ভারতনা হৌখিবা পুং ২৪গী মনুংদা নোংমগী মনুংদা তেস্ত লাখ ১৫ য়ৌনা তৌদুনা তেস্ত খ্বাইদগী ৱাংনা তৌবগী রেকোর্দ তৌখিবা নুমিত্তা, চাং ৱাংনা নাবা ফগৎলকপগী ফিবম লেপত্রি।

অনাবা লাখ ৪৭.৫ (৪৭,৫৬,১৬৪) হেন্না নাবা ফখ্রে। অনাবা মীওই ৮১,১৭৭ পুং ২৪গী মনুংদা নাবা ফখি।

ঙসি নাবা ফখিবগী কেসনা এক্তিব কেস (৯,৭০,১১৬)তগী লাখ ৩৮ (৩৭,৮৬,০৪৮) য়ৌনা লান্থোকখ্রে।

নাবা ফগৎলকপগী নম্বর অসিনা পুক্নিং থৌগৎলদুনা লৈবাক্কী ওইনা নাবা ফগৎলকপগী চাংসু ৱাংখৎলক্লি। ঙসিদি চাদা ৮১.৭৪ য়ৌরে।

অনৌবা নাবা ফগৎলকপগী কেস চাদা ৭৩ রাজ্য/য়ু.তি. তরাদগী লাক্লি, রাজ্যশিংদুদি মহারাস্ত্রা, অন্ধ্র প্রদেশ, কর্নাতাকা, তমিল নাদু, উত্তর প্রদেশ, ওরিশা, দিল্লী, কেরলা, নোংচুপ বেঙ্গাল অমসুং অসমনি।

মহারাস্ত্রনা অনৌবা নাবা ফগৎলকপা মশীং ১৭,০০০কা লোইননা মকোক চিংলি। অন্ধ্র প্রদেশনা নোংমদা মীওই ৮০০০ নাবা ফখি।

অনৌবা কনফার্ম কেস ৮৬,০৫২ হৌখিবা পুং ২৪ অসিদা লৈবাক অসিদা লাকখি।

অনৌবা কেস অসিগী চাদা ৭৫দি রাজ্য/য়ু.তি. তরাদগী লাকপনি। মহারাস্ত্রদগী অনৌবা কেস ১৯,০০০ লাকখি। অন্ধ্র প্রদেশ অমসুং কর্নাতাকাদগী ৭০০০ হেন্না লাকখি।

হৌখিবা পুং ২৪ অসিদা মীওই ১,১৪১ লৈখিদ্রে। মসিগী মনুংদা চাদা ৮৩না রাজ্য/য়ু.তি. ১০দগীনি।

ঙরাং লৈখিদবশিংগী মনুংদগী চাদা ৪০দি মহারাস্ত্রদগী ৪৫৯, পঞ্জাব অমসুং উত্তর প্রদেশতগী মথং শিৎনা ৭৬ অমসুং ৬৭নি।

******