ಕೇಂದ್ರೀಕೃತ ಕಾರ್ಯತಂತ್ರಗಳು ಮತ್ತು ಪರಿಣಾಮಕಾರಿ ಜನ ಕೇಂದ್ರಿತ ಕ್ರಮಗಳೊಂದಿಗೆ, ಭಾರತವು ಚೇತರಿಕೆಯ ಪ್ರಮಾಣದಲ್ಲಿ ಅಗಾಧವಾದ ಹೆಚ್ಚಳವನ್ನು ವರದಿ ಮಾಡುತ್ತಿದೆ.

ಭಾರತದಲ್ಲಿ ಹೊಸ ಚೇತರಿಕೆ ಪ್ರಮಾಣವು ಕಳೆದ ಆರು ದಿನಗಳಿಂದ ಹೊಸ ಪ್ರಕರಣಗಳನ್ನು ಮೀರಿವೆ. ಇದು ಪರೀಕ್ಷೆ, ಪತ್ತೆಹಚ್ಚುವಿಕೆ, ಚಿಕಿತ್ಸೆ, ಕಣ್ಗಾವಲು ಮತ್ತು ಸ್ಪಷ್ಟ ಸಂದೇಶ ಕಳುಹಿಸುವಿಕೆಯ ಮೇಲೆ ಕೇಂದ್ರೀಕರಿಸಿದ ಪರಿಣಾಮವಾಗಿದೆ ಎನ್ನುವ ಅಂಶವನ್ನು ನಿನ್ನೆ ಏಳು ಹೆಚ್ಚಿನ ಕೇಂದ್ರೀಕೃತ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳೊಂದಿಗಿನ ತನ್ನ ಪರಿಶೀಲನಾ ಸಭೆಯಲ್ಲಿ ಪ್ರಧಾನಮಂತ್ರಿಯವರು ಎತ್ತಿ ತೋರಿಸಿದರು.

ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 87,374 ಚೇತರಿಕೆಯ ಪ್ರಮಾಣಗಳು ದಾಖಲಾಗಿದ್ದರೆ, ಹೊಸ ದೃಢಪಡಿಸಿದ ಪ್ರಕರಣಗಳ ಸಂಖ್ಯೆ 86,508 ಆಗಿದೆ. ಇದರೊಂದಿಗೆ ಒಟ್ಟು ಚೇತರಿಸಿಕೊಂಡವರ ಸಂಖ್ಯೆ 46.7 ಲಕ್ಷ (46,74,987) ವಾಗಿತ್ತು ಚೇತರಿಕೆಯ ಪ್ರಮಾಣವು 81.55%ರಷ್ಟು  ದಾಟಿದೆ.

ಭಾರತದಲ್ಲಿ  ಹೊಸ ಪ್ರಕರಣಗಳಿಗಿಂತ ಹೆಚ್ಚು ಚೇತರಿಕೆಯ ಪ್ರಮಾಣಗಳು ದಾಖಲಿಸುತ್ತಿರುವುದರಿಂದ, ಚೇತರಿಕೆಯ ಪ್ರಕರಣಗಳು ಮತ್ತು ಸಕ್ರಿಯ ಪ್ರಕರಣಗಳ ನಡುವಿನ ಅಂತರವು ನಿರಂತರವಾಗಿ ವಿಸ್ತರಿಸುತ್ತಿದೆ.  ಚೇತರಿಸಿಕೊಂಡ ಪ್ರಕರಣಗಳು (46,74,987) ಸಕ್ರಿಯ ಪ್ರಕರಣಗಳ (9,66,382) 37 ಲಕ್ಷಕ್ಕಿಂತ ಹೆಚ್ಚಾಗಿದೆ.  ಒಟ್ಟು ದೃಢಪಟ್ಟ ಪ್ರಕರಣಗಳಲ್ಲಿ ಸಕ್ರಿಯ  ಪ್ರಕರಣಗಳು ಕೇವಲ 16.86%ನಷ್ಟಿದೆ ಎಂದು ಇದು ಖಚಿತಪಡಿಸಿದೆ. ಇದು ಸ್ಥಿರವಾಗಿ ಕುಸಿಯುತ್ತಿರುವ ಹಾದಿಯಲ್ಲಿ ಮುಂದುವರೆದಿದೆ.

ಕೇಂದ್ರದ ಮುನ್ನಡೆ ಅನುಸರಿಸಿ, 13 ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳು ಸಹ ಹೊಸ ಪ್ರಕರಣಗಳಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ  ಹೊಸ ಚೇತರಿಕೆಯ ಪ್ರಕರಣಗಳನ್ನು ವರದಿ ಮಾಡುತ್ತಿವೆ.

ಹೊಸದಾಗಿ ಚೇತರಿಕೆಯ ಸುಮಾರು 74% ಪ್ರಕರಣಗಳು 10 ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಕಂಡುಬರುತ್ತವೆ. ಮಹಾರಾಷ್ಟ್ರವು ಸತತ ಆರನೇ ದಿನವೂ 19,476 ಪ್ರಕರಣಗಳೊಂದಿಗೆ (22.3%) ಈ ಮುನ್ನಡೆ ಕಾಯ್ದುಕೊಂಡಿದೆ.

