আয়ুশ
কোবিদ-১৯গী অৱাবা অসিনা আয়ুশকী লমদা “রিসর্স কলচর” অমগী থৌনা পোকহনখ্রে
Posted On:
30 SEP 2020 12:23PM by PIB Imphal
কোবিদ-১৯গী লায়চৎ অসিনা হকশেল ফহন্নবা অমসুং লায়না ঙাকথোক্নবা আয়ুশকী লমদা লৈরিবা পাম্বৈশিংদা মীৎয়েং চিংশিল্লক্লি। মীয়াম্না শক খঙবিদ্রিবা অদুদি আয়ুশকী লম অসিদা খুদম-চাংদমদা য়ুম্ফম ওইবা স্তদীশিং লৌখৎপগী লৈবাক পুম্বদা ওইরক্লিবা চৎনবীগী মওং অসিনি।
লোলগী খেৎনবা থমদনা মার্চ ০১, ২০২০দগী জুন ২৫, ২০২০ ফাওবা আয়ুর্বেদাগী খোঙথাংশিং লৌখৎপা য়াওনা কোবিদ-১৯গী রেজিস্তর ত্রাইএলশিংগীদমক ক্লিনিকেল ত্রাইএল রেজিস্ত্রীগী মপুং ফবা সর্চ অমা তৌনবা স্তদী অমা পাঙথোকখি। হায়রিবা মতম অসিগী মনুংদা আয়ুর্বেদা রেজিস্তর তৌখিবা অনৌবা ত্রাইএলশিংগী মশিং অসি ৫৮ ওইখি।
ওগস্ত ২০২০গী অনৌবা রিপোর্তশিংনা ক্লিনিকেল ত্রাইএল রেজিস্ত্রী ওফ ইন্দিয়া (আই.তি.আর.আই.)দা রেজিস্তর তৌরকখিবা ত্রাইএল ২০৩গী মনুংদা ৬১.৫%দি আয়ুশকী লমশিংদগী ওইরি হায়না উৎখি। ‘জর্নেল ওফ রিসর্স ইন আয়ুর্বেদা সাইন্সেস’তা ফোঙখিবা “আয়ুর্বেদা রিসর্স স্তদীস ওন কোবিদ-১৯ রেজিস্তর্দ ইন সি.তি.আর.আই.: এ ক্রিতিকেল এপ্রাইসল” হায়না মিংথোনবা অনৌবা স্তদী অসিনা আয়ুশকী লমদা হৌগৎলক্লিবা “রিসর্স-কলচর”গী মতাংদা অসিদা মীৎয়েং চিংশিনহনখি।
আয়ুর্বেদা অমসুং কোবিদ-১৯ য়াওবা সি.তি.আর.আই.দা রেজিস্তর তৌবা ত্রাইএলশিংগী মতাংদা অহেন্না ৱারোলশিং মসিদা পীরি। পুন্না রেজিস্তর তৌখিবা ত্রাইএলশিংগী মনুংদা চাউরাক্না ত্রাইএলগী ৭০%দি সরকার অমদি আয়ুশ মন্ত্রালয়গা মরী লৈননবা তোঙান তোঙানবা আয়ুর্বেদাগী ওইবা স্তেকহোল্দরশিংনা শেল থাদখি। ত্রাইএলশিং অসিনা রিসর্সচরশিংদা মখোয়গী মথংগী খোঙথাং লৌখৎপদা থৌনা হাপ্পদা মতেং পাংগদবা কান্নবা ই-পাউশিং ফংহন্নবা অমসুং কোবিদ-১৯দা আয়ুর্বেদানা লৌখৎলিবা খোঙথাংশিং অসি মীয়াম প্রজানা খঙনবা মতেংসু পাংলি। মসি লোয়রবা মতুংদা, কান্নবা পীগদবা স্তদীশিং অসিগী ফলশিং অদু অথুবদা ফোঙনবা হোৎন্দুনা পব্লিক হেল্থকী থৌরাংশিংদা কান্নবা পীনবা অফবা পাম্বৈশিং পীনবা