম-য়ুমদা লৈরিবা চৎপদি ঙমদ্রবা অহল ওইরবাশিংগীদক শিনবা অসিনি”। য়ুনিয়ন হেলথ মিনিস্তরনশু হায়খি মদুদি ২০২০গী ওক্তোবরগী ১ অসি দিকেৎ ওফ হেলদী এজিং (২০২০-২০৩০) হায়না হৌদোক্লগনি, চহি চুপ্পা মখল কয়াগী থৌরম পাইখৎতুনা অহল ওইরবশিং অসিদা পান্দম অমসুং মপুং ওইবা ৱাখল পুনশিন্দুনা অমসুং অফবা মথৌ পিদুনা ফংবা য়াবা মথৌ ফংহনগনি। দাঃ হর্শ বর্ধননা কোবিদ-১৯ অসিনা প্রজা মীয়ামদা পীরিবা চৈথেং অসি য়েংলগা হায় মদুদি মসিনা মীয়ামদা য়াম্না শাথিবা অমা লৈবাক পুম্বদা অমদি মালেম শিনবা থুংনা পীরি। অহল ওইরবশিংগী মালেমগী নুমিৎ ২০২০গী থীম অসি “পেন্দেমিক: দু দে চেনজ হাও ৱি এদ্রেস এজ এন্দ এজিং?”। কোবিদ-১৯গী অসিগুম্লবা লায়চৎ অসিদা হেন্না খুদোংথিনিঙাই ওইবা মরম্না অহল ওইরবশিং অসি হেন্না চেকশিন থৌরাং পীদুনা কোবিদ ইফোর্দ, এদভাইজরিশিং পিদুনা, মখোয়গী চংদবা য়াদ্রবশিংগী মতাংদা খংহনবা অমসুং স্তেত সরকারশিংবু মখোয়বু চেকশিন থৌরাং লৌবদা পুক্নিং থৌগৎকনি।
অকুপ্পা ৱারোলগীদমক : https://pib.gov.in/PressReleseDetail.aspx?PRID=1660562
এম.ঐচ.এ.না অমুক হন্না হাংদোক্নবগী অনৌবা চৎন-কাঙলোনশিং থোকখ্রে, ওক্তোবর ৩১, ২০২০ ফাওবা কন্তেনমেন্ত জোনশিংদা লোকদাউন চৎনখিগনি
গৃহ মন্ত্রালয় (এম.ঐচ.এ.)না ঙরাং কন্তেনমেন্ত জোনশিংগী মপালদা অহেনবা থবক থৌরমশিং অমুক হন্না হৌবা য়ানবা অনৌবা গাইদলাইনশিং থোকখ্রে। ওক্তোবর ১, ২০২০দগী চৎনবা হৌগদবা গাইদলাইনশিং অসিদা থবক থৌরমশিং অমুক হন্না হৌহন্নবগী থবক মখা চত্থখ্রে। ঙসি থোকখিবা অনৌবা গাইদলাইনশিং অসি রাজ্যশিং অমসুং য়ু.তি.শিংদগী ফংলকপা ফীদবেক অমসুং মরী লৈনবা কেন্দ্রগী মন্ত্রালয়শিং অমসুং বিভাগশিংগা লোয়ননা পাঙথোকখিবা খন্ন-নৈনবশিংদা য়ুম্ফম ওইখি। কন্তেনমেন্ত জোনশিংগী মপালদা লৈবা মফমশিংদা ওক্তোবর ১৫, ২০২০দগী অয়াবা পীরবা থবক থৌরমশিংদা য়াওরিবশিংদি: সিনেহোলশিং/থিএতরশিং/মল্তিপ্লেক্সশিং অসি মখোয়গী লৈরিবা সীৎকী চাং অদুগী ৫০% ফাওবদং ফমহন্দুনা হাংবা য়ারগনি, মসিগীদমক ইনফোর্মেসন অমসুং বোর্দকাস্তিং মন্ত্রালয়বা এস.ও.পি. থোক্কনি। বিজিনেস তু বিজিনেস (বি২বি) একজিবিসনশিং হাংবা য়ারগনি মসিগীদমক কম্মর্স বিভাগনা এস.ও.পি. থোক্কনি। শান্নরোয়শিং ত্রেন তৌবদা শীজিন্নবা স্বিমিং পুলশিং হাংবগী অয়াবা পীখ্রে, মসিগীদমক য়ুথ এফিয়র্স অমসুং স্পোর্তস মন্ত্রালয় (এম.ও.ৱাই.এ.অমসুং এস.)না স্তেন্দর্দ ওপরেতিং প্রোসিজর (এস.ও.পি.) থোক্কনি। এন্তর্তেনমেন্ত পার্কশিং অমসুং মান্নবা মফমশিং হাংবগী অয়াবা পীখ্রে, মসিগীদমক হকশেল অমসুং য়াইফ য়ুম্বাল মন্ত্রালয়না এস.ও.