কেন্দ্র মন্ত্রী শ্রী অমিৎ শাহনা ঙসি ভর্চুএলগী থোংদা “দেস্তিনেশন নোর্থ ইস্ত-২০২০” হৌদোকখ্রে। কেন্দ্রগী গৃহ মন্ত্রী অসি নোর্থ ইস্ত কাউন্সিলগী চিয়র্মেনসু ওইরি। থৌরম অদুদা অৱাং নোংপোক লমদমগী চাউখৎ থৌরাং মন্ত্রালয় (দোনর)গী রাজ্যমন্ত্রী (মনীং তম্বা), প্রাধান মন্ত্রী ওফিস, পর্সোনেল, মীয়ামগী ৱাকৎ, পেন্সন, দিপার্তমেন্ত ওফ এতোমিক ইনর্জী অমসুং দিপার্তমেন্ত ওফ স্পেসকী রাজ্য মন্ত্রী দা. জিতেন্দ্র সিংহ অমসুং অৱাং নোংপোক্কী রাজ্য নিপালগী মুখ্য মন্ত্রীশিংসু শরুক য়াখি।

মহাক্কী ৱারোল পীরদুনা শ্রী অমিৎ শাহনা হায়খি মদুদি মহৌশাগী ফজবা, চৎনবী নাৎ অমসুং কলাতনা থল্লবা অৱাং নোংপোক অসি লম কোইফমগী মরু ওইবা মফম অমা ওইবদা মতিক চাই। শ্রী শাহনা হায়খি মদুদি প্রধান মন্ত্রী শ্রী নরেন্দ্র মোদীজীগী মিৎয়েংদা অৱাং নোংপোক লমদম অসি ভারতকী মীয়াম্নবা পাম্নবা লম কোইফম অমসুং ললোন ইতিক তৌফমশিংগী মনুংদা অমা ওইনা চোংথোক্লগনি।

কেন্দ্রগী গৃহ মন্ত্রীনা হায়খি মদুদি সেপ্তেম্বর ৩০ ফাওবা চৎথগদৌরিবা ‘দেস্তিনেশন নোর্থ ইস্ত-২০২০’গী পান্দমদি অৱাং নোংপোক্কী লোম কোইফমশিংগা লোইননা লৈবাক অসিগী তোঙান তোঙানবা চৎনবী নাৎকী অতোপ্পা শক্তম অমা মশক তাকপনি অমসুং মসিগী খুৎথাংদা লৈবাক অপুনবা অসিসু নোর্থ ইস্তকী চৎনবী নাৎ অসিবু খঙহনবনি। শ্রী অমিৎ শাহনা হায়খি মদুদি মহাক্না রাজ্য কয়ামরুম, লৈবাক অসিগী লম কোইফম কয়া উরে অদুবু নোর্থ ইস্তকী মনুংদা উবা ফংলিবা অসিদি মফম কদাইদসু ফংলোই। মফম অসিগী পু্ক্নীং হুরবা শক্তম, লোইনাইদ্রবা খুদম কয়াগী লাইৱা চেল্লবা মফম অসিগী মীওইশিংগী মফম কদাইদসু উবা ফংদ্রবা অপুনবা শক্তম অসিনা মালেম পুম্নমক্তা পাউজেল পীরি। অৱাং নোংপোক ভারতকী লৈতেংনি, মসি য়াওদনা ভারতকী নাৎ মপুং ফারোই। মথংগী থৌরমদি মহাক্না মীখল থেংনখিবা মফম গান্ধী নগরদা পাংথোক্নবা চেবাউ পীরদুনা অমিৎ শাহনা হায়খি মদুদি মসিনা অৱাং নোংপোক্কী মীওইশিংনা গুজরাতকী চৎনবী নাৎ অমসুং গুজরাতকী মীওইশিংনা অৱাং নোংপোক্কী চৎনবী নাৎ খঙবা ঙমহনগনি।

