হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হর্শ বর্ধননা ঙসি অহল ওইরবশিংগী মালেমগী নুমিৎকী থৌরমদা সরকারনা হেলদী এজিংগীদমক লৈরি হায়না হায়খ্রে। চহি খুদিংগী ওক্তোবরগী ১ অসি অহল ওইরবশিংগী মালেমগী নুমিৎ হায়না পাংথোক্লি, মসি অহল ওইরবশিংবু খংবিনবা, মখোয়গী ইমুং মনুং, কাংলুপ অমসুং মীয়ামগী মরক্তা অহল ওইরবশিংবু হেন্না শরুক য়াবা ঙম্নবা অমসুং অহল ওইরবশিংনা থেংনরিবা অৱাবা অসি মীয়ামদা খংহন্নবা য়ুনাইতেৎ নেসন্না লাওথোকখিবনি। 

দাঃ হর্শ বর্ধননা নেস্নেল প্রোগ্রাম ফোর দ হেলথ কেয়র ফোর দ ইলদরলি (এন.পি.ঐচ.সি.ই.) ৱা ঙাংলদুনা হায় মদুদি থম্লিবা পান্দম অসিনা অহল ওইরবা মশা শোল্লবাশিংদা হেন্না ফবা চেকশিনবা অহানবা অমসুং মথংগী থাক ফাওবা থম্বনি; “দিস্ত্রীক্ত হোস্পিতালদগী হেলথ অমসুং ৱেলনেস সেন্তরশিংদা অহল ওইরবা অনাবশিংগীদমক য়েংশিন্নবা, য়ামদ্রবদা দিস্ত্রীক্ত হোস্পিতাল, রিহাবিলিতেসন সর্ভিস দাউনদগী সি.ঐচ.সি. অমসুং ঐচ.দবল্যু.গী থাক্তা লৈবা মফমদা য়ামদ্রবদা ফমুং ১০ দগী তাদনা থম্বা অমসুং য়ুম-য়ুমদা লৈরিবা চৎপদি ঙমদ্রবা অহল ওইরবাশিংগীদক শিনবা অসিনি”। মহাক্না মখা তানা শন্দোক্না হায়খি মদুদি ইন্সিতুসন পুম্বনা চেকশিন থৌরাং লৌরনি। মহাক্না হায়খি মদুদি মেদিকেল কোলেজদা রিজনেলগী ওইবা অহল ওইরবা অনাবশিংগী মফম ১৯ অমা অমসুং অহল ওইরবশিংগী নেস্নেল সেন্তর অনি মফম চাবা য়েংদুনা অকনবা মিয়েং চংদুনা চেকশিন থৌরাং লৌখৎকনি।  

য়ুনিয়ন হেলথ মিনিস্তরনশু হায়খি মদুদি ২০২০গী ওক্তোবরগী ১ অসি দিকেৎ ওফ হেলদী এজিং (২০২০-২০৩০) হায়না হৌদোক্লগনি, চহি চুপ্পা মখল কয়াগী থৌরম পাইখৎতুনা অহল ওইরবশিং অসিদা পান্দম অমসুং মপুং ওইবা ৱাখল পুনশিন্দুনা অমসুং অফবা মথৌ পিদুনা ফংবা য়াবা মথৌ ফংহনগনি।  “মসিগী খোঙথাং অসি সরকার, মীচম প্রজা, মালেমগী মীহুৎ, প্রোফেসনেল, একাদমিয়া, মেদিয়া অমসুং প্রাইবেৎ সেক্তরশিং অসিদা খুদোংচাবা অমা ফংদুনা পুন্না থবক তৌমিন্নবা, থবক য়াওমিন্নবা অমসুং অমগা অমগা খুৎশম্নদুনা চৎমিন্নদুনা অহল ওইরবাশিং অসিবু মখোয়গী ইমুংগা, কৈরোই-লৈকাইগা হিংমিন্নবদা মতেং পাংলগনি” হায়না মহাক্না হায়খি।

মিনিস্তর অসিনা থাজবা পীখি মদুদি বোর্দ অসিনা পান্দম থম্লিবা অসি দিকেৎ ওফ হেলদী এজিংদা থমদুনা মখল কয়াগী থৌরম কয়া অমা দিপার্তমেন্ত অমসুং মিনিস্ত্রীশিং ইন্তর-সেক্তোরেল কোওর্দিনেসন পুক্নিং থৌগৎপা য়াওগনি। কম্ম্যুনিতিদা বেজ তৌবা এন.জি.ও.শিং., মালেম কয়াগী এজেন্সিশিং মখোয়শু হায়রিবা হেলদী এজিং মলতি সেক্তোরেলদা শরুক য়াগনি। “ৱা খন্নবা/ৱার্কসোপ/এক্সপার্তশিংগা ৱেবিনার শিনবা/একাদেমিককী মফমশিং/প্রোপেসনেলশিং অসিনা এল.এ.এস.আই. দেতাদা প্রোগ্রাম কয়া শিন্দুনা অহল ওইরবশিং অসিগী চেকশিন থৌরাং অসি উৎকনি।   

লোংগিচুদিনেল এজিং স্তদি ইন ইন্দিয়া (এল.এ.এস.আই.) অসিগী মরুওইবা উৎলদুনা মহাক্না হায় মদুদি, “ফজনা শেম্লবা অমসুং মওং চাবা শেন্থংনা এজিংগী মীশিং অসি মীওইবা, সমাজ, শেল-থুম অমসুং অকোইববু শেমগৎপা ঙমগনি। অদুম ওইনমক মসি পুন্সিগী তাঙ্কক কয়াদা শেন্থং পীবা হায়না লৌবা য়াই। অফবা সমাজ অমা শেম্বা অমসুং চহি মথাং কয়াগী অফবা সমাজ অমা শেম্বা অদুনি। মসিগীদমক্তা সরকারগী থৌওংশিং অসি লাক্ননবা অমসুং শেমদোক্নবা মখোয়দা য়ৌহন্নবা শেমগৎপা মথৌ তাই। অহল ওইরবশিং অসিগী হকচাংগী, সমাজগী, অমসুং শেল-থুমগী ফিবমগী দেতা হেন্না ফজনা উৎনবা সরকারনা লোংগিচুদিনেল এজিং স্তদি ইন ইন্দিয়া পাইখৎলি হায়রিবা অসি অহানবা জাতি পুম্বা অমসুং মালেমগী খ্বাইদগী চাওবা নৈনবা থৌরম অমনি।

দাঃ হর্শ বর্ধননা কোবিদ-১৯ অসিনা প্রজা মীয়ামদা পীরিবা চৈথেং অসি য়েংলগা হায় মদুদি মসিনা মীয়ামদা য়াম্না শাথিবা অমা লৈবাক পুম্বদা অমদি মালেম শিনবা থুংনা পীরি। অহল ওইরবশিংগী মালেমগী নুমিৎ ২০২০গী থীম অসি “পেন্দেমিক: দু দে চেনজ হাও ৱি এদ্রেস এজ এন্দ এজিং?”। কোবিদ-১৯গী অসিগুম্লবা লায়চৎ অসিদা হেন্না খুদোংথিনিঙাই ওইবা মরম্না অহল ওইরবশিং অসি হেন্না চেকশিন থৌরাং পীদুনা কোবিদ ইফোর্দ, এদভাইজরিশিং পিদুনা, মখোয়গী চংদবা য়াদ্রবশিংগী মতাংদা খংহনবা অমসুং স্তেত সরকারশিংবু মখোয়বু চেকশিন থৌরাং লৌবদা পুক্নিং থৌগৎকনি।   

****