কেমিকেল্স অমসুং ফর্তিলাইজর মন্ত্রালয়

মেদিকেল ওক্সিজেন মহী অমসুং মেদিকেল ওক্সিজেন সিলিন্দর মমল হেনগৎহন্দনবা এন.পি.পি.এ.না খুৎ থিংজিনখ্রে

Posted On: 26 SEP 2020 12:31PM by PIB Imphal

১. হৌজিক লৈরিবা কোবিদ-১৯গী ফীভম অসিনা লৈবাকসিদা মেদিকেল ওক্সিজেনগী দিমান্দ হেনগৎহল্লে অমদি মসিবু ফংহনবা হায়বসি খ্বাইদগী মরুওইবা ওইরে‍। স্তেত/য়ু.তি. কয়া অমদি অতোপ্পা স্তেত/য়ু.তি.শিংদগী মেদিকেল ওক্সিজেন সপ্লাই তৌরকপদা তাংদুনা লৈরি‍।

২. মেদিকেল ওক্সিজেনগী দিমান্দ নোংমদা ৭৫০এম.তি. ওইরম্বদগী ২৮০০এম.তি. ওইরক্তুনা শরুক মরীরোম হেনগৎলক্লি‍। মসিনা পুথোকপা অমদি সপ্লাইগী ভেল্যু চেনগী থাক খুদিংমক্তা চৈথেং পীরি‍। মেদিকেল ওক্সিজেন অমসুং ফিল্লর পুথোকপশিংনা গেসিয়স মেদিকেল ওক্সিজেনগী সিলিং মমলদা শরুক অহুম হেনগৎনবা লৈঙাক্তা প্রজেন্তসন পীরকখি‍।

৩. লৈঙাক্ অসিনা মরুওইনা লাইচৎকী মতম অসিদা মেদিকেল ওক্সিজেন সপ্লাই লেপহন্দনবা খোঙফম চেৎনা লেপ্লি‍। ওক্সিজেন ইনহেলেসন (মেদিসিনেল গেস) অসি নেসনেল লিস্ত ওফ ইসেন্সিএল মেদিসিন্স (এন.এল.ই.এম.)গী মখাদা চনবা সিদ্যুল্দ ফোর্মুলেসন অমনি‍। এন.পি.পি.এম.না লেপ্পা মসিগী লৈরিবা সিলিং মমল অসি লুপা ১৭.৪৯/সি.য়ু.এম.ন‍ি‍। অদুম ওইনমক, মেদিকেল ওক্সিজেন মহীদা মমল লেপ্তবনা মরম ওইরগা পুথোক্লিবশিংনা ফিল্লরগী মমল হেনগৎলকখি‍। কোবিদ মনুংদা সিলিন্দরদা মেদিকেল ওক্সিজেন সপ্লাই তৌবগী চাং অসি অপুনবা শীজিন্নবগী চাদা ১০দগী চআদা ৫০রোমদা হেনগৎখি‍। ফীভম অসিদা লৈবাক শিনবা থুংনা মেদিকেল ওক্সিজেন ফংহন্নবগীদমক মমল রিগুলেত তৌবা হায়বসি মথৌ তাবা অমা ওইরকখি‍।

৪. ওক্সিজেনগী মমল লেপ্পা য়াওনা মরাং কায়না ফংহনবা হায়বা ৱাফমসি ভারত লৈঙাক্কী এম্পৱার্দ গ্রুপ ২গী মখাদা লৈবনি‍। এম্পৱার্দ গ্রুপ ২না চুনবা মমলদা ফিল্লরশিংদা সপ্লাই লেপহন্দনবগীদমক ওক্সিজেন মহীগী এক্স-ফেক্তরী মমল লেপথোক্নবা এন.পি.পি.এ.দা রিকম্মেন্দ তৌখি‍।

