হকশেল অমদি য়াইফ-য়ুম্বাল মন্ত্রালয়গী কেন্দ্র মন্ত্রীনা সন্দে সংৱাদকী অহুমশুবা ইপিসোদতা সোসিএল মীদিয়া শিজিন্নরিবা মীশিংনা পুখৎলকখিবা ৱাহংশিংগী পাউখুম পীখ্রে। হৌজিক থোক্লিবা কোবিদকী অরুবা ফিভমশিং অসিদা নত্তনা মেদিকেল ইনফ্রাস্ত্রকচর, ভারত্তা মীয়ামগী হকশেলগী তুংদা ওইরক্কদবা, মেতিওরোলোজীদা নোংজু-নুংশা হোংবগী রিসর্চ অমসুং খুমাং চাউশিনবগী থবকশিংদা ভারতনা লৌখিবা থৌদাংশিংগা মরী লৈনবা ৱাহং কয়া অমা য়াওরি।

কেন্দ্রগী হকশেল মন্ত্রীনা তাঙ্কক নাইনা স্কুলশিং হাংদোকপা অসিদা অকিবা লৈবশিং অদু থাদোক্নবা অমদি শম ককফম অমদি হেয়র-স্পাশিংদা চৎপদা প্রোতোকোলশিং ঙাক্নবা পাউতাক পীখি। মন্ত্রীনা মীপুম খুদিংমক্তা মতম পুম্নমক্তা কোবিদকী চপ চাবা লমচৎ-শাজৎশিং অদু মহাক মশামক্না মশাগী কার অদু খামদুনা মীনা হায়বদা য়াগদবা মীশিংদা মাস্ক উপ্নবা হায়দুনা মীপুম খুদিংমক্না মতম পুম্নমক্তা মিৎ-না শিংনা লৈনবা হায়খি। লাইনীং-লাইশোন তৌফমদসু মাস্ক উপ্পগী মথৌ তাই হায়না অমুক হন্না কন্না হায়খি।

মহাক্না হায়খি, “লাইচৎ অসি সরকার অমদি খুন্নাই অসিনা তুনা পুন্না থবক তৌমিন্নরবকান্দদা লান্থেংনবা ঙমগনি।” হকশেলগী মন্ত্রীনা খোল্লাও অমসু লাওখিঃ

গজ অনি লাপথোক্না লৈবা, ৱাখল খরা তাবা অসিনা কোরোনাবু নমথবা ঙমগনি।

আই.সি.এম.আর.গী সেরো সর্ভে রিপোর্ত অসিনা মীশিংনা ইয়াদা-য়াবগী মওং অসি তৌরোইদবনি হায়না চেকশিন্নবা মহাক্না মখা তানা হায়খি। ২০২০গী অহানবা সেরোগী রিপোর্ত অসিনা লৈবাকপুম্বগী ওইনা নোভেল কোরোনাভাইরসনা শন্দোকখিবা অসি শুপ্নতগী চাদা ০.৭৩ খক্তমক ওইখি। য়াম্না থুনা ফোংলক্কদৌরবা অনিশুবা সেরো সর্ভে অসিদসু অপুনবা ওইনা ইম্যুনিতী লৈরে হায়বা ফংদবনা হৌজিকসু কোবিদকা মরী লৈনবা লমচৎ-শাজৎ অসি ঙাক্ন চৎপগী মথৌ তারি হায়না খঙহল্লি।

পাক-শন্না লাইনা লৈ-লৈতে হায়না থিগৎনগীদমক্তা রেমদেসিভির অমসুং প্লাজমা থেরাপীশিং অসিগী মতাংদা মসি মরম চানা শিজিন্নবগীদমক্তা চৎন-পথাপ নাইনা তৌহন্নবা সরকারনা পাউতাক পীখ্রে হায়না কেন্দ্রগী হকশেল মন্ত্রীনা ফোংদোকখি। প্রাইবেৎ হোসপিতালশিংদসু থিগৎনবগী থেরাপীশিং অসি শিজিন্নবা মতম নাইবা মওংদা শিজিন্ননবা পাউতাক পীখ্রে। রাজ্যশিং/য়ুনিয়ন তেরিতোরীশিংগী দোক্তরশিংদা এ.আই.আই.এম.এস., ন্যু দিল্লীনা ৱেবিনার অমসুং তেলি-কন্সলতেন্সীগী থোংদগী মসিগী মতাংদা খঙহনখ্রে।

