পার্লিয়ামেন্ত্রী এফ্যার্সকী কেন্দ্র মন্ত্রী শ্রী প্রহ্লাদ জোসিনা নোংজু মীফম ২০২০গী মথাঙদা ঙসি মফমসিদা থোকখিবা চেরোল অমদা নোংজু মীফম ২০২০ মনুংদা লৈখিবা প্রদক্তিভিতী অসি লোক সভাগীনা চাউরাক্না চাদা ১৬৭ অমদি রাজ্য সভাগীনা চাউরাক্না চা দা ১০০.৪৭ ওইখি‍ হায়না পাউদমখি‍।

শ্রী জোসিনা হায়খিবদা সেপ্তমে্বর ১৪, ২০২০দগী হৌখিবা পার্লিয়ামেন্তকী নোংজু মীফম, ২০২০ অসি ওক্তোবর ১, ২০২০দা লোইশিন্নবা শিনখিবনি অদুবু কোবিদ-১৯ লাইচৎকী খুদোংথিবনা মরম ওইরগা মরুওইবা বিজিনেসশিং লোইশিল্লবা মতুং দা লোক সভা অমসুং রাজ্য সভা অনিমক নুমিৎ ১০নিদা সিত্তিং ১০ লৈদুনা য়ুমশকৈশ নুমিৎ, সেপ্তেম্বর ২৩, ২০২০দা সিনে-দাই ওইনা এদজর্ন তৌরে‍।

মীফম মনুংদা, বিল ২২ (লোক সভাদা ১৬ অমসুং রাজ্য সভাদা ০৬) পুথোকখি‍। লোক সভা অমসুং রাজ্য সভানা বিল ২৫ তোঙান তোঙান্না পাস তৌখি‍। পার্লিয়ামেন্তকী হাউস অনিমক্তা বিল ২৭ পাস তৌদুনা নোংমদা বিল ২.৭গী চাংদা পাস তৌদুনা হৌজিক ফাওবদা খ্বাইদগী চাং ৱাংনা বিল পাস তৌবা ঙমবা ওইরে‍। মীফম মনুংদা পুথোকখিবা, খন্নখিবা অমদি পাস তৌখিবা বিলশিংগী মমীংশিং য়াওবা লিস্ত অমা হাপ্লি‍।

ওর্দিনান্স ১১দুগী মতাংদা পল্লদুনা, মহাক্না হায়খিবদা মীফম মরক্তা চৎনহনখিবা ওর্দিনান্স ১১মক নোংজু মীফম ২০২০ মনুংদা পার্লিয়ামেন্তকী এক্তনা মহুৎ শিনখ্রে‍। অরিবা পন্দুনা লৈরমবা লোক সভাদা বিল মরি অমসুং রাজ্য সভাদা বিল অমা হন্দোকখ্রে, হায়না মন্ত্রীনা মখা তাখি‍।

মন্ত্রীনা হায়খিবদা, মীফম মনুংদা সপ্লিমেন্তরী দিমান্দ ফোর গ্রান্ত ফোর ২০২০-২১ অমসুং দিমান্দ ফোর এক্সেস গ্রান্ত ফোর ২০১৬-১৭ অহানবা তাঙ্ক্কী ওইনা খন্নখি অমদি মপুং ফানা ভোত তৌখি অমদি মরী লৈনবা এপ্রোপ্রিএসন বিলশিং ১৮.০৯.২০২০দা লোক সভাদা পুথোক্তুনা খন্নখি অমদি পাস তৌখি‍। রাজ্য সভানা বিলশিং অসি ২৩.০৯.২০২০দা হল্লকখি‍।

কোবিদ-১৯ লাইচৎ মরক্তা মীফম অসি পাঙথোক্নবা তৌরিবা থৌরাংশিং অদুগী তৌবিমল খঙবা উৎলদুনা, মন্ত্রীনা মীফম অসিগী তোপ তোপ্পা আউৎপুৎ অসি পার্লিয়ামেন্তকী হাউস অনিমক্তা বিজিনেসশিং ত্রাঞ্জেক্সন তৌবদা শরুক য়াখিবা এজেন্সীশিং অমসুং লনাই মীওইশিং পুম্নমক্কী চোকথবা নাইদ্রবা থৌদাং অদুনা ঙমহনবনি হায়না ফোঙদোকখি‍।

