“রুরেল তুরিজম: ফ্রোম প্রিবিয়স নিচ তু ফ্যুচর নোর্ম” হায়না মিংথোনবা তুরিজম মন্ত্রালয়গী  সেপ্তেম্বর ২৬, ২০২০দা পাঙথোকখিবা দেখো অপনা দেশ ৱেবিনার সিরিজ অসিনা খুঙ্গংশিং, খুঞ্জাশিং, লৌউ-শিংউ, চৎনবী অমসুং শাংনা চত্থনবা, থৌদাং লৌবা অমসুং পুন্না হিংমিন্নবগী ৱাখল্লোনদা মীৎয়েং থম্লি। অমরোমদা ‘হ্বাইৎ কোলর’ শিন্মী লিমিয়ন কয়ানা অর্বান ইন্দস্ত্রীশিং মরাই চাইথরকপনা মরম ওইদুনা মখোয়গী লৈজরম্বা থবকশিং অদু তৎখি নত্রগা তোলোপশিংদা খঙহন-হন্থরকখি, ঐখোয়গী সহরশিং অমসুং অর্বান ইন্দস্ত্রীশিং শেমগৎলিবা অতোপ্পা ‘ব্লু কোলর’ শিন্মী মিলিয়ন খরনা অৱাবা খোঙচৎশিং মায়োক্নরবা মতুংদা মখোয়গী খুঙ্গংশিংদা হল্লকখি লোয়ননা মখোয় অয়াম্বনা ভারতকী খুঙ্গংগী অতোপ্পা ইকো-সিস্তেম অমা শেমগৎপদা তশেংনা ওইথোকহনবা ঙমগনি। কঞ্জুমরিজমনা মরম ওইরগা হৌজিক সহরগী মীওইনা য়েলহৌঙৈগী ওইনা লৈজরিবা খুঙ্গংদা লাক্তুনা মখোয়গা মহৌশাগী মরক্তা লৈরিবা মরী অদু ফগৎহন্নবা হোৎনরি, অমরোমদা খরা অমনা নুংঙাইবা গ্লোবেল ভিলেজ অমা থিরি। মসিগী অনৌবা অমদি হৌগৎলক্লিবা তুরিজমগী অকক্নবা মওং অসিনা অহল্লোনগী শরুক্তা হৌখ্রবশিং নীংশিংহন্নবগী মরমশিং ওইদুনা অমসুং নহাশিংগী শরুক্তা মান্নদবা অনৌবা ৱাখল্লোন পোকহন্নবগী মরমশিং ওইদুনা মসি পুশিল্লক্নবা হোৎনরি। 

অমরোমদা মতম শাংনা চংবা অরাপ্পা মফমদা চত্থোক-চৎশিন তৌবা অসি মতম খরগী ওইন লেপখিগনি হায়বা ঐখোয় পুম্নমক্না খংঙি, মরম অসিনা ৱেবিনার অসিনা ভর্চ্যুএল ওইনা ভারতকী ফজরবা খুঙ্গংশিংগী তোঙান তোঙানবা তুরিজমগী ওইবা মফমশিং রুরেল তুরিজমগী খুত্থাংদা উবা ফংহল্লি। থৌরম অসি গ্রীন পিপল, দি গোৎ ভিলেজ অমসুং বক্রি ছাপকী ফাউন্দর শ্রী রুপেশ রাইনা লান্থোকখি।কেদর্নাথকী মহৌশাগী ওইবা খুদোংথিবা থৌদোক্কী থা অহুমগী মতুংদা মহাক্কী পুন্সিদা অওনবা পুরকখিবগী মতাংদা মহাক্না পাউদমখি। রুপেশনা লৌখৎখিবা থৌরাং খরা অদুদা দি গোৎ ভিলেজ (রুরেল অমসুং সস্তেনেবল তুরিজম), বক্রি স্বায়ম্বর (সোসিএল ইঞ্জিনীয়রিং তৌদুনা শা শনগী জেন পোল শেম্বা), অমসুং বক্রি ছাপ (শোত্থরবা হিমালয়গী লৌমীশিং শক্তাক্লিবা ব্রান্দ অমা) য়াওরি।