পি. থোক্কনি। স্কুলশিং অমসুং কোচিং ইন্সতিত্যুসনশিং অমুক হন্না হাংবগী মতাংদা, রাজ্য/য়ু.তি. সরকারশিংনা ওক্তোবর ১৫, ২০২০গী মতুংদা তাঙ্কক নাইবা মওংদা ৱারেপশিং লৌজবা য়ারগনি। ৱারেপ অসি ওইরিবা ফীভম অসিগী মওং য়েংলগা অমদি মখাদা পীরিবা ৱাফমশিং অসি ঙাক্না চৎপগী মতুং ইন্না মরী লৈনবা স্কুল/ইন্সতিত্যুসনগী মেনেজমেন্তগা লোয়ননা খন্ন-নৈনরগা লৌগনি। কন্তেনমেন্ত জোনশিংগী মপানদ মীওই ১০০ তিনবা য়াবগা লোয়ননা খুন্নাইগী/ একাদেমিক/ শান্ন-খোৎনবী/ এন্তর্তেনমেন্ত/ নাৎকী/ ধর্মগী/রাজনিতীগী ওইবা থৌরমশিং অমসুং অতোপ্পা মী পুনবা য়াবগী অয়াবা হান্না পীখ্রে। হৌজিক্তি ওক্তোবর ১৫, ২০২০গী মতুংদগী কন্তেনমেন্ত জোনশিংগী মৱালদা রাজ্য/য়ু.তি. সরকারনা অসিগুম্বা মী তিনবশিং অসি মীওই ১০০দগী হেন্না তিনহনবগী অয়াবা অদু পীজবা য়ারগনি। রাজ্য/য়ু.তি. সরকারশিংনা কেন্দ্র সরকারগা মাংজৌননা তান্নরমদনা কন্তেনমেন্ত জোনশিংগী ৱাংমদা লোকেল লোকদাউন অমহেক্তা (রাজ্য/জিলা/সব-দিবিজন/শহর/খুঙ্গংগী থাক্তা) থম্বা য়ারোই। ইন্তর স্তেৎ অমসুং ইন্ত্রা স্তেৎতা মী চত্থোক চৎশিন অমসুং পোৎ-চৈ পুথোক পুশিন্দা অথিংবা থম্লোই। মসিগী চত্থোক চৎশিনশিং অসিগী তোঙান্না পর্মিসন/অয়াবা/ই-পর্মিৎ লৌবগী মথৌ তাদে। কোবিদ-১৯ মেনেজমেন্তকী নেস্নেল দিরেক্তিবশিং অসি সোসিএল দিস্তেন্সিং ঙাক্না থম্নবা মীয়েংগা লোয়ননা লৈবাক পুম্বদা মখাতানা চৎনখিগনি। অরোগ্য সেতু মোবাইল এপ্লিকেসন অসি মখাতানা শিজিন্ননবা পুক্নিং থৌগৎকনি।
অকুপ্পা ৱারোলগীদমক : https://pib.gov.in/PressReleasePage.aspx?PRID=1660432
জি.এস.তি. তেক্সপেয়রশিংনা ই-ইনভোইস চৎনবা মতমদা মতেং ফংখ্রে
মমাংগী শেঞ্জাগী চহীশিংদা চহীগী ওইবা অপুনবা তর্নওভর লুপা কোতি ১০০দগী হেনবা জি.এস.তি. তেক্সপেয়রশিংনা ব্যুজিনেস তু ব্যুজিনেস(বি.২বি) সপ্লাই পুম্নমক্কী ই-ইনভোইস ২০২০গী এপীল তাং ১দগী ফোংবা দরকার ওইরগনি হায়দুনা ২০১৯গী দিসেম্বর থাদা সরকার অসিনা হায়খ্রে৷ ২০২০গী মার্চ থাদা ই-ইনভোইস অসি চৎনবগী মতম অসি ২০২০গী ওক্তোবরগী তাং ১ ফাওবা শাংদোকখ্রে৷ কোবিদ-১৯ লোকদাউন অসিনা তেক্সপেয়রশিংদা পীরিবা অৱাবা খুদোংচাদবশিং অসি য়েংলগা, ২০২০গী জুলাই থাদা অপুনবা তর্নওভর লুপা কোতি ৫০০ অমসুং মদুদগী হেনবা খক্তনা ২০২০গী ওক্তোবর ১দগী ই-ইনভোইস ফোংবা য়ারগনি হায়দুনা মখাতানা ফোংখ্রে৷ হায়রিবা হিরম অসিদা অহানবা নোতিফিকেসনগী তৌখিবদগী থা ৯ হেল্লবা ফাওবদা অপুনবা তর্নওভর লুপা কোতি ৫০০ অমসুং মদুদগী হেনবা তেক্সপেয়রশিং খরদি ফোংবা ঙমদ্রি হায়না রিপোর্ত তৌখ্রে৷ অরোইবা খুদোংচাবা অমা ওইনা ই-ইনভোইস অসি চৎনবগী হৌগৎলকপা তাংকক্তদি ২০২০গী ওক্তোবর থাগী মতমদা অসিগুম্লবা তেক্সপেয়রশিংনা রুল ৪৮(৪)গী মখাদা লৈরিবা চৎনা কাংলোন অসি ইন্দনা ফোংখিবা ইনভোইসশিং অদু চৎনহল্লকপসু য়াই অমসুং ইনভোইস থাখিবা অদুগী নুমিৎ ৩০নিগী মনুংদা ইনভোইস রিফরেন্স পোর্তেল(আই.