হাউশিং অমসুং অর্বান পোবর্তী এল্লিবেসন মন্ত্রালয়
পি.এম. স্বানিধি স্কিমগী মখাদা লোন এপ্লিকেসন লাখ ১৫ হেন্না ফংখি
লোন লাখ ৫.৫ হেন্না অয়াবা পীখ্রে
লোন লাখ ২গী ময়াদা থাদোকখ্রে
লোন সেংসন তৌবগী থৌওং লায়থোকহন্নবা – লেন্দিং ইন্সতিত্যুসনশিংনা থবক পায়খৎপদা য়াংশিন্নবা, সোফ্তৱেয়র শেমগৎলে
Posted On:
24 SEP 2020 1:22PM by PIB Imphal
পি.এম. স্ত্রীত ভেন্দর্স আত্মনিরভর নিধি (পি.এম. স্বানিধি) স্কিমগী মখাদা লোন এপ্লিকেসন লাখ ১৫ হেন্না ফংখি। মসিগী মনুংদা লোন লাখ ৫.৫ হেন্না সেংসন তৌখ্রে অমদি লোন লাখ ২গী ময়াদা থাদোকখ্রে। হাউজিং অমসুং অর্বান এফ্যার্স মন্ত্রালয়না কোবিইদ-১৯গী লোকদাউন মতুংদা স্ত্রী ভেন্দর লাখ ৫০দা মখোয়গী লল্লোন ইতিক্কী থবক অমুক হৌজনবা কোলেতরেল য়াওদবা ৱর্কিং কেপিতেল লোন পীননবগীদমক পি.এম. স্ত্রীত ভেন্দর্স আত্মনিরভর নিধি (পি.এম. স্বানিধি) স্কিম অসি পায়খৎখিবনি।
লোন সেংসন তৌবগী থৌওং য়াংশিনহন্নবা অমদি লেন্দরশিংদা থবক লায়থোকহন্নবা এপ্লিকেসনশিং অসি হকথেংননা ভেন্দরশিংনা ‘প্রিফর্দ লেন্দর’ ওইনা পল্লকপা নৎত্রগা পল্লক্তবা তারগনা ভেন্দরশিংগী সেভিং বেঙ্ক একাউন্ত লৈবা বেঙ্ক ব্রাঞ্চশিংদা পুস তৌনবা ফিরেপ লৌরে। থৌরাং অসিনা লোন সেংসন তৌবগী মশীং হেনগৎহনগনি অমদি লোন থাদোকপগী মতম নীংথিনা হন্থহনগনি হায়না পারি।
মথক্তা পল্লিবা থৌওং অসিগীদমক সোফ্তৱেয়র অমা শেমলে অমদি মদুবু সেপ্তেম্বর ১১, ২০২০দগী চৎনবা হৌহনখ্রে। সোফ্তৱেয়র অসি শীজিন্নদুনা এপ্লিকেসন লাখ ৩লোম বেঙ্কশিংদা পুস তৌগদৌরি। মতৌ অসুম্না এপ্লিকেসনশিং নুংতিগী ওইনা প্রিফর্দ লেন্দরশিংদা পুস তৌরগনি অমদি প্রিফর্দ লেন্দর পল্লক্তবশিংগীনা চয়োলগী ওইনা পুস তৌগনি।
থৌরাংশিং অসিনা লেন্দিং ইন্সতিত্যুসনশিংনা পি.এম. স্বানিধি স্কিম পায়খৎপদা য়ঙখৎহন্দুনা লম্বী চিদাইগী পোৎফম ফম্বশিংবু স্কিম অসিগী কান্নবা পীদুনা মরোমদোম লেপচবা ঙমহল্লগনি হায়না থাজরি।
*****
(Release ID: 1658622)
Visitor Counter : 238