লৈবাক অসিগী ওইনা হৌখিবা পুং ২৪সিদা পুন্না অনৌবা কেস ৮৫,৩৬২গী রিপোর্ত ফংখ্রে। রাজ্য/য়ুনিয়ন তেরিতোরী ১০গী ওইনা চাদা ৭৫গী অনৌবা কনফর্ম কেস অসি ফংখ্রে।

মহারাস্ত্রনা লিস্ত অসিদা খ্বাইদগী মকোক ইথং-থংনা লৈরি। মহাকখক্তনা কেস মশিং অসি ১৭,০০০দগী হেন্না মশিং য়ামদুনা কর্নাখক্তদা অমসুং অন্ধ্র প্রদেশনা মথংশিৎনা ৮,০০০ অমসুং ৭,০০০ ওইদুনা  মথং চেল্লি।

হৌখিবা পুং ২৪সিদা ১,০৮৯ শিবগী পাউ ফংখি। হৌখিবা পুং ২৪সিদা রাজ্য/য়ুনিয়ন তেরিতোরী ১০দা শিখিবগী মশিং অসি চাদা ৮৩ ওইখি।

মহারাস্ত্রদা মীওই ৪১৬ শিখি অদুগা কর্নাতকা অমসুং উত্তর প্রদেশতা মথংশিৎনা ৮৬ অমসুং ৮৪ শিদুনা মথংদা লৈরি।

রাজ্য/য়ুনিয়ন তেরিতোরী ১৭তা মীওই মশিং মিলিয়ন্দা তেস্ত তৌবগী চাং অসি লৈবাক অসিগী ওইবা চাংচৎ(৪,২৭৮)দগী হন্থখ্রে।

রাজ্য/য়ুনিয়ন তেরিতোরী ২৩দা মীওই মশিং মিলিয়নগী ওইনা শিবগী চাং অসি লৈবাক অসিগী ওইবা চাংচৎ(৬৮)দগী হন্থখ্রে।

ভারত্তা লৈবাক অসিগী ওইবা তেস্ত তৌবগী ইনফ্রাস্ত্রকচর অসি লেপ্তনা হেনগৎলক্লি। হৌজিক ফাওবদা সরকারগী লেবোরেতরী ১০৮৬ অমসুং লন্নাইগী লোবোরেতরী ৭৩৭ য়াওনা পুন্না লেবোরেতরী ১৮২৩ লৈরে।

ভারতকী তেস্ত তৌবগী চাং অসি নোংমদা লাক্ষ ১৪গী চাং হেনখ্রে।

হৌখিবা পুং ২৪সিদা ১৩,৪১,৫৩৫ তেস্ত তৌখ্রে। অপুনবা তেস্ত তৌখিবগী মশিং অসি  ঙসি করোর ৭(৭,০২,৬৯,৯৭৫)  হেনখ্রে।

তেস্ত তৌবগী চাং হেনগৎহনবা অসিনা পোজিতিব কেসশিং অসি ঙন্না খংদোকপা ঙমহল্লি। খুদম অসি হেক ফংবগা চাং ৱাংনা তেস্ত তৌবা অসিগা পুনশিন্নবা মতমদা পোজিতিব ওইবগী চাং অসি  হন্থরক্কনি। লৈবাক অসিগী অপুনবা পোজিতিব ওইবগী চাং অসি চাদা ৮.৪০ নি অদুগা মীওই মশিং মিলিয়ন্দা তেস্ত তৌবগী চাং অসি হৌজিক-হৌজিক ৫০,৯২০দা লৈরে।

*****