نئی دہلی،24 ستمبر،      زیادہ توجہ والی حکمت عملی اور لوگوں پر مرتکز مؤثر اقدامات کے ذریعے بھارت میں صحت یاب ہونے والوں کی تعداد میں خاطر خواہ اضافہ ہو رہا ہے۔

بھارت میں مسلسل چھٹے دن صحت یاب ہونے والے افراد کی تعداد نئے کیسوں سے زیادہ ہے۔ یہ جانچ، متاثرہ لوگوں کے رابطے میں آنے والے لوگوں کی تلاش، علاج معالجے اور واضح پیغام پر توجہ کا نتیجہ ہے جسے وزیر اعظم  نے کل سات ریاستوں / مرکز کے زیر انتطام علاقوں کے اپنی جائزہ میٹنگ میں اجاگر کیا تھا۔

ملک میں پچھلے 24 گھنٹوں کے دوران 87374 لوگ شفایاب ہوئے ہیں جبکہ نئے مصدقہ کیسوں کی تعداد 86508 رہی۔ اس طرح سے اب تک شفایاب ہونے والوں کی کل تعداد 46.7 لاکھ (4674987) ہے۔ شفایابی کی شرح 81.55 فیصد کو پار کرگئی ہے۔

اب جبکہ بھارت میں نئے کیسوں کے مقابلے میں زیادہ لوگ شفایاب ہو رہے ہیں تو صحت یاب ہونے والوں اور زیر علاج افراد کے درمیان فرق برابر بڑھتا جارہا ہے۔ شفایاب ہونے والے افراد کی تعداد(4674987) زیر علاج مریضوں (966382) سے 37 لاکھ زیادہ ہے۔اس سے یہ بات بھی یقینی بن گئی ہے کہ سرگرم کیسوں کی تعداد کل مثبت کیسوں کے 16.86 فیصد کے برابر ہے۔  یہ رجحان مسلسل گھٹتا جارہا ہے

قومی رجحان کے مطابق 13 ریاستوں / مرکز کے زیر انتظام علاقوں نےشفایاب ہونے والے نئے افراد کی تعداد  نئے کیسوں سے زیادہ بتائی ہے۔

نئے صحت یاب کیسوں کے تقریباً 74 فیصد کا تعلق 10 ریاستوں / مرکز کے زیر انتظام علاقوں سے ہے۔ مہاراشٹر نے مسلسل چھٹے دن 19476 کیسوں (22.3 فیصد) کے ساتھ یہ رجحان برقرار رکھا ہے۔

یہ حوصلہ افزا نتائج مرکز کے زیر قیادت سرگرم حکمت عملی کانتیجہ ہیں جو ٹیسٹ (جانچ) ٹریک (متاثرہ افراد کے رابطے میں آنے والوں کی تلاش) اور ٹریٹ (علاج معالجے) سے ہیں۔

‘ای سنجیونی’ ڈیجیٹل پلیٹ فارم نے ٹیلی میڈیسن خدمات کو یقینی بنایا ہے جو کووڈ کے پھیلاؤ کو روکنےمیں کامیاب ہوئی ہیں اور ساتھ ہی ساتھ غیر کووڈ ضروری صحت خدمات کی فراہمی بھی عمل میں آئی ہے۔مرکز نے آئی سی یوز میں کام کرنے والے ڈاکٹروں کی سہولت پر بھی توجہ دی ہے۔ ایمس، نئی دہلی کے ماہرین نے ‘نیشنل ای آئی سی یو آن کووڈ-19 مینجمنٹ’کے ذریعے اس میں بڑی مدد ملی ہے۔ 28 ریاستوں / مرکز کے زیر انتظام علاقوں کے 278 اداروں اور مہارت کے مرکزوں میں اس طرح کے 20 اجلاس منعقد کیے گئے۔

****************

م ن۔ اج ۔ ر ا       

U:5819