আর্তিকল ৮৫কী সংবিধানগী মথৌ তাবা ফংননবা অমদি মরুওইবা লেজিস্লেতিব অমসুং অতৈ বিজিনেসশিং ত্রাঞ্জেক তৌননবা মীফম অসি কোবিইদ-১৯গী লাইচৎ লৈরিঙা তাল্লকসিদা হকশেল অমসুং য়াইফ য়ুম্বাল মন্ত্রালয় অমসুং হোম এফ্যার্স মন্ত্রালয়গী চৎন-কাঙলোন ঙাক্তুনা ফম্ফম অমসুং চত্থোক চৎশিন য়াওনা তোপ তোপ্পা থৌরাংশিং লৌখৎলবা মতুংদা পাঙথোকখিবনি হায়না মন্ত্রীনা মখা তাখি‍।

পার্লিয়ামেন্তকী হাউস অনিমক্না পাস তৌখিবা মরুওইবা বিল খরা মখাদা পীরি:

লৌউ-শিংউদা অহোংবা পুরকপা

দি ফার্মর্স প্রদ্যুস ত্রেদ এন্দ কম্মর্স (প্রমোসন এন্দ ফেসিলিতেসন) বিল, ২০২০না লৌমীশিংদা হিদান্নবা তোঙান তোঙানবা ত্রেদিং চেনেলশিংগী খুত্থাঙদা মখোয়গী পোত্থোকশিংগী হেন্না কান্নবা মমল ফংহন্নবা লৌমীশিং অমসুং ত্রেদরশিংদা য়োন্থোক য়োনশিনগী মনীং তম্বা ফংহন্নবা; কৈথেলশিং নৎত্রগা তোঙান তোঙানবা স্তেত এগ্রিকলচর প্রদ্যুস মার্কেত লেজিসলেসনগী মখাদা লাউথোক্লবা দীম মার্কেশিংগী ৱাংমদা লৌমীশিংগী পোত্থোকশিংগী মতিং লৈবা, মনুং মপান ফাওনা উবা অমদি খোঙলৌ পল্লৌদবা স্তেতশিংগী মরক্তা নৎত্রগা স্তেত মনুংদা য়োন্থোক য়োনশিন তৌবা য়োকখৎনবা; অমসুং ইলেক্ত্রোনিক ত্রেদিং য়াননবা ফ্রেমৱর্ক অমা পীগদবা ইকোসিস্তেম অমা শেম্নবা ফীভম পিরি‍।

দি ফারমর্স (এম্পৱারমেন্ত এন্দ প্রোতেক্সন) এগ্রীমেন্ত ওন প্রাই এস্যুরেন্স এন্দ ফার্ম সর্ভিসেস বিল, ২০২০না লৌমীশিংবু এগ্রি-বিজিনেস ফর্মশিং, প্রোসেসরশিং, হোলসেলরশিং, এক্সপোর্তরশিং নৎত্রগা অচৌবা রিতেলরশিংগা নাকল অনিমক্না য়ানবা শেন্দোং লৈবা মমলদা অফবা অমদি লৌথুপ লৌকোই লৈতবা মওংদা ফার্ম সর্ভিসশিং অমসুং তুংগী লৌউ-শিংউগী পোত্থোকশিং য়োনবগী থৌওংশিংদা লৌমীশিংবু ঙাকথোক্নবা অমদি মপাঙ্গল কলহন্নবা নেসনেল ফ্রেৱর্ক অমা পীরি‍।

দি ইসেন্সিএল কোমোদিতিজ (এমেন্দমেন্ত) বিল, ২০২০না লৌউ-শিংউগী লমদ শেন থাদবা হেনগৎহন্দুনা হিদান্নবা হেনগৎহনগনি অমদি লৌমীশিংগী শেন্থোক হেনগৎহনগনি‍।

মহৈ মশিংগী সেক্তর

দি নেসনেল ফোরেন্সিক সাইন্সেস য়ুনিভর্সিতী বিল, ২০২০না নেসনেল ফোরেন্সিক সাইন্সেস য়ুনিভর্সিতী হায়না খঙনগদবা এপ্লাইদ বিহেবিয়রেল সাইন্সেস স্তদিজ, লো, ক্রিমিনোলোজী অমসুং অতৈ মরী লৈনবা হীরমশিং অমদি তেক্নোলোজী অমসুং অতৈ মরী লৈনবা হীরমশিংগা লোয়ননা ফোরেন্সিক সাইন্সকী লমদা মাঙজিন থাবা ঙম্ননবা তম্বগী অমদি থিজিন্বগী থবক য়োকখৎনবা অমদি ফংহন্নবা লৈবাক্কী মরুওইনা ইন্সতিত্যুসন অমা ওইনা লিংখত্তুনা লাউথোক্নবা ৱাফম য়াওরি‍।