মহৌশাগী ওইবা খুদোংথিবা থৌদোক অসিনা উত্তরাখন্দগী ৱাজ্যকী অপুনবগী মশক অসিদা অওনবা পুরকখি লোয়ননা রাজ্য অসিগী অয়াম্বা শরুক ঈশিংদা লুপখি। থৌরম লান্থোক্লিবা অসিনা অহানবা প্রোজেক্ত অসিদা খুঙ্গং থাদোক্তুনা লাক্লবা মীওই ১৮০০ হাপ্পগা লোয়ননা খরা অমনা অফবা খুদোংচাবা য়েংনবা চৎখি হায়না থমখি। রুরেল তুরিজমনা গ্রহ অমসুং মীয়ামদা কান্নবা পী। মসি কম্ম্যুনিতী তুরিজমগা মান্নৈ। চাউনা য়েংবদা ভারতকী খুঙ্গং ৬,৪৭,০০০ লৈ। তুরিজমনা চৎন-লোনচৎ, লৌউ-শিংউ, কলা, মহৌশা, চিঞ্জাক অসিনচিবদা অচৌবা থৌদাং অমা লৌরি। ১৯৯০ ফাওবদা তুরিজমগী মখল অনি খক্তা লৈরমখি – পিলগ্রিমেজ অমসুং রুরেল তুরিজম। ছুতিগী মতমদা অঙাংশিংনা খুঙ্গংদা মপু-মবেনগী য়ুমদা চৎনরম্মি। অদুবু হোংলক্লিবা মতমগী ইচেলগী ইরোইননা মসি তপ্না-তপ্না হোংলক্তুনা ঐখোয় অসি মতমসিগী পোৎলম চৈরমশিং অসিগী মখা পোন্দুনা হিংলি।

কোবিদ-১৯গী ওইরক্লিবা মওং অসিনা মীয়ামগী ৱাখল্লোন্দা অহোংবা লাক্লি। অহল্লোন্না হৌখ্রবা কয়া নীংশিংনবা কান্নবা ফংহল্লি অমসুং হৌরক্লিবা নহাশিংদা অনৌবা কয়া তমশিলহৌরি।রুরেল তুরিজমগী খ্বাইদগী মরু ওইবা মচাক অসি ৱারী লিবনি, মসিনা লমকোয়বশিংনা চৎনরিবা লমথুংফমগী চাউখৎনবা মচাক ওইরি। লমকোয়বা অমা ওইনা অতোপ্পা মফম অদুগী মীয়ামগী হিংবগী মওং, চৎন-লোনচৎ, চাকচা-য়ুথক, চৎনবীশিংগী মরমদা খঙবা ঙম্মি অমসুং ইন্দিজিনস ওইবা কয়া খঙবা ঙম্মি। জিম কোর্বেৎ নেস্নেল পার্কপু খুদম ওইনা পীরদুনা পার্ক অসিদা চয়োলগী অরোইবা শরুক্তা মীওই কয়া লাক্লি হায়না পাউদমখি, থৌরম লান্থোকখিবা অসিনা হায়খি জিম কোর্বেৎতাকী খুঙ্গংশিংদা মী লাকপগী মশিং অসি চপ মান্নহনবা ঙম্লবদি রুরেল তুরিজম অসি চাউখৎহনবা অমসুং থৌদাং লৌবা ঙমগনি।

অনিশুবা থৌরম লান্থোকপা ওইখিবা মনি মহেশ অরোরা, ২৩, অসি ছুতিগী মতমদা অৱা পোত্থনবা ওইনা হিমালয়দা লাক্তুনা মহাক্না গ্রীন পিপলগা লোয়ননা ত্রেকর অমা ওইনা খোঙচৎ অসি হৌখি, মতুং তারকপদা রেসিদেন্ত ভোল্যুন্তীয়র অমা ওইখি অমদি বক্রি ছাপ অমসুং দি হাইদআউৎকী কো-ফাউন্দরগী থৌদাং লৌখি।খুঙ্গংগী পুন্সিগী অচম্বা, খরা খক্তা পেন্থোকপগী মওং অসি থাগৎলদুনা মহাক্না সহরগী নিল-খোঙবনা থল্লবা অৱাবা পুন্সিগী মতাংদা ফোঙদোকখি।মহাক্না মখা তারদুনা হায়খি ঐখোয়না লৈরিবা অতোপ্পা ইন্দিজিনসকী ওইবা য়েলহৌঙৈগী হিংবগী অমসুং শেল তানবগী লম্বীশিং অসি পুনশিন্নবগী মথৌ তাবা অদু ফোঙদোকখি।মহৌশাগী ওইবা সস্তেনেবলগী থবক থৌরমশিংগা লোয়ননা খুঙ্গংগী খঞ্জাশিংদা ইনকম লেপ্তনা লাকহনগদবা চাউনা অহোংবা পুরকপা মতম ওইরে।