হিদাক-লাংথক্কী হীরমদা লৈরিবা আয়ুশকী সিস্তেমগী পোলিসী শেম্লিবশিংদা কান্নহল্লগনি। মখা তানা, অৱাবা তারিবা মতম অসিদা মখোয়না ভারত্তা তৌরিবা কোবিদ-১৯গী আয়ুর্বেদা ক্লিনিকেল ত্রাইএলশিং অসিগী ফলশিং অদুগী মতাংদা মালেমগী সাইন্তিফিক কম্ম্যুনিতীদা ই-পাউ পীগনি। মখোয়না জাতি অমদি মালেমগী থাক্তা মখা তানা খুৎশম্নদুনা স্তদীশিং পাঙথোক্নবা অফবা মখলগী ই-পাউশিং শেমগৎকনি।
রেজিস্তর তৌখিবা ত্রাইএল ৫৯গী মনুংদা, ৫২ (৮৯.৬৬%)দি ইন্তর্বেনস্নেল ত্রাইএলশিংনি অমসুং ৬(১০.৩৪%)না ওবজর্বেস্নেল ত্রাইএলশিংনি। অয়াম্বা ত্রাইএলশিং অসিদা তার্গেৎ পোপুলেসন ওইনা নুপা-নুপী অনিমক্তগী মীয়াই চল্লবা মীওইশিংনা শরুক য়ারি।পুন্না ত্রাইএল ৫৩ (৯১.৩৮%)না চহি ১৮ নত্রগা মথক্কী মীওইশিং শরুক য়াহল্লি অমসুং ত্রাইএল ৫ (৮.৬২%)না চহি ১৮গী মখাদা লৈবা মীওইশিং শরুক য়াহল্লি।
সেন্ত্রেল কাউন্সিল ফোর রিসর্স ইন অয়ুর্বেদিক সাইন্সেসকী রিসর্সররশিংনা ইবা অনৌবা পেপরনা ত্রাইএল রেজিস্ত্রীগী মশিং অমসুং স্পোন্সরশিপ, স্তদীগী মখলগী অকুপ্পা মরোল অমসুং স্তদীগী মতম অমসুং দিজাইনগী ৱারোল য়াওনা আয়ুর্বেদাদা য়ুম্ফম ওইবা কোবিদ-১৯ ক্লিনিকেল ত্রাইএলশিংগী মরমদা অকুপ্পা মারোল ফংহল্লি। মখা তানা, মসিনা রেজিস্ত্রেসনগী তাং অমসুং স্তদী অসি তশেংনা হৌখিবা তাং অমসুং শরুক য়াহল্লিবা মীওইশিংগা মরী লৈনবা ইপাউ অসি ত্রেক তৌরি অমসুং হায়রিবশিং অসি মার্চ ০১. ২০২০দগী জুন ২৫.২০২০ ফাওবদা সি.তি.আর.আই.দা রেজিস্তর তৌরকপা ত্রাইএলশিংগী ই-পাউদা য়ুম্ফম ওইরগা পুনশিন্দুনা, উৎতুনা অমদি এনালাইসেস তৌরি।
লম আসিদা রেজিস্তর তৌরকপা ত্রাইএলশিংগী মশিং অসি হেনগৎলকপগা লোয়ননা, আয়ুশকী লম অসিদা লৈরিবা লৌশিং অসিনা মতম অসিগা চান্নবা ই-পাউশিং ফংহনবা হেনগৎলক্লি। আয়ুশকী সেক্তরদা চত্থরিবা খুদম-চাংদমদা য়ুম্ফম ওইবা স্তদীশিং অসিনা লৈবাক অসিগী পব্লিক হেল্থকী থবক থৌরমশিংদা কান্নবা ফংহল্লগনি-স্তদীশিং অসিদগী ফংলকপা শেল চংদবা পাম্বৈশিংনা লৈবাক শিনবা থুংনা শীজিন্নবা য়াগনি।
****
(Release ID: 1660280)
Visitor Counter : 187