থোরক্লিবা খুদম-চাংদমশিং অসিদা লাইনা অসিনা শুপ্নতগী থবোম্বীদখক্তা নত্তনা অতোপ্পা কয়াৎশিংদসু, মরুওইনা কার্দিওভাস্কুলর অমসুং রেনালদা শোকহল্লি, হকশেল মন্ত্রালয়নসু কোবিদ-১৯গী মসিগা মরী লৈনবা মতাংসিদা য়েংশিন্নবা অখঙ-অহৈশিংগী ওইবা কমিতী অমা শেমখ্রে হায়না মন্ত্রীনা ফোংদোকখি। আই.সি.এম.আর.নসু মসিগী হিরম অসিদা নৈনরি। আই.সি.এম.আর.না মসি নীংথিনা থিজিল্লি অমদি অমুক হন্না নাহল্লকপগী রিপোর্তশিং অমুক হন্না থিজিল্লি অমদি অমুক হন্না নারকপগী কেসশিং অসি মিৎকুপ অসিদা থওইদবা য়াদে, সরকারনা হিরম অসিগী মতাংদা মরুওইবা অসি মপুং ফানা ফাজিনখ্রে।

রাজ্যশিং/য়ুনিয়ন তেরিতোরীশিংদা কোবিদ-১৯গী তেস্ত তৌবগী মমল অসি হন্থহন্নবা হায়খ্রে হায়না দা.হর্শ বর্ধন্না ফোংদোকখ্রে। লাইচৎ অসিনা থোরকপা কুইদ্রিঙৈদা কিৎশিং অসি ইম্পোর্ত তৌনরমখিবনা মমল ৱাংখৎনরক্লি। অদুবু হৌজিক্তি তেস্ত তৌনবা কিৎশিং অসি অদুম্মক লৈহনখ্রে অমদি ইরমদা শাজবা কিৎশিং পুথোকখ্রে। হকশেলগী মন্ত্রালয়না রাজ্যশিং অমসুং য়ুনিয়ন তেরিোতীশিংদা প্রাইবেৎ লেবোরেতরীশিংদা অতাবা মমলদা অমগা-অমগা মমল য়ান্নদুনা থবক তৌহন্নবা চে ইখ্রে হায়না মহাক্না ফোংদোকখি। মাগী-মাগী রাজ্যশিংদা তেস্ত তৌবগী মমল অসি হন্থহন্নবা তোঙান-তোঙানবা রাজ্যগী হকশেল মন্ত্রীশিংদা মশামক্না ৱারী শান্নদুনা হায়খ্রে হায়না মহাক্না মখা তানা ফোংদোকখি।

‘আত্মনির্ভর ভারত য়োজনা’গা মরী লৈনবা ৱাহং অমদা, দা. হর্শবর্ধন্না লৈবাক অসি মীপাল তাংদনা লৈবাক অমা ওইহন্নবা চাং ৱাংনা ফরবা হিদাকশিং অমসুং মেদিকেল দিভাইসশিংগী ওইনা ময়ামগী ওইবা ইনফ্রাস্ত্রকচর অসি পুথোক্নবা অমদি শেম্বা অসি হেনগৎহন্নবা ভারতনা নাকল অনিগী ওইবা লাল্লোং য়াৎপগী মতাংদা হায়খি। সেক্তর অসিদা ইম্পোর্ত অসিগী মহুৎ শিঞ্জিন্নবা অমদি ইম্পোর্ত্তা মখা তানা মখা পোন্দনবা সরকারনা হোৎনরি হায়না মহাক্না ফোংদোকখি; “নৌনা হৌদোকপা স্কীমশিং অসিগী মখাদা সরকারনা লৈবাক অসিদা দ্রগশিং ময়াম অমগী পার্কশিং অমসুং মেদিকেল দিভাইসকী পার্কশিং শেমগৎনবা ৱা পুখৎখ্রে।” মহাক্না মখা তানা হায়খি, “লাক্কদৌরিবা মতমসিদা ইরমদা শাজবশিং অসি ফংহনবদা নত্তনা মালেম অসিনা তৌরকপা দিমান্দশিং অসিসু অতাবা মমলদা, অফবা মেদিকেল দিভাইসশিং অসি ফংবা ঙমহল্লগনি।” লাইচৎ অসি থোরকখিবদগী হৌখিবা থা খরসিদা ভেন্তিলেতরশিং, পি.পি.ই.সিং, তেস্তিং কিৎশিং অমসুং মেদিকেল দিভাইস কয়া অমা থুনা-য়াংনা সাবা ঙমখ্রে হয়না মহাক্না হায়খি।