গ্রীন পিপলগী তিমনা খুঙ্গংদা চৎপা মতমদা অয়াম্বা খুঙ্গংগী মীয়াম্না মখোয়গী ময়ুম থুগাইদুনা মখোয়গী য়ুম শাগৎনবা হোৎনরম্মি। মীওই ২০% খক্তনা লৌউ-শিংউ অমসুং মোনো ক্রোপিং তৌরম্মি। হামেং লোয়বা, খোই য়োকপা, ময়ামগা মান্নদবা তো-তোপ্পা মনা-মশিং থাবা অসিগুম্বা য়েলহৌঙৈদগী লৈরক্লবা অমসুং শেন্দান লম্বী অসি নৌহৌনা হিংগৎহন্দুনা সস্তেনেবল দিবেলপমেন্ত পুরক্নবা পান্মদগা লোয়ননা এগ্রো-তুরিজমগী থৌরাং অমা লৌখৎতুনা য়েলহৌঙৈগী ইবা আর্কিতেকচরেল তেক্নিকশিং শেমগৎলি। হৌজিক্তি মীশিংগী ৮০%দি লৌউ-শিংউগী থবক তৌরি। গ্রীন পিপলগী “হেপিয়র হিমালয়ন ভিলেজেস” অসিনা সহরগী মীওইশিং অমসুং অতোপ্পা লৈবাক্কী লমকোয়বশিংদা খুঙ্গংগী মফমদা অতোপ্পা পুন্সিগী মহাও অমা পীনবা পান্দম থম্বদা নত্তনা; মখোয়না সস্তেনেবল ইকো-সিস্তেম শেমগৎতুনা খুঙ্গংগী মীয়ামদা লৈরিবা রিসোর্সশিং লোয়শিন্দনা ইনকম লাক্নবা অতোপ্পা পাম্বৈশিং পীরি।

‘বক্রি স্বায়ম্বর’ অসি জিরো ৱেস্তকী থৌরম অমনি। উত্তরাখন্দগী খুঙ্গং কয়া লৈহাও লৈতবা নত্রগা লৌউ উবা য়াদবা মফমশিংদা লৈ মসিনা শা-শন লোয়বনা মখোয়গী শেন্দম লম্বীগী খ্বাইদগী ফবা পাম্বৈ ওইরি। হামেংনা য়াওগী মশিংদগী এল্লি লোয়ননা অয়াম্বা মপুশিং শোত্থরবা লৌমী ওইবনা শা-শনশিং অসি লমহাংদা থাদোক্তুনা শজিক চাহল্লি।মফম অসিদা জেন পুল হেনগৎহন্নবা অমসুং অফবা মওংদা মচা পোকহন্নবা এৱের্নেসকী ওইবা পথাপ নাইবা মওং অমা লৈতে। গ্রীন পিপলনা ‘বক্রি স্বায়ম্বর অসি য়াম্না মরু ওইবা থৌরম অমা ওইনা লৌই মসিনা লমদম অসিগী হামেংগী মশিংগী জেনেতিক দাইর্সিতী ফগৎহনবদা মতেং পাংলি অমসুং শা শন লোয়নবা লৌমীশিংদা তাকপী তম্বীরি।

বক্রি স্বায়ম্বর অসি অচম্বা সাইন্সতা য়ুম্ফম ওইবা ৱাখল্লোন অমনি মসিনা মফম অদুগী মীয়াম্না পোত্থোক পুথোকপা হেনগৎহন্নবনি অমসুং গ্রী পিপলশিংনা ২০১৯দা মখোয়না ইন্দিয়ন রেস্পোন্সিবল তুরিজম এৱার্দস (আই.আর.তি.এ.) ফংদুনা ইন্দিজিনস ইন্দিয়নশিংবু অৱাংবা থাক্তা হোৎনরি।