আর.পি.)দগী অসিগুম্বা ইনভোইশিং অসিগী ইনভোই রিফরেন্স নম্বর(আই.আর.এন.) ফংলবদি অসিগুম্বা চৎনা কাংলোন ইন্দবশিং অসি ২০১৭গী সি.জি.এস.তি. এক্তকী সেক্সন ১২২গী মতুং ইন্না পেলাল্তী থিহনগদবা অদু থিহল্লক্তবসু য়াই হায়দুনা ৱারেপখ্রে৷
অকুপ্পা ৱারোলগীদমক : https://pib.gov.in/PressReleseDetail.aspx?PRID=1660533
প্রধান মন্ত্রী শ্রী নরেন্দ্র মোদীনা খুঙ্গংগী সর্পঞ্চশিং অমসুং গ্রাম পঞ্চায়েৎশিংদা খুঙ্গংশিংদা লৈরিবা য়ুম খুদিংদা মরুওইনা লাইরবা কাংলুপশিংদা তোতী ঈশিং ফংহন্নবা জল জীবন মিশন অসি মথৌ পাংথোকহন্নবা মখা তানা কন্না হোৎননবা হায়খ্রে
প্রধানমন্ত্রী শ্রী নরেন্দ্র মোদীনা সেপ্তেম্বর ২৯, ২০২০ থাবা চেপাও অমদা জল জীবন মিশন(জে.জে.এম.)অসি হেন্না নিংথিনা নিংথিনা থবক পাংথোকহন্নবা ৱাফম অসি লৈবাক অসিগী সর্পঞ্চশিং/গ্রাম পঞ্চায়েৎশিংদা য়ৌহনখ্রে। মিশন অসিগী পান্দম ওইরিবা-য়ুম খুদিংদা ঈশিং হায়বা অসি সর্পঞ্চশিং/গ্রাম পঞ্চায়েৎশিং/খুঙ্গংগী খুল্লাকপশিং অসিনা মসি থবক পাংথোকহনবদা মরুওইবা থৌদাং লৌবনা মখোয় পুম্নমক্কী মতেংনা মপুং ফানা খংহনবা ঙমগনি। প্রধানমন্ত্রীনা মতৌ করম্না মীয়াম্না থৌদাং লৌদুনা মিশনশিং অসি মায় পাকপা অসি পুৱারী অমা শেম্লি হায়না পনখি। মিশন অসিদগী ঈশিংগী খুদোংচাদবা অসি খংহনবদা নত্তনা কোলেরা, ইতোন ফাইবা, দাইরিয়া, এন্সেফেলাইতিস, তাইফোইদনচিংবা ঈশিংদগী থোরকপা লায়নাশিং অসি তেক্কল তৌবদা মতেং ওইরগনি।অদুগা শা-শনশিংদা অফবা অমদি অরুবা ঈশিং অসি ফংহনবা তারবদি মখোয়গী মশা ফহনবদা নত্তনা পোত্থোক হেনগৎহনবদসু মরুওইবা থৌদাং লৌদুনা ইমুংশিংগী চাগা হেনগৎহনগনি। প্রধানমন্ত্রীনা মীয়াম অমসুং গ্রাম পঞ্চায়েৎশিংদা জল জীবন মিশন অসি ময়ামগী ইহৌ ওইহন্নবা হায়খ্রে। সর্পঞ্চশিং অমসুং প্রধানশিংনা মখোয় মশা অমদি সরকার অনিমক্কী ওইনা ৱাফমশিং পীরক্নবসু হায়খ্রে। গ্রাম পঞ্চায়েৎকী মীহুৎ খুদিংদা কোরোনা ভাইরসনা নাদনবা অমদি ফুৎ তরুক লাপ্না লৈনবা অমদি শোইদনা মাস্ক উপ্নবগীদমক্তা খুঙ্গংগী সর্পঞ্চশিংনা পাংথোকপা য়াবা থবক তৌরক্কনি হায়বগী থাজবা থম্বগী ৱাফম ফোংদোকখি। প্রধানমন্ত্রীনা মীপুম খুদিংমক হকচাং ফনা অমদি তেক্ত-কাইদনা লৈনবা হায়খি।
৩শুবা রাস্ত্রিয় পোসন মাহ লোইশিনবগী থৌরম পাঙথোকখ্রে
