ঙসি পার্লিয়ামেন্তনা লৈবাকসিদা লৌউ-শিংউগী লমদা অহোংবা পুরক্নবা অমদি লৌমীশিংগী শেন্থোক হেনগৎহন্নবা পান্দমদা বিল অনি পাস তৌখ্রে‍। লোক সভানা সেপ্তেম্বর ১৭, ২০২০দা পাস তৌখিবা দি ফার্মর্স প্রদ্যুস ত্রেদ এন্দ কম্মর্স (প্রমোসন এন্দ ফেসিলতিসেসন) বিল, ২০২০ অমসুং দি ফার্মর্স (এম্পৱারমেন্ত এন্দ প্রোতেক্সন) এগ্রীমেন্ত ওফ প্রাইস এস্যুরেন্স এন্দ ফার্ম সর্ভিসেস বিল, ২০২০ ঙসি রাজ্য সভানসু পাস তৌখ্রে‍। বিলশিং অদু লোক সভাদা সেপ্তেম্বর ১৪, ২০২০দা এগ্রিকলচর এন্দ ফার্মর্স ৱেলফ্যার, রুরেল দেভেলপমেন্ত এন্দ পঞ্জায়তি রাজকী কেন্দ্র মন্ত্রী, শ্রী নরেন্দ্র সিংহ তোমারনা জুন ৫, ২০২০দা চৎনহনখিবা ওর্দিনান্সকী মহুৎ শিন্দোক্নবা পুথোরকখিবনি‍।

বিলশিং অদুগী মতাঙদা ৱা ঙাঙলদুনা, শ্রী নরেন্দ্র সিংহ তোমারনা হায়খিবদা প্রধান মন্ত্রী শ্রী নরেন্দ্র মোদীগী মখাদা লৈঙাক অসিনা লৌমীশিংদা মখোয়গী পোত্থোক্কী মতিক চাবা মমল ফংহন্নবা, অমদি লৌমীশিংগী শেন্থোক অমসুং পুন্সি মহিং হেনগৎহন্ননবা হৌখিবা চহী তরুকসিদা মরুওইবা ফিরেপ কয়া লৌখ্রে‍। মিনিমম সপ্পোর্ত প্রাইসতা পোৎ লৌশিনবগী থৌওং মখা চত্থখিগনি, মসিগীদমক ইকায়খুম্নরবা প্রধান মন্ত্রী মশামক্না থাজবা পীখ্রে, এম.এস.পি.গী মমলসু ২০১৪-২০২০গী মনুংদা নীংথিনা হেনগৎখ্রে অমদি লাক্লিবা রবি লৌরোক্কী এম.এস.পি. লাক্লিবা চয়োলসিদা লাউথোক্লগনি হায়না মহাক্না অমুক হন্না শেংদোকখি‍। লেজিসলেসনশিং অসিদা লৌমীশিংবু মপুং ফানা ঙাকথোক্নবা ৱাফম য়াওরি হায়না কেন্দ্রগী লৌউ-শিংউ মন্ত্রীনা হায়খি‍।

দি ফার্মর্স প্রদ্যুস ত্রেদ এন্দ কম্মর্স (প্রমোসন এন্দ ফেসিলিতেসন) বিল, ২০২০

মরুওইবা ৱাফমশিং –

অনৌবা লেজিসলেসন অসিনা লৌউ-শিংউগী পোত্থোকশিং লৈবা য়োনবগী মতাঙদা লৌমীশিং অমসুং লল্লোন ইতিক তৌবশিংগী মনীং তমবা ইকোসিস্তেম অমা শেম্লগনি‍।

মসিনা স্তেত এগ্রিকলচরেল প্রদ্যুস মার্কেতিং লেজিসলেসনগী মখাদা লাউথোকখ্রবা কৈথেলগী মফমশিংগী মপান্দা স্তেতশিংগী মরক্তা অমদি স্তেত মনুংদা লল্লোন ইতিক তৌনবদা খোঙলৌ পল্লৌদনা ফীভম অমা শেমগৎকনি‍।

লৌমীশিংদগী মখোয়গী পোত্থোক য়োনবগী সেস নৎত্রগা লেভী অমত্তা লৌরোই অমসুং মখোয়না পোৎ পুথোক পুশিন তৌবগী শেন তিংলোই‍।

বিল অসিনা অপনবা লৈতবা ইলেক্ত্রোনিক্কী লল্লোন ইতিক্কী ফীভম থম্ননবা ইলেক্ত্রোনিক ত্রেদিং ইন ত্রাঞ্জেক্সনগী ফম্পাক অমগী ৱাফমসু পল্লি‍।

কৈথেলশিংগী মথক্তা ফার্মগেত, কোল্দ স্তোরেজ, ৱেয়রহাউস অমসুং প্রোসেসিং য়ুনিৎনচিংবশিংদা লল্লোন ইতিক তৌবগী মনীং তম্বসু পীরি‍।

লৌমীশিংনা হকথেংননা পোৎ য়োনবা ঙমহন্দুনা মরক্তা লৈবশিং লৌথোকখিদুনা মখোয়গী মমল মপুং ফানা ফংহনগনি‍।

চিংনবশিং –

মিনিমম সপ্পোর্ত প্রাইসতা লৌশিনবা লেপ্লগনি

ফার্মগী পোত্থোকশিং এ.পি.এম.সি. কৈথেলশিংগী ৱাংমদা য়োল্লবদি মখোয় মথৌ তৌবা লেপখ্রগনি