শ্রী অমিৎ শাহনা হায়খ্রে মদুদি অৱাং-নোংপোক লমদমগী শেন্মিৎলোনগী ফিভম ফগৎহন্নবা অমদি তুরিজম অমদি থবক হেন্না থোরকহন্নবগীদমক্তা অৱাং-নোংপোক লমদমসিদা ইং-তপ্না লৈবা অসি য়াম্না মথৌ তাই। অৱাং-নোংপোক্তা লালহৌবগী ইরাং থোকপনা মরম ওইদুনা হেদলাইন্দা লৈরমখি, মোদীজীনা প্রধান মন্ত্রী ওইরবা মতুং চহি তরুক্কা মখাই অসিদা ইন্দস্ত্রীশিং চাউখৎহন্নবা অমদি লৈরক্লিবা খুদোংচাবশিং অসি লৈবাক পুম্বনা শোন্নরি। প্রধান মন্ত্রী শ্রী নরেন্দ্র মোদীগী লুচিং মখাদা ইং-তপ্পা পুরক্নবগীদমক্তা থবক কয়া অমা পাংথোকখ্রে হায়না কেন্দ্রগী গৃহ মন্ত্রীনা হায়খি। বঙ্গলাদেশকী ঙমখৈগী মতাংদা য়ান্নবা পুরকখিবা, মনিপুরগী ব্লোকেদ, বোরোগা য়ান্নবা পুরকখিবা অমসুং মিলিতেন্ত গ্রুপ কেদর ৬৪১ য়াওনা মিলিতেন্ত লিশিং কয়ানা সরেন্দর তৌখিবা অসি কেন্দ্রগী মোদী সরকারনা য়াম্না অচৌবা মায় পাকপা থবক কয়া পাংথোকখি ঙসি হায়বিখি। নরেন্দ্র মোদীজীনা প্রধান মন্ত্রী ওইরবা মতুংদা অৱাং-নোংপোক লমদমদা চহি ৩০ হেন্না চৎখি, নীং-খা তম্লবা মতুংদা মহাক্না খ্বাইদগী হেন্না অৱাং-নোংপোক লমদা চৎখিবা পর্ধানমন্ত্রীনি হায়না  শ্রী অমিৎ শাহনা হায়খি।

শ্রী অমিৎ শাহনা হায়খি মদুদি চাউখৎপা হায়বসি শেল য়াওদনা ওইথোক্লোই। ঙল্লিঙৈ মতমদা, অৱাং নোংপোক লমদম চাউখৎনবা প্লান কয়া শেম্লম্মি, অদুবু মখোয়দা থাদরিবা শেনফমশিং অসি য়াম্না য়ামদে। ১৪শুবা ফাইনান্স কমিসন্না অৱাং নোংপোক্কী থাদরিবা শেল অসি চাদা ২৫১ হেনগত্তুনা করোর ৩,১৩,৩৭৫ য়ৌখি, অদুবু মমাংগী সরকারনা ১৩শুবা ফাইনান্স কমিসন্দা লুপা করোর ৮৯,১৬৮ খক্তমক পীরম্মি। শ্রী শাহনা হায়খি মদুদি মোদী লৈঙাক অসিনা পুম্নমকপু কোনশিনবা চাউখৎপগী শক্তম অমা শেমগত্তুনা বজেৎকী চাদা ২১ রোম নোর্থ ইস্ত কাউন্সিলগীদমক হন্থবা জিল্লা, খুঙ্গংগী লম অমসুং চাউখৎপা ৱাৎলবা খুন্নাইশিংগী ওইনা কাইথোকখি।

কেন্দ্রগী গৃহ মন্ত্রীনা হায়খি মদুদি মোদী লৈঙাক অসিনা রেল, লম্বী অমসুং নোংথক্কী লম্বী চাউখৎহন্দুনা অৱাং নোংপোক রাজ্যশিংগা ভারতকী অতৈ লমশিংগা শম্ননবা হোৎনরি। মসিগী মখাদা লুপা করোর ১৫,০৮৮কী রেলৱে প্রোজেক্ত ৬ লোইশিনখ্রে। মসিগী মথক্তা লুপা করোর ৫৫৩গী এয়রপোর্ত চাউখৎনবা অমসুং কিলোমীতর ৮৬৯ শাংবা লম্বীগী প্রোজেক্ত ১৯গী লুপা করোর ১০,০০০ থাদখি।