‘ಚೇಸ್ ದಿ ವೈರಸ್’ ವಿಧಾನವನ್ನು ಕೇಂದ್ರೀಕರಿಸಿದ ಟೆಸ್ಟ್ ಟ್ರ್ಯಾಕ್ ಟ್ರೀಟ್‌ನ ಕೇಂದ್ರ-ನೇತೃತ್ವದ ಪೂರ್ವಭಾವಿ ಮತ್ತು ಮಾಪನಾಂಕ ನಿರ್ಣಯ ತಂತ್ರದಿಂದ ಈ ನಿರಂತರ ಪ್ರೋತ್ಸಾಹಕ ಫಲಿತಾಂಶಗಳು ಸಾಧ್ಯವಾಗಿವೆ. ಉನ್ನತ ಮತ್ತು ಸತತ  ಪರೀಕ್ಷೆ, ತ್ವರಿತ ಕಣ್ಗಾವಲು ಮತ್ತು ಟ್ರ್ಯಾಕಿಂಗ್ ಮೂಲಕ ಆರಂಭಿಕ ಗುರುತಿಸುವಿಕೆಯು ಕೇಂದ್ರವು ಹೊರಡಿಸಿದ ಸ್ಟ್ಯಾಂಡರ್ಡ್ ಆಫ್ ಕೇರ್ ಪ್ರೋಟೋಕಾಲ್ ಮೂಲಕ ಉತ್ತಮ ಗುಣಮಟ್ಟದ ವೈದ್ಯಕೀಯ ಆರೈಕೆಯೊಂದಿಗೆ ಹೆಚ್ಚಿನ ಸಂಖ್ಯೆಯ ಗುಣಮುಖರಾದವರಿಗೆ ಸಹಾಯ ಮಾಡಿದೆ.

ಆಸ್ಪತ್ರೆಗಳಲ್ಲಿ ಸುಧಾರಿತ ಮತ್ತು ಪರಿಣಾಮಕಾರಿಯಾದ ಕ್ಲಿನಿಕಲ್ ಚಿಕಿತ್ಸೆ, ಮೇಲ್ವಿಚಾರಣೆಯಿರುವ ಮನೆಯಲ್ಲೇ ಪ್ರತ್ಯೇಕವಾಗಿರುಸಿವಿಕೆ, ಆಮ್ಲಜನಕದ ಬೆಂಬಲ, ಸ್ಟೀರಾಯ್ಡ್ಗಳ ಬಳಕೆ, ಪ್ರತಿಕಾಯಗಳು ಮತ್ತು ಆಂಬುಲೆನ್ಸ್‌ಗಳ ಸುಧಾರಿತ ಸೇವೆಗಳ ಬಗ್ಗೆ ಕೇಂದ್ರ ಮತ್ತು ರಾಜ್ಯ / ಕೇಂದ್ರಾಡಳಿತ ಸರ್ಕಾರಗಳ ನಿರಂತರ ಗಮನ ಕೇಂದ್ರೀಕರಿಸಿದೆ.  ತ್ವರಿತ ಮತ್ತು ಸಮಯೋಚಿತ ಚಿಕಿತ್ಸೆ. ಆಶಾ ಕಾರ್ಮಿಕರ ದಣಿವರಿಯದ ಪ್ರಯತ್ನಗಳು ಮನೆಯಲ್ಲೇ ಪ್ರತ್ಯೇಕವಾಗಿರಿಸಿರುವ ರೋಗಿಗಳ ಪರಿಣಾಮಕಾರಿ ಕಣ್ಗಾವಲು ಮತ್ತು ಪ್ರಗತಿಯನ್ನು ಪತ್ತೆಹಚ್ಚಿದೆ

‘ಇ ಸಂಜೀವನಿ’ ಡಿಜಿಟಲ್ ಪ್ಲಾಟ್‌ಫಾರ್ಮ್ ಟೆಲಿಮೆಡಿಸಿನ್ ಸೇವೆಗಳನ್ನು ಶಕ್ತಗೊಳಿಸಿದೆ, ಇದು ಕೋವಿಡ್ ಹರಡುವಿಕೆಯನ್ನು ನಿಯಂತ್ರಿಸುವಲ್ಲಿ ಯಶಸ್ವಿಯಾಗಿದೆ ಮತ್ತು ಏಕಕಾಲದಲ್ಲಿ ಕೋವಿಡ್ ಅಲ್ಲದ ಅಗತ್ಯ ಆರೋಗ್ಯ ಸೇವೆಗಾಗಿ ನಿಬಂಧನೆಗಳನ್ನು ಶಕ್ತಗೊಳಿಸುತ್ತದೆ. ಐಸಿಯುಗಳನ್ನು ನಿರ್ವಹಿಸುವ ವೈದ್ಯರ ಕ್ಲಿನಿಕಲ್ ಮ್ಯಾನೇಜ್ಮೆಂಟ್ ಸಾಮರ್ಥ್ಯಗಳನ್ನು ನಿರ್ಮಿಸಲು ಕೇಂದ್ರವು ಗಮನಹರಿಸಿದೆ. ನವದೆಹಲಿಯ ಏಮ್ಸ್‌ನ ತಜ್ಞರು ನಡೆಸಿದ 'ನ್ಯಾಷನಲ್ ಇ-ಐಸಿಯು ಆನ್ ಕೋವಿಡ್ -19 ಮ್ಯಾನೇಜ್‌ಮೆಂಟ್'  ಪ್ರಯೋಗವು ಇದಕ್ಕೆ ಸಾಕಷ್ಟು ಸಹಾಯ ಮಾಡಿದೆ. 28 ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಲ್ಲಿ 278 ಸಂಸ್ಥೆಗಳು ಮತ್ತು ಶ್ರೇಷ್ಠತೆಯ ಕೇಂದ್ರಗಳೊಂದಿಗೆ ಇಂತಹ 20 ಅಧಿವೇಶನಗಳನ್ನು ನಡೆಸಲಾಗಿದೆ.

***