نئی دہلی ،23ستمبر؛غریب موافق پردھان منتری غریب کلیان ان یوجنا ( پی ایم جی کے اے وائی-1) کے پہلے مرحلے کے تحت محکمہ نے 30 مارچ 2020 کو  تین مہینے یعنی  اپریل سے جون 2020 کی مدت کے لئے قومی خوراک سلامتی ایکٹ 2013 (این ایف ایس اے)  کے تحت  شامل کئے گئے مستفیدین کو  مفت میں اضافی تقسیم کے لئے تمام ریاستوں ، مرکز کے زیر انتظام خطوں کے لئے  تقریبا 212 لاکھ میٹرک ٹن (ایل ایم ٹی) اناج مختص کیا تھا۔ محکمے میں دستیاب رپورٹوں کے مطابق پی ایم جی کے اے وائی -1 کے تحت  ہر ایک تین مہینے میں ریاستوں ؍ مرکز کے زیر انتظام خطوں کے ذریعے  اوسطاً  تقریبا 94 فیصد اناج  تقسیم کیا گیا تھا۔

جولائی میں  اس اسکیم کو بڑھا کر دیگر پانچ مہینوں کی مدت کے لئے یعنی جولائی سے نومبر 2020 تک کے لئے کردیا گیا ہے اور  اسکیم  کے دوسرے مرحلے ( پی ایم جی کے  اے  وائی -2) کے تحت  محکمہ نے  8 جولائی 2020 کو  پانچ مہینے کی مدت کے لئے تمام ریاستوں ؍ مرکز کے زیر انتظام خطوں کے لئے مفت میں  تقریبا 201  لاکھ میٹرک ٹن اناج مختص کیا تھا۔ اب تک پی جی کے اے وائی -2 کے تحت  ، جیسا کہ  ریاستوں ؍ مرکز  کے زیر انتظام خطوں نے اطلاع دی ہے ، جولائی اور اگست  2020 کے لئے  تقریبا 90 اور 85 فیصد   ماہانہ طور پر اناج  تقسیم کیا گیا ہے، جب کہ  ستمبر مہینے کے لئے تقریبا 20 فیصد اناج  تقسیم کیا گیا ہے۔

ہدف شدہ عوامی نظام تقسیم  (ٹی پی ڈی ایس) اصلاحات کے تحت  محکمہ ایک ملک ایک راشن کارڈ (او این او آر سی)  منصوبہ نافذ کرر ہا ہے، جس کا مقصد  ملک گیر سطح پر تمام این ایف ایس اے راشن کارڈ کی پورٹیبلٹی شروع کرنا  اور  ایکٹ کے تحت  راشن کارڈ کے حامل مہاجروں کو بلا رکاوٹ ملک میں کسی بھی حصے میں عوامی نظام تقسیم  (پی ڈی ایس) تک رسائی کو یقینی بنانا ہے تاکہ وہ ایف پی ایس  سے اناج لیتے وقت  ای پی او ایس
ڈیوائس پربائیو میٹرک ؍ آدھار  تصدیقی عمل کے بعد اپنے موجودہ ؍ اسی راشن کارڈ کا استعمال کرکے اپنی پسند کے مطابق  کسی بھی  الیکٹرانک پوائنٹ آف سیل (ای پی او ایس)  سے اناج  حاصل کر سکیں۔اب تک یہ سہولت 26 ریاستوں ؍ مرکز کے زیر انتظام خطوں میں دستیاب ہے، جس کے تحت تقریباً  65 کروڑ مستفیدین کا احاطہ کیا گیا ہے اور جو  ملک میں کُل این ایف ایس اے آبادی  کا  تقریباً 80 فیصد ہے۔ کووڈ-19 بحران کے تناظر میں  او این او آر سی  منصوبے کا نفاذآتم نربھر بھارت ابھیان  (اے این بی اے) کے لازمی جز کے طور پر کیا گیا ہے۔

صارفین کے امور، خوراک اور عوامی تقسیم کے مرکزی وزیر مملکت جناب دنوے راؤ صاحب دادا راؤ نے آج  راجیہ سبھا میں ایک تحریری جواب میں یہ اطلاع دی۔

***************

)م ن۔   ن ا۔ ق ر)

U - 5802