দি রাস্ত্রিয় রাক্সা য়ুনিভর্সিতী বিল, ২০২০না রাস্ত্রিয় রক্সা য়ুনিভর্সিতী লিংখত্তুনা মসিবু লৈবাক্কী মরুওইবা ইন্সতিত্যুসন অমা ওইনা লাউথোক্তুনা ইনকোর্পোরেসন তৌনবা প্রপোজ তৌরি; য়ুনিভর্সিতী অসি মল্তি-দিসিপ্লিনরী য়ুনিভর্সিতী অমা ওইহন্দুনা তোঙাত তোঙানবা স্তেকহোল্দরশিংগা খুৎশম্নরগা থিজিন হুমজিন্দুনা অনৌবা ৱাখল লৌশিং শেমগৎনবা অমদি পিলিসিং, ক্রিমিনেল জস্তিস সিস্তেম অমসুং করেক্সনেল এদমিনিস্ত্রেসনগী তোঙান তোঙানবা মশাশিংদা অখন্নবা ৱাখল লৌশিং অমসুং অনৌবা স্কিল সেতশিং লৈবা নীংথিনা ত্রেন তৌরবা প্রোফেসনেলশিং মথৌ তাবা অদু ফংহনবদা মতেং ওইনবা ৱাফম য়াওরি‍।য়ুনিভর্সিতী অসিনা অতৈ লৈবাকশিংদা লৈবা মালেমগী থাক্কী য়ুনিভর্সিতীশিংগা মথৌ তাবগী মতুং ইন্না, মতম তমগী ওইবা থিজিন হুমজিনবগী মতাঙদা ৱা তাথোক তাশিন তৌননবা, একাদমিক কোলাবোরেসন, কোর্স দিচাইন, তেক্নিকেল নো-হাউ অমসুং ত্রেনিং অমদি স্কিল দেভেলপমেন্তকী লমদা মরী শম্নগনি‍।

লেবর সেক্তর রিফোর্ম্স:

লেন্দমার্ক ওইবা লেবর সেক্তর রিফোর্ম বিল অহুম চৎলিবা মীফম মনুংসিদা পাস তৌখি‍।

দি ওকুপেসনেল সেফতী, হেল্থ এন্দ ৱর্কিং কন্দিসন্স কোদ বিল, ২০২০না ইস্তাব্লিসমেন্ত অমদা থবক তৌঔরিবা মীওই অমগী শিন্ফমগী শাফগবা ফীভম, হকশেল অমসুং থবক মফমগী ফীভমগা মরী লৈনবা আইন অমসুং ৱাফমশিং পুনশিন্নবা, লায়থোকহন্নবা অমদি মান্নবা ফীভম পুরক্কনি‍।

দি কোদ ওন সোসিএল সিক্যুরিতী বিল, ২০২০না ওর্গনাইজ নৎত্রগা অন-ওর্গনাইজ নৎত্রগা সেক্তর অমা হেক্তদা লৈরিবা শিন্মীশিংদা সোসিএল সিক্যুরিতী য়ৌহন্নবা পান্দমদা সোসিএল সিক্যুরিতীগা মরী লৈনবা আইন পুম্নমক শেমদোক্তুনা পুনশিলহনবনি‍।

দি ইন্দস্ত্রিএল রিলেসন্স কোদ বিল, ২০২০না ত্রেদ য়ুনিয়ন, ইন্দস্ত্রিএল ইস্তাব্লিসমেন্ত নৎত্রগা অন্দরতেকিংশিংদা লৈরিবা এম্প্লোইমেন্ত কন্দিসনশিং, ইন্দস্ত্রিগী চয়েৎনবা থিজিনবা অমদি অমসুং ৱারোইশিন পুরকপগা মরী লৈনবা আইনশিং পুনশিন্দুনা শেমদোকপনি‍।

কোবিদ-১৯গা মরী লৈনবা লেজিসলেসনশিং:

কোবিদ-১৯ লাইচৎনা পুরকপা চৈথেংশিং লেজিসলেতিবগী ওইবা পাম্বৈনা কোকহন্নবগীদমক ওর্দিনান্স খরা চৎনহনখি‍।

