নীতি আয়োগ

নীতি আয়োগ অমসুং নেদরলেন্দগী ইম্বেসীনা “দিকার্বোনাইজেসন অমসুং ইনর্জী ত্রাঞ্জিসন এজেন্দা”গী মতাংদা স্তেৎমেন্ত ওফ ইন্তেন্ত অমগী খুৎয়েক পীনখ্রে

Posted On: 30 SEP 2020 1:27PM by PIB Imphal

নীতি আয়োগ অমসুং নই-দিল্লীদা লৈবা নেদরলেন্দসকী ইম্বেসীনা সেপ্তেম্বর ২৮, ২০২০দা অশেংবা অমসুং অহেনবা ইনর্জী লৈহন্নবা দিকার্বোনাইজেসন অমসুং ইনর্জী ত্রাঞ্জিসন এজেন্দাবু শৌগৎপগী মতাংদা স্তেৎমেন্ত ওফ ইন্তেন্ত (এস.ও.আই.) অমগী খুৎয়েক পীনখ্রে।

এস.ও.আই. অসি নীতি আয়োগকী সি.ই.ও. শ্রী অমিতাব কান্ত অমসুং ভারত্তা লৈবা নেদরলেন্দসকী এম্বেসেদর মারতিন ভান দেন বর্গকগী মরক্তা খুৎয়েক পীনখি। মসিগী খুৎশম্নবগী থৌওং অসিগী খুত্থাংদা নীতি আয়োগ অমসুং দৎচ এম্বেসীনা স্তেকহোলদরশিং অমসুং পোলিসী শেম্বশিং, ইন্দস্ত্রীগী বোদীশিং, ও.ই.এম.শিং, লন্নাইগী ইন্তর্প্রাসিশিং অমসুং সেক্তরগী অখঙ-অহৈশিং য়াওনা ইথিল পীবা মীওইশিংগগী মরক্তা পাক-শন্না খুৎশম্ননা থবক তৌমিন্ননবা প্লেৎফোর্ম অমা শেম্বদা তেংবাংদুনা স্ত্রেতজিক ওইবা পার্ত্নরশিপ অমা লৈহনবগী পান্দম থম্লি।

খুৎশম্নরিবা অসিনা এন্তিতী অনি অসিগী অখঙ-অহৈশিং শিজিন্নদুনা তেক্নোলোজীগী ওইবা অনৌবা ৱারোইশিন পীবগী থৌওং কয়া শেম্মিন্ননবা মিৎয়েং চঙগনি। মসিগী পান্দম অসি লৌশিং লান্নবগী পাক-চাউবা থবক পাঙথোকপগী খুত্থাংদা ফংগনি। মসিগী মরু ওইবা হীরমশিংগী মনুংদা য়াওরিবশিংদি- ১) ইন্দস্ত্রী অমসুং ত্রান্সপোর্তকী সেক্তরশিংদা কার্বোনগী ফুৎপ্রিন্ত হন্থহনবা, ২) মহৌশাগী গ্যাস শিজিন্নবগী পান্দম থম্লিবা মতিক অদু য়ৌহনবা অমসুং বাইও-ইনর্জীগী তেক্নোলীজীশিংবু খুমাং চাউশিলহনবা, ৩) একচুএল পারতিক্যুলেৎশিং য়েংশিন্নবা অমসুং হন্থহন্নবা অশেংবা নুংশিৎকী তেক্নোলোজী শিজিন্নবা, ৪) হাইদ্রোজেন, কার্বোন কেপচর য়ুতিলাইজেসন অমসুং সেক্তোরেল ইনর্জী ইফিসিএন্সী থমজিনবনচিংবা মথংগী জেনেরেসনগী তেক্নোলীজীশিং শিজিন্নবা, ৫) ক্লাইমেৎ চেঞ্জ ফাইনান্স পীনবা অমসুং শিজিন্ননবা শেল থুমগী ওইবা ফ্রেমৱর্ক শেম্বা।

থৌরম অসিদা ৱা ঙাংবদা নীতি আয়োগকী ভাইস চেয়রমেন দাঃ রজিব কুমারনা হায়খিবদা, “ভারত অমসুং নেদরলেন্দসনা তুং কোইনা চৎকদবা ইনর্জীগী মতাংদা আশা চাউবা পান্দম লৈ অমসুং অশেংবা ইনর্জীদা ওন্থোক্নবা পান্দম ফংনবা হোৎনবদা মান্নবা খুদোংচাদবা কয়া থেংনমিন্নরি। ভারতনা শেল য়াম্না চংদনা হাই-তেক সোল্যুসন পীবা ঙম্বগী মতিক অসিগা লো-কার্বোন তেক্নোলোজীগী মতাংদা দৎচকী খঙ-হৈবগী লৌশিং অসিগা পুন্সিন্নন্দুনা ভারত অমসুং দৎচকী খুৎশম্নবা অসিবু হেন্না চেৎহনগনি হায়বগী ঐহাক্না থাজবা থম্মি অমসুং দিকার্বোনাইজেসন অমসুং ইনর্জী ত্রাঞ্জিসনগী থৌওংশিংগী মতাংদা মাই-পাক্না চৎমিন্নগনি”।

