কেন্দ্রগী কম্মর্স অমসুং ইন্দস্ত্রী অমসুং রেলৱে মন্ত্রী শ্রী পিয়ুশ গোয়ালনা লৌউশিংউগী রিফোর্মশিং অসিবু ঐখোয়গী লৌমীশিংগী চাউখৎলোন্দা খ্বাইদগী মরুওইবা খোঙজং অমনি হায়না ফোংদোকখ্রে। 'ন্যু ৱার্ল্দ ওর্দর – আত্মনির্ভর ভারত'কী মতাংদা পাঙথোকপা ফেদরেসন ওব তেলঙ্গানা চেম্বর্স ওব কম্মর্স অমসুং ইন্দস্ত্রীগী থৌরম অমদা ঙসি ৱা ঙাংলদুনা মহাক্না হায়খি মদুদি মসিনা ভারতকী লৌউশিংউগী পুৱারীদা অহোংবা অমা পুরক্লগনি। "মসিনা চাথোক পুথোকপগী চাং অমসুং লৌমীশিংগী চাগা হেনগৎলগনি। লৌউশিংউদা পুন্দুনা থম্বীরম্বা কয়া থাদোকপীবনা মসিদা প্রাইবেৎ সেক্তরশিংনা শরুক য়াবা হেনগৎলকপা অমসুং অনৌবা এভিন্যু কয়া শেমগৎলকপনা লৌমীশিংদা শক্তি পীরগনি। ঐখোয়গী লৌমীশিং অসিদা মিনিমম সপ্পোর্ত প্রাইস অমসুং মন্দিদা য়োনবগী ওপ্সনসু পীগনি" হায়না মহাক্না হায়খি।

আত্মনির্ভর ভারতকী মতাংদা ৱা ঙাংলদুনা মন্ত্রীনা হায়খি মদুদি মসিনা ভারতনা মালেমগী থাক্তা শরুক য়াবা ফংনবা, মালেমগী অতোপ্পা মফমশিংদগী অনৌবা তেক্নোলোজীশিং ফংদুনা ভারত্তা হেন্না ফরবা সর্বিসশিং পীবা ঙম্নবা থোং লাউনা হাংলে। মহাক্না হায়খি, "ঐখোয়না দোমেস্তিক ইন্দস্ত্রী হেন্না ফগৎনবগীদমক তেক্নোলোজী শীজিন্নগনি। আত্মনির্ভর ভারত অমসুং ভোকেল ফোর লোকেল ওইবা হায়বসি ঐখোয়গী তুংগী থৌরাংশিংগী শরুক অমনি। ভারতনা লৈবাক অসিবু মরোমদোম লেপচবা ঙম্নবগীদমক মগুন লৈবা পোত্থোক কয়া মফম অসিমক্তদা পুথোক্তুনা শেন্মিৎলোন অমা শেমগনি।"

শ্রী গোয়ালনা ইন্দস্ত্রীএলিস্ত অমসুং বিজিনেস্মেনশিংদা ভারতকী শেন্মিৎলোন অসিবু শেমদোকমিন্ননবা অপুনবা ওইনা চৎমিন্নদুনা অনৌবা, শক্তি লৈবা মালেমগী শেন্মিৎলোন অমা ওইহন্নবা অমসুং ভারতনা ওইগদবা মশক অদুমক ওইহনবা ঙম্নবা হোৎনমিন্নসি হায়না পুক্নিং চিংশিনখি। মহাক্না হায়খি, "ঐখোয় পুন্না হোৎনমিন্নদুনা ভারতপু মালেমগী লৈবাকশিংনা থাজবা য়াবা মপাং ওইনা উহনসি। ঐখোয়না তুং কোইনা চৎপা ইনফ্রাস্ত্রকচর অমসুং অনৌবা থবক্কী খুদোংচাবা শেমদুনা চাংদম্নবদা অমসুং শিংনবদা নোপ্তবা মফমশিংদা মালেমগী লুচিংবা ওইহন্নবগীদমক ঐখোয়না কন্নবা হোৎনমিন্নসি।"

মন্ত্রী অসিনা হায়খি মদুদি সরকার অসিনা রাজ্য সরকার অমসুং লোকেল বোদীশিংগা পুন্দুনা ভারতনা করি-করি তৌবা ঙম্মি হায়বদু থিদোক্নবা হোৎনরি। "ঐখোয়না সিঙ্গল- ৱিন্দো ক্লিয়রেন্স সিস্তেম্বু তশেংবা, দোমেস্তিক অমসুং ইন্তর্নেসনেল ওন্ত্রপ্রিনরশিংনা কর্বার তৌবদা লায়বা অশেংবা সিঙ্গল ৱিন্দো অমা ওইহন্নবা হোৎনরি। সরকারগী তোঙান-তোঙানবা খোঙথাংশিংগী মখাদা ঐখোয়না পুন্না হোৎনদুনা লাইচৎ অসিবু মায়থিবা পীনবা হোৎনরি অমসুং ঐখোয়গী খোলাও 'সবকা সাথ, সবকা বিকাস' অসি মায় পাক্নবা অমসুং ভারতকী মীয়ামগী থাজবা ফংনবা হোৎনগনি – 'সবকা বিশ্বাস'।"

শ্রী গোয়ালনা লাইচৎ অসিনা পীরিবা খুদোংচাদবশিং কোকহন্নবগীদমক খাঙবা কনবা, অপুনবগী পাঙ্গল, অমসুং থৌওংশিংবু নৌনা ইঞ্জিনীয়র তৌবদা মীৎয়েং থম্লি। ইন্দিয়ন রেলৱেগী থৌনাবু পল্লদুনা মহাক্না হায়খি মদুদি সেপ্তেম্বরগী নুমিৎ ২৯নিদা, অহেনবা ফ্রৈৎ চাদা ১৫ মমাং চহীগী চাংগা চাংদম্নবা হেনখি। মহাক্না হায়খি, "ঙরাং ঐখোয়না সেপ্তেম্বর ২৯, ২০১৯দা পুখিবা ফ্রৈৎকী চাংদগী চাদা ৩৩ হেন্না পুখি। ফ্রৈৎ ত্রেনশিংনা অয়াংবগী চাং শরুক অনী হেনগৎনা চেল্লি। ফ্রৈৎ অমসুং পেসেঞ্জর ত্রেনশিংগী চেনবগী থবক নৌনা অমুক খোংজেল য়াংজল্লে অমসুং ঐখোয়না হৌজিক্তি ঐখোয়গী তাইম তেবল অপুনবদু অমুক নৌনা ইরে।" শ্রী গোয়ালনা হায়খি মদুদি কোবিদ-১৯গী হৌরকপা মতমদা ভারত্তা মাস্ক, পি.পি.ই. কিৎ, তেস্তিং কিৎ অমসুং ভেন্তিলেতর অমত্তা শারমদে, অদুবু ঐখোয়গী ইন্দস্ত্রীশিংনা থৌনা লৈনা চোংথোক্লক্তুনা হৌজিক্তি ঐখোয়গী কোন্ননবা শাবগী মথক্তা পোৎলমশিং অসি মীরমদসু থাদোক্লে।

*****