চহীসিগী সেপ্তেম্বর ৭ – ৩০ ফাওবা পাঙথোকখিবা ৩শুবা রাস্ত্রিয় পোসন মাহ লোইশিনবগী থৌরম ঙসি ভর্চুএল মোদতা পাঙথোকখ্রে। পোসন অভিয়ানগী নোদেল মন্ত্রালয় ওইরিবা ৱুমেন অমসুং চাইল্দ দেভেলপমেন্ত মন্ত্রালয়না লৈবাক্কী, স্তেত/য়ু.তি., দিস্ত্রিক্ত অমসুং গ্রাসরুত থাক্তা খোঙবু ওইবা মন্ত্রালয়শিং অমসুং দিপার্তমেন্তশিংগা পুল্লগা পোসন মাহ খুৎশম্ননা পাঙথোকখি। ঙন্না খোম পীথকপগী মরুওইবা, পুন্সিগী অহানবা নুমিৎ ১০০০দা অফবা মচি ওইবা চীঞ্জাক্কী মথৌ তাবা, নহা ওইরিবা নুপীশিং অমসুং অঙাঙশিংদা ঈ ৱাৎপগী ফীভম হন্থহন্নবা থৌরাংনচিংবশিংগী মরমদা পাক শন্না খঙহন্নবা থৌরমশিংগা লোয়ননা, সেভিয়রলী এক্যুত মেনোরিস (এস.এ.এম.) অঙাঙশিং খঙদোকপা, মখোয়বু মেনেজ তৌবা অমদি পোসন ভাতিকাস- ন্যুত্রি গার্দেনশিং থাবনা পোসন মাহগী মপুং ওইবা থৌরমশিং ওইখি। থৌরম অদুগীদমক পাঙথোকপা ৱেবিনারদা ৱা ঙাঙলদুনা ৱুমেন অমসুং চাইল্দ দেভেলপমেন্তকী কেন্দ্রগী রাজ্য মন্ত্রী সুশ্রী দেবস্রী চৌধুরিনা কোমিদ-১৯গী চৎন-পথাপশিং ঙাক্তুনা পোসন মাহ পাঙথোকখিববু তরাম্না ওকখি। কোবিদ লাইচৎনা মমা অমসুং অঙাঙগী মচি ওইবা চীঞ্জাক পীজবা, চাউখৎলকপা শেন্নবা অমদি মচি ওইবা চীঞ্জাক ৱাৎপগী ফীভম থেংনবগী লমদা শীংনবা কয়া পীজরবসু, মাঙজিন থাবা থৌমীশিংনা পুম্নমক্তু মায়োং য়ুদুনা মরু ওইবা সর্ভিসশিং পীবতা নত্তনা পোসন মাহসু পাঙথোকখি হায়না মহাক্না হায়খি। ইকায়খুম্নরবা প্রধান মন্ত্রীনা অফবা মচি ওইবা চীঞ্জাক চাবা অমসুং হকচাঙ ফনা থম্বগী মরুওইবা অমদি লমদমসিগী দাইত চাদুনা মদুবু কমদৌনা ফংবা ঙমগনি হায়না হঞ্জিন হঞ্জিন হায়খিবা ৱাফম মহাক্না পনখি। সুপোসিত ভারত ফংনবগী খোঙজঙ অসি পোসন মাহ মতুংদা মান্নবা খোঙজেলদা অদুমক চঙশিনখিগনি হায়না মন্ত্রীনা থাজবা ফোঙদোকখি।
অকুপ্পা ৱারোলগীদমক : https://pib.gov.in/PressReleseDetail.aspx?PRID=1660442
ভারতকী ফার্মা অমসুং মেদিকেল দিবাইসকী সেক্তরদা শেল থাদবগী খ্বাইদগী চান্নবা মতম; ইং ২০৩০ ফাওবগী মনুংদা বিলিয়ন দোল্লর ১২০গী ইন্দস্ত্রী ওইরবা য়ারিঃ শ্রী গৌদা
কেমিকেল অমসুং ফর্তিলাইজরগী কেন্দ্র মন্ত্রী শ্রী দি.ভি. সদানন্দা গৌদানা ভারতকী ফার্মা অমসুং মেদিকেল দিবাইসকী সেক্তরদা শেল থাদবগী খ্বাইদগী চান্নবা মতম্নি হায়খ্রে। ফার্মা সেক্তর অসিনা ইং ২০২৪ ফাওবগী মনুংদা বিলিয়ন দোল্লর ৬৫ অমসুং ইং ২০৩০ ফাওবগী মনুংদা বিলিয়ন দোল্লর ১২০গী ইন্দস্ত্রী অমসুং মেদিকেল দিভাইস ইন্দস্ত্রী অসিনা ইং ২০২৫ ফাওবগী মনুংদা য়ু.এস. বিলিয়ন দোল্লর ৫০গী ইন্দস্ত্রী ওইরবা য়ারি। ইং ২০১৮-১৯দা ভারতনা মমাং চহিদগী ১৮%গী চাং হেন্দুনা বিলিয়ন দোল্লর ৭৩গী এফ.দি.