ই-নাম গুম্বা লৈঙাক্কী ইলেক্ত্রোনিক ত্রেদিং পোর্তেলগী তুংগী মরাইবক করি ওইগনি

শেংদোকপা-

মিনিমম সপ্পোর্ত প্রাইসতা লৌশিনবা মখা তানা চত্থখিগনি, লৌমীশিংনা মখোয়গী পোত্থোকশিং এম.এস.পি. মমলদা য়োনবা ঙম্লগনি, রবি লৌরোক্কী এম.এস.পি. মথঙ চয়োলদা লাউথোক্লগনি

মন্দিশিং মথৌ তৌবা লেপ্লোই, মথমশিং অসিদা লল্লোন ইতিক হান্নগুম্না মথা চত্থখিগনি‍। অনৌবা থৌওং অসিগী মখাদা লৌমীশিংনা মন্দিশিংগী মথক্তা অতৈ মফমশিংদা মখোয়গী পোত্থোকশিং য়োনবগী খুদোংচাবা ফংলগনি‍।

মন্দিশিংদা ই-নাম ত্রেদিং সিস্তেম মখা তানা লৈখিগনি

ফার্মল প্রদ্যুসশিংগী ত্রেদিং ইলেক্ত্রোনিক ফম্পাক্তা হেনগৎলক্কনি‍। মসিনা হেন্না মনুং মপান ফাওনা উবা হেনগৎহনগনি অমদি মতম চঙবা হন্থহনগনি‍।

দি ফার্মর্স (এম্পৱারমেন্ত এন্দ প্রোতেক্সন) এগ্রীমেন্ত ওফ প্রাইস এস্যুরেন্স এন্দ ফার্ম সর্ভিসেস বিল, ২০২০

 মরুওইবা ৱাফমশিং –

অনৌবা লেজিসলেসন অসিনা লৌমীশিংবু মান্নবা থাক্তা প্রোসেসাশিং, হোলসেল্লরশিং, এগ্রিগেতরশিং, অচৌবা রিতেলরশিং, এক্সপোর্তরনচিংবশিংগা চৎমিন্ননবগী পাঙ্গল হাপকনি‍। লৌমীশিংদা লৌ হুন্দ্রিঙৈ মমাঙদা মমলগী থাজবা পীগনি‍। কৈথেলগী মমল হেনগৎলকপগী মতাঙদা, লৌমীশিংদা মমল অদু মিনিমম মমলগী মথক্তা ফংবা য়াহনগনি‍।

মসিনা কৈথেলগী তম্বা ঙমদবগী খুদোংথিবা ফীভম লৌমীদগী স্পোন্সরশিংদা থৈদোকখিগনি‍। হান্না মমল লেপথোকপনা মরম ওইরগা লৌমীশিংবু কৈথেলগী মমল হেনগৎলকপা অমসুং হন্থরকপদগী ঙাকথোক্কনি‍।

মসিনা লৌমীশিংদা অনৌবা তেক্নোলোজী, হেন্না ফবা মরূ অমসুং অতৈ মচাকশিং ফংবা ঙমহনগনি‍।

মসিনা মার্কেতিংগী মমল হন্থহনগনি অমদি লৌমীশিংগী শেন্থোক হেনগৎহনগনি‍।

মতিং লৈবা য়েৎনবা ৱাফম লোইশিন্নবগী মেকানিজম চপ চাবা মতমগা লোয়ননা পীরে‍।

মসিনা লৌউ-শিংউগী লমদা থিজিন-হুমজিনবগী অমদি অনৌবা তেক্নোলোজী শীজিন্নবগী চাং হেনগৎহনগনি‍।

চিংনবশিং –

কন্ত্রেক্ত ফার্মিংগী মখাদা, লৌমীশিংদা প্রেসর লৈহনগনি অমদি মখোয়না মমল লেপচবা ঙমহল্লোই

অপীকপা লৌমীশিংনা কন্ত্রেক্ত ফার্মিং কমদৌনা তৌবা ঙমগনি, স্পোন্সরশিংনা মখোয়বু তান্থোকপিরক্কনি

অনৌবা থৌওং অসিনা লৌমীশিংদা খুদোংচাদবা মায়োক্নহনগনি

য়েৎনবা ৱাফম লাকপদা, অচৌবা কম্পেনীশিংনা খুদোংচাবা ফীভমদা লৈগনি

শেংদোকপা –

লৌমীশিংনা মখোয়গী পোত্থোকশিংগী মশানা পামজবা মমল লেপচনবগী মপুং ফানা পাঙ্গল লৈগনি‍। মখোয়না য়াম্লবদা নুমিৎ হুম্নিগী মনুংদা শেল ফংগনি‍।

লৈবাক শীনবা থুংনা ফার্মর প্রদ্যুসর ওর্গনাইজেসন ১০,০০০ শেমগৎলি‍। হায়রিবা এফ.পি.ও.শিং অসিনা অপীকপা লৌমীশিং পুনশিন্দুনা লৌফমগী পোত্থোকশিংগী মতিক চাবা মমল ফংননবা থবক পায়খৎকনি‍।

কন্ত্রেক্ত খুৎয়েক পীনরবা মতুংদা, লৌমীশিংনা লল্লোনবা মীওইশিং থিরুবগী মথৌ তাররোই‍। লৈগদৌরিবা কঞ্জুমরশিংনা মখোয়গী পোত্থোক লৌফমদগী হকথেংননা লৌরগদবনি‍।

য়েৎনবা ৱাফম লাকপদা, হঞ্জিন হঞ্জিন ৱায়েলশঙদা চৎপগী মথৌ তারোই‍। লোকেল রিদ্রেসেল মেকানিজম লৈগনি‍।

****