হ্যুমেন রিসোর্স চাউখৎ-থৌরাংগী মন্ত্রালয়
রাজ্য সভাদা ঙসি ইন্দিয়ন ইন্সতিত্যুৎস ওফ ইনফোর্মেসন তেক্নোলোজী লোজ(এমেন্দমেন্ত)বিল, ২০২০ পাস তৌখ্রে
বিল অসিনা প্রাইভেৎ-পব্লিক খুৎশম্নবগী মওংদা সুরত, ভোপাল, ভগলপুর, অগর্তলা অমসুং রাইচুরদা লৈবাক অসিগী মরুওইবা ইন্সতিত্যুৎশিং ওইনা আই.আই.আই.তি.৫ লাউথোক্লগনিঃ এজুকেসন মিনিস্তর
Posted On:
22 SEP 2020 3:21PM by PIB Imphal
ঙসি নই দিল্লীদা রাজ্য সভানা ইন্দিয়ন ইন্সতিত্যুৎস ওফ ইনফোর্মেসন তেক্নোলোজী লোজ(এমেন্দমেন্ত)বিল, ২০২০ পাস তৌখ্রে।
২০১গী দি ইন্দিয়ন ইন্সতিত্যুৎ ওফ ইনফোর্মেসন তোক্নোলোজী এক্ত অমসুং ইন্দিয়ন ইন্সতিত্যুৎ ওফ ইনফোর্মেসন তোক্নোলোজী (পব্লিক-প্রাইভেৎ পার্ত্নের্শিপ) এক্ত, ২০১৭ অসি লৈবাক অসিদা লৈরিবা শিংনবশিং অসি মায়োক্নবদা সোলুসনশিং অসি ফংহন্নবা তেক্নোলোজীগী লমদা লৌশিং-গ্যান পীনবা ভারত সরকারনা পায়খৎপা তোপ-তোপ্পা থৌরাংশিংনি। দি ইন্দিয়নইন্সতিত্যুৎ ওফ ইনফোর্মেসন তোক্নোলোজী লোজ(এমেন্দমেন্ত) বিল, ২০২০ অসি লোক সভাদা মার্চ ২০, ২০২০দা পাস তৌখিবনি।
The Indian Institutes of Information Technology Laws (Amendment) Bill, 2020 https://t.co/HpBb3WvkZ0
— Dr. Ramesh Pokhriyal Nishank (@DrRPNishank) September 22, 2020
কেন্দ্রগী এজুকেসন মন্ত্রী শ্রী রমেশ পোখরিয়াল‘নিশঙ্ক’না ইন্দিয়ন ইন্সতিত্যুৎ ওফ ইনফোর্মেসন তোক্নোলোজী লোজ (এমেন্দমেন্ত) বিল অসি ঙসি রাজ্য সভাদা পাস তৌখিবা অসিদা লুচিংবিখিবা অসিগীদমক্তা প্রধানমন্ত্রী শ্রী নরেন্দ্র মোদীগী মফমদা তৌবিমল খংবা উৎখ্রে। সংসদকী মীহুৎশিংবুসু বিল অসি পাস তৌরক্নবা শৌগৎপীকিবগীদমক্তা থাগৎপা ফোংদোকখি। বিল অসিনা লৈবাক অসিদা মখোয়গী ইনোভেতিব ওইবা অমসুং অফবা মেথদশিংদগী ইনফোর্মেসন অমসুং তেক্নোলোজী অসিবু তম্বদা শৌগৎনবা আই.আই.আই.তি.শিংবু পুক্নিং থৌগৎকনি হায়না শ্রী পোখরিয়ালনা ফোংদোকখি।
ইন্দিয়ন ইন্সতিত্যুৎ ওফ ইনফোর্মেসন তোক্নোলোজী লোজ (এমেন্দমেন্ত) বিল, ২০২০ পাস তৌবা অসিনা ২০১৪ অমসুং ২০১৭ অসিগী মরুওইবা এক্তশিং অসি শেমদোক্কনি। বিল অসিনা সুরত, ভোপাল, ভগলপুর, অগর্তলা অমসুং রাইচুরদা লৈরিবা আই.আই.আই.তি.৫ অসি আই.আই.আই.তি.(পি.পি.পি.) এক্ত, ২০১৭গী মখাদা হান্না লৈরম্লিবা আই.আই.আই.তি. ১৫গা লোয়ননা ৱায়েলনা য়াবা মওংদা প্রাইভেৎ-পব্লিক খুৎশম্নবগী মওংদা লৈবাক অসিগী মরুওইবা ইন্সতিত্যুৎশিং ওইনা লাউথোক্লগনি হায়না মন্ত্রীনা হায়খি।
আই.আই.আই.তি. লোজ (এমেন্দমেন্ত) বিল, ২০২০ অসিনা ইন্সতিত্যুৎশিং অসি করিগুম্বা য়ুনিভর্সিতী নত্রগা লৈবাক অসিগী মরুওইবা ইন্সতিত্যুৎ অসিনা থোকখিবগী মতুংইন্না বেচেলর ওফ তেক্নোলোজী(http://B.Tech) নত্রগা মাস্তর ওফ তেক্নোলোজী(http://M.Tech) নত্রগা পি.ঐচ.-দি. দিগ্রী পীনবগী হক লৈগনি হায়না শ্রী পোখরি.য়ালনা মখা তানা ফোংদোকখি। বিল অসিনা ইন্সতিত্যুৎশিং অসি লৈবাক অসিদা ইনফোর্মেসন তেক্নোলোজীগী লমদা রিসর্চ তৌনবগী অকনবা য়ুম্ফম অমা শেমগৎনবগীদমক্তা মথৌ তাবা মশিংগী মহৈরোয়শিংগী মিৎয়েক চিংশিনবদা ঙমহনগনি।
