​হাওসিং অমসুং অর্বান এফেয়ার্স মিনিস্ত্রিগী সেক্রেতরি, দুর্গা সঙ্কার মিশ্রানা হায়খি প্রোজেকশিং য়েংশিনবা অমসুং লোন পীবগী থবক পাংথোকপদা অরোন-অথুপ লৈতবা অমসুং মরম চানা থবক পাংথোকপা হেনগৎহন্নবা দিজিতেল অমসুং মোবাইল তেক্নোলোজি শীজিন্নবদা প্রোজেক মেনেজমেন্ত ইনফোরমেসন সিস্তেম(পি-এম.আই.এস) অসি অচৌবা খোঙথাং অমনি। নিউ দিল্লিদা নেসনেল কেপিতেল রিজনেল প্লান্নিং বোর্দকী পি-এম.আই.এস হৌদোকপা থৌরমদা শ্রী মিশ্রানা হায়খি তেক্নোলোজি শীজিন্নবা হেনগৎলকপা মতম অসিদা মসিগী পোর্তেল অসি কোবিদ-১৯ মতমদা মতাং য়াম্না চারে। হৌদোকপা থৌরম অদুদা হাওসিং অমসুং অর্বান এফেয়ার্স মিনিস্ত্রিনগী এদিসনেল সেক্রেতরি, জি.এন.সি.তি.দিগী এদিসেনল চীফ সেক্রেতরি অমসুং এন.সি.আর রাজ্যশিংগী সেনিয়র ওফিসিএলশিং অমসুং এন.সি.আর.পি.বিগী ওফিসিএলশিং শরুক য়াখি।

দুর্গা মিশ্রানা লুচিংদুনা ২০২০গী সেপ্তেম্বর ২৮দা পাংথোকখিবা ৫৯সুবা পি.এস.এম.জি-মীফমদা লুপা করোর ৩৮৯.২২গী হাওসিং প্রোজেক ৬ অয়াবা পীখ্রে, মসিগী মনুংদা হরিয়ানাগী পি.দব্লিউ.দিগী লুপা করোর ১৪৯.৩১গী ত্রান্সপোর্ত সেক্তর প্রোজেক ৪, রাজস্থানগী আর.আর.ভি.পি.এনগী লুপা করোর ৩১.৫৮গী পৱার প্রোজেক ১ অমসুং পাতিলায়া দিবলপমেন্ত ওথোরিতিগী লুপা করোর ২০৮.৩৩গী তুরেল ফগৎহন্নবা প্রোজেক অমা য়াওরি।

বোর্দ অসিনা হৌজিক ফাওবদা ইনফ্রাস্ত্রকচর শেমগৎনবা প্রোজেক ৩৬০দা লুপা কোরোর ৩১,৪৬৪গী মতেং পীখ্রে, মসিগী মনুংদা লুপা করোর ১৫,১০৫ লোন ওইনা পীখ্রে। ২০২০গী সেপ্তেম্বর ২৭ ফাওবদা লুপা করোর ১২,৪৪১গী লোনগী শেনফম অমা বোর্দনা থাদোকখ্রে।

এন.সি.আর প্লান্নিং বোর্দনা অচৌবা প্রোজেকশিং শেন থাদরি:

(লুপা, করোর ওইনা)

 এন.সি.আর.পি.বিনা মার্কেত্তগী অমসুং এজেন্সিশিং হায়বদি এ.দি.বি অমসুং কে.এফ.দব্লিউদগী লোন লৌরি অমসুং এন.সি.আরদা য়াওরিবা রাজ্যশিং অমসুং মখোয়গী এজেন্সিশিংদা চাউখৎ-থৌরাংগী থবকশিং পায়খৎনবা য়াম্না পীকপা শেন্দোইদা লোন পীরে।

নেসনেল কেপিতেল রিজন প্লান্নিং বোর্দ অসি ১৯৮৫দা সংসদকী এক্ত অমগী মখাদা লিংখৎখিবা হাওসিং অমসুং অর্বান এফেয়ার্স মিনিস্ত্রিগী মখাদা লৈবা বোদি অমনি। বোর্দ অসিনা এন.সি.আরদা চাউখৎ-থৌরাংগী থবকশিং পায়খৎনবা থৌরাং তৌগনি অমসুং হায়রিবা প্লান অদু পায়খৎলকপা মতমদা য়েংশিনগনি অমসুং লমদম অসিদা মওং-মরিল তাদনা চাউখৎ-থৌরাংগী থবকশিং পায়খৎতনবা লম ফজনা শীজিন্নবগী মতাংদা থৌশিলশিং শেম্লি।

******