৫. ফীভম অসি নীংথিনা লাকশিন্নবগীদমক, ভারত লৈঙাক্কী হকশেল অমসুং য়াইফ য়ুম্বাল মন্ত্রালয় (এম.ও.ঐচ. এন্দ এফ.দব্লিউ.)না তাং ২৩.০৯.২০২০গী চিথী অমদা এল.এম.ও. অমসুং সিলিন্দরদা হানবা মেদিকেল ওক্সিজেনগী মমল লেপ্পা অমদি ফংহন্নবগীদমক মথৌ তাবা খোঙথাঙ পুম্নমক খুদমক্তা লৌখৎননবা দিজাস্তর মেনেজমেন্ত এক্ত, ২০০৫গী সেক্সন ১০(২)গী মখাদা এন.পি.পি.এ.দা পাঙ্গল শিন্নখি‍।

৬. ওথোরিতী অসিনা ৱাফম অসিগী মতাঙদা ২৫.০৯.২০২০দা ফমখিবা মখোয়গী অখন্নবা মীফম অমদা মমুৎ তানা খন্নখি‍। মীফমদুদা মীয়ামগী য়াইফনবগী য়েংলগা লাইচৎ অসিনা মরম ওইরগা ওইরক্লিবা ফীভম অসি লাকশিন্নবা দি.পি.সি.ও.ও ১৩গী পেরা ১৯অমসুং দিজাস্তর মেনেজমেন্ত এক্ত, ২০০৫কী সেক্সন ১০(২০)গী মখাদা অখন্নবা পাঙ্গল শীজিন্ননবা লেপ্নখি‍। মদুগী মতুং ইন্না মখাগী ৱারেপশিং অসি লৌখি‍:

লিকুইদ মেদিকেল ওক্সিজেন (এল.এম.ও.)গী এক্স-ফেক্তরী মমল পুথোক্লিবশিংগী মায়কৈদা জি.এস.তি. য়াওদনা সি.য়ু.এম. অমদা লুপা ১৫.২২দা লেপ্নবা; অমসুং

মেদিকেল ওক্সিজেন সুলিন্দরগী এক্স-ফেক্তরী মমল ফিল্লরগী মায়কৈদা হান্না লৈরমবা সিলিং মমল সি.য়ু.এম. অমদা লুপা ১৭.৪৯ লৈরমবদগী, স্তেতকী থাক্তা পুথোক পুশিনগী লেপ্লকপা মমলগী মতুং ইন্না থা তরুক্কী ওইনা জি.এস.তি. য়াওদনা সি.য়ু.এম. অমদা লুপা ২৫.৭১দা মখা তানা লেপ্পা

৭. হৌজিক লৈরিবা স্তেত লৈঙাকশিংগী ওক্সিজেন লৈবগী কন্ত্রেক্ত মমল চৎনবগী মতুং ইন্না কঞ্জুমরশিংগী ইন্তরেস্ততা মখা তানা লৈখিগনি‍।

এল.এম.ও. অমসুং ওক্সিজেন গেস সিলিন্দরগী এক্স-ফেক্তরী মমল লেপ্লিবা অসি লমদমসিদা পুথোকপশিংদা চৎনগনি‍।

মথক্কী থৌরাংশিং অসিনা অনা লায়েংশঙগী থাক্তা অমদি মরুওইনা অরাপ্পা অমদি মনুং হঞ্জিনবা দিস্ত্রিক্তশিংদা ওক্সিজেন সিলিন্দরশিংগী খু্ত্থাঙদা চুনবা মমলদা কঞ্জুমরশিংদা মেদিকেল ওক্সিজেন ফংহনবদা মতেং ওইগনি‍।

নেসনেল ফার্মাসিউতিকেল প্রাইসিং ওথোরিতী

দিপার্তমেন্ত ওফ ফার্মাসিউতিকেল্স

কেমিকেল অমসুং ফর্তিলাইজর মন্ত্রালয়

ভারত লৈঙাক

সেপ্তেম্বর ২৬, ২০২০

*****



(Release ID: 1659278) Visitor Counter : 68