গৃহ মন্ত্রালয় (এম.ঐচ.এ.)না ঙসি কন্তেনমেন্ত জোনশিংগী মপালদা অহেনবা থবক থৌরমশিং অমুক হন্না হৌবা য়ানবা অনৌবা গাইদলাইনশিং থোকখ্রে। ওক্তোবর ১, ২০২০দগী চৎনবা হৌগদবা গাইদলাইনশিং অসিদা থবক থৌরমশিং অমুক হন্না হৌহন্নবগী থবক মখা চত্থখ্রে। ঙসি থোকখিবা অনৌবা গাইদলাইনশিং অসি রাজ্যশিং অমসুং য়ু.তি.শিংদগী ফংলকপা ফীদবেক অমসুং মরী লৈনবা কেন্দ্রগী মন্ত্রালয়শিং অমসুং বিভাগশিংগা লোয়ননা পাঙথোকখিবা খন্ন-নৈনবশিংদা য়ুম্ফম ওইখি।

অনৌবা গাইদলাইনশিং অসিগী মরু ওইবা ৱারোলশিং

কন্তেনমেন্ত জোনশিংগী মপালদা লৈবা মফমশিংদা ওক্তোবর ১৫, ২০২০দগী অয়াবা পীরবা থবক থৌরমশিং

•      সিনেহোলশিং/থিএতরশিং/মল্তিপ্লেক্সশিং অসি মখোয়গী লৈরিবা সীৎকী চাং অদুগী ৫০% ফাওবদং ফমহন্দুনা হাংবা য়ারগনি, মসিগীদমক ইনফোর্মেসন অমসুং বোর্দকাস্তিং মন্ত্রালয়বা এস.ও.পি. থোক্কনি।

•      বিজিনেস তু বিজিনেস (বি২বি) একজিবিসনশিং হাংবা য়ারগনি মসিগীদমক কম্মর্স বিভাগনা এস.ও.পি. থোক্কনি।

•      শান্নরোয়শিং ত্রেন তৌবদা শীজিন্নবা স্বিমিং পুলশিং হাংবগী অয়াবা পীখ্রে, মসিগীদমক য়ুথ এফিয়র্স অমসুং স্পোর্তস মন্ত্রালয় (এম.ও.ৱাই.এ.অমসুং এস.)না স্তেন্দর্দ ওপরেতিং প্রোসিজর (এস.ও.পি.) থোক্কনি। 

•      এন্তর্তেনমেন্ত পার্কশিং অমসুং মান্নবা মফমশিং হাংবগী অয়াবা পীখ্রে, মসিগীদমক হকশেল অমসুং য়াইফ য়ুম্বাল মন্ত্রালয়না এস.ও.পি. থোক্কনি।

স্কুলশিং, কোলেজশিং, এজুকেসন ইন্সতিত্যুসনশিং অমসুং কোচিং ইন্সতিত্যুসনশিং হাংবা

•      স্কুলশিং অমসুং কোচিং ইন্সতিত্যুসনশিং অমুক হন্না হাংবগী মতাংদা, রাজ্য/য়ু.তি. সরকারশিংনা ওক্তোবর ১৫, ২০২০গী মতুংদা তাঙ্কক নাইবা মওংদা ৱারেপশিং লৌজবা য়ারগনি। ৱারেপ অসি ওইরিবা ফীভম অসিগী মওং য়েংলগা অমদি মখাদা পীরিবা ৱাফমশিং অসি ঙাক্না চৎপগী মতুং ইন্না মরী লৈনবা স্কুল/ইন্সতিত্যুসনগী মেনেজমেন্তগা লোয়ননা খন্ন-নৈনরগা লৌগনি:

o     ওনলাইন/দিস্তেন্স লর্নিং অসি তাকপী-তম্বীবগী খ্বাইদগী ফবা মওং ওইনা লৌদুনা মখা চত্থগনি অমসুং থৌগৎকদবনি।