শ্রী অমিৎ শাহনা হায়খি মদুদি কোরোনাগী মনুংদা, মোদী লৈঙাক্না হিদাক লাংথকশিং অৱাং নোংপোক লমদমগী মীয়ামদা পীখি, তেলি কনফরেন্সকী থোংদা দোক্তরশিং ত্রেনিং পীখি, অমসুং তেলি কনফরেন্সকী থোংদা এম্সকী দোক্তরশিংনা অরুবা লাইনা কয়া লাইয়েংখি। শ্রী শাহনা মসিসু হায়খি মদুদি মতম অসিগী মনুংদা, সরকার অসিনা মেত্রিক তন লুপা লাখ ৭.৭গী চানবা পোৎলম মীওই করোর ৩.০৯গীদমক পীখি। মসিগী মথক্তা, লুপা করোর ৫৩৩ পি.এম. কিসান সম্মান নিধিগী মখাদা অমসুং জন ধন য়োজনাগী মখাদা হকথেংননা লাইরবশিংগী বেঙ্ক একাউন্ততা লুপা করোর ১,৭০৭ হাপখি।

কেন্দ্রগী গৃহ মন্ত্রীনা হায়খি মদুদি নীংখা তম্লবা মতুংদা, অৱাং নোংপোক লমদম্না লৈবাক অসিগী জি.দি.পি.দা চাদা ২০ হাপ্পী অদুবু মদু হৌজিক্তি অদুক্কী মতিক হন্থরে। মহাক্না অৱাং নোংপোক লমদমগী মীয়ামদা তুরিজম অমসুং ইন্দস্ত্রীগী হব ওইনবা অমসুং আই.তি. অমসুং ওর্গানিক খেতীগী হব ওইদুনা লৈবাক্কী জি.দি.পি.দা অৱাং নোংপোক লমদম্না ২০২৪ ফাওবদা য়াওবা ঙম্নবা অমসুং ভারত সরকারগী এক্ত ইস্ত পোলিসীগী মরুওইবা শরুক অমা ওইনবা হায়খি। শ্রী শাহনা হায়খি মদুদি প্রধান মন্ত্রী মোদীগী লুচিং মখাদা রাজ্য ৮গী মুখ্য মন্ত্রীশিংনা মাংজিল থানা হোৎনরি অমসুং মখোয়না থাজৈ মদুদি অৱাং নোংপোক লমদম অসি অথুবদা লৈবাক অসিগী চাউখৎপগী ইঞ্জিন ওইরগনি।

দেস্তিনেসন নোর্থ ইস্ত ২০২০গী থিম অসি "দি ইমর্জিং দিলেক্তিব দেস্তিনেসন" হায়বনি মসিনা তুরিজমগী লম্থুংফম অসি হেন্না মপাঙ্গল লৈনবা অমসুং সেক্তর অসিনা খোংজেল য়াংহন্দুনা হেন্না মশক থোক্নবা লাওরি। থৌরম অদুনা তুরিজমদা হেন্না মিৎয়েং চঙখি। দেস্তিনেসন অসি অৱাং নোংপোক লমদম চাউখৎ থৌরাং মন্ত্রালয়গী চহিগী পাংথোকপা থৌরম অমনি অমসুং মসিনা অৱাং নোংপোক লমদম্বু লৈবাক অসিগী অতৈ লমশিংগা নকশিন্নবা অমসুং হেন্না মপাঙ্গল লৈবা লৈবাক্কী অপুনবা ওইনবা হোৎনরি।

নুমিৎ মরিনি চুপ্না পাংথোক্কদবা থৌরম অসিদা রাজ্য অমসুং লমদম অসিগী লমকোইবশিংগী মফমশিংগী ওদিও ভিজুএল প্রেজেন্তেসন কয়া উৎকনি, রাজ্যশিং অসিদগী মমিং লৈরবশিংগী মায় পাকখিবশিং অমসুং পাউজেল, মশক নাইবা লমদম অসিগী ওন্ত্রপ্রিনরশিং অমসুং হেন্দিক্রাফ/ত্রেদিসনেল ফেসন/ অমসুং লমদম অসিগী পোৎলম কয়া ভর্চুএল ওইনা একজিবিসন পাংথোক্কনি। রাজ্য নিপালমক্কী মুখ্য মন্ত্রী অমসুং তুরিজম মন্ত্রীশিংনা থৌরম অসিদা পাউজেল পীগনি। মসিগা ইরোইননা, রাজ্যশিংনা মখোয়গী নাৎকী থৌরম অমসুং য়ানশিন্নরবা নাৎকী থৌরমশিং উৎকনি।

*****