বেকগ্রাউন্দ
- আই.আই.আই.তি.শিং ইনফোর্মেসন তেক্নোলোজীগী লমদা অৱাংবা থাক্কী মহৈ অমদি রিসর্চ তৌনবগী শৌগৎনবগী মিৎয়েং থম্লি।
- অপুনবা মশিং ২০গী অনৌবা নেস্নেল ইনফোর্মেসন তেক্নোলোজী ইন্সতিত্যুৎশিং অসি পব্লিক প্রাইভেৎ ওইনা খৎশম্নদুনা (আই.আই.আই.তি. পি.পি.পি.)গী মওংদা লিংখৎনবগীদমক্তা কেন্দ্রগী মন্ত্রী মন্দলনা ২৬.১১.২০১০দা অয়াবা পীখিবা স্কীমগী মখাদা আই.আই.আই.তি. ১৫ হান্ননা (আই.আই.আই.তি. পি.পি.পি.) এক্ত, ২০১৭ লিখৎখ্রে অদুগা লেমহৌরিবা আই.আই.আই.তি. ৫ অসি মসিগী এক্ত অসিদা হাপচিনগদবনি।
থবক পাংথোকহন্নবগী লাল্লোং অমদি তার্গেৎশিং
হৌজিক্কী ওইবা পুখৎপা ৱাফম অসি সুরত, ভোপাল, ভগলপুর, অগর্তলা অমসুং রাইচুরগী আই.আই.আই.তি.শিং অসি ফোর্মেলাইজেসন তৌবনি। মসিগী আই.আই.আই.তি.শিং অসি হান্ননা ১৮৬০গী সোসাইতী রেজিস্ত্রেসন এক্ত অসিগী মখাদা রেজিস্তর তৌরগা থবক পাংথোক্লি। মখোয়শিং অসি হৌজিক পি.পি.পি.গী মওংদা লিংখৎখিবা অতোপ্পা আই.আই.আই.তি. ১৫গা মান্নবা মওংদা আই.আই.আই.তি. (পি.পি.পি.) এক্ত, ২০১৭গী মখাদা লৈহল্লগনি।
অচৌবা মমিশিং
এক্ত অসিনা পব্লিক প্রাইভেৎ খুৎশম্নবগী মওংদা লিংখৎখিবা ইন্দিয়ন ইন্সতিত্যুৎ ওফ ইনফোর্মেসন তোক্নোলোজী ১৫গা কোন্ননা লেমহৌরিবা আই.আই.আই.তি.-পি.পি.পি. ৫ অসি দিগ্রী পীনবগী পাঙ্গল লৈরবা ওইবগা লোয়ননা ‘লৈবাক অসিগী মরুওইবা ইন্সতিত্যুৎ’ ওইনা লাউথোক্লগনি। মসিনা মখোয়শিং অসি করিগুম্বা য়ুনিভর্সিতী নত্রগা লৈবাক অসিগী মরুওইবা ইন্সতিত্যুৎ অসিনা থোকখিবগী মতুংইন্না বেচেলর ওফ তেক্নোলোজী(http://B.Tech) নত্রগা মাস্তর ওফ তেক্নোলোজী(http://M.Tech) নত্রগা পি.ঐচ.-দি. দিগ্রী পীনবগী হক লৈহল্লগনি। মসিগী ইন্সতিত্যুৎশিং অসি লৈবাক অসিদা ইনফোর্মেসন তেক্নোলোজীগী লমদা রিসর্চ তৌনবগী অকনবা য়ুম্ফম অমা শেমগৎনবগীদমক্তা মথৌ তাবা মশিংগী মহৈরোয়শিংগী মিৎয়েং চিংশিনবা ঙমহনগনি।
বেনিফিসিয়রীশিংগী মশিং
ইন্দস্ত্রী অমসুং শেন্মিৎলোনগী হেনগৎলক্লিবা মথৌ তাবশিং অসিগী ওইনা হৈথোই-শিংথোইরবা তেক্নেলোজীগী থবক তৌবা ঙম্বগী মওং অদু শুনা য়াওবা ওইনা ইন্সতিত্যুৎশিং অসি মহৈ তম্লবা পর্সোনেলশিংগী হৈ-শিংবগী পুলদগী ফংগনি হায়না থাজনরি।
তৌগদৌরিবা রাজ্যশিং/জিলাশিং
রাজ্যশিং: গুজরাত (সুরত), মধ্য প্রদেশ (ভোপাল), বিহার (ভগলপুর), ত্রিপুরা (অগর্তলা), কর্নাতকা (রাইচুর).
ইন্সতিত্যুৎ খুদিংমক নুপা-নুপী, কাংলুপ, লাইনিং-লিচৎ, শোইনাইবা, লৈফম, ফুরুপ, খুন্নাই নত্রগা শেন্মিৎলোনগী ফীভম খাইদনা মীপুম খুদিংমক্কী ওইগনি।
*****
(Release ID: 1658093)
Visitor Counter : 181