o     ওনলাইন ক্লাসশিং তৌরিবা স্কুলশিংগী মহৈরোয়শিংনা মশা স্কুলদা চৎপগী মহুৎ ওনলাইন ক্লাস য়াওবা পাম্লবদি, মখোয়দা অয়াবা অদু পীগদবনি।

o     মহৈরোয়শিংনা মমা-মপাশিংগী অইবা অয়াবা য়াওরবা খক্তদা স্কুলশিং/ইন্সতিত্যুসনশিং কাবা য়াগনি।

o     এতেন্দেন্স লৌরোইদবনি অমসুং মমা-মপাগী অয়াবগী মখা পোনগদবনি।

o     মফম অদুগী মথৌ তাবশিং অদু য়েংলগা ভারত সরকারগী এজুকেসন মন্ত্রালয়গী দিপার্তমেন্ত ওফ স্কুল এজুকেসন এন্দ লিতরেসী (দি.ও.এস.ই.এল.)না থোকপা এস.ও.পি.শিংদা য়ুম্ফম ওইরগা স্কুলশিং/ইন্সতিত্যুসনশিং অমুক হন্না হাংবগী হকশেল অমসুং চেকশিল থৌরাংশিংগী মতাংদা রাজ্যশিং.য়ু.তি.শিংনা মখোয় মশাগী এস.ও.পি. শেমজগনি।

o     হাংবা য়ারবা স্কুলশিংনা রাজ্যশিং/য়ু.তি.শিংগী এজুকেসন বিভাগশিংনা থোকপা এস.ও.পি.শিং শোইদনা ঙাক্লগা চৎকদবনি।

•      মফম অদুগী ওইরিবা ফীভমগী এসেসমেন্ত পাঙথোকপদা য়ুম্ফম ওইরবা গৃহ মন্ত্রালয় (এম.ঐচ.এ.)গা লোয়ননা খন্ন-নৈনরবা মতুংদা এজুকেসন মন্ত্রালয়গী দিপার্তমেন্ত ওফ হায়র এজুকেসন (দি.ঐচ.ই.)না কোলেজশিং/হায়র এজুকেসন ইন্সতিত্যুসনশিং হাংবগী মতমগী মতাংদা ৱারেপ অমা লৌবা য়াগনি।ওনলাইন/দিস্তেন্স লর্নিং অসি তাকপী-তম্বীবগী খ্বাইদগী ফবা মওং ওইনা লৌদুনা মখা চত্থগনি অমসুং থৌগৎকদবনি।

o     অদুম ওইনমক, লেবোরেতরী/এক্সপিরিমেন্তগী থবকশিং মথৌ তাবা সাইন্স অমসুং তেক্নোলোজীগী লমদা লৈরিবা রিসর্চ স্কোলরশিং (পিঐচ.দি.) অমসুং পোস্ত-গ্রেজ্যুৎ মহৈরোয়শিং খক্তগী ওইনা হায়র এজুকেসন ইন্সতিত্যুসনশিং ওক্তোবর ১৫, ২০২০দগী মখাদা পীরিবা অসুম্না হাংবা য়াগনি:

i.      কেন্দ্রনা শেন্থং পীথবা হায়র এজুকেসন ইন্সতিত্যুসনশিংগী ওইনদি, ইন্সতিত্যুসন অদুগী হেদনা সাইন্স অমসুং তেক্নোলোজীগী লমদা লৈরিবা রিসর্চ স্কোলরশিং (পিঐচ.দি.) অমসুং পোস্ত-গ্রেজ্যুৎ মহৈরোয়শিংগী তশেংনা লেবোরেতরী/এক্সপিরিমেন্তগী থবকশিং মথৌ তাই হায়না মশানা খঙহনজগদবনি।