আই. চঙলকপগী পুক্নিং চীংশিনখি। ফার্মা অমসুং মেদিকেলগী খুৎলাইগী সেক্তরগী মতাংদা মরু ওইনা পল্লদুনা মহাক্না হায়খিবদা মতম অসি সেক্তর অসিদা শেল থাদবগী খ্বাইদগী চান্নবা মতম্নি মরমদি ফার্মা সেক্তর অসিনা ইং ২০২৪ ফাওবগী মনুংদা বিলিয়ন দোল্লর ৬৫ অমসুং ইং ২০৩০ ফাওবগী মনুংদা বিলিয়ন দোল্লর ১২০গী ইন্দস্ত্রী অমসুং মেদিকেল দিভাইস ইন্দস্ত্রী অসিনা চহিদা ২৮%গী চাংদা শাহৌ লৌদুনা ইং ২০২৫ ফাওবগী মনুংদা য়ু.এস. বিলিয়ন দোল্লর ৫০গী ইন্দস্ত্রী ওইরবা য়ারি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1660648
তমিল নাদু অমসুং অরুনাচল প্রদেশনা ঙসি হৌজিক লৈরিবা নেস্নেল পোর্তেবিলিতী ক্লস্তর অসিবু লৈবাক অমা রাসন কার্দ অমগী স্কিমগী মখাদা অমত্তা ওইনা পুন্সিনখ্রে
লৈবাক অমা রাসন কার্দকী মখাদা হৌজিক লৈরিবা রাজ্য/য়ু.তি. ২৬কী নেস্নেল পোর্তেবিলিতী ক্লস্তরগী মনুংদা রাজ্য অনি, তমিল নাদু অমসুং অরুনাচল প্রদেশসু য়াওখ্রে। মসিগী রাজ্যশিং অসিবু লৈবাক্কী ক্লস্তর অসিদা য়াওহন্নবা তঙাই ফদবা শেম-শাবগী থবকশিং – হায়বদি ই.পি.ও.এস. সোফৎৱেয়র অপগ্রেদ তৌবা, ময়ায় ওইবা আই.এম.-পি.দি.এস. অমসুং অন্নাবিত্রন পোর্তেলগা পুন্সিন্নবা, সেন্ত্রেল রিপোজিতরীদা রাসন কার্দ/বেনিফিশরীগী দেতাশিং ফংহনবা, নেস্নেল পোর্তেবিলিতী ত্রাঞ্জেক্সন চাংয়েংবগী তঙাই ফদবা- অসি রাজ্য অনি অসিগী ওইনা লোইশিনখ্রে। মসিগা লোয়ননা ও.এন.ও.আর.সি.গী মখাদা অপুনবা রাজ্য/য়ু.তি. ২৮ অসি অমত্তা ওইনা শম্নখ্রে।মসিগী রাজ্য/য়ু.তি. ২৮ অসিদা লৈরিবা মাইগ্রেতরী পি.দি.এস. বেনিফিশরীশিং অসিনা মখোয়গী মমল তারবা হৱাই-চেংৱাই অসি চপ মান্নবা চাং অমসুং কেন্দ্রনা হায়বা মমলদা মখোয়না পাম্বা ফেয়র প্রাইস শোপ (এফ.পি.এস.)তগী ওক্তোবর ১, ২০২০দগী লৌবা য়ারগনি।
অকুপ্পা ৱারোলগীদমক : https://pib.gov.in/PressReleseDetail.aspx?PRID=1660672
সেপ্তেম্বরদা জি.এস.তি. রিভেন্যুগী অপুনবা লুপা করোর ৯৫,৪৮০ খোমগৎখি
২০২০গী সেপ্তেম্বর থাদা খোমগৎখিবা অপুনবা জি.এস.তি.গী রিভেন্যু অসি লুপা করোর ৯৫,৪৮০নি মসিগী মনুংদা সি.জি.এস.তি. অসি লুপা করোর ১৭,৭৪১, এস.জি.এস.তি. অসি লুপা করোর ২৩,১৩১, আই.জি.এস.তি. অসি লুপা করোর ৪৭,৪৮৪ (মপালদগী পুশিল্লকপা গুদশিংদগী খোমগৎলকপা লুপা করোর ২২,৪৪২ য়াওরগা) অমসুং সেস অসি লুপা করোর ৭,১২৪ (মপালদগী পুশিল্লকপা গুদশিংদগী খোমগৎলকপা লুপা করোর ৭৮৮ য়াওরগা) ওইখি। রিভেন্যুশিং অসি হৌখিবা চহিগী থা অসিমক্তদা লাকখিবা জি.এস.তি. রিভেন্যুশিংদগী ৪% হেল্লি। থা অসিগী মনুংদা, মপালদগী পুশিল্লকপা গুদশিংদগী লাকপা রিবেন্যু অমসুং দোমেস্তিক ত্রাঞ্জেক্সনদগী লাকপা রিভেন্যুশিং (মপালদগী পুশিল্লকপা সর্ভিসশিং য়াওরগা) অসি হৌখিবা চহিগী থা অসিমক্তদা সোর্সশিং অসিদগী লাকখিবা রিভেন্যুশিংগী মথং শিৎনা ১০২% অমসুং ১০৫% ওইখি।