দি সেলরী, এলোৱেন্স এন্দ পেন্সন্স ওফ মেম্বর্স ওফ পার্লিয়ামেন্ত (এমেন্দমেন্ত) বিল, ২০২০না পার্লিয়ামেন্তকী মেম্বরশিংদা পীগদবা সেলরী ০১.০৪.২০২০দগী হৌরগা চহী অমগী ওইনা চাদা ৩০ হন্থহল্লে‍।

দি সেলরিজ এন্দ এলোৱেন্স ওফ মিনিস্তর্স (এমেন্দমেন্ত) বিল, ২০২০না মন্ত্রীশিংদা পীগদবা সম্পচুএরী এলোৱেন্স ১.৪.২০২০দগী  হৌরগা চহী অমগী ওইনা চাদা ৩০ হন্থহল্লে‍।

দি ইপিদেমিক দিজীজ (এমেন্দমেন্ত) বিল, ২০২০না কোবিদ-১৯ লাইচৎ মনুংদা হকচাং অমসুং পুক্নীংগী ওইবা মওংদা তাথি তাওইনা তৌবিবা অমদি লনথুম মাঙ তাকহনবা থিংননবা অমদি হেল্থকেয়র সর্ভিস পর্সোনেলশিংবু ঙাকথোক্নবা পান্দম থম্লি‍।

দি ইন্সোলভেন্সী এন্দ বেঙ্করপ্তসী কোদ (নেকেন্দ এমেন্দমেন্ত) বিল, ২০২০না কোবিদ-১৯না শোকহল্লবা কম্পেনীশিংবু খুদক্তা ইন্সোলভেন্সী প্রোসিদিং থেংনহন্দনা মখোয়গী শেনথুমগী অৱাবদগী হান্নগী ফীভমদা হঞ্জিল্লকপা ঙম্নবা মতেং পীনবগীদমক, মার্চ ২৫, ২০২০দগী হৌরগা অহানবগী ওইনা থা তরুক নৎত্রগা চহী অমদগী হেন্দবা মতমগী ওইনা কোদ অসিগী মখাদা কোর্পোরেত ইন্সোলভেন্সী প্রোসেস পায়খৎপা মতম খরগী ওইনা অথিংবা থম্লি‍।

হকশেলগী সেক্তর:

দি ইন্সতিত্যুৎ ওফ তিচিং এন্দ রিছর্চ ইন অয়ুর্বেদ বিল, ২০২০না অয়ুর্বেদ ইন্সতিত্যুৎ অহুম (১) দি ইন্সতিত্যুৎ ওফ পোস্ত গ্রেজুএত তিচিং এন্দ রিছর্চ ইন অয়ুরবেদ, জামনগর, (২) শ্রী গুলাবকুনবের্বা অয়ুর্বেদ মহাবিদ্যালয়, জামনগর, অমসুং (৩) দি ইন্দিয়ন ইন্সতিত্যুৎ ওফ অয়ুর্বেদিক ফার্মাসিউতিকেল সাইন্সে, জামনগরবু ইন্সতিত্যুৎ অমত্তং ওইনা পুনশিন্দুনা ইন্সতিত্যুৎ ওফ তিচিং এন্দ রিছর্চ ইন অয়ুর্বেদ হায়না মিংথোন্নবা ৱাফম থম্লি‍। বিল অসিনা ইন্সতিত্যুৎ অসিবু লৈবাক্কী মরুওইবা ইন্সতিত্যুসন অমা ওইনা লাউথোক্লি‍।

দি নেসনেল কম্মিসন ফোর ইন্দিয়ন সিস্তেম ওফ মেদিসিন বিল, ২০২০না ইন্দিয়ন মেদিসিন সেন্ত্রেল কাউন্সিল এক্ত, ১৯৭০ লৌথোক্তুনা (২১) ইন্দিয়ন সিস্তেম ওফ মেদিসিনগী মশিং য়াম্লবা অমদি থাক ৱাংবা মেদিকেল প্রোফেসনলেশিং ফংহন্নবা, (২) ইন্দিয়ন সিস্তেম ওফ মেদিসিনগী মেদিকেল প্রোফেসনেলশিংগী খ্বাইদগী নৌবা মেদিকেল রিছর্চ লৌখৎপা, (৩) মেদিকেল ইন্সতিত্যুসনশিং মতম নাইনা য়েংশিনবা, অমসুং (৪) মতিং লৈবা গ্রিভান্সেস রিদ্রেসেল মেকানিজম অমা থম্ননবা মেদিকেল এজুকেসন সিস্তেম অমা পীগনি‍।