তোঙান-তোঙানবা মফমসিংদা লিংখৎলিবা এ.আই.আই.এম.এস. অসি খেৎনবা অদি অৱাং-নোংপোক লমপুম্বগী ওইনা অমখক্তমক লৈবনা কেন্দ্রগী স্কীম প্রধান মন্ত্রী স্বাস্থ্য সুরক্ষা য়োজনা (পি.এম.এস.এস.ৱাই.)না লম-লমগী ওইনা লৈরিবা হেল্থকেয়র মান্নদবা অসি চুমথোক্নবা পান্দম থম্লি। অনৌবা এ.আই.আই.এম.এস. লিংখৎপদা নত্তনা স্কীম অসিনা লৈবাক অসিদা লৈরিবা মেদিকেল ইনফ্রাস্ত্রকচর অসি ফগৎহন্নবা পান্দম থম্লি। স্কীম অসিগী তোঙান-তোঙানবা ফেজদা কেন্দ্র সরকারনা অসামগী ধুরুবী, নাগাৱ, অৱাংথংবা লক্ষিপুর, দিফু, কোকরাঝারদা, মনিপুরগী চুরাচান্দপুর, মেঘালয়গী ৱেস্ত গারো হিল্সকী জিলা, মিজোরমগী ফাল্কাৱান জিলা অমসুং নাগালেন্দগী কোহিমা অমসুং মোন্দা লৈরিবা দিস্ত্রিক্ত অমদি মরী লৈনবা হোসপিতাল অনৌবা মেদিকেল কোলেজশিংদা হাপচিলহল্লগা অনৌবা মেদিকেল কোলেজশিং শেমগৎলগনি।

হৌখিবা চহি মঙাসিদা কেন্দ্র সরকারনা এম.বি.বি.এস.কী শিৎ ২৯,১৮৫ হাপচিনখ্রে হায়না দা. হর্শ বর্ধন্না ফোংদোকখি। অনৌবা মেদিকেল কোলেজশিং লিংখৎপা, লৈরিবা মেদিকেল কোলেজশিং অসি মপাঙ্গল ফগৎহনবা অমদি থাক হেনগৎহনবা, অনৌবা মেদিকেল কোলেজসিং শেমগৎপগী কাংলোনশিং অসি কোমথোকপা, এম.বি.বি.এস.কী থাক্তা মী লৌবা মশিংগী চাং অসি ১৫০দগীনা ২৫০ ফাওবা হেনগৎহনবা অমদি ওজাশিং, দিনশিং, প্রিন্সিপলশিং অমসুং দিরেক্তরশিং লৌবগী অমদি পাকথোক-চাউথোকহনবগী চহিগী পনখৈ অসি হেনগৎহনবনা লৈবাক অসিদা দোক্তরশিংগী রেসিও অসি ফগৎহনবদা মতেং পাংগনি হায়না মহাক্না ফোংদোকখি।

পব্লিক হেল্থ সিস্তেম অসি ফগৎহনবগী মতাংদা হংলকপা মান্নবা ৱাহং অমগী পাউখুম পীরদুনা কেন্দ্র সরকারনা ৱাশক্লি “পব্লিক হেল্থ কেয়রদা তৌরিবা চাদিং অসি লৈরিবা জি.দি.পি. অসি ২০২৫তা চাদা ১.১৫দগী ২.৫দা হেনগৎহল্লগনি”, হায়বদি “তেল্লবা মতমসিদা হৌজিক্কী শরুক অসিগী চাদা ৩৪৫ চপ চানা হেনগৎলগনি।” হকশেলগী মতাংদা ১৫শুবা শেনবা চহিগী অৱাংবা থাক্কী কাংলুপ্না হৌজিক্কী ওইরিবা লাইচৎকী ফিবমসি য়েংলগা হকশেলগী তৌরিবা চাদিং অসি মখঙগী চহি মঙাদা মরাং কাইনা হেনগৎহল্লগনি হায়না অয়াবা পীখ্রে হায়না মহাক্না ফোংদোকখি।

মসিগী ‘সন্দে সংৱাদ’কী অহুমশুবা ইপিসোদ অসি য়েংনবা মখাগী লিঙ্কশিংসিদা ক্লিক তৌবীয়ুঃ

ত্বিতর: https://twitter.com/drharshvardhan/status/1310119734684327937

ফেসবুক: https://www.facebook.com/drharshvardhanofficial/posts/1739860256162792

য়ুত্যুব: https://youtu.be/-zp_JRl88LU

দি.ঐচ.ভি. এপ: http://app.drharshvardhan.com/download

*****