ii.     অতোপ্পা হায়র এজুকেসন ইন্সতিত্যুসনশিংগী ওইনদি খুদম ওইনা রাজ্যগী য়ুনিবর্সিতীশিং, লনাই য়ুনিবর্সিতীশিং অসিনচিংবনা মশা মশাগী রাজ্য/য়ু.তি. সরকারশিংনা লৌখিবা ৱারেপকী মতুং ইন্না লেবোরেতরী/এক্সপিরিমেন্তগী থবকশিং মথৌ তাবা সাইন্স অমসুং তেক্নোলোজীগী লমদা লৈরিবা রিসর্চ স্কোলরশিং (পিঐচ.দি.) অমসুং পোস্ত-গ্রেজ্যুৎ মহৈরোয়শিং খক্তগী ওইনা হাংবা য়াগনি।

মী তিনবগী চৎন-কাঙলোন

•      কন্তেনমেন্ত জোনশিংগী মপানদ মীওই ১০০ তিনবা য়াবগা লোয়ননা খুন্নাইগী/ একাদেমিক/ শান্ন-খোৎনবী/ এন্তর্তেনমেন্ত/ নাৎকী/ ধর্মগী/রাজনিতীগী ওইবা থৌরমশিং অমসুং অতোপ্পা মী পুনবা য়াবগী অয়াবা হান্না পীখ্রে। হৌজিক্তি ওক্তোবর ১৫, ২০২০গী মতুংদগী কন্তেনমেন্ত জোনশিংগী মৱালদা রাজ্য/য়ু.তি. সরকারনা অসিগুম্বা মী তিনবশিং অসি মীওই ১০০দগী হেন্না তিনহনবগী অয়াবা অদু পীজবা য়ারগনি, অদুবু মখাদা পীরিবা ৱাফমশিং অসিদি ঙাক্না চৎকদবনি:

• কা মনুংশিং, মী ২০০দগী হেন্না তিলহন্দবগা লোয়ননা হোলগী কেপাসিতীগী খ্বাইদগী য়াম্লবদা ৫০% অয়াবা পীগনি। ফেস মাস্কশিং উপ্পা, সোসিএল দিস্তেন্সিং ঙাকপা, থর্মেল স্কেনিং অমসুং হেন্দ ৱাশ নত্রগা সেনিতাইজর থম্বা মেন্দেতরী ওইহনগদবনি। 
• অহাংবা মফমশিংদা লম্পাক্কী/অহাংবগী সাইজ য়েংলগা অমসুং সোসিএল দিস্তেন্সিং চেকশিন্না য়েংবা, ফেস মাস্কশিং উপ্পা মেন্দেতরী ওইহনবা, থর্মেল স্কেনিং অমসুং হেন্দ ৱাশ নত্রগা সেনিতাইজর থম্বা মেন্দেতরী ওইহনগদবনি। 

অসিগী মীয়াম তিনবা অসিনা কোবিদ-১৯ শন্দোক্তনবা রাজ্য/য়ু.তি. সরকারশিংনা অসিগুম্বা মীয়াম তিবা অসি য়েংশিন্নবা এস.ও.পি.শিং অকুপ্পা ৱারোলশিং ইসু তৌগদবনি অমসুং হাবরিবা অসি অকনবা মওংদা চৎনহনগদবনি।

• মখাগী অসি নত্তনা থবক থৌরম খুদিংমক কন্তেনমেন্ত জোনশিংগী মপান্দা অয়াবা পীগনি:
  1. এম.ঐচ.এ.না অয়াবা পীবা পেসেঞ্জরশিংগী ইন্তরনেস্নেল ত্রাভেল