অকুপ্পা ৱারোলগীদমক : https://pib.gov.in/PressReleseDetail.aspx?PRID=1660608
আত্মা নির্ভার ভারত পেকেজ – হৌজিক ফাওবদা খুমাং চাউশিনবা
ইকাই খুম্নরবা প্রধান মন্ত্রী শ্রী নরেন্দ্র মোদীনা মে ১২, ২০২০দা ভারত্তা কোবিদ-১৯গী লায়চৎ অসি লান্থেংন্নবা – লুপা করোর লাখ ২০গী পুম্নমক য়াওরবা অখন্নবা ইকনোমিক পেকেজ – ভারতকী জি.দি.পি.গী ১০%গা চপ মান্নবা – লাউথোকখি।মহাক্না আত্ম নির্ভর ভারত নত্রগা মরোমদোম লেপচবা ঙম্বা ভারত অমা ওইহন্নবগী ইহৌ অমগী অপাম্বা ফোঙদোকখি। মহাক্না আত্মা নির্ভার ভারতকী য়ুম্বী মঙা – শেন্মীৎলোন, ইনফ্রাস্ত্রকচর, সিস্তেম, মখল কয়াগী দেমোগ্রাফী অমসুং দিমান্দ অদুসু থমখি। ফাইনান্স অমসুং কোর্পরেৎ এফিয়র্সকী মন্ত্রী শ্রীমতি নির্মলা সীতারমন্না মে ১৩দগী মে ১৭, ২০২০ ফাওবদা মথং-মথং প্রেস কনফরেন্সশিং পাঙথোক্তুনা আত্মা নির্ভর ভারত পেকেজকী অকুপ্পা মরোলশিং ফোঙদোকখি। ফাইনান্স অমসুং কোর্পরেৎ এফিয়র্স মন্ত্রালয়শিংনা আত্মা নির্ভার ভারত পেকেজ (এ.এন.বি.পি.)কী মখাদা পেকেজ লাউথোকখিবা ইকনোমিক পেকেজকা মরী লৈনবশিং খুদক্তা ইমপ্লিমেন্ত তৌবা হৌখ্রে। শেন-থুমগী মন্ত্রী শ্রীমতি নির্মলা সীতারমন্না ফাইনান্স অমসুং কোর্পরেৎ এফিয়র্সকা মরী লৈনবা আত্মা নির্ভার ভারত পেকেজ ইমপ্লিমেন্ত তৌবা য়েংশিনখ্রে
অকুপ্পা ৱারোলগীদমক: https://pib.gov.in/PressReleseDetail.aspx?PRID=1660691
পি.আই.বি. ফিল্দ ওফিসশিংদগী ফংবা পাউ
• কেরলা: রাজ্য সরকারনা য়াম্না বাংনা শন্দোরক্লিবা কোবিদ-১৯ লাকশিন্ননবগীদমক্তা অহকপা পাম্বৈশিং লৌখৎনবা অখন্নবা একজিক্যুতিব পাৱরশিআগা লোইননা অহেনবা গেজেতেদ ওফিসরশিং ফীলদা থাদোক্নবা ৱারেপ লৌখ্রে। পুলিস , লোকল বোদীশিং অসমুং হেল্থতগী নত্তবা অতোপ্পা দিপার্তমেন্তশিংদগী ওফিসরশিং থাদোকখ্রে। সেক্তর মেজিস্ত্রেত অমসুং কোবিদ সেন্তিনেল ওইনা খঙননবা, হঅয়রিবা ওফিসরশিং অসি খ্বাইদগী হেন্না য়াম্বা কেসশিংগী মশিং লৈবা পঞ্চায়তশিং অমসুং মুনিসিপালিতীশিংদা এসাইন তৌরগনি। মরক অসিদা নোংমদা কেস ১০০০গী মথক্তা নুমিৎ খুদিংগী থেংনবা এর্নাকুলম জিলাদা অহেনবা কন্তেনমেন্তগী ওইবা পাম্বৈশিং শিজিন্নখ্রে। কন্নুরদা অমমুক লৈখিদবগা লোইননা কোবিদকী শিবগী মশিং অসি ৭৪৩ শুখ্রে। কেরলাদা ঙরাং কেস ৮৮৩০ থেংনখিবগা লোইননা নোংমগী ওইবা কোবিদ-১৯ পেসেন্তশিংগী মশিং অসি ৮০০০ হেনখ্রে। হৌজিক মীওই ৬৭,০৬১ লাইয়েংদুনা লৈরি অমসুং রাজ্য শিনবা থুংনা মীওই লাখ ২.৪০ ওবজার্ভেশন তৌদুনা লৈরি।