অহুমশুবা প্রজেন্তর কুমারী সুনিতা কুদল অসি চহি ২৩গী হোতেলরিং এক্সপিরিএন্স লৈরবা হোস্পিতেলিতী প্রোফেস্নেল অমনি। সুনিতা অসি মুসুরি অমসুং লেন্দোর শহরদা য়ুম য়ুমদগী গার্বেজ লৌখৎপা, সেগ্রিগেসন অমসুং দিস্পোজল তৌবগী ৱেস্ত মেনেজমেন্ততা  মাংজিল থারিবা এন.জি.ও. অমা ওইরিবা কীনগী হোজিক ওইরিবা সেক্রেতরীনি। খুঙ্গংগী ৱাখল্লোন্দা শহরগী কম্ম্যুনিতী অমা শেম্নবা অমসুং খুঙ্গংশিংদগী ভারতকী নেক্স গ্রোথ স্তোরী শেম্নবা মিৎয়েং অমা থম্লিবা মদহাউস তু মদহাউস কম্ম্যুনিতীগী ৱাঙাংলোয় অমনি। 

কুমারী. সুনিতা কুদলনা লমথুংফম অমা ওইনা চাউনা পুক্নিং চিংশিল্লিবা গোল্দন ত্রাইঙ্গল অমসুং কেরেলা মীয়ামদা উৎনবা হনবা লৈতবা খোঙথাংশিংগী মতাংদা ফোঙদোকখি। মীওই কমফোর্ত জোন্দগী লাপথোক্নবা লম কোইবা চৎলি। লানবনশিং, পেলেসশিংগী মথক্তা লাতমর হোলি, দিৱালিনচিংবা, উত্তরাখন্দ অমসুং সিক্কীমগী লৈ রোদোদেন্দ্রোনগুম্বা ভারতকী মচু কয়াগী হরাউ কুমহৈ লৈ। কিলা রাইপুরগী খুঙ্গংগী ওলিম্পিক, জালিকত্তু ফেস্তিবেলনচিংবা শান্ন খোৎনবগী থৌরম খরা পরমোৎ তৌবা য়াই। লৌরোক কুমহৈশিং অসি ভারত্তা পঞ্জাব, তামিল নাদু, গুজরাত, অসামনচিংবদা তোঙান তোঙানবা মওংদা পাংথোকই। প্রোবাইদর অমসুং কঞ্জুমরগী মথমোই পেলহনবা ঙম্বা থবকশিং পাংথোক্কদবনি। লমকোয়বশিংনা খুঙ্গংগী লমশিংদা কোয়বা চৎপনা মফম অদুগী মীয়ামগী পুক্নিং থৌগৎপদা মতেং পাংই।  

ৱেবিনার অসি লোইশিল্লদুনা এদিস্নেল দিরেক্তর জেনরেল রুপিন্দ্র ব্রারনা হৌজিক চৎনরিবা প্রোতোকল তুং ইন্নবা, অকোয়বগী ফীভম ইকাই খুম্নদুনা মীওইবা জাতী পুম্বনা মহৌশাগা পুন্না নুংশি চান্ননা লৈমিন্ননবা পুক্নিং থৌগৎখি। মসিগা লোয়ননা মহৌশাবু ইকাই খুম্ননবা অমসুং মহৌশাগা পুন্না হিংমিন্ননবা মহাক্না ফোংদোকখি। দেখো অপনা দেশ ৱেবিনার সিরিজ অসি এক ভারত শ্রেশথ ভারতকী মখাদা ভারতকী মখল কয়াগী দাইভর্সিতী উৎনবা খোঙথাং অমনি। 

দেখো অপনা দেশ ৱেবিনার সিরিজ অসি ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়গী নেস্নেল ই গভর্নেন্স দিপার্তমেন্তগা তেক্নিকেল ওইনা খুৎশম্নরগা শিনবনি। ৱেবিনার অসিগী সেসনশিং অসি https://www.youtube.com/channel/UCbzIbBmMvtvH7d6Zo_ZEHDA/featuredদা  অমসুং ভারত সরকারগী তুরিজম মন্ত্রালয়গী সোসিএল মেদিয়া হেন্দলশিংদসু ফংবীগনি।

মথংগী ৱেবিনার “গান্ধীজী: বোম্বে ইয়র্স” অসি ওক্তোবর ১, ২০২০গী অয়ুক্কী পুং ১১দা পাংথোক্কনি।

*****