ভারতকী ওইনা লৈরিবা নেদরলেন্দসকী এম্বেসেদর মারতিন ভেন দেন বর্গনা হায়খি, “ভারত অমসুং নেদরলেন্দস অনিমক্না মখোয়গী ইনর্জী সেক্তর শেমদোকপগী থৌওং লেপ্তনা চত্থরিবা অসিদা ঐখোয়না মসিগী এস.ও.আই.গী মখাদা পাঙথোক্কদবা থবকশিং অসিনা লৈবাক অনিমক্না ক্লাইমেৎ রেজিলিএন্ত শেন্মিৎলোন ওইহন্নবা চঙশিল্লিবা খোঙথাং অসিদা য়াম্না তেংবাংগনি। ভারতকা খুৎশম্নবা অসিনা মসিগী পান্দম অনি, শেন্মিৎলোনগী শাহৌ লৌহনবা অমসুং তুংগী চারোন-শুরোনগীদমক্তা অকোয়ববু তেক্ত কায়দনা লৈহনবা, অসি ফংবগীদমক্তা য়াম্না মরু ওইবনি। ইনর্জীগী হীরমদসু লৈবাক অনি অসিনা তুং কোইনা চৎপা য়াবা ইনর্জীগী মতাংদা অচৌবা পান্দম থম্নরিবা অসিনা মতুংদসু খুৎশম্নবগী মফম য়াম্না লৈ। মসিগী এস.ও.আই. অসিনা অতোপ্পা খুৎশম্নবগী থৌওং কয়া লৈহন্নবা পুক্নিং থৌগৎকনি। মসিনা লৈবাক অনি অসিগী শেন্মিৎলোন চাউখৎহনবতা নত্তনা য়ু.এন.গী সস্তেনেবল দিবেলপমেন্ত গোলশিংসু ফংবদা তেংবাংগনি”।

নীতি আয়োগকী সি.ই.ও. অমিতাব কান্তনা হায়খি, “ঐখোয়না মৈখু থাদোকপগী চাং অসি ইং ২০৩০ ফাওবগী মনুংদা ৩৩%-৩৫% ফাওবদা হন্থহন্নবা খোঙফম চেৎলি। মালেম শিনবা থুংনা য়োন্নরিবা পোত্থোকশিংদা কার্বোনগী চাং য়াওবা অসিদা মিৎয়েং চঙবা মতমদা কার্বোন হন্থনা ইন্দস্ত্রী চাউখৎহনবা অসিনা ভারতকী ওইনা মথংদা লৈগদবা খ্বাইদগী চাউবা খুদোংচাবনি। নৌনা অমুক শিজিন্নবা য়াবা ইনর্জীদা হৌজিক মিৎয়েং চঙবগী থবক চত্থরিবা অসিগী মথক্তা ভারতনা ইলেক্ত্রিক্কী গারিশিং অথুবা মতমদা শিজিন্নবা হৌনবা খোঙফম চেৎলি। মসিগী পার্ত্নরশিপ অসিনা লৈরিবা থবক তৌবা ঙম্বগী মতিকশিং অসি য়েংলুরগদি ইনর্জী হোংদোকপা অমসুং অইং-অশা হোংবগী পাক চাউবা হীরমগী মনুংদা লৈরিবা মশক থোকপা মফমশিং, নেদরলেন্দসকা ৱাখল-ফবা অমসুং থবক ওইনা পাঙথোকপগী খুৎশম্নরিবা অসিনা লৈবাক অনিমক্তা তেংবাংনীনবগী ইথিল লৈহন্দুনা তুং কোইনা চাউখৎপগী পান্দম অসি ফংবদা তেংবাংগনি”।

নীতি আয়োগকী এদিস্নেল সেক্রেতরী দাঃ রাকেশ সরৱালনা হায়খি, “ তুং-কোইনা চাউখৎপা ফংবদা অশেংবা ইনর্জী অসি য়াম্না মরু ওই অমসুং মসিনা মালেমগী খন্নবগী হীরমশিংদা খ্বাইদগী মকোক্তা লৈরি। লৈবাক অনি অসিনা খুৎশম্নবা অসিনা প্রদক্তিব কেপাসিতী শেম্বগী থৌওংদগী হেন্দোক্তুনা তুং কোইনা চাউখৎনবা তেক্নোলোজী শিজিন্নবগী মতাংদা থেংনরিবা খুদোংচাদবা কয়াগী ৱারোইশিন পুরকপা ঙমগনি”।

নেদরলেন্দস অমসুং ভারতনা পুৱারী ওইরবা লল্লোন-ইতিক অমসুং শেল-থাদবগী মরী লৈনদুনা লাক্লি। মসিনা ভারতকী ওইনা খ্বাইদগী তরুকশুবা চায়বা ই.য়ু.গী ত্রেদিং পার্ত্নরনি অমসুং ভারতনা য়ুরোপ্তা থাদোক্লিবা পোত্থোকশিং অসিগী ২০%দি লৈবাক অসি ফাউদুনা চৎলি অমসুং মসিনা ভারতকী ‘য়ুরোপ য়ৌনবা থোঙ্গাল’ ওইরিবনি অমসুং লৈবাক অসিনা ভারত্তা শেল খ্বাইদগী  য়াম্না থাদরকপা লৈবাক মঙাগী মনুংদা অমনি। মসিনা ভারতকী অহুমশুবা খ্বাইদগী চাউবা ফোরেন দাইরেক্ত ইনবেস্তমেন্তকী সোর্স অমনি।

নেদরলেন্দসনা ভারতকা কারবারগী মরী হেন্না চেৎনা লৈনবা পাম্মি অমসুং য়ূরোপকা ভারতকা কার্বার তৌবগী হব অমা ওইবসু পাম্মি। লৈবাক অনি অসিনা অমনা অমবু থাজনবা লৈরি অমসুং ইনর্জী অমসুং ক্লাইমেৎ সেক্তরগী মতাংদা থেংনরিবা খুন্নাইগী ওইবা শিংনবশিংবু থেংনমিন্নবা অমসুং তুংগী ফিভমবু শেমদোক্নবা চুংশিনমিন্নদুনা থবক তৌমিন্নবা পাম্মি।

 

*****



(Release ID: 1660297) Visitor Counter : 132