• ওক্তোবর ৩১, ২০২০ ফাওদা কন্তেনমেন্ত জোনশিংদা লোকদাউন অকনবা মওংদা ইমপ্লিমেন্ত তৌখিগনি।
• কন্তেনমেন্ত জোনশিং অসি দিস্ত্রিক ওথোরিতীশিংনা শন্দোকপগী চেন অদু লেপহন্নবা পান্দমগা লোয়ননা এম.ও.ঐচ.এফ.দবল্যু.গী গাইদলাইনশিং চৎনরগা মাইক্রো লেভেলদা খাইদোক্কনি।   মসিগী কন্তেনমেন্ত জোনশিং অসিদা অকন্নবা লাকশিন্নবা খোঙথাংশিং লৌখৎকনি অমসুং তঙাই ফদবা থবক থৌরমশিং খক্তমক য়াহনগনি। 

• কন্তেনমেন্ত জোনশিংগী মনুংদা অকনবা পেরিমিতর কন্ত্রোল ঙাক্না চৎকনি অমসুং তঙাই ফদবা থবক থৌরমশিং খক্তমক য়াহনগনি।
• কন্তেমেন্ত জোনশিং অসি রাজ্যশিং/য়ু.তি.শিংনা মরী লৈনবা দিস্ত্রিক্ত কলেক্তরশিংগী ৱেবসাইৎশিংদা খংহনগনি অমসুং ই-পাউ অসি এম.ও.ঐচ.এফ.দবল্যু.দা শিয়র তৌগনি। 

কন্তেনমেন্ত জোনশিংগী মপান্দা রাজ্যশিংনা লোকেল লোকদাউন অমত্তা থম্বা য়ারোই

• রাজ্য/য়ু.তি. সরকারশিংনা কেন্দ্র সরকারগা মাংজৌননা তান্নরমদনা কন্তেনমেন্ত জোনশিংগী ৱাংমদা লোকেল লোকদাউন অমহেক্তা (রাজ্য/জিলা/সব-দিবিজন/শহর/খুঙ্গংগী থাক্তা) থম্বা য়ারোই।

ইন্তর স্তেৎ অমসুং ইন্ত্রা স্তেৎ চৎথোক চৎশিন্দা অথিংবা থম্লোই

• ইন্তর স্তেৎ অমসুং ইন্ত্রা স্তেৎতা মী চত্থোক চৎশিন অমসুং পোৎ-চৈ পুথোক পুশিন্দা অথিংবা থম্লোই। মসিগী চত্থোক চৎশিনশিং অসিগী তোঙান্না পর্মিসন/অয়াবা/ই-পর্মিৎ লৌবগী মথৌ তাদে। 

কোবিদ-১৯ মেনেজমেন্তকী নেস্নেল দিরেক্তিবশিং

• কোবিদ-১৯ মেনেজমেন্তকী নেস্নেল দিরেক্তিবশিং অসি সোসিএল দিস্তেন্সিং ঙাক্না থম্নবা মীয়েংগা লোয়ননা লৈবাক পুম্বদা মখাতানা চৎনখিগনি। 

দুকানশিংনা কস্তমরশিংগী মরক্তা ফিজিকেল দিস্তেন্সিং মতিক চানা ঙাক্না থমহনবা মথৌ তাই। এম.ঐচ.এ.না নেস্নেল দিরেক্তিবশিং ফজনা ইপ্লিমেন্তেসন তৌবা য়েংশিনগনি।

নারকপা য়াবা মীওইশিং ঙাক-শেনবা

• নারকপা য়াবা মীওইশিং হায়বদি চহি ৬৫গী মথক্কী মীওইশিং, কো-মোর্বিলিতী ওইবা মীওইশিং, মশা ৱাই শঙদবা নুপীশিং অমসুং চহি ১০গী মখাগী অঙাংশিং তঙাই ফদবা পোৎলমশিং লৈবা অমসুং হকশেলগী ওইবা হীরমদা নত্তনা য়ুমদা লৈনবা খংহল্লি। 

অরোগ্য সেতু শিজিন্নবা

• অরোগ্য সেতু মোবাইল এপ্লিকেসন অসি মখাতানা শিজিন্ননবা পুক্নিং থৌগৎকনি।

*****