স্তিল ওথোরিতি ওফ ইন্দিয়া লিমিতেৎ(সেল)কী বোর্দ হন্না শেমদোকপা এপ্পোইন্তমেন্তস কম্মিতি ওফ কেবিনেৎ(এস সি সি)না অয়াবা পীরে। সেলগী স্তিল প্লান্তশিংগী চীফ ইজুকিউতিপ ওফিসার ৪গী ফমশিং ফঙ্কসন্নেল দিরেক্তরশিংগী থাক্তা পুখৎলগনি, মখোয় বোকারো, রৌরকেলা, বিলাইগী দিরেক্তর-ইন-চার্জ ওইনা ফম পুগনি অমসুং বুরনপুর অমসুং দুর্গাপুর স্তিল প্লান্তশিংগী অপুনবা ওইনা দিরেক্তর-ইন-চার্জ লৈরগনি।

সেল বোর্দ হন্না শেমদোক্নবা অয়াবা পীরবা অসিদা দিরেক্তর(রো মেতরিএল অমসুং লোজিস্তিক্স)গী পোস্ত অমসুং দিরেক্তর(প্রোজেক অমসুং বিজিনেস প্লান্নিং)গী পোস্তকী মথৌ অমসুং থবকশিং অসি দিরেক্তর(তেক্নিকেল)দা পুনশিনবা অমসুং হায়রিবা ফম অদু দিরেক্তর(তেক্নিকেল, প্রোজেক অমসুং রো মেতরিএল) হায়না নৌনা মমিং থোনবা য়াওরি।

হন্না শেমদোক্লবা সেলগী বোর্দ দিরেক্তরশিংদা য়াওরিবশিংদি চিয়রমেন, দিরেক্তর(ফাইনান্স), দিরেক্তর(কমর্সিএল), দিরেক্তর(তেক্নিকেল, প্রোজেক অমসুং রো মেতরিএল),দিরেক্তর(পর্সোনেল), আই.এস.পিশিংগী দিরেক্তর-ইন-চার্জশিং, কম্পেনিস এক্ত ২০১৩গী মতুংইন্না নন-ওফিসিএল দিরেক্তরশিং অমসুং দি.পি.ই পোলিসিগী মতুংইন্না সরকারনা হাপ্পা নোমিনি দিরেক্তর ২ অসিনি।  

বোর্দ হন্না শেমদোকপা অসিনা শক্তি য়েন্থোক্নবা হেন্না খুদোংচাহনগনি অমসুং কেন্দ্র সরকারগী কোর্পোরেতকী থবকশিংদা মখোয়গী ৱাখল্লোনশিং লুম্না লৌদুনা এ.সি.সিনা হকথেংন্না হাপ্পা প্লান্তশিংগী দিরেক্তর-ইন-চার্জশিং ওইনা মতিক চাবা ৱারেপ লৌবা ঙমগনি। মসিনা য়াম্না য়াংনা মতমগা চুনবা মওংদা শেমগৎপা অমসুং সেলগী থবকশিং পাকথোক-চাউথোকহনবা ঙমগনি।

সেলনা তন মিল্লিয়ন ৫০ পুথোকপা ঙম্নবা পান্দম থম্লি অমসুং নেসনেল স্তিল পোলিসি-২০১৭ শেম্বা মতমদা ২০৩০-৩১ ফাওবদা লৈবাক অসিদা তন মিল্লিয়ন ৩০০ পুথোক্নবা পান্দমশিং খন্নখি। মালেমগী ওইনা অকোয়বগী ফিবমদা শিংনবা কয়া লাক্লিবা অসি থেংন্নবা আই.এস.পিশিংগী দিরেক্তর-ইন-চার্জশিংনা মরুওইবা থৌদাং লৌগনি।

**************