ਭਾਰਤ ਅਤੇ ਇਜ਼ਰਾਈਲ ਦੇ ਵਿਚਕਾਰ 24/09/2020 ਨੂੰ ਇੱਕ ਵੈਬਿਨਾਰ ਆਯੋਜਿਤ ਕੀਤਾ ਗਿਆ ਸੀ I ਇਸ ਵੈਬਿਨਾਰ ਦਾ ਵਿਸ਼ਾ ਸੀ 'ਇੰਡੀਅਨ ਡਿਫੈਂਸ ਇੰਡਸਟਰੀ ਗਲੋਬਲ ਆਊਟਰੀਚ ਫਾਰ ਕੋਲੇਬੋਰੈਟਿਵ ਪਾਰਟਨਰਸ਼ਿਪ: ਵੈਬਿਨਾਰ ਐਂਡ ਐਕਸਪੋ' ਯਾਨੀ ਸਹਿਯੋਗੀ ਭਾਈਵਾਲੀ ਲਈ ਭਾਰਤੀ ਰੱਖਿਆ ਉਦਯੋਗ ਦੀ ਵਿਸ਼ਵਵਿਆਪੀ ਪਹੁੰਚ: ਵੈਬਿਨਾਰ ਅਤੇ ਐਕਸਪੋ I ਇਹ ਰੱਖਿਆ ਮੰਤਰਾਲੇ ਅਧੀਨ ਰੱਖਿਆ ਉਤਪਾਦਨ ਵਿਭਾਗ ਦੀ ਸਰਪ੍ਰਸਤੀ ਅਧੀਨ ਐਸਆਈਡੀਐਮ ਰਾਹੀਂ ਕਰਵਾਇਆ ਗਿਆ ਸੀ।

ਬਰਾਮਦ ਨੂੰ ਉਤਸ਼ਾਹਤ ਕਰਨ ਅਤੇ ਅਗਲੇ ਪੰਜ ਸਾਲਾਂ ਦੌਰਾਨ 5 ਬਿਲੀਅਨ ਡਾਲਰ ਦੇ ਰੱਖਿਆ ਬਰਾਮਦ ਦਾ ਟੀਚਾ ਪ੍ਰਾਪਤ ਕਰਨ ਲਈ ਸਹਿਯੋਗੀ ਦੇਸ਼ਾਂ ਨਾਲ ਕਈ ਵੈਬਿਨਾਰਸ ਆਯੋਜਿਤ ਕੀਤੇ ਜਾਣਗੇ । ਇਹ ਵੈਬਿਨਾਰ ਵੱਖੋ ਵੱਖਰੇ ਵੈਬਿਨਾਰਾਂ ਦੀ ਲੜੀ ਦਾ ਪਹਿਲਾ ਹੈ I

ਵੈਬਿਨਾਰ ਵਿੱਚ ਦੋਵਾਂ ਦੇਸ਼ਾਂ ਦੇ ਰੱਖਿਆ ਸੱਕਤਰ ਅਤੇ ਰੱਖਿਆ ਮੰਤਰਾਲੇ ਦੇ ਹੋਰ ਸੀਨੀਅਰ ਅਧਿਕਾਰੀਆਂ ਨੇ ਸ਼ਿਰਕਤ ਕੀਤੀ ਅਤੇ ਦੋਵਾਂ ਦੇਸ਼ਾਂ ਦਰਮਿਆਨ ਰੱਖਿਆ ਸਹਿਯੋਗ ਵਧਾਉਣ ਬਾਰੇ ਗੱਲਬਾਤ ਕੀਤੀ ।

ਵੈਬਿਨਾਰ ਵਿੱਚ ਭਾਰਤ ਅਤੇ ਇਜ਼ਰਾਈਲ ਵਿੱਚ ਰੱਖਿਆ ਉਦਯੋਗਿਕ ਸਹਿਕਾਰਤਾ ਉੱਤੇ ਸਬ ਵਰਕਿੰਗ ਸਮੂਹ (ਐਸਡਬਲਯੂਜੀ) ਬਣਾਉਣ ਦੀ ਘੋਸ਼ਣਾ ਕੀਤੀ ਗਈ । ਐਸਡਬਲਯੂਜੀ ਦਾ ਮੁੱਖ ਉਦੇਸ਼ ਟੈਕਨਾਲੋਜੀ, ਸਹਿ-ਵਿਕਾਸ ਅਤੇ ਸਹਿ-ਉਤਪਾਦਨ, ਨਵੀਨਤਾ ਅਤੇ ਦੋਸਤਾਨਾ ਵਿਦੇਸ਼ੀ ਦੇਸ਼ਾਂ ਨੂੰ ਸੰਯੁਕਤ ਬਰਾਮਦ ਕਰਨਾ ਹੋਵੇਗਾ I

ਵੈਬਿਨਾਰ ਦੌਰਾਨ ਕਲਿਆਨੀ ਸਮੂਹ ਅਤੇ ਰਾਫੇਲ ਐਡਵਾਂਸਡ ਡਿਫੈਂਸ ਪ੍ਰਣਾਲੀਆਂ ਦਰਮਿਆਨ ਇੱਕ ਸਮਝੌਤਾ ਵੀ ਸਹੀਬੰਦ ਹੋਇਆ ।

ਇਸ ਮੌਕੇ ਐਸਆਈਡੀਐਮ-ਕੇਪੀਐਮਜੀ ਵਲੋਂ ਇੱਕ ਗਿਆਨ ਪੱਤਰ ਡਾ. ਅਜੈ ਕੁਮਾਰ, ਰੱਖਿਆ ਸਕੱਤਰ ਦੁਆਰਾ ਜਾਰੀ ਕੀਤਾ ਗਿਆ ।

ਵੈਬਿਨਾਰ ਵਿੱਚ 300 ਤੋਂ ਵੱਧ ਡੈਲੀਗੇਟਸ ਸ਼ਾਮਲ ਹੋਏ ਅਤੇ ਐਕਸਪੋ ਲਈ 90 ਵਰਚੁਅਲ ਪ੍ਰਦਰਸ਼ਨੀ ਸਟਾਲ ਸਥਾਪਤ ਕੀਤੇ ਗਏ ਹਨ ।

ਏਬੀਬੀ / ਨੈਮਪੀ / ਰਾਜੀਬ