• তামিল নাদু: তি.এন., এ.পি.দগী ফংবা কোবিদ-১৯ দেতা অসিনা অনেম্বা রিসোর্স লৈবা রিজনশিংগীদমক্তা এপিদেম্যোলোজী অমসুং ত্রান্সমিশন দাইনামিক্সকী মতাংদা অহেনবা লৌশিং পীবা য়াই; জর্নলদা পেপর ফোংখিবা রিসর্চরশিংনা ত্রান্সমিশন অমসুং এপিদেমোল্যোলোজীগী স্তদী তৌনবা সর্ভিলেন্স, কনতেক্ত ত্রসিং দেতা শিজিন্নখি। হিন্দু মুন্নানিগী ফাউন্দর রামা গোপালন কোবিদনা মরম ওইরগা লৈখিদ্রে। য়ুমশকৈশা নুমিত্তা, ইনফেক্সনগীদমক্তা মী্ই ৫,৬৫৯ পোজিতিব ওইখিবগা লোইননা তি.এন.গী কোবিদ-১৯ কেসশিংগী মশিং অদু লাখ তরুক্কী তাঙ্কক অদু য়ৌশিনখ্রে; রাজ্য অসিদা ৬৭ শিখিবা থেংনখি; কেস ১,২৯৫ থেংনখিবগা লোইননা চেন্নাইগী অপুনবা মশিং অদু ১,৬৭,৩৭৬তা হেনগৎখ্রে।
• কর্নাতকা: কোবিদ-১৯ শন্দোরকপা অসি থিংনবা হোৎনবা ওইনা রাজ্য সরকারনা চিন অমসুং নাতোন মাস্কনা খুমদবশিংদা লুপা ১০০০ ফাইন তৌনবা ৱারেপ লৌখ্রে; হৌজিকমক্কী ওইনদি মসিগী পেনল্তী অসি লুপা ২০০নি। রাজ্য অসিনা অহানবা কোবিদ কেস থেংনরবা মতুংদা থা তরেত ময়া নকলবা মতুংদা য়ুমশকৈশা নুমিত্তা লাখ তরুক্কী তাঙ্কক অসি য়ৌখি অমসুং পোজিতিব কেসশিংগী মশিং অসি ৬,০১,৭৬৭ য়ৌখি। দিপার্তমেন্ত ওফ প্রাইমরী অমসুং সেকন্দরী এজুকেশন দিপার্তমেন্তনা ওক্তোবর ১৫ ফাওবা হাই স্কুল অমসুং পরই-য়ুনিভর্সিতী কোর্সকী মহৈরোইশিংনা মখোয়গী স্কুলশিং নত্রগা কোলেজ কেমপস চৎহন্দনবা ৱারেপ লৌখ্রে।
• অন্ধ্র প্রদেশ: ঙসি পাংথোক্কদবা রাজ্য কেবিনেতকী মীফম অদু ওক্তোবর ৮দা য়ৈথোকখ্রে। কেবিনেত অসিগী বৈথোকপগী মরমশিং অদুগী মনুংদা অমদি এন্দোমেন্তশিংগী মন্ত্রী, ভেলমপল্লি স্রিনিৱাসনা হন্দক্তা পাংথোকখিবা তিরুমালা ব্রহমোতসভমশিং য়াওরুরবা মতুংদা কোরোনাগীদমক্তা তেস্ত তৌবদা পোইতিব ওইবদগী য়ৈথোকখিবনি। রাজ্য অসিদা তেস্ত তৌখিবা সেমপলশিংগী মশিং অদু লাখ ৫৮ হেনখ্রে। ফগৎলকখিবশিংগী মশিং অদুনা অনৌবা কেসশিংগী মশিং অদুদগী হেন্দুনা এক্তিব কেসশিংগী মশিং অদু ৫৯,০০০গী মখাদা লৈহনখ্রে। ইস্ত গোদাভরি দিস্ত্রিক্ত ওথোরিতীশিংনা জিলা অদুদা নন-কোবিদ কেসশিং লাইয়েংনবা লনাইগী হোসপিতাল ১৭ দি-নোতিফাই তৌখ্রে।
• তেলঙ্গানা: হৌখিবা পুং ২৪দা অনৌবা কেস ২২১৪ থেংনখি, ২৪৭৪ ফগৎখি অমসুং ০৮ শিখিবগী পাউ লৈখি; কেস ২২১৪গী মনুংদা জি.ঐচ.এম.সি.দগী কেস ৩০৫ থেংনখি। অপুনবা কেসশিং: ১,৯৩,৬০০; এক্তিব কেসশিং: ২৯,৩২৬; শিখিবশীং: ১১২৭; দিসচার্জ তৌখিবশিং: ১,৬০,৯৩৩। তেলঙ্গানানা লৌউ-শিংউবদা এ.আই. শিজিন্নদুনা পাইবা দ্রোনশিং শিজিন্নরগনি। মহৈ-মরোংশিং, তিন-কাংশিং খঙদোকপা অমসুং কোন্নথংদা পেস্তিসাইতশিং নত্রগা ফর্তিলাইজরশিং চাইবগী আর্তিফিসিয়েল ইন্তেলিজেন্স শিজিন্নবা দ্রোনশিংগী কান্নবা অসি চাংয়েং তৌনবা নোভেল এক্সপরিমেন্ত অসি করিমনাগর জিলাদা পাংথোকখ্রে।