দি নেসনেল কম্মিসন ফোর হোমিওপেথী বিল, ২০২০না হোমিওপেথী সেন্ত্রেল কাউন্সিল এক্ত, ১৯৭৩ লৌথোকখ্রগা (১) নীংথিনা ত্রেন তৌরবা হোমিওপেথিক মেদিকেল প্রোফেসনেলশিং মরাং কায়না ফংহন্নবা, (২) হোমিওপেথিক মেদিকেল প্রোফেসনেলশিংগী খ্বাইদগী নৌবা মেদিকেল রিছর্চশিং লৌখৎপা, (৩), মেদিকেল ইন্সতিত্যুসনশিং মতম নাইনা য়েংশিন্নবা, অমদি (৪) মতিং লৈবা গ্রিভান্সেস রিদ্রেসেল মেকানিজম অমা থম্ননবা মেদিকেল এজুকেসন সিস্তেম অমা পীগনি‍।

ইকনমিক সেক্তর/ইজ ওফ দুইং বিজিনেসকী থৌরাংশিং:

লৈবাকসিকী শেন্মিৎলোনগী মথৌ তাবশিং ফংননবা মরুওইবা লেজিসলেসন খরা চৎলিবা মীফমসিদা পাস তৌখি‍।

দি বেঙ্কিং রিগুলেসন (এমেন্দমেন্ত) বিল, ২০২০না কোওপরেইব বেঙ্কশিংদা মেনেজমেন্ত, কেপিতেল, ওদিত অমসুং লিকুইদেসনগী মতাঙদা আর.বি.আই.গী রিগুলেতরী কন্ত্রোল হেন্ন পাকথোক চাউথোকহন্দুনা কো-ওপরেতিব বেঙ্কশিং হেন্না নীংথিনা মেনেজ তৌনবা অমদি মওং চুম্বা চৎন-পথাপ থম্ননবা, অমসুং কো-ওপরেতিব বেঙ্কশিংগী থবক থৌরমশিং প্রোফেসনেলিজম হেনগৎহন্দুনা, কেপিতেল এক্সেস ফংহন্দুনা, গভর্নান্স ফগৎহন্দুনা অমদি রিজর্ব বেঙ্ক ওফ ইন্দিয়াগী খুত্থাঙদা অফবা বেঙ্কিং থমদুনা দিপোজিতরশিংগী ইন্তরেস্ত ঙাকথোক্নবা পান্দম থম্লি‍।

দি কম্পেনিজ (এমেন্দমেন্ত) বিল, ২০২০না কম্পেনিজ এক্ত, ২০১৩গী প্রোভিজনশিংগী মখাদা সিভিলগী অরানবশিংদা লৈবা অপীকপা থৌওংগী নৎত্রগা তেক্নিকেলগী লাপ্সেসশিং দিক্রিমিনেলাইজ তৌনবা; ৱায়েলশঙগী পন্দুনা লৈরিবা ফীভমশিং য়েংলগা দিফোল্ত তাবশিংদগী ফ্রোদকী মচাক য়াওদবা নৎত্রগা হেন্না চাউবা পব্লিক ইন্তরেস্ত য়াওদবা ফীভমশিংদা লেপথোক্লগা ক্রিমিনেলিতী লৌথোক্নবা ৱাফম য়াওরি‍। মসিগী মথক্তা কোর্পোরেতশিং হিংবদা হেন্না লায়থোকহনগনি‍।

দি বাইলেতরেল নেত্তিং ওফ ক্বালিফাইদ ফাইনেন্সিএল কন্ত্রেক্তবিল, ২০২০না মতিক চাবা ফাইনেন্সিএল কন্ত্রেক্তশিংগী বাইলেতরেল নেত্তিং চৎনহন্নবা ফীভম শেমদুনা ভারতকী ফাইনেন্সিএল মার্কেত্তা শেনথুমগী মরা চেৎপা অমদি হিদান্নবা য়োকখৎনবা ফীভম শেমগৎকনি‍।

দি তেক্সেসন এন্দ অদর লোজ (রিলেক্সেসন ওফ সর্তেন প্রোভিজন্স) বিল, ২০২০না দাইরেক্ত তেক্স, ইনদাইরেক্ত তেক্স অমসুং বেনামি প্রোপর্তী ত্রাঞ্জেক্সন থিংবগা মরী লৈনবা অকক্নবা এক্তশিংগী অকক্নবা প্রোভিজনশিংদা কোমথোক্নবা ৱাফম য়াওরি‍।

এনেক্সচর য়েংননবা মসিদা নম্বীয়ু

*****