• মহারাস্ত্র: মহারাস্ত্র সরকারনা য়ুমশকৈশা নুমিত্তা হায়খি মদুদি নোভেল কোরোনাভাইরস (কোবিদ-১৯) লাইনা অসি শন্দোরকপদগী থিংনবা থমখিবা লোকদাউনা অদু ওক্তোবর ৩১ ফাওবা শাংদোকখ্রে। অদুবু ওতেলশিং, ফুদ কোর্তশিং, রেস্তোরেন্তশিং অমসুং বারশিংদি ৫০% কেপাসিতীদা ওক্তোবর ৫দগী হাদোকপগী অয়াবা পীরগনি। থবক তৌরিবা মীওই কয়া অমদা তিফিন সার্বিস পীরিবা, মুম্বাইগী মমিং চৎলবা দববাৱালাশিং অদু লোকল ত্রেনদা চৎপগী অয়াবা পীখ্রে।
• গুজরাত: গুজরাত সরকারনা কোবিদ লাইচৎ অসি য়েংলগা একাদেমিক য়িয়র ২০২০-২১গীদমক্তা ২৫% ফাওবা চহিগী ওইবা স্কুল ফীশিং অদু ককথনবা রাজ্য অসিদা লৈরিবা লনাইগী স্কুলশিংদা খঙহনখ্রে। মসিগী খোংথাং অসিনা রাজ্য অসিদা লৈরিবা স্কুল ২০,০০০দা স্কুল কারিবা অঙাংশিংগী পেরেন্ত লাখ ৩০ ময়া নক্না কান্নবা পীগনি।
• রাজস্থান: হৌখিবা পুং ২৪দা রাজস্থানদা অনৌবা কোবিং-১৯ কেস ২,১৭৩ থেংনখি, মসিনা কেসশিংগী মশিং অদু লাখ ১.৩৫ হেনখ্রে। য়ুমশকৈশা নুমিত্তা থেংনখিবা খ্বাইদগী য়াম্বা কেসশিং অদু জয়পুর (কেস ৪০৮)দগী থেংনখি, মথংদা জোধপুর (কেস ৩৩৬) অমসুং বিকানের (কেস ১৩৯)। ফরবা মতুংদা মীওই ১,৯৫৩ দিসচার্জ তৌখ্রে। রাজ্য অসিদা এক্তিব কেসশিংগী অপুনবা মশিং অদু হৌজিক ২০,৫৮১দা লৈরি।
• মধ্য প্রদেশ: ঙসিদগী হায়র এজুকেশন দিপার্তমেন্তকা মরী লৈনবা সরকারগী কোলেজশিংদা ওনলাইন ক্লাসশিং হৌখ্রে। অমরোমদনা, রাজ্যগী ইলেক্সন ওফিসিয়েলশিংনা ইলেক্সনগী মনুংদা কোবিদ-১৯গী মতাংদা কমিশন্না থোকখিবা গাইদলাইনশিং অদু কাইদনা চৎনবা পোলিতিকেল পার্তীশিংদা হায়খ্রে। মসিদা নত্তনা রাজ্য সরকারনা নর্সিং হোমশিং অমসু লনাইগী হোসপিতালশিংদা মখৌয়গী রিসেপশন কাউন্তরশিংদা কোবিদ-১৯ লাইয়েংবগী পীথোক্লবা মমলশিং অদু উৎথোকপা হায়বসি তঙাইফদনা তৌগদবা ওইহনখ্রে।
• ছত্তিসগর: য়ুমশকৈশা নুমিত্তা অনৌবা পোজিতিব কেস ২,৯৪৭ থেংনখি, মসিনা রাজ্য অসিগী কোবিদ-১৯গী অপুনবা মশিং অদু ১,১৩,৬০২ য়ৌহনখি। রাজ্য অসিদা হৌঝিক এক্তিব কেস ৩০,৯২৭ লৈরি। য়ুমশকেশা নুমিত্তা রাজ্য অসিদা পেসেন্ত ২,৮৩৬ ময়া নক্না দিসচার্জ তৌখিবগা লোইননা রাজ্য অসিদা হৌজিক ফখিবসিংগী অপুনবা মশিং অদু হৌজিক ৮১,৭১৮তা লৈরি।
• অসাম: অসামদা ঙরাং কোবিদ-১৯গীমদক্তা মীওই ৩৫৯০ অমুক পোজিতিব ওইখ্রে অমসুং পেসেন্ত ১৬১৬ দিসচার্জ তৌখ্রে। অপুনবা কেসশিং অদু ১৮০৮১১দা হেনগৎখ্রে, এক্তিব ৩৪৪৯৬, দিসচার্জ তৌখিবশিংগী অপুনবা মশিং ১৪৫৬১৫ অমসুং শিখিবশিংগী মশিং ৬৯৭।
• সিক্কিম: সিক্কিমদা কোবিদ-১৯গীদমক্তা মীওই ৩৮ অমুক পোজিতিব ওইখ্রে অমসুং পেসেন্ত ২২৯০ দিসচার্জ তৌখ্রে। এক্তিব কেসশিং অদু ৬২৭নি অমসুং শিখিবশিংগী অপুনবা মশিংনা ৩৯নি।
পি.আই.বি. ফেক্ত চেক
*****
(Release ID: 1660899)
Visitor Counter : 222